What are the opening hours?

Monday 2pm - 8pm Tuesday 2pm - 8pm Wednesday 2pm - 8pm Saturday 2pm - 8pm Sunday 2pm - 8pm

Panorama Scan

Home
Egypt
Nasr City
Panorama Scan

We provide state-of-the-art ultrasound and Doppler in maternal-fetal medicine and gynecology.

23/07/2025

ألم مفاجئ وحاد في أسفل البطن؟
ما تهمليش الإحساس ده… ممكن يكون التواء في المبيض – Ovarian Torsion
وهي حالة طارئة ممكن تؤدي لفقدان المبيض لو ما اتلحقتش بسرعة.

بتحصل لما المبيض يلف حوالين الأربطة الداعمة ليه، وده يوقف تدفق الدم عنه تمامًا.

السونار دوبلر هو المفتاح للتشخيص السريع:
• بيقيس تدفق الدم للمبيض
• بيكشف إذا في كيس أو كتلة مسببة الالتفاف
• بيساعد في اتخاذ قرار التدخل الجراحي فورًا

كل دقيقة بتفرق… الكشف بدري ممكن ينقذ المبيض ويمنع المضاعفات.

لو عندك ألم مفاجئ، خصوصًا لو عندك كيس على المبيض أو بعد تنشيط التبويض، اتوجهي فورًا للفحص.
#بانوراماسكان #فحص #سونار

19/07/2025

بتعاني من آلام شديدة أثناء الدورة؟ ألم مستمر في الحوض؟
مش لازم تكوني حامل علشان تعملي سونار!

بطانة الرحم المهاجرة (Endometriosis) من أكتر الأمراض النسائية اللي بتأثر على حياة المرأة، وممكن تسبب:
• ألم مزمن
• اضطرابات في الدورة
• تأخر الحمل

السونار بيساعدنا نشوف بعض علامات بطانة الرحم المهاجرة بوضوح، خاصة لما تكون الحالات عميقة أو متقدمة.

✅ بنقدر نلاحظ:
• أكياس الشوكولاتة على المبايض (endometriomas)
• التصاقات
• تغيرات في شكل المبيض أو الرحم

كل ما اكتشفنا الحالة بدري، كل ما زادت فرص العلاج وتقليل الألم وتحسين الخصوبة.

لو بتحسي بأعراض مش طبيعية… ماتأجليش الفحص.

#بانوراماسكان #فحص #سونار

10/07/2025

حامل في توأم؟ خلي بالك من TTTS!

في حالة نادرة ممكن تحصل في بعض حالات التوأم اسمها
“متلازمة نقل الدم بين التوائم - Twin-to-Twin Transfusion Syndrome (TTTS)”

بتحصل لما يكون في مشيمة واحدة بيغذيها طفلين، لكن الدم ما بيتوزعش بالتساوي بينهم.

⚠️ النتيجة؟
توأم بياخد دم أكتر من اللازم وبيبقى تحت ضغط عالي
والتاني بياخد أقل وبيبقى نموه أبطأ أو معرض لمضاعفات خطيرة

السونار باستخدام Doppler هو الوسيلة الأساسية اللي بتساعدنا نكتشف الحالة بدري وننقذ الجنينين قبل فوات الأوان.

الكشف الدوري في الحمل بتوأم مش رفاهية… ده إنقاذ حياة!

#السونار #سونار #فحص #توعية

07/07/2025

تعوفي أن في تكيسات مبيض ممكن تكون موجودة من غير أي وجع أو أعراض؟

مش كل تكيس بيسبب ألم أو اضطراب في الدورة…
في نوع بنسميه “تكيس صامت”، يعني بيكون موجود وانتي مش حاسة بأي حاجة!

السونار هو الوسيلة الوحيدة اللي بتكشف وجوده بدقة، حتى لو مافيش أي أعراض.

بنكتشفه غالبًا أثناء:
• الفحص الروتيني للسيدات
• المتابعة بعد تأخر الحمل
• أو أثناء الكشف لأي سبب تاني

مهم جدًا تعملي فحص دوري… لأن في تكيسات ممكن تكبر أو تسبب مضاعفات من غير ما تحسي.

متأجليش السونار النسائي… صحتك تستاهل الاهتمام!

