مركز الحياة الأفضل للصحة النفسية ومكافحة الإدمان

09/10/2025

علّم ابنك او بنتك يقولوا "لأ" من غير خوف 💙

خليهم يسمعوا، يفرحوا، ويتعلموا وهما بيغنوا 🎵
شاهدوا الفيديو الجديد "أنا صغير وبقول لأ"

رسالة حب ونور لكل بيت 🌟

09/10/2025

🕘 النهاردة الساعة 9 بالضبط!
استنّوا مفاجأة جديدة ومليانة فرح للأطفال 🎈
قصة فيها شجاعة.. وضحكة.. ورسالة مهمة لكل طفل 💪💫

خليكم مستعدين... المفاجأة جاية النهارده الساعة 9 م ⏰

06/10/2025

الخدمة مش بس وعظ… الخدمة لمس، واحتواء، وفهم ❤️
عشان كده أعدّ المركز هذا الدليل الإرشادي الكنسي في مكافحة الإدمان
ليكون أداة في يد كل خادم، يعرف يتعامل مع المدمن بروح المسيح، وبوعي نفسي وروحي معًا ✝️

📘 تعرف على محتوى الدليل و ازاي تحصل على نسخة من خلال الضغط على الرابط التالي👇

هذه الكتب هي مناهج تدريبية متكاملة تصلح للآباء الكهنة والقادة والخدام من خلال تدريسها ضمن مناهج معاهد الرعاية ومراكز المشورة وفصول إعداد الخدام والكورسات المتخصصة...

05/10/2025

يمكن تكون جرّبت قبل كده، ويمكن خايف من الفشل…
بس صدقني، كل محاولة هي خطوة تقرّبك من نفسك ومن الناس اللي بتحبك 💙
كل سيجارة بتبعدك عن صحتك، لكن كل قرار بالإقلاع هو انتصار صغير للحياة 🌿

ابدأ النهارده، مش بكرة.
اضغط على الصورة و اقرأ المقال وشوف إزاي ممكن تبدأ رحلتك بخطوات بسيطة وفعالة 👇

💬 احكيلنا في التعليقات…
هل جرّبت تبطل قبل كده؟ وإيه أكتر حاجة كانت صعبة في التجربة؟
يمكن تجربتك تكون سبب إلهام لحد تاني ❤️

انا بجرب .... دي مرة وخلاص ما كله بيدخن ..... بنفخ واطلع غلبي فيها كل دي مبررات بيحطها المدخن عشان يبرر بيها تدخينه اللي هو عارف انه هيضر صحته بس للأسف طول ما المدخن حاطط ا...

04/10/2025

الحب مش كمية… الحب طريقة 💫
طريقة بنعبّر بيها، وطريقة بنستقبل بيها.
تعرف على “لغتك العاطفية” اللي بتخليك تحب وتتحب صح ❤️
اضغط على الصورة عشان تعرف اكتر

العلاقات الإنسانية تعد جزءًا أساسيًا من حياة الإنسان، وتتنوع طرق التعبير عن المشاعر والحب بين الأفراد. ومن هذا المنطلق، طور الدكتور غاري تشابمان مفهوم "لغات الحب ال...

02/10/2025

كلنا ساعات بنحتاج إجابة تطمّنا… أو معلومة صح نثق فيها… أو حتى كلمة تشجعنا.
وعشان كده…
طورنا أطلقنا الموقع الإلكتروني الجديد لمركز الحياة الأفضل للصحة النفسية ومكافحة الإدمان ✨

💻 في مكان واحد هتلاقي:
العلم الموثوق
النصيحة الصح
والرد السريع من المتخصصين

زورنا دلوقتي وابدأ خطوتك الأولى لحياة أفضل 💙
https://www.bestlife-addiction.org

02/10/2025

🎉✨ استنّــونا 👀
النهاردة الساعة 9 مساءً هنعلن عن مفاجأة هتغيّر طريقة وصولك للمعلومة الصح في مجال الصحة النفسية ومكافحة الإدمان.

