16/01/2026
كتير بيعانو من الشهية المفتوحة في الشتا وعدم القدرة على السيطرة عليها، واللي بيحصل ده للاسف له تفسير علمي
لان احساسك بالبروده بتحاول تعوضه بعمليه الاكل ثم الهضم واللي بتولد حراره ده غير الراحه النفسيه
, دول مجموعة حاجات اظن هاتساعدك كتير تقلل من شهيتك :
1-شرب الماء الكافي لان اوقات كتير بيكون احساس العطش مشابه لاحساس الجوع
2-النوم الكافي وعدم السهر , سهر كتير يعني حف ودليفري ومشواير للتلاجه كتير
3-الملح الكتير بيفتح نفسك على السكريات وبعد ماتاكل حلو تبقى عايز تحدق وبعد ماتحدق تبقى عايز حلو وبسبوسة و فشار وفشار وبسبوسة وجاتوه ومخلل ومخلل وجاتوه
4-كل بروتين كفاية بطيء في الهضم بيحسس بالشبع جدا
5-كل الياف كفاية و كل خضار خس خيار كوسه سبانخ بصل اخضر جرجير
6- كل فاكهة باعتدال غنية بالاياف بترفع هرمون السعادة السيروتونين
7-ماتروحش السوبرماركت او الكشك وانت جعان ماتهيألي مش محتاجه شرح
8-هاتاكل حلو ومشتقات دقيق كيك باتيه معجنات كوكيز بسكوت دوناتس ام علي عيش ابيض انسولين يعلي بسرعة وينزل بسرعة تجوع بسرعة
9-الزهق والملل والفراغ بيجوع لانك مش لاقي حاجه تعملها الاحسن ترازي في خلق الله والرايح و الجاي
"البيتزا ماينفعش تاكل واحده لارج وتقول هاحرقها في التمرين دي هاتقعد في جنابك ليوم الدين "
"كمان بلاش تمشي ب مبدأ وجع البطن ولا دلق الطبيخ
لو كل ده ماقدرش يساعدك يبقى لله الامر من قبل ومن بعد
