Doaa lelah

Doaa lelah Doctor doaa lelah

05/04/2025

لو عايز تبني شخصية و عقلية جديدة يبقى مفيش عندك غير حل واحد هتقتل الشخصية القديمة قتل رحيم و بالتدريج عشان تتولد النسخه الأفضل و اللي تخلينا نعيش أحسن إحنا و المسئولين مننا …معلش هو مؤلم شويتين تلاته بس المردود يستاهل و الله.. و ده هيكون أختيار بملئ إرادتك إنك تتخلص من جزء منك أو عاده أو نسخه بحمولتها من الجروح و المشاعر المؤلمه و تتحرر منها و يطلعلك جلد جديد و نسخه جديده عشان تقدر تعيش و تحقق حاجات النسخه القديمة بتقلها و جروحها و ردود أفعالها مش هتقدر تحققه
معلش….السير علي طريق الوصول وصول..و احتسب السعي 🌷🌷

17/11/2024

🛑
🔷 ملخص كتاب "كيف تقطع علاقتك بهاتفك"

- هذا الكتاب يستعرض العلاقة بين الإنسان وهاتفه المحمول، مشيرًا إلى كيف أن هذه العلاقة يمكن أن تتطور إلى إدمان قد يؤثر سلبًا على الحياة اليومية. يبين النص كيف تعمل الهواتف على برمجة سلوكياتنا ويقدم نظرة على العلوم وعلم النفس وراء إدمان الهواتف. كما يستعرض الطرق التي يمكن بها مقاومة هذا الإدمان من خلال فهم كيفية تأثير التكنولوجيا على الذاكرة والنوم والعلاقات الاجتماعية.

🔷 الفصل 1: إدمان الهاتف في تزايد

- يتناول هذا الفصل كيف أصبح الناس "زومبي تكنولوجيين"، ملتصقين بهواتفهم أثناء التنقلات اليومية. يُظهر استطلاع أجرته شركة Deloitte في 2016 أن المواطن الأمريكي العادي يتفقد هاتفه 47 مرة في اليوم، وهذا الرقم يزيد بين الشباب ليصل إلى 82 مرة.

🔷 الفصل 2: وسائل التواصل الاجتماعي تحفز الدوبامين

- يستعرض الفصل كيف تحفز وسائل التواصل الاجتماعي إفراز الدوبامين في الدماغ، مما يؤدي إلى تعزيز الرغبة في الاستخدام المستمر للهواتف. يناقش الفصل أيضًا كيف تستغل الشركات هذه المعرفة لتطوير خوارزميات تزيد من التفاعل مع التطبيقات.

🔷 الفصل 3: الدماغ البشري يتشتت بسهولة

- يتحدث هذا الفصل عن كيفية تشتت الانتباه بسهولة نتيجة للبنية العصبية للدماغ البشري. يصف كيف تؤثر محاولات التركيز المستمرة على الدماغ وكيف يمكن أن تعوق الهواتف النقالة هذه العملية.

🔷 الفصل 4: الهواتف تعطل ذاكرتنا

- يفحص هذا الفصل تأثير الهواتف على الذاكرة القصيرة والطويلة الأمد. يُظهر كيف يمكن أن تؤدي المقاطعات المتكررة، مثل الإشعارات، إلى تدهور القدرة على تذكر المعلومات والتفاصيل المهمة.

🔷 الفصل 5: هاتفك يعطل نومك أيضًا

- يناقش الفصل كيف يؤثر الضوء الأزرق المنبعث من الهواتف على دورات النوم ويقود إلى مشاكل مثل الأرق والتعب المزمن، مما يؤثر سلبًا على الصحة العقلية والجسدية.

🔷 الفصل 6: تطوير الوعي الذاتي بشأن الهاتف

- يحث هذا الفصل القراء على تقييم عادات استخدام الهاتف والبدء في محاولة تقليل هذه العادات من خلال التجارب والاختبارات الذاتية.

🔷 الفصل 7: يمكنك حذف تطبيقات وسائل التواصل الاجتماعي دون حذف وجودك على الإنترنت

- يشرح كيف يمكن حذف تطبيقات وسائل التواصل الاجتماعي لتقليل الإدمان دون الحاجة إلى الانقطاع التام عن الإنترنت.

🔷 الفصل 8: كيفية تجنب الخوف من الفوات (FOMO)

- يعالج الخوف من تفويت شيء ما، وهو شعور شائع بين مستخدمي الهواتف ووسائل التواصل الاجتماعي، ويقدم استراتيجيات للتغلب على هذا الشعور.

