What are the opening hours?

Monday 1pm - 9pm Tuesday 1pm - 9pm Wednesday 1pm - 9pm Thursday 1pm - 9pm Saturday 1pm - 9pm Sunday 1pm - 9pm

https://instagram.com/physioedge_clinic?igshid=ZDdkNTZiNTM%3D

PhysioEdge Clinic, 65 شارع عبد العظيم وزير, Nasr City (2025)

18/05/2023

العلاج الطبيعي هو أأمن طريق تتخلص فيه من الوجع
احجز كشف إفهم بالتفصيل سبب الألم وطرق علاجه.

للحجز والإستفسار
1023067858

02/03/2023

Relief your pain 📌

‎للحجز والاستفسار

0102 3067858

#علاج #التجمع

29/09/2022

الحمل ومشاكل السكر Pregnancy and Diabetes

ممكن الأم يكون عندها سكر أصلا قبل الحمل وقد تُصاب بالسكر أثناء الحمل ويُسمى سكر الحمل.

سكر الحمل بينتهى لوحده مع نهاية الحمل والولاده وترجع الأم لطبيعتها معندهاش مرض السكر لكن تقريبا 10% من الأمهات اللى جالهم سكر حمل بيجيلهم مرض السكر من النوع التانى بعد انتهاء الحمل.

سبب سكر الحمل إن المشيمه فى الرحم تفرز مواد تؤثر على آداء جزر لانجرهانز فى البنكرياس وبالتالى يتأثر أداء الإنسولين وعملية التوازن للسكر فى الدم والخلايا وطبعًا السكر بينتقل من دم الأم للجنين وقد يؤثر عليه سلبًا.

عشان كده لحماية الأم والجنين لازم نسيطر على مستويات السكر أثناء الحمل لتجنب أى مُضاعفات سيئه وده بيتم ب3 طرق مع بعض :

1- جرعات إنسولين بيحددها دكتور النسا ومع المتابعه المستمره معاه.

2- برنامج غذائى مع دكتور العلاج الطبيعى بنقلل فيه كمية الكارب والدهون خصوصا المُشبعه ونزود بعض البروتينات والفيتامينات والمعادن خصوصا الكالسيوم والحديد.

3- برنامج تمارين علاجيه لتحسين أداء الإنسولين وتقليل مستويات السكر وده بيخلينا نقدر نقلل جرعات الإنسولين مع الوقت وطبعا التمارين تحت إشراف دكاترة العلاج الطبيعى لأن بعض الحوامل قد تؤذيها التمارين.

تواصلى معانا عشان تحققى تجربة حمل آمنه ومُريحه ليكي ولطفلك💙

#ولادة #علاج #السكر #السكري #الحمل

12/09/2022

الحمل ومشاكل إرتفاع الضغط
Pregnancry and Hypertension

إرتفاع الضغط هو أشهر مشكلة ممكن تُصيب الحوامل.

ممكن تكون إرتفاع للضغط وحده أو يكون معاه نزول بروتين فى البول وتورم فى الأرجل وزيادة وزن وأصعب درجه يكون معاهم نوبات تشنج وصرع.

من علامات وجود مشكلة ضغط الصداع المستمر وترجيع وألم فى البطن ومشاكل نظر وتورم الأرجل وساعتها لازم نتواصل مع الدكتور بتاعنا.

الهدف إننا نسيطر على المشاكل دى خلال فترة الحمل ونقللها لأنها مش هتنتهى بشكل كامل إلا بالولادة.

برنامج العلاج الطبيعى بيكون فعّال جدًا فى تقليل الورم وتقليل الضغط وتخصيص نظام غذائى لتعويض فقد البروتين والسيطرة على الوزن ومعاه تمارين إسترخاء وتمارين علاجيه تانيه بيتحدد نوعها وشدتها حسب كل أم بعد تشخيص دكتورة العلاج الطبيعى.

تواصلى معانا عشان تعدى مرحلة الحمل بأمان وراحه ليكى ولطفلك💙

#ولادة #الضغط

10/09/2022

نصائح بخصوص حقائب الظهر للأطفال والكبار

شنط الضهر التقيله أو اللى تصميمها غلط ومش مناسب ممكن تسبب آلام ظهر للأطفال وتقوس للفقرات الصدريه (حُداب) وآلام كتف ورقبه وعدم توازن بين عضلات نصين الجسم اليمين والشمال.

هنتكلم الأول عن وزن الشنطه المناسب حسب نصايح المنظمه الأمريكيه للعلاج الطبيعى APTA
-لو وزن طفلك 27 كيلو يبقى لازم وزن شنطته لا يتعدى 2.3 كيلو.
-لو وزن طفلك 27 - 34 كيلو يبقى وزن شنطته لا يتعدى 4.8 كيلو.
-لو وزن طفلك 34 - 45 كيلو يبقى وزن شنطته لا يتعدى 6.8 كيلو.

والمنظمه بتقول مينفعش أى حد كبير أو صغير يشيل شنطه ظهر أتقل من 11.5 كيلو.

