Rehab Elfkey Mental Health Consultant

05/01/2026

إن الله إذا أحب عبدًا، كشف له حقيقة مَن حوله.”

عارف يعني إيه؟
يعني لما ربنا يلاقي قلبك طيب، ونيّتك صافية، وماشي في الدنيا بنية الخير والسلام…
يحبك لدرجة إنه مايرضاش يسيبك مخدوع في ناس لابسة أقنعة،
ولا مستغلاك وانت فاكرهم سند.

ربنا بيحبك،
فبيكشف لك وشوش الناس على حقيقتها،
والمواقف تبدأ تتكلم بدلهم.

واحد يبان نفاقه
وواحد تحتاجله يغدر بيك
وحد كنت شايله فوق راسك… تكتشف إنه ما يستاهلش حتى نظرة.

طبيعي في الأول تزعل،
تتوجع،
وتسأل:
ليه ده حصل؟
ليه الناس دي طلعت مش حقيقية؟

بس الحقيقة إن ده مش وجع…
ده إنقاذ.

دي نعمة متنكرة في شكل خيبة

04/01/2026

النجاح مش لحظة حظ… النجاح رحلة تعب وصبر، اختيارات صعبة، وسقوطات محدش شافها غير صاحبها.
والتكريم الحقيقي مش بس شهادة أو تصفيق،
التكريم إن تعبك ما راحش هدر،
وإنك وصلت لأنك تبص ورا وتقول: أنا ما استسلمتش

صباحكم نجاح #عيادةنفسية

04/01/2026

03/01/2026

2026
نفسيًا… أنت لا تحتاج قفزة عملاقة لتغيير حياتك.
عقلك لا يتغير بالصدمة، بل بـ التكرار.

أكبر خدعة بيقع فيها الإنسان
إنه يقرر يتغير مرة واحدة…
فيُرهق جهازه العصبي،
ويرجع بعد أيام للإحباط والشعور بالفشل.

علم النفس بيقول:
العقل بيخاف من التغيير الكبير،
لكن لا يقاوم التغيير الصغير.

عشان كده
تحسين 1% يوميًا
أقوى من حماس 100% مرة واحدة.

العادة الصغيرة
(5 دقايق قراءة – سطر كتابة – مكالمة واحدة – خطوة واحدة)
بتدخل العقل في حالة اسمها:
الإحساس بالكفاءة
وده أساس الثقة بالنفس.

الثقة مش شعور…
الثقة أثر جانبي للالتزام.
لما تكمّل اللي عليك حتى وانت مش متحمس،
عقلك يسجّل:
“أنا شخص يعتمد عليه”.

ومع التكرار
النجاح الصغير ما بيبقاش صغير،
بيبقى تراكم
والتراكم نفسيًا = أمان داخلي + ثبات + وضوح طريق.

عشان كده
العادات هي الفائدة المركبة للصحة النفسية
حاجة بسيطة دلوقتي
تخلق إنسان مختلف بعد سنة.

سؤال نفسي مهم:
إيه العادة الصغيرة
اللي لو عملتها كل يوم
عقلك هيبدأ يصدق إنك شخص قادر؟

#عيادةنفسية

31/12/2025

2025 شكرا
علّمتنا حقيقة نفسية قاسية
إن أكتر حاجة بتستنزف الإنسان
مش الوجع…
الإنكار

إنكار إننا تعبانين
إنكار إننا عالقين
إنكار إن في علاقات كانت بتاكلنا حِتّة حِتّة
إنما. إننا محتاجين مساعدة

السنة دي كشفت:
إن الصبر من غير حدود = تدمير ذات
وإن التعلّق مش دايمًا حب
ساعات بيبقى خوف من الفراغ

2026 مش بداية
دي إعادة تنظيم نفسي

نقفل فيها:
دوائر مفتوحة
علاقات رمادية………وأدوار مش بتشبهنا
نكمّل بوعي…….مش بردّ فعل
وباختيار……………مش اعتياد

وداعًا 2025
شكرًا على التشخيص

أهلًا 2026
العلاج بدأ 💪🏻

30/12/2025

ما حدش خد عمري… أنا اللي سلّمته

أقسى لحظة مش لما يمشي،
أقسى لحظة لما تكتشف إنك كنت واقف بتتفرج على عمرك وهو بيتسحب،
وإنت ساكت، وبتقنع نفسك إن الصبر فضيلة.

محدش سرق عمرك، إنت اللي سيبته يتاخد وانت ساكت.

الحقيقة إن اللي قدامك كان مرتاح من غير التزام، وانت اللي دفعت تمن الانتظار.
الوجع كان في سيناريو اتكرر كل يوم وانت مكمل.

كان بيتهرب من الارتباط، مش لأنه مش قادر،
لكن لأنه كان مرتاح من غيره،
كان بياخد كل حاجة وانت ساكت:
حب، اهتمام، احتواء، وقت، طاقة،
وما بيديش غير وعود مطاطة تخليك تفضل مستني.