🔷 الفصل 9: خطة الانفصال لمدة 30 يومًا

- يقدم خطة عملية مفصلة للانفصال عن الهاتف لمدة 30 يومًا، مع التركيز على تقليل الوقت المستغرق في استخدام الهاتف وتحسين العادات الصحية.

🔷 الفصل 10: خطة الانفصال لمدة 30 يومًا، الجزء الثاني

- يواصل تقديم النصائح والاستراتيجيات للأسابيع الأخيرة من خطة الانفصال، مشجعًا القراء على استكشاف هوايات جديدة وتحسين التركيز.

- يختتم الكتاب بتسليط الضوء على الأهمية الكبيرة لكسر إدمان الهاتف وكيف يمكن لهذا التغيير أن يحسن من الصحة العقلية والجسدية.
✅

09/11/2024

أول متلاقي نفسك عندك مشاعر كتييير اوي ناحيه شخص فجأه..عاوز تشوفه كتير..خايف تفقده..

وده مش بس في العلاقات الرومانسيه في الصداقه كمان..

اعرف ان في تروما اتحركت

معناها انتو الاتنين تروماتكم راكبه على بعض

معناها علاقه مؤذيه..

للأسف معظمنا متربناش على الحب الحقيقي فمش عارفين نميزه..

وكمان معظم الافلام والاغاني بتوصف العيا مش الحب الحقيقي

بس ده مش ذنب الفن..الفن معمول عشان يظهر الدراما في الدنيا مش الطبيعي..

الحب الحقيقي حتى في الصداقه

هدوء وسكينه

ارتياح

مفيش فيه لهفه خالص

في طمأنينه

(اللهفه معناها احساس بالخوف )

ملهوف على اللي بحبه (او اظن اني بحبه) عشان خايف اللي حاسه ده يروح او خايف اتساب( تروما يعني)

الشخص اللي بينكم حب حقيقي ممكن متحسش انه واحشك بالطريقه الملهوفه اياها

انت مطمن لوجودك عنده ووجوده عندك فممكن متشفوش ومتبقاش قلقان ولا واحشك بطريقه توجعك

اسفه لكن للاسف العلاقات السليمه نادره وممله عند الناس اللي بتحب الملاهي والخطر ..لكنها عميقه وعذبه ومسالمه ..واحنا مليانين تروما ووجع وبنحب الدراما..

08/11/2024

"من اكتر الصفات اللى لما بتختلط مع مرض تانى بتبوظ علاجه أو تخليه صعب الوسوسة والهسترة"
فتلاقى الحالة صعبة جدا مع انك شوفت حالات زيها كتير وقدرت تساعدها وهنا ممكن تدور على سمات وسواسية بتخلي المريض يشك فى كل معلومة انت بتقولها او يشك فيك او فى كفائتك او يشك أنك مش فاهمه ولما يتحسن يشك فى التحسن فبيكون المريض ماشى تقريبا ضدك وضد نفسه
وممكن يكون عند المريض سمات هستيرية بتخليه يزود فى الاعراض ويصفها أو حتى يحس بيها بطريقة مبالغ فيها تلخبط المعالج وساعات يكون من جوه هو حابب المرض بمستوى غير واعى ومش عايزه يروح لانه عامله مكاسب فبيكون اتجاه المريض عكس اتجاه المعالج

02/11/2024

هكتب انهاردة عن الصفات أو السمات اللي بنتولد عندنا استعداد ليها..
وده مش معناه البيئة والنشأة والتربية ملهمش دور..

البيئة والتربية ممكن تقوي وتُظهر صفة مولودين باستعداد ليها،
وممكن تكبتها أو تقللها
لكن البيئة مش هتغير الصفة أو السمة نفسها للعكس.

