https://www.facebook.com/1142003255816905/

آية كمال - Aya Kamal

Home
Egypt
Cairo
آية كمال - Aya Kamal

Eat better not less

مرحباً أنا آية كمال، أخصائية تغذية معتمدة ومحترفة في مجال الصحة والتغذية العلاجية 😊😊
أقدم الاستشارات الغذائية والتوجيهات الصحية التي تساعدك على تحقيق أهدافك الصحية. مع خبرة 5 سنوات في هذا المجال، أنا هنا لمساعدتك على تحسين صحتك وتغذيتك 🥙🍳🥘
إذا كنت تبحث عن خطة تغذية شخصية، أو تريد تحسين صحتك العامة، أو تريد معرفة كيفية تناول الطعام الصحي، فأنا هنا لمساعدتكـ 💪💪
أنا أستخدم أحدث الأساليب العلمية للمتا

بعة الصحية والتغذوية وأقدم لك نصائح عملية وسهلة التطبيق ..
لا تتردد في التواصل معي إذا كنت تبحث عن استشارة غذائية أو توجيه صحي. أنا هنا لمساعدتك على تحقيق أهدافك الصحية!

29/09/2024

إنه

إن ما يُقدر بنحو 38% من السكان (258 مليون شخص) في إقليم منظمة الصحة العالمية لشرق المتوسط مصابون بارتفاع ضغط الدم.

وهو عامل خطر رئيسي للإصابة بأمراض القلب، ولنسبة 50% من مجموع الوفيات المرتبطة بالقلب والأوعية الدموية قبل سن 70 عامًا.

ويُعد التدبير العلاجي لارتفاع ضغط الدم في وقت مبكر وبفعالية عاملًا مهمًا.

يكتسي التشخيص المبكر والعلاج الفعال والوقاية أهمية حاسمة في الحد من عبء أمراض القلب.

هذه العوامل تعرض قلبك ❤️ للخطر:

❗️النظام الغذائي غير الصحي🍔🍟
❗️التبغ🚬
❗️تلوُّث الهواء😷
❗️قلة الحركة

كيف تقلل من خطر الإصابة بأمراض القلب والأوعية الدموية؟

🚭التوقف عن التدخين
🧂خفض مدخول الملح
🥗الإكثار من تناول الفواكه والخضروات
👟ممارسة النشاط البدني بانتظام
💊تناول الدواء الموصوف لك إذا كنت تعاني من ارتفاع ضغط الدم أو السكري أو ارتفاع الدهون في الدم

22/09/2024

اشهر خرافات في الدايت 😂
حصلت معاك قبل كده ؟؟

18/09/2024

ازاي اعرف ان طفلي عنده سوء تغذية ؟؟
دي بنقدر نعرفها من أعراض سوء التغذية عند الأطفال

اول حاجة النمو البطيء: يعني الطفل مش بيكبر أو يزيد في الوزن زي الاطفال اللي في عمره ..
كمان فقدان الوزن: لو لقيت ابنك خسر اكتر من كيلو جرام من وزنه في وقت قليل أو وزنه أقل من اللي في سنه
فقدان الشهية: لو الطفل بقى مش بياكل بشكل طبيعي او بيهرب من الأكل
تغيرات في المزاج: لو ابنك بقى عصبي أو زعلان من غير سبب، ممكن يكون بسبب انه جعان أو محتاج فيتامينات.
ضعف الطاقة: لو الطفل بقى كسول وبيتعرض للإرهاق بسرعة من اقل مجهود
المرض المتكرر: لو ابنك بيجيله برد ووجع في المعدة كل شوية، يبقى جسمه محتاج الحماية اللي بياخدها من الاكل

المهم إننا نكتشف الأعراض دي بدري عشان نساعد أطفالنا يعيشوا حياة صحية ومليانة طاقة!
كمان لازم نعرف أن الأطفال مختلفين عن بعضهم وكل طفل ليه الطريقة الخاصة للتعامل معاه فيما يخص سوء التغذية

لو طفلك بيعاني من سوء التغذية كلمنا بسرعة علشان مع بعض نحميه من سوء التغذية !!

لو عاوز تقرأ اكتر .. المصادر في اول كومنت 🫡

15/09/2024

هل شرب الماء مهم في التخسيس ؟؟!!