⏰ خليكم جاهزين… 9 مساءً .. بالظبط

24/09/2025

🎉مفاجأة سارة جداً 🎉

⏰ قريباً .. تابعونا

Soon

22/09/2025

🔥 دعوة خاصة لكل خدام وخادمات المرج وعزبة النخل 🔥

تحت رعاية أصحاب النيافة الأحبار الأجلاء
الأنبا يوليوس
(أسقف الخدمات العامة والاجتماعية)

الأنبا سيداروس
(أسقف عام كنائس المرج وعزبة النخل)

وبإشراف قدس ابونا يؤانس حنا

يقدم لكم:
مركز الحياة الأفضل للصحة النفسية ومكافحة الإدمان بأسقفية الخدمات
بالتعاون مع كنائس المرج وعزبة النخل

دورة متخصصة في مكافحة الإدمان "والوقاية منه"

هل تشعر بالمسؤولية تجاه أبنائك وشبابك المخدومين؟ هل ترغب في أن تكون جزءًا فعالًا في حمايتهم من آفة الإدمان المتزايدة؟ هذا الكورس هو فرصتك لتسليح نفسك بالمعرفة والخبرة

يهدف الكورس إلى
1. رفع مستوى الوعي: تعميق الفهم بمخاطر الإدمان بأنواعه وطرق الوقاية الفعالة منه.
2. إعداد كوادر متخصصة: بناء نواة قوية من الخدام والخدامات المدربين، ليكونوا قادة ومسؤولين في خدمة مكافحة الإدمان على مستوى كنائس المرج وعزبة النخل.

مميزات الكورس:
• يحاضر بالكورس نخبة من الأطباء والخبراء والخدام المتخصصين في مجال الصحة النفسية ومكافحة الإدمان، لضمان محتوى علمي وعملي عالي الجودة.

محتوى الكورس (مستويان متكاملان):
• المستوى الأول: الوقاية والتوعية (5 أسابيع)
o يركز على أسس الوقاية من الإدمان، ونشر الوعي بمخاطره الاجتماعية والنفسية والصحية والروحية.

•المستوى الثاني: الاكتشاف المبكر والعلاج والتأهيل وسنعلن عن تفاصيله فى حينه
o يتناول كيفية التعرف على الحالات في مراحلها المبكرة، طرق التعامل مع المدمنين، مراحل العلاج والتأهيل، والدور الحيوي للأسرة في دعم المتعافين وسنعلن عن بقية تفاصيله فى حينه.

* البداية : الجمعة 3 أكتوبر 2025 (وكل جمعة بعد ذلك).
* المدة : 5 أسابيع متتالية.
* التوقيت : من 1:00 ظهرًا وحتى 3:30 عصرًا. بمعدل محاضرتين كل أسبوع
• المكان: قاعة الأنبا موسى الأسود، كنيسة مارجرجس بزرائب عزبة النخل.
•مميزات إضافية:
• زيارة ميدانية: يتخلل المستوى الأول زيارة تعليمية للإدارة العامة لمكافحة المخدرات بوزارة الداخلية (التجمع الأول)، لاكتساب رؤى عملية.
* شهادة تخرج : يحصل المشاركون على شهادة إتمام الكورس من مركز الحياة الأفضل للصحة النفسية ومكافحة الإدمان بأسقفية الخدمات، ويتسلمها الخدام من يد نيافة الأنبا سيداروس.

• قيمة الاشتراك:
150 جنيه مصري (تشمل كتاب الكورس والبريك وشهادة التخرج).تدفع اول يوم ايام الكورس
* يشمل الاشتراك : مطبوعات الكورس والبريك.

• لمن هذه الدعوة؟
هذه الدعوة عامة وموجهة خصيصًا لكل من:
• خدام وخدمات التربية الكنسية.
• خدام مكافحة الإدمان.
• الخدمات النوعية (مثل خدمة السجون، الحرفيين، الإرشاد الروحي)
✅ لا تفوت الفرصة لتكون نورًا في حياة الكثيرين!

* للاشتراك وتسجيل بياناتك :
الرجاء الدخول على اللينك المرفق (https://forms.gle/vZxyZtnKsfUYiHZM7).
• للاستفسار والتواصل (واتساب فقط):
📞 01283528889

15/09/2025

يعلن
مركز الحياة الأفضل
للصحة النفسية و مكافحة الإدمان
عن

طلبه لأخصائيين ذكور
من خريجي كليات الخدمة الاجتماعية
وكليات الآداب قسم علم النفس وقسم الاجتماع

للاستعلام وإرسال الـ cv على
Email: info@bestlife-addiction.org

25/08/2025

/* القلق وكرشة النفس *\

التوتر والقلق بقى من سمات عالمنا السريع دلوقتي وللأسف القلق ده لو زاد عن حده بيسبب كرشة النفس (ضيق التنفس) والحقيقة كلنا معرضين للشعور بالتوتر والقلق لكن السيدات هم أكثر عرضة من الرجال للإصابة بكرشة النفس

