What are the opening hours?

Wednesday 9am - 5pm Thursday 9am - 5pm

https://www.facebook.com/444653532387807/

عيادات نفوس مطمئنة "للطب النفسي وعلاج الادمان ", new cairo (2025)

15/08/2025

لا يوجد شعور مشتعل باستمرار ، فالمشاعر لها حياتها ونبضها الطبيعي ، وكذلك قوتها وضعفها ، اندفاعها وانحسارها ، زيادتها ونقصانها ... !

دكتورة / وسام منصور زايد

22/07/2025

الكوتش مش معالج نفسي
المعالج النفسي مش بيكتب أدوية
الطبيب النفسي اللي مش دارس علم نفس ومدارس علاجية مش معالج نفسي
#بديهيات

13/06/2025

‏ماذا يحدث عندما يكون الشخص الحدي في علاقة حُب؟

‏الشخص الحدي يعيش الحُب كأنه حياة او موت ، فالحُب عنده ساحة معركة بين الإحتياج الشديد و الرهبة من الهجر

‏يتعلق بشكل مُفرط و يخاف يفقده ، الشخص الحدي غالبًا يشعُر بأن الآخر هو طوق النجاة ، فحين يُحِب، يتشبث.. يذوب.. يُفرط في القُرب
‏لكن في الوقت نفسه تجيه هواجيس دائمة :
‏لو تركني؟ بينساني ؟ هل أنا غير كافي ؟
‏هذا يُسمى في DBT بـ الخوف المرضي من الهجر و هو حجر أساس في هذا الإضطراب

‏عنده تقلبات عاطفية عنيفة ، مثلاً أنت حبيبي و قلبي إلى أنت اسوأ شي صار لي و اكرهك ..

‏التقلبات هذي تكون استجابة عصبية شديدة لإنعدام الإستقرار الداخلي

‏عنده صورة غير مُستقرة للذات و للآخر ، يوم يشوفك ملاك و يوم يشوفك عدو ..

‏لديه سلوك إندفاعي و إختباري ، يعني مثلاً يختبر حبيبه بإفتعال المشكلات او حتى إيذاء النفس ليختبر هل يبقى معي؟ هل يحبني رغم كل شيء ؟

08/06/2025

الجسد لايستطيع الكذب .. فالجسد يعبر عن الحقيقة حتى لو حاول الشخص اخفاءها ...!

دكتورة / وسام منصور زايد

02/05/2025

أنا لستُ ما حدث لي، أنا ما اخترتُ أن أكونه...

كارل يونج

15/04/2025

المعالج مش جاي يقولك تعمل إيه…
جاي يصالحك على اللي جواك بيزعقلك طول الوقت.

أوقات كتير اللي بيعذّبك مش الناس…
ده أبوك وأمك اللي جواك، صوتهم اللي لسه بيقولك “عيب… غلط… ماينفعش”.

العلاج النفسي مش بيخلّيك إنسان تاني،
هو بيرجعلك لنفسك الأصلية… قبل ما كل الناس تعلّم فيك.

أنت مش محتاج تبطل تكون طفل،
أنت محتاج تبقى راشد يختار إمتى يعلّب ويمرح، وامتي يشد على نفسه.

لما تلعب مع عيالك وانت جواك طفل مكتوم…
مش هتعرف تضحك من قلبك، هتحس إنك بتتراقب من صوت بيقولك: إيه اللي بتعمله ده؟

المعالج شغله مش يحكم عليك،
شغله يخليك تصاحب نفسك… حتى لما تبقى نفسك دي مرهقة ومتعبة.

مش دايمًا الحل إنك تكون قوي…
أوقات كتير محتاج حد يقبلك وأنت واقع،
والمعالج بيكون أول حد يعمل كده.

العلاج النفسي مش رفاهية…
ده الطريق اللي بتشيل فيه الهم اللي اتراكم عليك من وانت عندك ٣ سنين.

