Pediatric Surgery Centerد مختار مهدي مركز جراحات الاطفال

08/12/2025

امتي اخر مرة نظفتي سرة طفلك
وداعًا للخوف… هكذا تنظّف سرة طفلك بثقة
حبّيت أطمن كل أم… السُرّة مش منطقة ضعيفة ولا مكان ممكن يفتح بسهولة.
دي منطقة قوية جدًا، ومخلوقة علشان تتحمّل.
ومجرد التنظيف اللطيف بقطنة ومحلول مناسب مافيهوش أي خطر على الطفل.
اطمّني… السرة آمنة تمامًا وبتستحمل أكتر مما تتخيّلي

د مختار مهدي استشاري جراحة الاطفال

03/12/2025

03/12/2025

الطهارة بالحلقة البلاستيكية
قبل ما تختار.. كل اللي محتاج تعرفه عن الطهارة بالحلقة

الاختيار بين الطهارة العادية (الجراحية) والطهارة بطريقة الحلقة البلاستيكية يعتمد على سن الطفل، حالة الجلد، خبرة الجراح، وظروف كل طفل

متى تكون الحلقة البلاستيكية أفضل؟

في حديثي الولادة وحتى عمر شهرين غالبًا.

لما يكون الجلد زائد بسيط والشكل مناسب للحلقة.

أقل نزيف نسبيًا لأنها تعتمد على الضغط بدل القص المباشر.

وقت الإجراء قصير ولا تحتاج خياطة.

شكل النتيجة غالبًا منتظم جدًا عند الأطفال الصغار

➖ عيوب الطهارة العادية

احتمال نزيف بسيط أثناء العملية (يتم التحكم فيه).

تحتاج خياطة دقيقة (لكن خيوط تذوب وحدها).

تحتاج كريمات وعناية بسيطة لمدة 7–10 أيام.

متى تكون الطهارة العادية (الجراحية) أفضل؟

في الأعمار الأكبر: من 3 أشهر وطالع.

لو في زوائد جلدية كثيرة أو اندفان للقضيب أو جلد غير متناظر.

لو في التصاقات أو مشاكل تحتاج تصحيح مع الختان.

التحكم أعلى في كمية القطع وإعادة تشكيل الجلد.

النتيجة فورية بدون انتظار سقوط حلقة.

د مختار مهدي استشاري جراحة الاطفال

#الطهارة #الختان

02/12/2025

د. مختار مهدي، استشاري جراحة الأطفال حيث الدقة تُنقذ حياة
القسطرة الوريدية المركزية هي أنبوب رفيع وطويل يتم إدخاله في وريد كبير وعميق داخل الجسم، وغالبًا يكون في الوريد الوداجي (بالرقبة) أو الوريد تحت الترقوة أو الوريد الفخذي.✔️ إيه الفرق بينها وبين الكانيولا العادية؟

القسطرة المركزية تدخل في وريد كبير وعميق وتستمر لفترة أطول.

الكانيولا العادية تكون في وريد صغير سطحي وتستخدم لفترات قصيرة.✔️ ليه بنستخدم القسطرة الوريدية المركزية؟

نستخدمها عندما يحتاج المريض—وخاصة حديثي الولادة—إلى:

إعطاء أدوية قوية لا تتحملها الأوردة الصغيرة السطحية.

قياس سوائل الجسم بدقة.

توصيل تغذية وريدية كاملة لمدة طويلة.

الحصول على خط وريدي ثابت لا يتكرر تغييره.✔️ ليه مهمة لحديثي الولادة؟

لأن أوردتهم صغيرة جدًا، ويحتاجون أدوية دقيقة وتغذية وريدية مستمرة، فالقسطرة المركزية بتوفر خط آمن وثابتقسطرة صغيرة… لكنها جسر حياة لطفل ينتظر فرصة يكبر فيها

28/11/2025

"الفتق الإربي = جراح أطفال.
السن مالوش أي علاقة.
التأخير يعني خطورة ومضاعفات.
بيظهر عند الولاد والبنات.
وخطورة العملية عند غير المتخصص بتبان بعدين.
مفيش حاجة اسمها الطفل صغير على العملية،
ومفيش حاجة اسمها الفتق هيقفل لوحده."

د مختار مهدي استشاري جراحة الاطفال

28/11/2025

اصلي لبني قليل
اصلي حاسة انه مش مكفيه
اصلي حاسه انه مخدش كمبة تشبعه

اعرفي هو محتاج اد ايه الاول
مترهقيش نفسك عشان معلومة غلط

27/11/2025

الدليل المختصر للأمهات
العناية بعد الطهارة خطوة بخطوة

🌟 تعليمات العناية بعد عملية الطهارة 🌟

1️⃣ حضن واطمئنان:
"بعد الطهارة… خديه في حضنك، حضنك أمانه وطمأنينته. ✨❤️"
"الولد بيحس بمامته… لو انتي قلقانة هو كمان هيخاف. اطمّنيه ويطمن بيكي. 🤍👶"

2️⃣ تغيير الحفاض:
"غيّروا الحفاض باستمرار… وخلوه واسع ومريح. راحة صغيركم أهم. 👶💛"
"مينفعش نسيب بول أو براز في الحفاض مع الجرح… النظافة هتسرّع الشفا. 👶✨"

3️⃣ التعامل الطبيعي:
"نلبس هدومنا عادي… ونتعامل كإن مفيش عملية. الطبيعي بيريّح ويطمن صغيرك 👶🤍."

4️⃣ الكريم والعناية بالعضو:
"الكريم نحطه بكمية وفيرة… مش على الجرح بس، على العضو كله علشان يحمي ويرطّب. 👶💛"

5️⃣ سقوط الشاشة:
"الشاشة هتقع لوحدها بعد جرح الطهارة… ولو نزل البيبي في حمّام ميّة دافية هتساعدها تفك بهدوء. 👶🛁✨"

6️⃣ علامات تحتاج مراجعة فورية:
"لو البول قطع… لو نزيف مش بيقف… لو ريحة غريبة… لو لون العضو اتغيّر… لو صرخة مش بيسكت بعدها—لازم نراجع فورًا. 👶⚠️"

7️⃣ علامات طبيعية بعد العملية:
"قشرة بيضاء أو صفراء… شوية ورم مكان العملية… شكل غريب بسيط… نقط دم قليلة—كل ده طبيعي بعد الطهارة. 👶✨"

د مختار مهدي
استشاري جراحة الاطفال

#الختان #الطهارة

25/11/2025

سخونة فوق ال٣٨
وجع في الزور
تورم في الغدد الليمفاوية اللي في الرقبة
صديد في اللوزتين زي المنظر دا
يتكرروا اكتر من سبع مرات في السنة اللي فاتت
او خمس مرات كل سنة من السنتين اللي فاتوا
او تلات مرات كل سنة من التلات سنين اللي فاتوا
او بعيد الشر الشك في ورم او حدوث خرّاج
هي دي دواعي عملية استئصال اللوزتين للولاد والبنات
(مش يعني مش يعني مش تحليل ASOT ولا تحليل CRP ولا تحليل ESR ولا وجع الركبتين لوحده ولا عشان الصديد بينزل معدته)
الكام سطر الاولانيين دول هما دواعي العملية يا جماعة وأبعدنا الله عن الحرام وعمل العملية بدون داعي ولصق التهم على اللوزتين انهم السبب في خراب الكوكب.

د حازم عبد التواب
استاذ الانف والاذن