لازم الشنطه تكون بحزامين للكتف ويلبس الإتنين والحزام يكون عريض ومبطن وظهر الشنطه يكون مُبطن برضو والشنطه نفسها مُصنعه من مواد خفيفه ويكون فيها حزام للصدر واصل بين حزامين الكتف وحزام كمان للوسط وكل ده عشان يعمل توزيع كويس للوزن ويقلل الحمل عن الكتف.

عشان صحتكم تهمنا إبعتيلنا صور شنطة إبنك وهو لابسها عشان نديلك نصايح إذا كانت مناسبه ليه أو ممكن تسببله أذى مع الوقت ومحتاج يغيرها بشنطه أفضل.

#علاج

03/09/2022

مرض الشلل الرعاش Parkinson's disease

هو مرض يصيب الجهاز العصبى ويؤثر على الحركة ويعتبر تانى اكتر أمراض الاضطرابات العصبية انتشارا عند كبار السن.

●الشلل الرعاش ملوش سبب معروف لحد دلوقتى لكن فيه بعض العوامل تزود من خطر الاصابه زى:
خلل جينى، زيادة معدلات أول أكسيد الكربون، إلتهاب فى أنسجة المخ، زيادة بعض المعادن فى المخ، وجود مرض الزهايمر.

●أهم أعراضه:
- تبدأ اعراض مرض الشلل الرعاش تدريجياً ويبدأ المرض غالباً برعشه تكاد تكون غير محسوسة وغير مرئية ايضاً وتزداد مع زيادة شدة المرض وتكون فى فترة الراحة وتختفي مع الحركة او النوم.
- البطء في الحركه.
- تصلب العضلات وفقدان مرونتها.

●العلاج: على الرغم من انه مرض ملوش علاج لحد دلوقتى لكن فيه أدوية بتحسن الأعراض بشكل كبير.

●العلاج الطبيعى ليه دور مهم:
- بيزود أداء العضلات وقوتها ومرونة الحركه والتحكم وده بيبطأ من تدهور المريض وزيادة الرعشه.
- يساعد المرضى انهم يعملوا مهامهم اليومية ويعتمدوا على نفسهم.
- بنستخدم أساليب عصبيه زى المُراجعه البصريه وتحفيز المخ بالأوامر اللفظيه وإستثارة العضلات الضعيفه وغيرها.

تواصل معانا لو عندك المرض وافهم اكتر عن خططنا العلاجيه لتحسين حياتك اليوميه💙

#الشلل #شلل #

31/08/2022

إزاى تظبط مكان شغلك فى البيت أو مكان المذاكره لإبنك

الدراسه والشغل الأونلاين من البيت بقت جزء أساسى من حياتنا وعشان نحافظ على جسمنا ومنتعبش كل شويه من وجع الرقبه والظهر لازم نهتم بشوية حاجات :

-لازم تغير وضعك كل فتره وتقوم تتحرك وتفك جسمك كل نص ساعه حتى لو كنت قاعد صح.

-الكرسى يكون إرتفاعه مناسب ورُكبتك من ورا متكونش مزنوقه فى حافة الكرسى، إستخدم مخده ورا ضهرك، ورجلك واصله ومريحه على الأرض.

-لو بتشتغل على شاشه لازم تكون فى النص قدامك مباشرة وحافة الشاشه اللى فوق عند مستوى نظرك بالظبط، والمسافه بينك وبين الشاشه هى طول دراعك (إلا لو عندك مشاكر نظر معينه) وتقلل إضاءة الشاشه.

-خلى الكيبورد والماوس على نفس مستوى بعض وقربهم منك عشان متتعبش الكتف والرقبه، متخليش إيدك مزنوقه على حافة مكتب حاد حط حاجه طريه تحتها زى فوطه مثلا، دايما خلى معصم إيدك فى وضع مُستقيم مش متنى فوق ولا تحت ولا يمين ولا شمال.

ابعتلنا صورة مكتبك وكُرسيك وخلينا نساعدك بشوية تعديلات ونصايح بسيطه إنك تعدل وضعك وتتجنب آلام الضهر والرقبه والكتف والإيد💙

24/08/2022

ألم على إمتداد الساق Shin splint

وجع فى الجزء الداخلي من قصبه الرجل مع احتماليه وجود تورم خفيف في نفس المكان وده شائع عند الرياضيين باختلاف نوع الرياضه وعند المجندين العسكريين.

بيظهر الام بسبب ضغط دائم على الانسجه المحيطه بعظمه القصبه و العظم نفسه وزياده المجهود ومده التمرين عن اللازم، وبيقل الالم مع الراحه، لكن لو تجاهلت المشكله الالم هيبقى مستمر وممكن يسبب ضرر للعظم نفسه و يعمل كسور تسمى stress fractures.

زيارتك لدكتور العلاج الطبيعي مهمه، لانه هيقوم بتحليل حركتك و وضع رجلك على الارض مع كل حركه وهيعدل أسلوب جريك وحركتك مع نصايح للحذاء المناسب واللعب علي ارضيه مستويه مع استخدام دعامات او الفرشات الطبيه وده حسب ان قدمك مسطحه او متقوسه بزياده.

