03/09/2023
كلنا عارفين اضرار التدخين بشكل عام و اللي مش محتاجين نعيد و نزيد فيها .
اضرارها وصلت ان العلبه نفسها مكتوب عليها بالصور كمان !
نتكلم احنا بقي عن علاقاتها بالاسنان :
١- انت / انتي عرضه للإصابة بسرطانات الفم ٦ اضعاف اكتر من الغير مدخن ! ( فيه دراسه بتقول ان ٩٠% من المصابين بسرطانات الفم من المدخنين )
٢- التعافي هيكون اقل بعد اي جراحه في الفم حتي لو مجرد خلع بسيط !
٣- مشاكل في اللثه ممكن تؤدي الي فقدان الاسنان !
٤- رائحه كريهه في الفم .
٥ - حاسة تذوق اضعف .
مش ناوي / ناويه توقفوا تدخين برده صح ؟!
شوية نصايح تأخر اضرارها علي الاقل :
١- استخدام فرشة اسنان متوسطه .
٢- خيط الاسنان ضروري جدا .
٣- غسول فم .
كومبو التلاته دول ضروري جدا مع بعض علي الاقل مرتين يوميا !
٤- نقلل كافيين و صودا ( التدخين لوحده بيعمل تصبغات ، مش هيبقي تصبغات من كل النواحي ) .
٥- نقلل الحمضيات في الاكل .
٦- زيارة طبيب الاسنان بشكل دوري للاطمئنان علي الصحه العامه للفم و الاسنان .
و اخيرا لو لاحظت اي تقرح او تغير في لون الجلد او تورم او نتوء / تكتل ، حصل في الفم / الوجه / الرقبه استمر اكتر من اسبوعين ، بلاش نهملها و نروح فورا للدكتور ، ممكن تكون انذار نقدر نلحقه ..
< صحتكوا امانه عليكوا ، الاقلاع عن التدخين مش صعب ، انتوا تقدروا لصحه احسن >
مفيش حد مفيش في المحيط بتاعه حد مدخن ، خليكم سبب في محاولة انقاذهم ..
Let them read , let them decide ..