جدير بالذكر إن السمات دي موجودة بنسب مختلفة في كل شخص مننا
نكرر الجزيئة دي مرة كمان:
السمات دي كلها موجودة فينا كلنا ولكن بنسب مختلفة تترواح من قليل جدًا
مرورًا بقليل
ثم وسط
ثم كثير
ثم كثير جدًا

وجدير بالذكر كمان،
إنها سمات ثابتة في البشر باختلاف أعراقهم وثقافتهم..
وزي ماقلنا عن البيئة،
ثقافة أي مجتمع،
ليها دور في إظهار أو كبت صفة ما
————————————————-

١-الميل للتجمعات (شخص اجتماعي يتألق لما يقعد مع الناس ويتفاعل) مقابل الميل للجلوس مع النفس في صمت

٢- الميل لاكتساب المعارف بسرعة وقلة الرهبة في التعامل مع المواقف الجديدة مقابل الميل للتحفظ في المواقف الجديدة

٣-البحث عن الإثارة والحركة والمغامرات (شخص نشيط يمل بسرعة ويتفاعل مع الأحداث الجديدة المثيرة بشكل أعلى)

٤-الميل للعدوانية (سرعة الغضب - الميل لردود الافعال العنيفة)

٥-اللين والميل لموافقة الآخرين، مقابل توكيد الذات والصلابة والعناد والاعتداد بالرأي

٦-الميل لاستشعار الجماليات والتأثر بها

٧-الميل للاندفاع في ردود الأفعال مقابل الميل للتأني

٨-الميل للحرص العام والشك والتشكيك مقابل الثقة المفرطة وافتراض حسن النوايا

٩-الميل للتعامل بواقعية صماء والأشياء العملية مقابل القدرة على التخيل وتصور اللاموجود

١٠-الانفتاح في الكلام مع الناس مقابل الكتمان والتحفظ

١١-الذكاء والقدرات العقلية (IQ)

١٢-القدرة على التعاطي مع الأمور بالمنطق المجرد

١٣-القدرة على إيجاد بدائل وحلول

١٤-القدرة على إبداع شئ جديد في أي مجال

١٥-القدرة على التأثير في الآخرين (القيادة الفطرية)

١٦-الميل للإيثار (تفضيل مصلحة الآخرين مقابل الميل للمصلحة الشخصية)

١٧-الإحساس بالكفاءة الشخصية مقابل الإحساس بضعف القدرات

١٨-الميل للترتيب والنظام والقواعد مقابل العشوائية الخلاقة

١٩-الميل لحب الإنجاز وإنهاء المهام في الوقت، مقابل التسويف والإنجاز تحت ضغط

٢٠-الميل للإنتاج والعمل لفترات طويلة نسبىًا بدون احتياج محفزات خارجية (ضبط النفس لعمل ما هو مطلوب و/أو ضروي)

٢١-الميل أو الاستعداد للقلق والتوتر والاكتئاب

٢٢-الاستعداد للإحراج الشخصي (الناس اللي بتكون مركزة زيادة مع شكلهم أو صوتهم وحاسين إن كل الناس شايفين الديفوهات اللي فيهم)

٢٣-الميل للتعبير عن المشاعر بشكل مستمر

٢٤-الدوافع ومدى قوة تأثير الدوافع في التصرفات (الجوع - الجنس - الرغبة في الأمان - الحماية - اللعب والتسلية - التقدير من الآخرين - الانتماء إلى مجموعة والحصول على تأييدهم)

٢٥-الاعتماد على النفس مقابل الاعتماد على الغير

٢٦-القوة النفسية (العزيمة والإصرار)

٢٧-القدرة على التأقلم على الأوضاع الحيايتة المختلفة
————————————

السمات دي مزيج من اكبر مدرستين لتحليل الشخصية
-ريموند كاتل وتحليله للشخصية
-الـ Big Five Personality Traits

ملاحظة أخيرة:
١-بكرر تالت: كلنا عندنا نسب مختلفة من كل سمة من دول
٢-مفيش صفة حلوة وصفة وحشة - كلهم لو زادوا عن الحد بيكونوا سمات مضرة لصاحبها وللي حواليه
٣-الشطارة كلها انك تعرف نقط قوتك وتستخدمها صح،
وتعرف نقط ضعفك وتشتغل على تهذيبها
٤-شكرا

26/10/2024

نوبة الهلع 😱
مش معناها إنك هتموت
هى رسالة من جسمك بيعلن فيها إحتجاجه عن كبتك لغضب متراكم بقاله سنين !

25/10/2024

في العلاقات مافيش كلمة أسفة، إنت لازم تصلّح الغلط.

في الشكّ مابنسبش الطرف التاني لدماغه، إنت مُجبر تقدم إجابات.

في الغيرة مافيش إنت بتقيدني، في تصرف حازم بإني أكون أكثر إحترامًا لمشاعره.

في المشاكل مافيش هروب أو إنسحاب، في مواجهة وإلتزام.

في التصرفات مافيش أنا طبعي كدا، في ضبط ومحاولة للتغيير.