إستخدام العلاج اليدوى والاجهزه الكهربائية وتمارين الاطاله والتقويه اللى بتركز على عضلات معينه للإصابه دى، للرجوع لممارسه الحياه الطبيعيه زي الاول بدون ألم.

22/08/2022

تكيس المبايض Polycystic o***y syndrome

هو إختلال هرمونى يُصيب 8-12% من النساء فى سن الخصوبه وفيه بيزيد إفراز الأندروجين ودوره غير منتظمه وتتكون أكياس داخل المبيض.

سببه الأساسى غير مُحدد لسه لكن يُعتقد إن مقاومة الإنسولين ليها دور كبير فى ظهوره ومعاها عوامل وراثيه وخلل هرمونى.

من أعراضه دوره غير منتظمه عددها أقل من الطبيعى ونمو شعر غير مرغوب فيه وحب الشباب والمرض ده من أهم مُسببات العقم.

المرض ممكن يسبب بعد كده مرض السكر وسكر الحمل وإرتفاع الضغط وإكتئاب وزياده عاليه فى الوزن وأخيرا كانسر لاقدر الله.

طبعًا بعد التشخيص بيبدأ برنامج علاج دوائى للتعامل مع مشاكل الانسولين واستعادة توازن الهرمونات والعقم، ومعاه لازم برنامج علاج طبيعى لتغيير عادات ونمط الحياه (السلاح الأهم فى مواجهة المرض) لحل مشاكل الوزن والسكر والضغط والإكتئاب والإنتاج الهرمونى وأداء مفاصل الحوض وعضلاته وده بيتم بنظام غذائى وتمارين علاجيه والتوقف عن العادات المُضره.

تواصلى معانا لو حاسه إن فيه مشكله عشان نوصفلك المسار الطبى الأفضل ليكى وتطمنى💙

#تكيس

18/08/2022

مرض الزهايمر Alzheimer's disease

هو مرض فقدان الذاكرة وفقدان اغلب المهام اليومية. أسبابه غير معروفه لحد دلوقتى لكن فيه عوامل تُزيد من خطورة الاصابة زى التقدم فى العمر، الجنس حيث يُصيب السيدات اكثر من الرجال، قلة عدد النواقل العصبيه، الإصابه ببعض الفيروسات، زيادة نسبة بعض المعادن فى المخ زى الألومونيوم.

●مراحل المرض:
مريض الزهايمر يمر ب 3 مراحل:

المرحلة الاولى: ودي بيبدأ فيها المريض ميلاقيش الألفاظ ويحس إنه صعب عليه يتكلم ويشعر بالحزن عشان حاسس إن فيه حاجة بدأت تحصل في الذاكره، والمرحلة دى بتستمر من سنة ل ٤ سنوات.

المرحلة التانية: وهنا بيحتاج المريض حد يساعده فى قضاء مهامه الشخصية زى الطعام والاستحمام وأيضاً يعانى من اضطرابات النوم وهنا يقع العبء الأكبر على الاهل أو الشخص المُساعد وبتستمر المرحلة دى من ٨ سنوات إلى ١٠ سنوات.

المرحلة التالتة: وهنا بيفقد المريض قدرته على التغذية حتى لو الشخص المُساعد حاول يأكله فهو لا يستطيع البلع أان برنامج تحريك المضغ والبلع لم يعد يعمل على الرغم من إن العضلات المسئوله عن البلع سليمة وهنا يبدأ المريض يقعد في السرير فترات طويله وبتستمر المرحلة دي حوالى سنتين وبعد كده تتدهور حالة المريض وبتزيد مُعدلات الوفاه.

●العلاج: الزهايمر مرض ملوش علاج نهائى لسه للأسف لكن فيه بعض الأدوية تساعد المريض مثل ( tacrine and donepezil ) لكن متاخدش أي دوا إلا بعد استشارة الدكتور المُختص.

●العلاج الطبيعي ليه دور مهم:
-زيادة وظائف المريض والحفاظ عليها لفترات أطول وتأخير تطور مراحل المرض للأسوأ ويخلوا المريض يعتمد على نفسه فى البيت.
-يمدوا أهل المريض بمعلومات مهمه عن المرض وكيفية التعامل معاه مع تطور مراحل المرض.
-اقتراح تعديلات بسيطه فى بيئة المريض أوضة نومه والحمام والمطبخ وسلالم البيت وغيره عشان يسهلوا وظايفه.
فيه أبحاث أثبتت وجود نتائج إيجابيه وإستجابه أفضل لخلايا المخ بعد الاستمرار على برنامج تمارين علاجيه وتمارين للذاكره مع برنامج غذائى خاص.

#الزهايمر

PhysioEdge Clinic

18/05/2023

02/03/2023

29/09/2022

12/09/2022

10/09/2022

03/09/2022

31/08/2022

24/08/2022

22/08/2022

18/08/2022

Address

Opening Hours

Telephone

Website

Alerts

Shortcuts

Share

Category

Monday	1pm - 9pm
Tuesday	1pm - 9pm
Wednesday	1pm - 9pm
Thursday	1pm - 9pm
Saturday	1pm - 9pm
Sunday	1pm - 9pm