Dina Elzokm صيدلية د/دينا الزقم

16/07/2025

تفتكروا يا جماعة الخير لو حصل لحد عدوى وحرارته ارتفعت
دي حاجه حلوه ولا وحشه! 🧐
طيب ايه التصرف الصح في الوقت ده !!
👌👌
انتظروا فيديو للشرح

08/05/2024

ابني عنده نزلة معوية ،، يأكل ايه و ازي ؟!

سؤال مكرر و كل الأمهات بتسأله ،،،، تعالو نتعلم

👈🏼 ابنك لو بيرضع طبيعي .. يبقى هيكمل زي ما هو على الرضاعة الطبيعية ،، مش هنغير حاجة .. حضرتك بس اللي هتمنعي الأكل اللي ممكن يتعب معدتك و معدة الطفل زي الأكل الحراق و منتجات الالبان في بعض الحالات

👈🏼 ابنك لو بيرضع صناعي ،، برضو هيكمل زي ما هو مش هنغير حاجة ،، ازاي يا دكتور بس ؟! طيب و الالبان خالية اللاكتوز اللي الشركات منزلها مخصوص عشان النزلة المعوية ؟؟!

شوفي حضرتك ،، الدراسات لقت ان الالبان دي مش بتحقق اي استفادة و مفيش فرق خالص بينها و بين الالبان العادية ،، حضرتك مش مضطرة خالص تغيري
اللبن وقت النزلة المعوية ،، تكلفة و مشقة بدون داعي

👈🏼 ابنك بيأكل ؟

يبقى خطتنا ان احنا نشتغل في اتجاهين :

1. الاتجاه الاول: ان نعوض السوائل اللي الطفل بيفقدها ،، انسب حاجة للموضوع ده هو محلول الجفاف بس ناخد بالنا مش كل الاطفال هتتقبله .. خصوصا لو مفيش جفاف ،، طيب ايه البديل ؟

البديل في السوايل و العصاير ،، بس العصير اللي نديه لازم تتوفر فيه الشروط دي:
* يكون فريش و الافضل معصور في البيت
* يكون غير مضاف ليه سكر ،،
* يكون من فواكه مش بتزود الاسهال او بتهيج جدار المعدة ،، و افضلهم التفاح - الكمثرى - الجزر - الجوافة - الموز
* يكون مخفف ،، هنخفف العصير ده بنسبة ٤ ل ١ يعني ٤ مقادير مية ل مقدار واحد عصير ،، تمام ؟

2. الاتجاه التاني: ان نبتدي نأكل الطفل ،، بس برضو الأكل ده لازم تتوفر فيه شوية شروط:
* انه يكون ممسك ((يعني مش بيزود الاسهال))
* يكون قليل او خالي من السكريات
* يكون غني بالبوتاسيوم و قليل الصوديوم
* يكون غير مهيج لجدار المعدة
* يكون خالي من الدهون و الزيوت

انسب أكل تتوافر فيه كل الشروط دي بينصح بيع اطباء كتير هو حاجة اختصارها (BRAT)

Banana - Rice - Apple - Toast
الموز - التفاح - الرز - العيش

دي انسب حاجات ممكن نبتدي بيها .. ممكن نضيف ليها الجزر - البطاطس -البسكوت السادة - الكوسة - الخضار المسلوق عموما ،، و طبعا كله مسلوق

✋🏼 تبقى مشكلة واحدة ،، ان الأكل ده مافيهوش تقريبا بروتين ،، فإحنا لازم من تاني او تالت يوم بعد ما الطفل يتقبل الاكل الاولاني ،، ندخل بروتين ،، طيب اي نوع ؟؟

الفراخ و شوربتها ،، مفيش لحوم حمراء لحد ما الدور يعدي من فضلكم 🙏🏼

💊صيدلية د/دينا الزقم
للتواصل
📲01014909496
📲01210036302

26/04/2024

🌳بما اننا بقينا في شهور الربيع ،و زي ما بنسميه شهور الأمراض لأن الربيع بيبدأ فيه و الحساسية تبدأ تطارد أطفالنا😷😷😷😷😷 بسبب انتشار حبوب اللقاح و الأتربة و التقلبات الجوية بين البارد و الحار🍁🍂🌾،طيب عشان الفصل دا يمر بسلام و بأقل خساير ممكنة تعالي نتكلم في الموضوع دا شوية🤗🤗:

⛔أعراض حساسية الربيع للأطفال😷:

🌿سعال جاف.
🌿عطس متكرر.
🌿حكة و سيلان الأنف المائي أو الشفاف.
🌿احمرار و حكة العين المتكرر،خصوصا عند الخروج.
🌿صعوبة التنفس و الشعور بالضيق المستمر.
🌿الصداع في الجزء الأمامي للرأس.
🌿التهاب الجيوب الأنفية في بعض الأحيان.

