Dr.Shaimaa El Tayb - د.شيماء الطيب

01/05/2022

كل عام و انتم بخير .. عيـــد سعيـــــد 🎈
د.شيماء محمد الطيب تهنئكم بعيد الفطر المبارك 🎈

01/05/2022

كل سنة وأنتم طيبين بمناسبة عيد الفطر المبارك ❤️
تقبل الله منا ومنكم صالح الأعمال
دكتور / شيماء محمد الطيب

25/04/2022

كل سنة وأنتم طيبين 🎊 وبعيد الربيع دايماً مبسوطين ومتجمعين 🥰
- بس ثانية واحدة - ✋
ديماً الدكاترة بيحذروا ويشددوا على أننا ناخد بالنا كويسة جدا من مصدر شراء الرنجة والفسيخ وده لأن الطريقة التحضير والتمليح ليهم بيكون سبب في إحتوائهم على أنواع ضارة جداً من البكتيريا اللاهوائية اللي بتسبب مشاكل كتير سواء للجهاز العصبي أو للجهاز التنفسي وهنا هنسأل سؤال مهم جداً ، هل الرنجة والملوحة والفسيخ يشكلوا ضرر على المرأة المرضعة ؟🤔
في الحقيقة هو أكل السمك المملح للمرضع أو الغير مرضع له شروط بس في البداية لازم أي أم بترضع طبيعي تبقى عارفة أن أي حاجة بتكلها أو بتشربها طفلها بيأخذ نصيبه منها زي مثلاً:
👈 الكافيين الموجود في القهوة أو البيبسي أو الشاي دول بيكونوا سبب في عدم إنتظام النوم عند الرضيع وتيجي الأم تشتكي أن طفلها بيسهر ومش بينيمها وهي بتشوف الأطفال بينموا كويس فهنا بنقولها تعيد النظر في مشروبتها اللي بتشربها .
👈والبصل والثوم واللي بيكونوا سبب في وجود مغص وإنتفاخات دائمة للطفل وهي مش عارفة جياله من فين .
👈 حتى الأطفال اللي عندهم حساسية ألبان أول حاجة الطبيب بيعملها أنه بيمنع الأم من تناول منتجات الألبان بشكل عام .
🔸 طيب بالتالي لو أنتي كأم أكلتي رنجة أو فسيخ أو ملوحة هينزله ده في اللبن اللي بيرضعه ، طيب وده بقى مشاكله إيه !
في البداية كده الفسيخ لا لا لا لا لا ، يعني لو نفسنا جبتنا أننا نأكل فيبقى رنجة وبكمية بسيطة جداً وهقولك بقى على شوية المشاكل اللي هتبقليها علشان نفسك جبتك تأكلي رنجة :
📌طعم اللبن هيتغير وطفلك هيرفض الرضاعة ولو كلتي بصل جنب الرنجة هيبقى في مغص وإنتفاخات عند طفلك .
📌 كمية عالية جدا من الأملاح اللي بتأثر على الجهاز الهضمي والكلى سواء عندك أو عند طفلك وقد تسبب أيضاً الحساسية .
وعلشان كده بنقول يا ريت بلاش ناكل رنجة وفسيخ وخليكي في تلوين البيض المسلوق وكمان تقدري تاكليه .
يشرفني الرد على إستفسارتكم الطبية على رسائل الصفحة بالضغط على اللينك التالي
m.me/drshaimaaeltayb
أو التواصل من خلال أرقامنا 01142590917 – 01010113223 - 01226446633
#دكتور