+ ليه ممكن تحصل كرشة النفس لما بنقلق:-

التوتر والقلق مرتبطين بالخوف والانسان لما بيحس بالخوف بيحاول (يقاوم أو يهرب) فلما بنبقى متوترين أو قلقانين بتنشط مناطق معينة في الدماغ وبتحاول الدماغ تتكيف مع القلق سواء بالمقاومة أو بالهروب والدماغ بتبدأ تهيء العضلات عشان تشتغل أفضل فتبدأ ضربات القلب تزيد ويبدأ القلب يضخ الدم بسرعة للعضلات ويوفر الأوكسجين أكتر للعضلات عن باقي أعضاء الجسم فهنا يشعر الانسان بضيق التنفس لأن الأوكسجين كله اتوجه في اتجاه العضلات

+ إزاي أعرف أميز إن كرشة النفس اللي عندي بسبب القلق؟

هتحس بالأعراض دي
- جفاف الحلق
- زيادة ضربات القلب
- دوخة
- عرق شديد
- شد عضلي
- رعشة
- التنفس بسرعة
- افكار وذكريات مخيفة
- خنقة
- ضعف التركيز
- إرتباك
- صعوبة الكلام

+ إزاي أعرف أتغلب على كرشة النفس اللي ممكن تحصلي بسبب القلق:

1. اتنفس طبيعي
خد نفس طبيعي وبطيء من أنفك وبعدين خرج الهواء ببطء وكرر العملية أكتر من مرة

2. اتنفس بهدوء
خذ نفس طويل وبطيء من أنفك واحبس نفسك لمدة تلات ثواني وبعدين خرج الهواء ببطء وانت فمك مقفول وكررها أكتر من مرة .

3. اقعد مرتاح
اقعد بشكل مريح، وخذ نفس طويل وعميق وخرجه ببطء وانت بتقول كلام يساعدك على الهدوء.

4. غمض عينيك
اتنفس بشكل طبيعي وانت مغمض عينيك، وعد تنازلي مع كل نفس وانت مركز إنك ترخي عضلاتك، وبعدين فتح عينيك وكرر العملية لغاية لما تحس إن الشد العضلي فك ونفسك رجع لطبيعته.

* احجز جلستك مع استشاري امراض نفسية متخصص *
يمكنك الاتصال على رقم الخط الساخن 22626168
او موبايل 01275575657
كل يوم من الساعة 10ص حتى 4عصراً
ماعدا السبت والاحد ... في سرية تامة

#القلق
#التوتر











للمزيد يمكنك الدخول على موقعنا الإلكتروني
www.bestlife-addiction-aids.org
اشترك معنا في صفحتنا على الفيس بوك
مركز الحياة الأفضل لمكافحة الإدمان والإيدز
تابع أخبارنا على تويتير
twitter.com/bestlifecenter
شاهد قناتنا على الـ يوتيوب
www.youtube.com/BestLifeCenter

لمحاضرات التوعية : 01227650181
الخدام المتطوعين (01283528889)
الخط الساخن (01275575657)
الإرشاد الأسري (01277462049)
لطلب الإصدارات (01287600480)

05/08/2025

( مركز الحياة الأفضل لا يهدف الى تحقيق مكاسب مادية )

كلمة نيافة الأنبا يوليوس
أسقف الخدمات العامة والاجتماعية

عن
مركز الحياة الأفضل للصحة النفسية ومكافحة الإدمان

للمزيد يمكنك الدخول على موقعنا الإلكتروني
www.bestlife-addiction.org

اشترك معنا في صفحتنا على الفيس بوك
مركز الحياة الأفضل للصحة النفسية ومكافحة الإدمان

تابع أخبارنا على تويتير
twitter.com/bestlifecenter

شاهد قناتنا على الـ يوتيوب
www.youtube.com/BestLifeCenter

تابع قناتنا على واتس آب
https://whatsapp.com/channel/0029VafnTDNFcowCqX9Dc62P

لمحاضرات التوعية : 01227650181
الخدام المتطوعين (01283528889)
الخط الساخن (01275575657)
الإرشاد الأسري (01277462049)
لطلب الإصدارات (01287600480)