الإجابة طبعا .. آه مهم ومؤثر لو عاوزين نوصل لوزن معين

لو شربت مية قبل الأكل، هتلاقي نفسك بتاكل أقل، لأن المية هتملي بطنك وتخليك تحس إنك شبعان.
كمان شرب الماء ممكن يزود معدل التمثيل الغذائي بتاعك. في دراسة اتعملت، لقوا إن شرب حوالي نص لتر مية خلَّت الجسم يصرف طاقة عشان يسخن المية لدرجة حرارة الجسم. يعني المية بتساعد في حرق السعرات الحرارية.
زيادة شرب المية مرتبطة بتحسن عملية تكسير الدهون وتحويلها لطاقة. ده مفيد خصوصا لو انت على رجيم.
لو انت بتشرب مية بمعدل كويس، هتلاقي إنك بتعمل تمارينك بكفاءة أكبر، وده بيساعد في التخسيس.

أما مشاكل قلة شرب المية
لو ما شربتش مية كفاية، هتلاقي نفسك بتعاني من مشاكل كتير.
أولها إنك هتحس بالجوع كتير، لأن الجسم بيلخبط بين العطش والجوع.
وكمان قلة المية ممكن تضعف التمثيل الغذائي وتقلل من تكسير الدهون، وده هيخلي التخسيس أصعب.

طيب ايه كمية الماء اللي نشربها يوميا ..
للرجال: لازم حوالي 3 لترات من السوائل يوميا.
للنساء: حوالي 2.2 لتر هو المطلوب. والستات الحوامل واللي بيرضعوا لازم يزيدوا الكمية لـ حوالي 2.8 لـ 3.3 لتر يوميًا.

كمان احتياجات الجسم من المية ممكن تتأثر بالجو، الحالة الصحية، ونمط الأكل. مهم إنك تعدل الكمية حسب الظروف، خصوصًا في الجو الحار أو لو كنت مريض.

افتكر، دي إرشادات عامة، واحتياجك الشخصي من المياء ممكن يختلف حسب احتياجاتك وظروفك. دايما من الأفضل تتكلم مع طبيب عشان توصيات شخصية لو كان عندك مرض مزمن.

للمزيد من التوصيات حول نظام غذائي صحي ابعتلنا !

المصادر في اول تعليق 🫡

14/09/2024

الكوليسترول هو مادة دهنية موجودة في الدم وضرورية للعديد من وظائف الجسم.
لكن لما الكوليسترول يبقى عالي، خصوصًا نوع LDL أو "الكوليسترول الضار"، ده ممكن يزيد من خطر الإصابة بأمراض القلب والسكتة الدماغية.
مهم إننا نفهم المستويات الطبيعية للكوليسترول، والعوامل اللي ممكن ترفع مستوياته، وطرق فعّالة لإدارته.

حسب جمعية القلب الأمريكية، المستويات الطبيعية للكوليسترول للبالغين هي:
- الكوليسترول الكلي (Total cholesterol): أقل من 200 ملغ/ديسيلتر.
- LDL (الكوليسترول الضار): أقل من 100 ملغ/ديسيلتر
- HDL (الكوليسترول الجيد): 60 ملغ/ديسيلتر أو أعلى
- الدهون الثلاثية: أقل من 150 ملغ/ديسيلتر

المستويات اللي فوق النسب دي تعتبر عالية وممكن تزيد من خطر الإصابة بأمراض القلب.

طيب ايه هي أسباب ارتفاع الكوليسترول
1. أكل أطعمة غنية بالدهون المشبعة والدهون المتحولة، زي اللحوم الدهنية ومنتجات الألبان كاملة الدسم والأطعمة المقلية أو المصنعة، ممكن يرفع مستويات الكوليسترول الضار LDL.
2. الوزن الزائد أو السمنة بتزود من خطر ارتفاع الكوليسترول.
3. النشاط البدني المنتظم بيساعد على رفع مستويات HDL وتقليل LDL.
4. التدخين بيقلل من مستويات HDL.
5. مستويات الكوليسترول عادةً بتزيد مع التقدم في العمر.
6. الكوليسترول العالي ممكن يكون موجود في العيلة بسبب عوامل وراثية.

طيب اعمل ايه مع ارتفاع نسب الكوليسترول ؟!
1. اتباع نظام غذائي قليل في الدهون المشبعة والمتحولة، وغني بالفواكه والخضار والحبوب الكاملة والبروتينات الخفيفة.
2. حاول تخس وزن زائد من خلال نظام غذائي صحي وممارسة الرياضة.
3. حاول تمارس على الأقل 30 دقيقة من النشاط البدني المعتدل معظم أيام الأسبوع.
4. الإقلاع عن التدخين ممكن يساعد في رفع مستويات HDL وتقليل خطر الإصابة بأمراض القلب.
5. لو التغييرات في نمط الحياة لوحدها مش كافية لتقليل الكوليسترول، يبقى باستشارة الطبيب بناخد أدوية لخفض الكوليسترول

ارتفاع الكوليسترول هو عامل خطر كبير لأمراض القلب والسكتة الدماغية.
للمزيد من التفاصيل والمتابعة التغذوية ابعتلنا ..

