25/04/2022
معلش الموضوع كبير شوية ..
هيثم أحمد زكي الله يرحمه كان بيقول انه حاسس انه هيموت لوحده وماحدش هيحس بيه وسبحان الله مات كده فعلا ..
الممثلة وداد حمدى قالت لـ "كاميليا" فى فيلم قمر 14 : يارب تموتى محروقة ردت كاميليا : يارب تموتى بسكينة فى قلبك .. وفعلاً كاميليا ماتت محروقة في تحطم طيارة في عام 1950 ووداد حمدي قتلها الريجيسير بسكينة في قلبها بهدف السرقة عام 1994 م
إسماعيل ياسين ليه أغنية فى فيلم صاحبة العصمة بتقول الفقر جميل ، اللهم أفقرني كمان اللهم أغنى عدويني وبالفعل مات فقير مديون ولم يجدوا حتي مصاريف جنازته
فى احدى اللقاءات الإذاعية مع الممثل أنور وجدى أتسأل عن الصحة والمال فكانت أجابته المال بل إنه دعى ربنا بأن يعطيه المال وأمراض الدنيا كلها ،، فتقبل الله منه وأعطاه المال ومات في عز شبابه بسبب مرض الفشل الكلوى
أحد الأمهات اتصلت على إذاعة القرآن الكريم وقالت انها كانت دائماً بتدعي على بنتها الشقية (ربنا يحرق دمك) وفعلا البنت أصيبت بسرطان الدم وماتت بعدها بشهور
قرأت في مجلة الازهر سؤالا ارسلته احد الأمهات وتقول قرر ابني الوحيد ان يتزوج من زميلته في العمل وكنت غير موافقة علي هذه الزيجة ولكنه لم يستجب وقاللي سأتزوجها مهما حصل فتشاجرت معه ودعوت عليه وقولت اللهي ماتلحق توصلها وفعلا العربية اتقلبت بيه ومات والأم بتقول هل هي السبب في موت ابنها ؟
وأنا شخصيا أعرف سيدة قروية كانت كل شوية تدعى على ابنها لما يتعبها يارب تموت مقتول يارب تموت مقتول وفعلا الله يرحمه مات كده قدام عنينا ..
الشاهد من كلامى : سيدنا على ابن ابي طالب قال: كل متوقع آت فتوقع ما تتمنى.. وكما قال بعض السلف : كلماتك اقدارك ، وقال ابن القيم: البلاء موكل بالنطق به..يعني الحاجة الوحشه مرهونة بإنك تقولها فتحصل
و قال النبي(ﷺ) (لا تدعوا على أنفسكم، ولا تدعوا على أولادكم، ولا تدعوا على خدمكُم، ولا تدعوا على أموالكُم، لا تُوافقُوا من اللهِ تعالى ساعة نيْلٍ فيها عطاء فيستجيب لكم) رواه أبو داود بإسناد صحيح ،،
من فضلكم بلاش ندعى على بعض وبلاش تدعى على حد بتحبه حتى لو بهزار
# منقول
