Omar Shalaby pharmacy

19/02/2026

قبل السحور و الفطار إتأكدوا إن أدويتكم جاهزة و موجودة معاكم🫱🏽‍🫲🏼
و ماتنسوش مواعيد الأدوية خلال فترة الإفطار🙏🏼👌🏼

مواعيد صيدليتنا في رمضان من 9 الصبح لحد 2 بالليل😊

رمضان كريم و كل سنة و أنتم طيبين و في كامل عافيتكم🤲🏼❤️

19/02/2026

مريض #السكر في #رمضان...
خليك صايم بأمان💙🌙
لو عندك سكر وناوي تصوم رمضان، أهم حاجة صحتك تيجي الأول.
الصيام ممكن يكون آمن لبعض المرضى، لكن لازم متابعة طبية كويسة.

1️⃣راجع دكتورك قبل رمضان:
✔️ نطمن على مستوى السكر
✔️ نعدل جرعات الدوا لو محتاج
✔️ نحدد هل الصيام آمن ليك ولا لأ

2️⃣قيس السكر بإنتظام، قياس السكر في الصيام مش بيفطر، أقيس خصوصًا:
• قبل السحور
• في نص اليوم
• قبل الفطار
• بعد الفطار بساعتين

3️⃣كل صح في الفطار والسحور
✅ افطر على مية و واحدة أو اتنين بلح بالكتير
✅ قلل الحلويات والمقليات
✅ اختار أكل متوازن (خضار – بروتين – نشويات باعتدال)
✅ اتسحر قبل الفجر مباشرة
✅ ركّز على أكل فيه ألياف وبروتين عشان السكر ما يعلاش بسرعة

4️⃣اشرب مية كتير و سوائل كفاية بين الفطار والسحور.
❌ بلاش عصاير مسكرة ومشروبات غازية
❌ قلل الكافيين

5️⃣الحركة مهمة:
•مشي خفيف مفيد
•بلاش مجهود عنيف وإنت صايم
•صلاة التراويح تعتبر نشاط مناسب

🚨لو حسيت بأي أعراض تعب، افطر فورًا لو:
• السكر أقل من 70
• السكر أعلى من 300
• حسيت بدوخة شديدة أو هبوط أو تعب جامد

🌟افتكر دايمًا:
الدين بيسمح لك تفطر لو في خطر على صحتك.

حياتك وصحتك أه🙏🏼

19/02/2026

مريض #الضغط في #رمضان...
صومك لازم يكون بأمان 💙🌙

أغلب مرضى الضغط يقدروا يصوموا بأمان… لكن بتنظيم ومتابعة.

1️⃣راجع دكتورك قبل رمضان:
•اتأكد إن الضغط متظبط
•إسأل عن تعديل مواعيد الدوا
•ما تغيّرش الجرعة من نفسك
🚫ماينفعش توقف الدوا عشان صايم.

2️⃣قلل الملح قد ما تقدر و خليك في الأكل المتوازن:
✅خضار وفاكهة باعتدال
✅بروتين صحي (فراخ – سمك – بقوليات)
✅قلل الدهون والمقليات
❌بلاش مخللات، فسيخ، رنجة، شيبسي، أكل مصنع
❌قلل الجبن المالحة والصلصات
❌بلاش أكل تقيل مرة واحدة على الفطار

3️⃣اشرب مياة كويس بين الفطار والسحور، خصوصًا في الجو الحر.
الجفاف ممكن يسبب هبوط أو لخبطة في الضغط.

4️⃣الحركة الجسدية مهمة لكن بإعتدال:
•مشي خفيف مفيد
•صلاة التراويح نشاط مناسب

🚨مهم تعرف:
لو عندك ضغط غير متحكم فيه، مشاكل في القلب، فشل كلوي، أو بتاخد أدوية مُدرّة للبول بجرعات عالية - لازم استشارة طبية قبل ما تصوم.
🛑انتبه للأعراض ده:
⚠️صداع شديد
⚠️زغللة
⚠️دوخة أو إحساس إنك هتغمى عليك
⚠️ألم في الصدر
لو حصلت أعراض شديدة أو الضغط عالي جدًا أو واطي جدًا
لو حصلت أعراض شديدة — افطر فورًا واستشير دكتور.

الدين بيسمح لك تفطر لو في خطر على صحتك.

صحتك أمانة 🙏

09/02/2026

كل يوم تبعد فيه عن التبغ، صحتك بتتحسن أكتر.
The longer you stay away from to***co, the healthier you get.

The longer you stay away from to***co, the healthier you get.

09/02/2026

باقي ١٠ أيام على حلول شهر رمضان المبارك..
ابدأ الآن بتغيير عاداتك الغذائية قبل بداية الصيام
وقلل من تناول الملح والسكر والدهون، حتى تحمي نفسك من الإصابة بالأمراض المزمنة 🙏

باقي ١٠ أيام على حلول شهر رمضان المبارك..
ابدأ الآن بتغيير عاداتك الغذائية قبل بداية الصيام
وقلل من تناول الملح والسكر والدهون، حتى تحمي نفسك من الإصابة بالأمراض المزمنة 🙏

01/02/2026

is not the only product that is not a medicine

You must know the active ingredient of a cough preparation before using it.

Prednisolone – Predsol Forte – Apidone – Xilone – Xilone Forte – Dexaphen
→ All of these contain .

⚠️ It is prohibited to use them or repeat their use without consulting the treating physician.

25/01/2026

لسه مكملة معانا بروائح الزمن الجميل 🤍
كولونيا 555 سبراي.

#الشبراويشي #كولونيا #555

25/01/2026

مش بس لونها حلو… إحساس الترطيب كمان أحلى🌸
SHAAN Lip Balm ترطيب عميق، حماية من الشمس، ولمسة ناعمة🌸🍒

14/01/2026

بشرتك دايماً منورة و صافية مع ماء ورد العراب🌸🌸

14/01/2026

احمي بشرتك من التجاعيد في الشتا❄️

MOIST-1 Milky Cleanser
غسول مويست-1 بينظف بلُطف، وبيرجع لبشرتِك طبقة الحماية الطبيعية علشان تفضل ناعمة ومتوازنة كل يوم.

MOIST-1 Toner
تونر مويست-1 خطوة أساسية مش مجرد رفاهية ..لأن بعد يوم طويل في عوامل جوية مختلفة أو بعد ما تغسلي وشك،التونر بيشتغل على:
•تنظيف المسام بعمق
•تهدئة البشرة المتهيجة
•بيجهزها لأي خطوة بعدها زي السيروم أو المرطب
مش بس خطوة في الروتين…

ده سر الانتعاش اللي محتاجاه كل يوم !