المصادر في اول تعليق 🫡

13/09/2024

الملح ده حاجة موجودة في كل أكلاتنا، وليه دور مهم في صحتنا.
طيب نأكل ملح قد ايه كل يوم علشان نبقى في السليم؟؟

في البداية يا ترى ايه مشاكل زيادة الملح ؟!
الملح الزيادة بيرفع الضغط، وده ممكن يسبب أمراض القلب والجلطات.
الدراسات بتقول إن الملح الكتير ممكن يزود فرص الإصابة بأمراض القلب.
الملح الزيادة ممكن يأثر على شغل الكلى، ويسبب أمراض أو يزود المشاكل اللي موجودة أصلاً.

أما فوائد الملح بقى .. اه الملح مهم برضو
مع إن الملح الزيادة مش كويس، بس برضو الملح مهم للجسم
الصوديوم اللي في الملح بيساعد الجسم يحافظ على كمية المية اللي فيه.
كمان الملح مهم عشان الأعصاب تشتغل كويس والعضلات تتحرك.
الملح بيساعد المعدة تمتص العناصر الغذائية.
وكمان في بلاد كتير، بيحطوا يود في الملح، وده مهم للغدة الدرقية والمخ.

طيب نأكل الملح إزاي بطريقة معقولة عشان ناخد الفوايد ونتجنب المشاكل
الأكل الجاهز فيه ملح كتير، لازم نعرف كمية الملح اللي فيه.
لما نطبخ في البيت، بنقدر نتحكم في كمية الملح اللي بنحطها.
ممكن نستخدم أعشاب وبهارات بدل الملح عشان نحسن الطعم.
لما نشتري أكل معلب، نختار اللي مكتوب عليه قليل الصوديوم أو ملح قليل.

أما عن التوصيات لتناول الملح ..
منظمة الصحة العالمية بتقول مناكلش أكتر من 5 جرام ملح في اليوم (يعني حوالي 2000 مللي جرام صوديوم) (ملعقة صغيرة ملح في اليوم).
أما جمعية القلب الأمريكية بتقول المفروض مناكلش أكتر من 1500 مللي جرام صوديوم في اليوم (3/4 ملعقة صغيرة ملح في اليوم).

وطبعا مش كل الناس زي بعض، يعني الرياضيين أو الناس اللي عندها أمراض معينة، ممكن يحتاجوا كمية ملح مختلفة.

توصياتنا دايما بتكون حسب الحالة الصحية والبدنية والتاريخ المرضي، لكن بشكل عام اتعود على تقليل الملح قدر الإمكان متزودش عن التوصيات اللي ذكرناها وخلي بالك علشان كل حاجة حواليك بتاكلها فيها ملح .. ف احسب لنفسك

المصادر في اول تعليق 🫡

12/09/2024

الكركديه أو العناب مشروب شعبي من قديم الزمن
وكثرت الأقاويل أنه بيرفع الضغط وساعات بيقلل الضغط وساعات بيظبط الضعط 😏
النهاردة هنعرف سوا الحقيقة العلمية الكامنة وراء الكركديه 😈☕🫖

الكركديه معروف بإنه بيساعد في التحكم في ضغط الدم.
فيه دراسات كتير بتقول إن شرب شاي الكركديه ممكن يقلل من ضغط الدم الانقباضي والانبساطي.
وفي تجربة سريرية، الناس اللي شربوا شاي الكركديه لاحظوا انخفاض في ضغط الدم الانقباضي بحوالي 7.2 نقطة، مقارنة بانخفاض 1.3 نقطة عند الناس اللي شربوا مشروب وهمي (غير الكرديه).
كمان، فيه مراجعة منهجية أكدت إن الكركديه بيقلل ضغط الدم الانقباضي بشكل ملحوظ، وده بيخليه شبه بعض الأدوية اللي بتستخدم لعلاج ارتفاع ضغط الدم.