16/04/2022

الفطام هي مرحلة طبيعية للطفل بينتقل من إعتماده التام على الرضاعة الطبيعية إلى مصادر الطعام الأخرى
وهنا لازم نوضح لبعض الامهات ان كلمة فطام مش معناها منع اللبن تماما لان فيه خلط عند كتير من الامهات ف الموضوع ده
و كتير من الأمهات بيبقوا مش عارفين أيه أفضل وقت وطريقة للفطام علشان كده هعرض عليكم بعض الإستفسارات اللي بتجيلي وهرد عليها من خلال سؤال وجواب .
🔸 أبني عنده خمس شهور وابن اختى الدكتور دخله اكل من عمر اربع شهور هو انا كده اتاخرت؟
وامتى أقدر أدخله أكل مع الرضاعة الطبيعية ؟
👈 أتفق الكثير من الجمعيات والمنظمات العالمية للصحة أن أكثر عمر مناسب للطفل أبتدي فيه أدخله أكل مع الرضاعة هو عمر الـ 6 شهور وده لأسباب كتير:
من اهمها ان يكون ادرار اللبن الطبيعي استقر وميتاثرش قوى بالعوامل الخارجية من نقص عناصر غذائية ونقص ترويه بشكل كبير زى اول كام شهر
قبل الشهر السادس بيكون انزيمات الهضم مش مكتملة والطفل لو الام مش متبعه نصايح الطبيب ممكن تتسبب في انتفاخات ومغص للطفل
طب امتى ممكن ادخل اكل قبل ٦شهور
لو
1. وزن طفلك زاد وابتدى احتياجاتة تزيد والرضاعة الطبيعية لا تشبعه .
2 . طفلك بدأ يجلس لوحده وبدأ يحرك رأسه ورقبته بثبات (يصلب راسه)
3. إهتمام طفلك بتناول الأطعمة الصلبة معاكم، وفتح فمه .
4. بدء وضع ومص يديه واصابعه وألعابه في فمه .
🔸 في بعض شركات الأغذية الخاصة بالأطفال بيسوقوا لمنتجات خاصة بالأطفال الرضع أصغر ن عمر الـ 6 شهور ؟
👈 لا ينصح تماما بأي نوع من مصادر الطعام قبل ال 6 شهور الا باستشارة طبيب
📌 نيجى بقي للفطام الكلي
🔸 هل الفطام الكلي بيتم بالتدريج ولا بيتم مرة واحدة على عمر السنتين ؟
👈 الفطام طبعا لازم يتم بالتدريج أبتداء من بعض الأطعمة اللينة سهلة البلع والهضم وبالتدريج حتى يتم إيقاف الرضاعة تماما في عمر السنتين وده برضوا مهم جدا للأم علشان تتجنب إلتهابات الثدي وتحجر اللبن داخل الثديين .
🔸 أبني وصل سنة ونص ولسه بيرضع طبيعي فقط وأطلب مني أعمله تحاليل ولقيت عنده نقص في الكثير من الفيتامينات والمعادن ؟
👈 يتفطم فورا في فترة لا تتجاوز الأسبوعين علشان يعوض اللي فاته مع وجود فيتامينات مناسبه لوضعه الصحى .
🔸 هل الصيف أفضل أم الشتاء للفطام ؟
👈 تعتبر فترات الشتاء أفضل لفطام الطفل إذ أن حرارة الصيف ترتبط عادة باضطرابات في المعدة والأمعاء لدى الرضع وهي كفيلة بتعكير مزاج الطفل .
🔸 أيه أهم النصائح اللي لازم أخد بالي منها قبل ما أبدأ فطام ؟
👈 الأهتمام بإحتضان طفلك لتعويض التلامس الجسدي الذي يحدث أثناء الرضاعة .
👈 نوم الطفل على السرير خاص به للتعود على النوم دون مساعدة الرضاعة .
وهنبقي نناقش الامر فيما بعد باستفاضه اكتر 😊🌹
يشرفني الرد على إستفسارتكم الطبية على رسائل الصفحة بالضغط على اللينك التالي
m.me/drshaimaaeltayb
أو التواصل من خلال أرقامنا 01142590917 – 01010113223 - 01226446633
#دكتور

11/04/2022

09/04/2022

أنا طفلي بيرضع هو أنا أقدر أصوم ؟
هي الأم اللي بترضع ممكن تصوم في رمضان ولا لأ ؟
أنا أبني عنده 6 شهور وأبتديت أدخله أكل في وجباته هو أنا كده أقدر أصوم ؟