#فحص #سونار #توعية

18/06/2025

إمتى السونار يقدر يبين الحمل؟
لو لسه عاملة تحليل حمل وطلع إيجابي، أكيد نفسك تطمني وتشوفي البيبي! تعالي نعرف إمتى السونار فعلاً يقدر يوضح وجود الحمل👇

أول حاجة:
السونار المهبلي بيقدر يكشف كيس الحمل من الأسبوع الخامس تقريبًا (يعني بعد 1-2 أسبوع من تأخر الدورة).

🟣 كيس الحمل (Gestational sac):
يبدأ يظهر في السونار المهبلي من الأسبوع 4.5 - 5
لكن عشان نتأكد إن الحمل طبيعي ومكانه في الرحم، بنستنى لحد ما يكون حجمه واضح.

👶 كيس المح (Yolk sac):
يبدأ يظهر من الأسبوع 5.5 تقريبًا، وده علامة مطمئنة إن الحمل بيتطور كويس.

طيب بالنسبه لنبض الجنين؟
ممكن نسمعه من الأسبوع السادس إلى السابع باستخدام السونار المهبلي، لكن مش دايمًا يبان بدري، فمفيش داعي للقلق لو لسه مبانش.

السونار البطني؟
بيحتاج الحمل يكون أوضح، فغالبًا مبيظهرش قبل الأسبوع السادس أو السابع.

📌 نصيحة مهمة:
لو لسه بدري، الأفضل تنتظري على الأقل لحد الأسبوع السادس قبل السونار، عشان تطمني ويكون فيه حاجة واضحة في السونار

#الجنين #توعية #حامل #سونار #فحص #حمل #متابعةالحمل

15/06/2025

إيه هو الـ Dating Scan وإمتى نعمله؟

لو انتي حامل ولسه في أول الشهور، فالسونار اللي بيتعمل في أول الحمل اسمه Dating Scan أو “سونار تحديد عمر الجنين”، وده بيكون من أهم الفحوصات!

بيتم بين الأسبوع 8 و 14 من الحمل.

🌟 الهدف منه:
• تحديد عمر الجنين بدقة.
• حساب تاريخ الولادة المتوقع (Due Date).
• التأكد إن الحمل داخل الرحم ومفيش حمل خارج الرحم.
• متابعة نبض الجنين وسلامته.
• معرفة إذا كان فيه جنين واحد أو توأم.

بيبقى أول سونار مهبلي لو الحمل بدري جدًا، وبعد كده بيتحول لسونار على البطن.

الفحص ده مهم جدًا وبيطمنك إن كل حاجة ماشية تمام في أول مشوار الحمل.

#الجنين #متابعةالحمل #فحص #سونار #توعية #حمل #حامل

05/06/2025

كل عام وأنتم بخير.
عيد أضحي مبارك 🤍

#الجنين #متابعةالحمل #فحص #عيد #عيدالاضحي 🐑_وكل_عام_وانتم_بخير❤️

03/06/2025

إمتى بنقدر نسمع نبض الجنين بالسونار؟

النبض عادة بيبدأ في الجنين من الأسبوع السادس من الحمل، لكن مش دايمًا بيكون واضح في السونار في الوقت ده.

بالسونار المهبلي:
ممكن نسمع أو نشوف نبض الجنين من الأسبوع السادس او السابع تقريبًا.

بالسونار البطني:
غالبًا بيكون أوضح من الأسبوع السابع أو الثامن.

💡 ملاحظة مهمة: لو ماقدرناش نسمع النبض بدري، ده مش دايمًا معناه إن في مشكلة. أحيانًا الحمل بيكون أصغر من المتوقع أو التوقيت مش دقيق.

✨ علشان كده، المتابعة المنتظمة مع الطبيب مهمة جدًا في أول شهور الحمل، علشان نطمن على النمو والنبض وكل التفاصيل.
#حامل #الجنين #حمل #فحص #سونار #متابعةالحمل #توعية

27/05/2025

من أول لحظة بتعرفي إنك حامل، طبيعي تبتدي تتخيلي البيبي وهيبقى ولد ولا بنت؟

بس إمتى فعليًا تقدري تعرفي نوع الجنين بطريقة طبية مؤكدة؟

✨ في الأسبوع الـ 16 لـ 18 من الحمل
بالسونار، الدكتور يقدر يحدد النوع بنسبة دقة عالية، بشرط إن البيبي يكون واخد وضع واضح.

👶 في بعض الحالات ممكن يُعرف النوع من الأسبوع ال14
لكن الدقة بتكون أقل، علشان كده الأفضل تستني للسونار الاسبوع ال18 لدقه أفضل.