بالنسبة لطريقة تحضير الكركديه، سواء كان سخن أو بارد، مفيش فرق كبير في تأثيره على ضغط الدم.
الطريقتين بيحتفظوا بالمركبات المفيدة زي مضادات الأكسدة والأنثوسيانين اللي بيساعدوا في تقليل ضغط الدم.
التحضير البارد ممكن يحافظ على مضادات الأكسدة بشكل أكبر، بينما التحضير السخن بيظهر النكهات العشبية أكتر، لكن في النهاية الطريقتين مفيدين.

بشكل عام، شاي الكركديه ممكن يكون وسيلة طبيعية للمساعدة في تظبيط ضغط الدم المرتفع، لكن مش لازم يحل محل الأدوية الموصوفة.
من المهم إنك تستشير الطبيب قبل ما تعمل أي تغييرات كبيرة في خطة العلاج، خصوصا لو بتاخد أدوية لضغط الدم.

المصادر اللي محدش بيبص عليها في التعليقات 🫡

11/09/2024

ليه سكر الفاكهة أحسن من سكر المائدة (السكر الابيض او البني)؟

من ناحية القيمة الغذائية
سكر الفاكهة بيكون معاه حاجات تانية مفيدة للجسم:
الفاكهة مليانة فيتامينات (خصوصاً فيتامين سي) ومعادن بتساعد صحتنا.
الألياف في الفاكهة بتبطئ امتصاص السكر، فمبيحصلش ارتفاع مفاجئ في السكر.
الفاكهة فيها مضادات أكسدة كتير بتحمي الخلايا وبتقلل خطر الأمراض المزمنة.

أما سكر المائدة (السكروز) فده سكر مكرر مفيهوش أي فوايد تانية غير السعرات الحرارية.

طيب ايه تأثيرهم على سكر الدم
جسمنا بيتعامل مع سكر الفاكهة بطريقة مختلفة عن سكر المائدة:
الألياف في الفاكهة بتخلي امتصاص السكر أبطأ، فالسكر في الدم بيرتفع ببطء.
معظم الفواكه ليها مؤشر جلايسيمي أقل من سكر المائدة، يعني مبترفعش السكر في الدم بسرعة.

اما الفوايد الصحية لما بناكل الفاكهة نفسها بيديلنا فوايد كتير:

أكل الفاكهة بانتظام بيقلل خطر الإصابة بأمراض القلب وبعض أنواع السرطان والسكري.
الألياف في الفاكهة بتخلينا نحس بالشبع، وده ممكن يساعد في التحكم في الوزن.
الألياف في الفاكهة بتساعد على الهضم وبتنظم حركة الأمعاء.

ولازم تعرف ان الاعتدال مهم في كل شئ
مع إن سكر الفاكهة أحسن من سكر المائدة، لكن لازم مننساش:
الفاكهة برضه فيها سعرات حرارية، ولو أكلنا كتير ممكن نزيد في الوزن.
سكر الفاكهة وسكر المائدة الاتنين ممكن يسببوا تسوس الأسنان لو مهتميناش بنظافتها.

سكر الفاكهة أحسن من سكر المائدة ولما نحب ناكل فاكهة، الأفضل إننا ناكلها كاملة عشان ناخد أكبر فايدة غذائية ونقلل مشاكل السكر.

للمزيد من التوصيات تابعونا ..
المصادر في اول كومنت 🫡

10/09/2024

هنتكلم النهاردة عن أهم نظام غذائي للناس اللي عندها ضغط عالي سواء بشكل مزمن او بتحس بالضغط العالي بشكل متكرر ..

وهنا هنتعرف على نظام (داش-DASH) اللي اثبت انه افضل نظام لمرضى ضغط الدم المرتفع.

طب إيه هو الداش دايت ده؟
ببساطة، هو نظام أكل بيركز على:
- تقليل الملح (الصوديوم يعني)
- زيادة الخضار والفاكهة
- أكل منتجات الألبان قليلة الدسم
- الحبوب الكاملة واللحوم الحمراء الخالية من الدهون والسمك والفراخ والمكسرات

الحلو في الموضوع إن النظام ده مش بس بيخفض الضغط، ده كمان بيساعد في أمراض القلب وبيظبط الدهون في الجسم.