أستفسارات كتير بتجيلي وعلشان تفهمي معايا الموضوع خلينا نتفق مع بعض على بعض الثوابت:
🔸 الأم اللي بترضع في الطبيعي بتحتاج من 500 إلى 700 كالوري زيادة علشان تحافظ على إدرار اللبن وتكوينه المناسب لطفلها علشان تضمن صحة الطفل وسلامته ونموه المناسب 💪 .
🔸 جميع التوصيات من منظمة الصحة العالمية بتقول أن الأم اللي بترضع ممكن تصوم مع الحفاظ على بعض التعليمات الهامة أثناء صيامها .
🔸 عمر الطفل بيفرق كتير في قرار أني أنصحك بأنك تصومي أو تفطري لأن الطفل اللي بيعتمد بس على الرضاعة الطبيعية بيكون قرار صيام الأم أصعب غير الطفل اللي بياخد لبن صناعي 🍼 أو أبتدى يدخله وجبات أكل 🥗 مع الرضاعة الطبيعية هنا بيكون قرار الصيام أسهل بكتير لأن الطفل مبيتأثرش بالصيام .
🔸 في فرق بين الأم اللي بتاكل بشكل طبيعي وبين الأم اللي بتصوم ، الأم اللي بتصوم بيكون اللبن بتاعها فيه اللكتوز (سكر اللبن) والفسفور نسبتهم قليله وعلى العكس بيكون البروتينات والكالسيوم نسبهم عالية وبتكون نسب الدهون تقريبا ثابتة وده طبعا بيأثر على شهية الطفل ومدى إحساسه بالشبع بعد الرضاعة وعلى معدلات نموه خلال شهر رمضان كله .

طيب لو الأم قررت الصيام فنلتزم ببعض التوصيات الهامة أثناء ساعات الصيام:
1 - الراحة 🛌 قدر المستطاع للحفاظ على سلامة الجسمانية بتاعتها بما يضمن أنها تبقى كويسة بعد الفطار فتقدر ترضع طبيعي.
2 - تزود عدد مرات الرضاعة الطبيعية أثناء ساعات الفطار وده علشان تعوض عدد ساعات الصيام وكمان تقدر تحافظ على إدرار اللبن وتكوينه 🤱.
3 - الحفاظ على شرب كميات مياه كبيرة بشكل منتظم أثناء ساعات الفطار .
4 - الحفاظ على تناول وجبة كل ثلاث ساعات ما بين فترة الفطار وفترة السحور علشان تقدر تأخد منها الفيتامينات والمعادن اللي هي محتاجها للحفاظ على اللبن وكمان الصحة العامة بتعتها أثناء فترة الصيام .
5 - الإهتمام بتناول الخضروات والفاكهة الغنية بالمياه والألياف .🍌🥒🍇🍉
6 - مراقبة اللبن ولو حست أن الصيام هيأثر على إدرار اللبن أو تكوينه تفطر فوراً .
7 - مراقبة وزن الطفل ونشاطه وعلامات الجفاف خاصة لو الصيام في أشهر الصيف .
8 - مراقبة بول الطفل وكميته ولونه .
📌 وفي النهاية ربنا أعطى للمرأة رخصة للفطر لو خافت علي طفلها فمتحاربيش في شيء انتي عندك فيه رخصه بشكل يضرك او يضر طفلك .
يشرفني الرد على إستفسارتكم الطبية على رسائل الصفحة بالضغط على اللينك التالي
m.me/drshaimaaeltayb
أو التواصل من خلال أرقامنا 01142590917 – 01010113223 - 01226446633
#دكتور

01/04/2022

ＲＡＭＡＤＡＮ ＫＡＲＥＥＭ 🌙
د.شيماء محمد الطيب تهنئكم بحلول شهر رمضان المبارك 🌙