انت كنت شايف.
شايف التهرب.
شايف الاستغلال.
شايف إن العلاقة واقفة مكانها.
بس اخترت السكوت،
مش ضعف،
لكن خوف إن المواجهة تضيّع اللي باقي.

عدت 5 سنين أو اكتر وانت بتقول:
لسه شوية،
لسه هيتعدل،
لسه هيفهم قيمتي،
لسه هياخد خطوة.

الحقيقة القاسية إن اللي كان بياخد ببلاش
عمره ما كان ناوي يدفع تمن.

أقسى حاجة مش إنه استغلك،
الأقسى إنك سهّلت ده.
فتحت بابك،
مددت صبرك،
وبررت غيابه عن الالتزام،
علشان ما تواجهش حقيقة
إنك عايش علاقة من طرف واحد.

الرفض اللي جه في الآخر
ما كانش قرار لحظة،
ده كان انهيار سنين،
سنين ضاعت وانت موجود بلا اسم،
مفيد بلا ضمان،
ومستني خطوة
ما كانش ليها وجود غير في خيالك.

واللحظة اللي بتكسر فعلا
مش لحظة الفراق،
لكن لحظة الإدراك:
إن العمر اللي ضاع،
ضاع وانت فاكر إن التحمل فضيلة،
وطلع في الآخر
هروب من مواجهة
كان لازم تحصل بدري.

ولو حسيت إن الكلام ده وجعك،
فده مش لأنك ضعيف،
ده لأنك عرفت الحقيقة أخيرًا:
مش كل اللي خسرته كان بسبب اللي قدامك،
جزء كبير منه
كان لأنك فضلت مكمل
وانت عارف
إنك بتتسحب
من غير ما حد يمسكك.
#عيادةنفسية #صحةنفسية

29/12/2025

جاوب من غير تفكر كتير …

🧠 اختبار نفسي سريع (دقيقة واحدة)

اختَر أول إجابة تيجي في بالك من غير تفكير 👇

1️⃣ لما تصحى من النوم ,حاسس بتعب نفسي، أول تصرّف بيكون؟
A) مسك الموبايل
😎 سكوت شوية
C) محاولة القيام غصب
D) رجوع للنوم

2️⃣ أكتر إحساس مسيطر اليومين دول؟
A) ملل
😎 قلق
C) إرهاق
D) فراغ

3️⃣ لما حد يضايقك، رد فعلك غالبًا؟
A) تسكُت
😎 تفضّل لوحدك
C) عصبية مفاجئة
D) تجاهل وكأن مفيش حاجة

4️⃣ أكتر جملة حاسس إنها شبهك دلوقتي؟
A) “مش قادر أشرح”
😎 “قوي بس مرهق”
C) “مش فاهم نفسي”
D) “محتاج أرتاح”
#عيادةنفسية

28/12/2025

في ناس تبان إنها بتكرهك … مش كل كراهية معناها إنك غلطان.
في كراهية بتطلع لما تكون إنت صح… زيادة عن اللزوم.

حد كنت دايمًا واقف معاه
وساعدته
وعدّيتله أخطاء كتير
وفجأة تلاقيه بيتغيّر
ويقسى
ويطعن.

ساعتها ما تلومش نفسك.
هو مش شايفك شخص وحش…
هو شايف فيك نسخة مش عارف يكونها.

شايف هدوءك قوة
وبساطتك ثِقل
وكلامك القليل تأثير
وحضورك الطبيعي تهديد.

مش قادر ينافسك
ولا يعترف بنقصه
فبيختار أسهل حاجة:
يشوّهك.

افتكر
اللي جواه سلام
ما بيكرهش
واللي قلبه مليان
ما بيحقدش.

فلو كرهك حد كنت محسوب عليه
ما تحزنش
دي مش خسارتك…
دي شهادة #عيادةنفسية

27/12/2025

الهشاشة النفسية
هي حالة داخلية بيبقى فيها الإنسان حساس زيادة عن اللزوم لأي ضغط أو كلمة أو موقف. مش معناها ضعف شخصية، ولا قلة إيمان، ولا إنك “مش قد الحياة” زي ما ناس بتحب تختصرها.

الهشاشة النفسية معناها إن الجهاز العصبي متعب، والعقل مستهلك، والروح واخدة فوق طاقتها لفترة طويلة من غير استراحة حقيقية.