#حمل #الجنين #فحص #متابعةالحمل #سونار #حامل

22/05/2025

لما الدكتور يقولك إن الحمل عالي الخطورة، طبيعي تحسي بقلق وخوف..
بس الحقيقة إن المتابعة المنتظمة بالسونار بتفرق جدًا في حماية صحتك وصحة البيبي.

السونار مش بس صورة.. هو وسيلة نطمن بيها على:
• نمو الجنين ووزنه
• وضع المشيمة والسوائل حوالين البيبي
• معدل ضربات قلب الجنين
• أي علامات ممكن تنبهنا لاحتياج المتابعة الخاصة أو تدخل طبي مبكر

لو حملك فيه أي من الحالات دي:
• حمل فوق سن الـ35
• سكري أو ضغط دم عالي
• تاريخ إجهاض أو ولادة مبكرة
• توأم أو أكثر
• مشاكل سابقة في الحمل

يبقى السونار الدقيق مع متابعة مستمرة ضروري لحماية صحتك وصحة الجنين

#متابعةالحمل #حمل #سونار #فحص #الجنين #حامل #توعية

19/05/2025

لو بتخططي للحمل أو بتستني خبر حلو، خدي بالك من العلامات دي:

🔹 تأخير الدورة الشهرية
أكتر علامة واضحة، خاصة لو دورتك منتظمة.

🔹 تقلصات خفيفة أو مغص بسيط
شبيه بمغص الدورة، بس ممكن يكون بسبب انغراس البويضة.

🔹 ألم أو انتفاخ في الصدر
الصدر بيكون أنعم أو أنشف من الطبيعي، ويحصل فيه تغيرات.

🔹 تعب وإرهاق
ممكن تحسي إنك مرهقة على غير العادة حتى من غير مجهود كبير.

🔹 غثيان الصباح 🤢
مش شرط يكون الصبح بس، وممكن يبدأ من الأسبوع التاني أو التالت.

🔹 كثرة التبول
تلاقي نفسك بتروحي الحمام كتير عن الطبيعي.

🔹 تغير في حاسة التذوق أو الشم
تشمّي روائح كانت عادية وتحسيها بقت مزعجة جدًا، أو نفسك تتغير في الأكل.

🔹 تقلبات مزاجية
ممكن تبكي فجأة أو تتنرفزي من أقل حاجة، بسبب التغيرات الهرمونية.

📌 ملاحظة: الأعراض دي ممكن تختلف من واحدة للتانية، ولو شاكّة إنك حامل اعملي اختبار حمل منزلي أو روحي للدكتور

#حامل #متابعةالحمل #سونار #حمل #فحص #الجنين

13/05/2025

فحص تشوهات الجنين أهم فحص في منتصف الحمل!

في الأسبوع 18 إلى 22 من الحمل، بييجي ميعاد واحد من أهم الفحوصات اللي لازم كل أم تعملها:
فحص تشوهات الجنين أو الـ Anomaly Scan.

الفحص ده بيتم بجهاز السونار وبيطمنّا على:
• شكل الجنين بالكامل من الرأس للقدمين
• القلب، المخ، الكلي، العمود الفقري، والأطراف
• عدد الأصابع
• وضع المشيمة وكمية السائل الأمنيوسي
• وبيساعد كمان في تحديد نوع الجنين بدقة عالية (لو لسه ما عرفتيش)

ليه الفحص ده مهم؟
لأنه بيكشف عن أي تشوهات خلقية – لا قدر الله – في وقت بدري، وده بيدّي فرصة لتقييم الحالة ووضع خطة متابعة مناسبة أو تدخل طبي لو لزم الأمر.

هل الفحص مؤلم؟
لأ خالص! هو زي أي سونار عادي، آمن 100% على الأم والجنين.

لو إنتِ في الشهر الخامس ولسه ما عملتيش الفحص، احجزي دلوقتي واطمني على صحة البيبي.

#متابعةالحمل #فحص #حمل #سونار #حامل #الجنين #الأمومة #توعية

Address

1 El-Shaheed Fouad Abd El-Hakeem El-Gamal, Manteqet Al Cinema, Nasr City, Cairo Governorate
Nasr City
4450021

Opening Hours

Monday	2pm - 8pm
Tuesday	2pm - 8pm
Wednesday	2pm - 8pm
Saturday	2pm - 8pm
Sunday	2pm - 8pm

Telephone

+201067161656

Website

https://panoramascan.net/

Alerts

Be the first to know and let us send you an email when Panorama Scan posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Panorama Scan:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Nasr City?