✅بعض طرق الوقاية من حساسية الربيع🤓:

🌻بلاش نعرض الطفل لتيارات هوائية لأنها بتكون محملة بالأتربة و حبوب اللقاح.
🌻اهتمي بنظافة البيت من كل حاجة خصوصا غسيل هدوم طفلك بعد رجوعه من الحضانة او المدرسة.
🌻حافظي علي تهوية المنزل و تعقيمه بالكنس و مسح الارض بالمياه و تجنب استخدام المنظفات ذات الرائحة النفاذة.
🌻حمي طفلك و اغسلي شعره كويس بعد رجوعه من المدرسة.
🌻قدمي له الاكلات و المشروبات التي تزيد من مناعته.

🔵يعالج الطبيب طفلك من حساسية الربيع علي حسب عمر و حالة الطفل👶، و يجب عليكي المواظبة علي الدواء الذي يصفه لك الطبيب👌،و عدم اعطاء طفلك اي ادوية بدون استشارة الطبيب او الصيدلي✋

لصحة أفضل لطفلك💪👶
ابنك معانا في أمان♥️

💊صيدلية د/دينا الزقم💊
تحت امركم في اي استشاره طبيه
للتواصل
📲01210036302
📲01014909496
☎️0224111096

23/02/2024

👌مساج الجيوب الانفيه👃🏻
لكل من يعاني من حساسية جيوب انفيه مزمنه او التهابات جيوب انفيه موسمية
الحل السحري يكمن في كلمتين
🤥مساج الجيوب الانفيه
😤 الاستنشاق بمحلول ملح او بخار ماء ساخن
وبس كده
اللي عايز يعرف طريقة المساج يكلمنا على ارقام الصيدليه وعليها واتس اب
💊صيدلية د/دينا الزقم💊
معكم في اي استفسار او استشاره طبيه
📍١٥٤ زهراء مدينة نصر
للتواصل☎️
📱01014909496
📱01210036302

09/02/2024

بما ان الفتره دي الدور المنتشر فيه سخونيه وتكسير في الجسم
تعالو اقولكم على جرعات بعض خوافض الحراره المعروفه والاكثر طلبا في الصيدليه
🍼سيتال نقط 🍼النقط دي بتتاخد من سن يوم ل ٦شهور
ودي جرعته نقطتين لكل كيلو من وزن جسم الرضيع
🧃سيتال شرب🧃وده جرعته تساوي وزن الطفل على٤
وزن الطفل/4
والناتج هو ده عدد المل اللي الطفل هياخدها من الدوا
وده بيتاخد من سن ٣شهور
🥤بروفين شرب🥤جرعته وزن الطفل تقسم على ٣
وزن الطفل/٣
والناتج هو عدد المل اللي الطفل هياخدها من الدوا
البروفين بيتاخد بعد سن ٦ شهور
🙏🙏لو عايزين تعرفو جرعات ادويه تانيه ابعتولي وانا تحت امركم
💊صيدليه د/دينا الزقم💊
📍١٥٤ زهراء مدينة نصر
للتواصل
☎️01014909496
☎️01210036302
☎️0224111096

02/02/2024

😮‍💨الكحة الليلية لها ٤ اسباب

👌السبب الأول 😪افرازات الأنف

عندما يصاب طفلك بنزلة برد الكحة بتزيد في الليل لأن الاحتقان في أنف الطفل والجيوب الأنفية يُصّب في الحلق ويسبب التهيج أثناء نوم الطفل على السرير

علاجها غسيل الانف بمحلول ملح
واستخدام بعض مضادات الحساسية زي الزيرتك او التلفاست

👌السبب الثاني

😵😵الخناق والنباح بصوت عالي لفتره طويله
سعال نباح بصوت عالٍ والذي غالبًا ما يزداد سوءًا في أثناء الليل ويودي الي صعووبة بالتنفس وأحيانا ازرقاق

وعلاجك استخدام جلسات الادرينالين مع أدوية الكورتيزون

👌السبب الثالث

😮‍💨😮‍💨الحساسيه الصدرية

يمكن أن يؤدي الربو إلى السعال الليلي لأن الشعب الهوائية تميل إلى أن تكون أكثر حساسية وتصبح أكثر تهيجًا في الليل

علاجك استخدام بخاخات الحساسية الموسعة للشعب زي الفنتال او جلسات الفاركولين

والالتزام بالعلاج الوقائي زي بخاخات الكورتيزون

👌السبب الرابع

🤮الإرتجاع
يميل الأطفال المصابون بالارتجاع أيضًا إلى أكثر عند الاستلقاء بشكل مسطح بسبب خروج محتويات المعدة منها َ ذاك قد يسبب الكحه

علاج الإرتجاع باستخدام أدوية المعدة التي تقلل الحموضه والارتجاع
و دي هعمل ليها بوست لوحدها ان شاء الله
💊صيدلية د/دينا الزقم 💊
📍١٥٤ زهراء مدينة نصر
للتواصل
☎️01014909496
☎️01210036302
☎️0224111096

20/06/2023