في المشاعر مافيش إعتمادية علي طرف واحد، في توازن في المسؤولية.

في المشاعر مافيش أصل أنا عملي وهو عاطفي، لازم نشبّع إحتياجات بعض.

في المسؤولية مافيش حضور لطرف عن طرف، إنتو الإتنين مُلزمين تنجحوا العلاقة.

مافيش البنت بتتاخد علي قد عقلها، إذا لم تكن علي توافق عقلي معاك ماتكملش.

مافيش أصل الولاد مابيحسوش، المشاعر مافيهاش ذكر وأنثي.

وقت الخناق مش حرب، دا أشد وقت للإحتواء.

وقت الخصام مش هجر وفُجر، دا أشد وقت للإنسانية وصدق المحبة ونوايا الخير.

الضغوطات مش مؤشر لسوء طرف أو أنتهاء العلاقة، دا تحدي لشدة تمسككم ببعض، الإنسحاب ساعتها دليل قاطع علي ضعف التمسك.

الفتور طبيعي جدًا في العلاقة، مش مؤشر علي جفا طرف.

العناد أول طريق لفشل العلاقة، الشخص العنيد بطبعه ميتعاشرش.

الفلوس بتشتري نوع واحد من الستات، واكيد إنت عارفه.

الأنوثة المصطنعة مش بتجذب غير نوع واحد من الرجالة، وأكيد إنت عارفه.

العلاقة مابتقومش علي راجل شديد الرجولة ولا أنثي متفجرة الأنوثة، العلاقة بتتبني علي أربع أركان.
إنجذاب القلب.
إنجذاب العقل.
الإنجذاب الجسدي.
الأنجذاب الروحي.
لازم يجتمعوا جميعًا في العلاقة، مابتنجحش علاقة بركن واحد أو رُكنين.

العلاقة مش راجل بيصرف ألوفات شهريًا ولا ست شايلة نضافة البيت علي كتافها.
"العلاقة تقدير وحِرص كل طرف علي إنه يقدم كامل مسؤولياته، إلتزاماته، حُبه، حُسن طباعه وقوة تحمّله للطرف الأخر"

الجواز مش يينهي الحُب، في طرف بيستني تعويض وإستحقاق زيادة عن اللزوم بعد الجواز.

الجواز مش بينهي الحُب، في طرف بيتحجج بكثرة المسؤوليات.

الجواز مش بينهي الحُب، في طرف كان واخد الحكاية نهايتها الجواز ف لما جات النهاية
إنتهت معاه الحكاية.

الجواز بيزيد معاه حُب العشرة والسكينة.

القوامة فرض يُحاسب عليه الرجل.

طاعة الأنثي لزوجها جهاد في سبيل الله.

العلاقات مافيهاش أنا كلامي يتسمع، في أسباب تُقدم ومن شروطها أنها تكون مُقنعة ويرضي عنها الطرف الأخر.

العلاقة مش راجل لازم يجبلي، علي قد الإمكانيات بنخطط بواقعية.

العصبية مش طبع، في تربية سمحت لشخص إنه يعلّي صوته وينفعل وخلاص تحت أي موقف.
فماتديش مساحة لشخص إنه يمارس عليك شيء في الأساس مُكتسب

"الجواز سكينة، والعلاقات راحة نفسية وعون"

14/10/2024

بلاش تنهي علاقة جميلة فيها مليون حاجة حلوة عشان حاجة بس وحشة
للأسف في الوقت الحالي، التويتس والبوستس كلها بتتكلم في نقطة ان نفسك ثم نفسك ثم نفسك وانك مش مجبر تستحمل حد ،كله غرقان في الفرديه ويلا نفسي!
بس guess what، اي علاقة حلوة بتشوفها حواليك هي مليانة مشاكل ، والعلاقات قائمة على المشاركة وتقبل الآخر مش دورها انها تغير الناس أو تحل كل المشاكل ، لكن انك تتكيف، متستخرجش من صاحبك او حبيبك أسوأ صفاته وبعدين تلومه عليها.. تجنبها.
لازم نستحمل بعض، الدنيا صعبة بما فيه الكفاية .

11/10/2024

لما حد بيسمحلك تشوف حته أعمق من روحه، تعرف أكتر عن معاناته، أحلامه، ضعفاته وانهزاماته، وعن ماضيه المؤلم.
أرجوك خليك مدرك كويس إنك بقيت في أرض مقدسة، في حته ماتحتملش العك أو الوعظ.
اسمع، شجع، اقبل واحضن كل الحتت اللي بتتفتحلك.