ولو دخلنا في تفصيل الداش دايت:

1. قلل الملح: الملح ده عدو الضغط العالي. لازم تقلل الملح في الأكل لأقل من ملعقة صغيرة في اليوم. يعني بلاش تحط ملاحة على السفرة، وابعد عن الأكل المعلب والشيبسي والمخللات.
2. كتر من الخضار والفاكهة: حاول تاكل 4-5 حصص خضار و 4-5 حصص فاكهة كل يوم. الخضار والفاكهة فيها فيتامينات ومعادن بتساعد في ضبط الضغط.
3. الألبان قليلة الدسم: اشرب لبن وزبادي قليل الدسم، وكل جبنة قريش. دول حلوين للقلب والضغط.
4. الحبوب الكاملة: بدل العيش الأبيض، اختار العيش البلدي أو البني. وممكن تاكل الشوفان والفريك.
5. البروتين الصح: اللحم قليل الدهن، والفراخ من غير جلد، والسمك، كمان المكسرات والفول والعدس كمان كويسين.
6. قلل الدهون: ابعد عن الأكل المقلي والزبدة والسمنة واستخدم زيت الزيتون في الطبخ.
7. حلويات بالراحة: لو عايز حاجة حلوة، خد فاكهة أحسن. ولو لازم حلويات يبقى مرة في الأسبوع وبكمية قليلة.
8. اشرب مية كتير: المية بتساعد في تنظيف الجسم وبتخفف الضغط على القلب.

صحيح إن الالتزام بالنظام ده ممكن يكون صعب شوية في الأول، بس اللي بيمشي عليه بيلاقي نتايج كويسة جدًا. وكمان، في دراسات بتقول إنه ممكن يقلل فرص الإصابة ببعض أنواع السرطان.

وافتكر، الأكل الصحي مش بس للناس المريضة، ده للكل
خلي بالك من صحتك وصحة أهلك ..
للمزيد من التفاصيل والتوصيات والمتابعة ابعتلنا ..

المصادر في اول تعليق 🫡

07/09/2024

النظام الغذائي للسيدة الحامل خلال شهور الحمل

30/08/2024

تغذية الاطفال
هنتكلم عن تغذية الاطفال بداية من الولادة وحتى عمر سنتين واهم الحاجات اللي لازم نخلي بالنا منها

شير x الخير

23/08/2024

النهاردة هنتكلم عن الأنيميا، اللي من أهم اعراضها ..
بتحس إنك عايز تنام طول اليوم، حتى لو نمت 10 ساعات!
بتحس إن الدنيا بتلف بيك طول الوقت!
شحوب في البشرة: وشك بيبقى لونه مصفر
خفقان القلب: قلبك بيجري زي الحصان حتى وإنت قاعد.

الأسباب:
نقص الحديد: الحديد ده مهم جدًا عشان الهيموجلوبين، اللي بيشيل الأكسجين في الدم.
نقص فيتامين ب12: ده برضو بيساعد في تكوين خلايا الدم الحمراء.
فقدان الدم: سواء بسبب جروح أو عمليات أو حتى الدورة الشهرية عند النساء.

طيب ايه هي الأكلات اللي تساعدك تتجنب الأنيميا:
اللحوم الحمراء و الكبدة: مصدر غني بالحديد وفيتامين ب12.
العدس: مش بس للأكل، ده كمان مليان بروتين وحديد.
المكسرات: اللوز والجوز بيساعدوا في رفع نسبة الحديد.

طيب ايه الفحوصات المهمة علشان نطمن:
تحليل صورة الدم الكامل (CBC): ده بيشوف عدد خلايا الدم الحمراء والهيموجلوبين.
مستوى الحديد في الدم: عشان نعرف إذا كان الحديد قليل ولا لأ.
فيتامين ب12 والفولات: نتأكد إنهم في المستوى الطبيعي.

النتائج الطبيعية للفحوصات:
الهيموجلوبين: للذكور :من 13.8 إلى 17.2 جرام/ديسيلتر،
الاناث: من 12.1 إلى 15.1 جرام/ديسيلتر.
الحديد: من 60 إلى 170 ميكروجرام/ديسيلتر.
فيتامين ب12: من 200 إلى 900 بيكوجرام/مل.
تحليل فيتامين ب12 ممكن يستعاض عنه بتحاليل وشواهد تانية بدلا من تحليل الفيتامينات.

لو عاوز تعرف تفاصيل صحية وعلاجية اكتر، ابعتلنا واحنا معاك على مدار الساعة 🕝
خليك دايما متابع صحتك، واعرف إن الأكل الصحي هو نص العلاج. ولو حاسس بأي من الأعراض دي، متتكسلش وروح اعمل الفحوصات. صحتك بالدنيا! 😄

المصادر في اول كومنت 🫡

Address

Cairo

Website

facebook.com

Alerts

Be the first to know and let us send you an email when آية كمال - Aya Kamal posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to آية كمال - Aya Kamal: