04/09/2025
#زاي نقلل الإلتهابات في جسمنا ؟؟
#دا بيكون عن طريق إننا بناكل كل ماهو مضاد للإلتهابات زي:
هناكل يومياًّ مالا يقل عن ٨ حصص من الفاكهة والخضروات* الطازجة زي التفاح والكمثرى والبرتقال والجوافة والكيوي والخيار والطماطم والفلفل الأخضر والفلفل الألوان
والخضروات الورقية وهنقلل من عصير الفاكهة سواء الطازجة أو المضاف ليها سكر .
* هنركز في أكلنا على الحبوب الكاملة زي الشوفان كامل الحبة والرز البني والشعير والبرغل ، وهنقلل من الدقيق الأبيض ، العيش الأبيض والرز الأبيض .
*هنركز على الدهون الصحية في أكلنا زي المكسرات بأنواعها ، والأفوكادو ، وزيت الزيتون والسمنه البلدي ، وهنقلل من
الزيوت المهدرجة والسمنه النباتي والجبن نباتية الدهن ، وهنقلل كمان من الشيبسي ومن Frensh fries.
* هيكون معظم الأكل بتاعنا مطبوخ في البيت ونركز فيه على الأسماك الدهنية زي الساردين والتونة والماكريل وكذلك على اللحوم البيضاء زي صدر الفراخ ، وهنقلل في أكلنا من اللحوم الحمراء ، ومن Fast food ، ومن اللحوم المصنّعة زي اللانشون والبسطرمة وhotdog .
* هنشرب مية كويس على مدار اليوم ؛ حوالي من ٨ - ١٠ كبايات ، ومنستناش لغاية لما نحس بالعطش لأن دا معناه إنّنا دخلنا في مرحلة الجفاف ، وهنقلل من المشروبات الغازية بأنواعها ومن المشروبات المحلاة.
#الدايت مش حرمان
#فكرة الدايت هي الأكل بذكاء
#دمتم بعافية