21/08/2024

في طرق كتير عشان الناس تدخل حياة بعض زي المصلحة ، الإعجاب ،الرغبه ، الإجبار .. إلخ ... بس هي طريقة واحدة وحيدة هي اللي بتضمن بقاء اي انسان في حياة الأخر .. و هي الإحترام ..!

-إدراك الشخص حتمية وجود قيمة الإحترام .. إدراكه انه مهما غاص في روتنية هذة العلاقه حيفضل كيان الطرف التاني خط أحمر !! لا يمكن يتم تجاوزه تحت مسمي الحب او العشرة او حتي الإرتباط ! .. و اللي بالمناسبة ، ده عمره ما كان عامل إضعاف للعلاقة إنما عامل اصيل لحمايتها من التشوه ! .. انا باحترمك عشان شايفك كبير اوي قادر تقرر و تختار ، باحترمك عشان واثق فيك و عارف انك قادر تشيل المسؤلية ، باحترمك عشان انت انسان حر مش جزء من ممتلكاتي او تابع مسلوب الإراده ليا !

مهما كانت العلاقة تبان صلبة و مستحيل تنتهي .. مهما كانت بدايتها زي افلام السنيما العالمية و العالم كله حكي عنها .. مهما كان فيها من عناصر النجاح المؤكد و التوافق القياسي .. لو مفيش عنصر الإحترام المتبادل لا يمكن تستمر !!
العبرة عمرها ما كانت مين دخل حياتنا ، إنما مين مستعد فعلا انه يكمل معانا ...

20/08/2024

النفسيه محتاجه ڤيتامينات نفسيه

عِش حياتك كما تحب أن تعيشها أنت، وتذكر أنك ستبحث يومًا عن كل الذين عشت فقط لأجلهم وتناسيت نفسك، وربما لن تجدهم. ❝

20/08/2024

واحنا بنتفرج أو نسمع عن نجاح معين،
محتاجين نفكر هل النجاح ده منهجي وقابل للتكرار؟
ولا حدث منفرد بظروف خاصة (Fluke)؟

كتير من النجاحات العظيمة غير منهجية وليس لها طريقة للتكرار
كم فرصة تكرار قصة مؤسس أمازون مثلًا؟
لو ١٠٠٠ شخص بدأوا بيزنس صغير في بدروم بيتهم لبيع حاجات أونلاين، كام واحد منهم هيبقى چيف بيزوس؟
واحد؟
اتنين؟

على الجانب الآخر،
لو ١٠٠٠ شخص بذلوا الجهد المنهجي المطلوب في مسار دراسة الحسابات أو العلاج الطبيعي أو الهندسة أو الطب مثلًا،
كام واحد منهم هيبقى ناجح؟
أكيد مش الألف
بس أكيد برضو أكتر بكتير من واحد أو اتنين

ليه بقول الكلام ده؟
لو إبني عاوز يستثمر وقته وجهده إنه يكون يوتيوبر بدل ما يبذلهم في كلية ليها مسار واضح ونجاحه قابل للتكرار،

على أساس اليوتيوبر بياخد فلوس كتير وبسرعة وكده،

هل ده قرار سليم؟

هل في طريق منهجي ومسار واضح يخلي معظم اللي يمشي في هذا الطريق يتحول ليتيوبر ناجح له ملايين المتابعين؟
ولا نجاح اليوتيوبرز ده fluke وحدث منفرد وغير منهجي وله عوامل وظروف خاصة، وتكرارها نادر؟

النجاح المبهر اللامنهجي براق
ومغري
لكن احتمالات فشله أكبر بكتير من احتمالات النجاح فيه

ولهذا،
عزيزي الشاب الجميل:
-فكر وحلل قبل الانبهار بنجاح ما

-حط وقتك ومجهودك في مسار منهجي قابل للتكرار
(ومفيش مانع تجرب في المسارات اللامنهجية، بس يكون لك أساس في مسار منهجي)

-اختار مجال بيستوعب الأعداد الكبيرة وفيه تخصصات متشعبة ومطلوبة
شكرًا

Address

New Cairo

Website

Alerts

Be the first to know and let us send you an email when Doaa lelah posts news and promotions. Your email address will not be used for any other purpose, and you can unsubscribe at any time.

Shortcuts

Share

Category