بتظهر إزاي؟
• بتتأثر بسرعة من أقل حاجة
• كلمة عادية تهزك
• موقف بسيط ينهكك
• دموع قريبة أو غضب مفاجئ
• إحساس دائم إنك “مش ثابت”
• إرهاق نفسي حتى لو مفيش مجهود واضح

ليه بتحصل؟
• تراكم ضغوط من غير تفريغ
• كبت مشاعر لفترة طويلة
• علاقات استنزفتك
• صدمات قديمة متعالَجتش
• دور القوي اللي طول عمره “مفيش وقت يضعف”

الهشاشة النفسية مش مرض…
هي إنذار
إنك محتاج تهدأ
تفهم نفسك
وتتعامل معاها برحمة مش بقسوة

المهم بقى

الهشاشة مش عيب
العيب إنك تكمّل وأنت مكسور من جوه وتطلب من نفسك أداء كامل

اللي واعي بيها…
يعرف إمتى يقف
وإمتى يطلب دعم
وإمتى يغيّر طريقة تعامله مع نفسه

سؤال يهز شوية:
هو إنت هش…
ولا إنت بس تعبت ومحدش سامعك؟ #عيادةنفسية

23/12/2025

سيلينا جوميز
من برّه نجمة عالمية
نجاح شهرة فلوس جمهور
ومن جوّه… صراع نفسي تقيل

سيلينا طلعت وقالت إنها عاشت اكتئاب حاد
وبعدها اتشخّصت بـ اضطراب ثنائي القطب
مش فترة حزن وعدّت
ولا دلع ولا ضعف
مرض نفسي حقيقي
كان بيخليها أحيانًا مش قادرة تقوم من السرير
وأحيانًا تانية طاقتها أعلى من قدرتها على الاحتمال

دخلت مصحات نفسية
اختفت عن السوشيال ميديا
اتكسرت قدام نفسها
وقالت جملة موجعة
“كنت مش فاهمة اللي بيحصلي… كنت فاكرة إني لوحدي”

‎💜 شيرين عبد الوهاب
صوت بيضحك قلوب
وضَحكة الناس فاكرة وراها قوة دايمة
بس الحقيقة كانت أصعب بكتير

شيرين طلعت واتكلمت بصراحة عن
الاكتئاب
الانهيارات النفسية
الإحساس بالوحدة رغم الزحمة
قالت إنها كانت بتطلع تغني وتبان انها مزقططة
وترجع البيت تقع ……مش قادرة تكمل
ولا فاهمة ليه كل ده بيحصل….. تعباااااانة
ولا قادرة تشرح لحد الوجع اللي جواها

القصة دي مش عن الشهرة
دي عن فكرة خطيرة بنقع فيها كلنا
إن اللي بيضحك
أو ناجح …..أو شكله قوي …..مستحيل يكون تعبان

الحقيقة؟
أقسى المعارك …….بتتحارب في سكات
وأشجع قرار …….إنك تعترف إنك محتاج دعم

البوست ده لكل حد
حاسس إنه “لازم يفضل قوي”
ومش مسموح له يقع
الوقوع مش عيب
العيب إنك تتألم لوحدك وتسكت

طلب المساعدة
مش فضيحة ……. وإن الاعتراف بالتعب
مش نهاية………………….ده بداية علاج
#عيادةنفسية

18/12/2025

كل ما الست تتعلم تشيل حياتها بإيدها،
كل ما إعجابها يقل بالرجالة اللي كل اللي عندهم كلام.

مش علشان قفلت قلبها
ولا علشان بقت “مستقلة زيادة عن اللزوم”
لكن علشان كل مرة تدفع الإيجار
وتشيل مسؤولية
وتقوم من وقعة لوحدها
بتفتكر إنها هي السند… لنفسها.

الحياة عمرها ما وقفت مستنية حد
ولا النجاة كانت مؤجلة لحد ما حد ييجي
هي كملت
واتعلمت
وقفت على رجليها غصب عنها

فعشان كده
لما يدخل حياتها راجل بيتكلم عن الحب
من غير شراكة
عن المشاعر من غير دعم
عن القرب من غير استعداد يشيل
بيبان بسرعة
مش كشريك
كفاتورة جديدة
عبء تاني
واستنزاف لطاقة هي أصلا مستهلكة

الحقيقة اللي محدش بيحب يقولها
الحب من غير فعل التزام
والمودة من غير مسؤولية كلام فاضي
والراجل اللي عايز وقتها
وجسمها
وطاقتها
من غير ما يضيف أمان
ولا استقرار
ولا قيمة حقيقية
ده مش شريك
ده حمل زيادة

الست اللي اختارت تكون لوحدها
مش مريرة
دي تعبانة
زهقت تقود الطريق
وقدامها رجالة مش عارفة هي رايحة فين
زهقت تحس إن طلب الأمان أو السند طلب كبير

هي مش مستنية حد ينقذها
بس برضه مش هتقبل براجل بياخد وبس
مشاعر من غير أفعال
وحضور من غير مسؤولية

هي مش عايزة تعلّم راجل كبير يعني إيه رجولة
ولا تشرح لحد يعني إيه شراكة

مش “صعبة الحب”
هي بس مبقتش مستعدة لعلاقة تحسّها عبء
مش نعمة

فلو عايز تكون في حياتها
ما تتكلمش عن إنك راجل
خليك راجل
جيب سلام
جيب أمان
جيب استقرار
وخليك وجودك مريح
مش تقيل

لأن الست اللي عرفت تعيش لوحدها
مش محتاجة كلام
محتاجة شريك يخفف عنها

ولو مش جاي تشيل معاها
امشي

د. رحاب الفقي
#عيادةنفسية