-منقول

08/04/2025

انا
تعالوا نحكي عن شويه اعراض لفرط النشاط عند البالغين
✓مبعرفش اقف في طابور او استنى دوري
لو رايحة مكان زي بنك او البريد او طابور العيش وهاضطر استنى دوري ممكن امشي إلا لو الموضوع مينفعش يتأجل ودا برضو مش مبرر ليا اني استنى
✓شخص فوضوي جدا
مبعرفش ارتب الدنيا اوي سواء كان في شقتي أو حتى في شغلي وأفكاري. نظيفة اه بس مش منظمة خاليييص☺️هدومي عمري ما علقتها ولو مره حصل مكملش تعليق والغسيل عمري ما طبقته
✓النوم مشكلة كبيرة
لاني مبعرفش انام طبيعي على الاطلاق ببقى هاموت وانام زي دلوقتي وانا بكتب كدة 🤣 بس بقاوح وكأني داخلة في منافسة مين اللي يفضل صاحي اطول🥱كمان مبعرفش اقوم بدري حرب عشان انام وحرب عشان اقوم واقوم بقه مضروبه ١٠٠ علقه
✓بفقد الشغف بسهولة
يعني ببدأ أي حاجة بحماس شديد وبعد فترة بقول لنفسي هو انا بعمل ايه هنا🤣 لا مش هاقدر اكمل واسيب الحاجة مكملهاش.
✓بالعه راديوا رغاااايه
لو بتكلم في موضوع محمسني، ممكن افضل اتكلم فيه بالساعات مبفصلش🤐الشرط الحماس
✓ايقاعي سريع برضه شرط الحماس
يعني بمشي بسرعة، باكل بسرعة، بعمل شغلي بسرعة _لو الشغل دا عاجبني_ لا وكمان بطالب بالسرعة مع اي حد بيكون معايا في اي حاجه.
✓الملل بيقتلني علي طول بفرك ايدي شغاله علي طول واحيانا رسومات كتير علي الطاوله الورق برسم نجوم وشجر
مقدرش اقعد ساكتة ابدا ولازم اعمل حاجات تشد انتباهي ولو بقرأ في كتاب وأول سطرين متشدتش مبكملش لو فيه معلومات ايه.
اقولكم على حاجة انا عمري مكملت وقت الامتحان ابداااااااا. لازم اخرج في نص الوقت😆
✓مفيش تركيز تقريبا
التركيز عندي شبه معدوم يعني ممكن تقولي على حاجة مهمة وانا ببص على التليفزيون وفي الاخر تقولي أيه رأيك؟ هاسمع كلمة ايه رأيك بس 😂
انا من كتر عدم التركيز في امتحان الكيمياء في ثانوي حليت سؤال ترتيب تنازلي على انه تصاعدي وطبعا سقطت وللعلم خرجت برضو في نص الوقت 🤪
✓العصبية وانا
انا شخص مش عصبي بس عندي نوبات غضب شديدة ممكن فيها اخسر اللي قدامي
والدتي بتقولي اني عندي مظهرين في عصبيتي،
واحد وشي فيه بيكون أحمر ودا ميتقلقش منه😅
التاني لون وشي فيه بيكون اصفر ودا لما بيحصل بتقول للجميع ابعدوا🤣🤣🤣🤣🤣
كمان لما بوصل للحالة دي بطلب من اللي قدامي انه يسيبني امشي وانا هاهدى لوحدي.
ووالدتي الله يخليها لوحدها في الوقت دا كانت بتفتح الباب وتقولي خلي تليفونك بس مفتوح. لاني كنت بفضل ماشية بدون وعي لحد ما اكتشف نفسي في مكان معرفش انا جيت هنا ليه الف وارجع وانا هادية نوعا ما. ودي مهارةانا اتعلمتها 😍
✓النسيان مشكلة كبيرة
انا بنسى التفاصيل اليومية الصغيرة اللي مبتعلمش معايا في موقف مهم، وحاليا لقيت نفسي ناسية تقريبا سنين من عمري معرفش حصل فيها ايه، او موقف حد يفكرني بيه وبرضو معرفش اوصله في دماغي😅
✓التفكير الزايد
انا تقريبا دماغي مبتفصلش، وممكن لو نمت وانا بفكر في حاجه اكمل تفكير جوه الحلم
بفكر في مليون حاجه في نفس الوقت تقريبا😂دماغي مليانه كراكيب المذاكره الغسيل وغسيل سناني ومواعيد الدكتور
✓حساسة جدا تجاه آراء الناس عني
تخيلو بقيت ام ولسه بسأل نفسي ياترى هايحبوني لو رحت الفرح الناس هاتستلطفني ولا هايكون شكلي مش لطيف، تفتكرو انا بكتب حلو ولا الكلام اللي بكتبه دمه تقيل؟
✓بقاطع الكلام كتير
يعني لو حد بيتكلم مش بديه فرصة يرد لو جات في دماغي كلمة، والناس بتفتكر دا قلة ذوق مني لكني بكون مش هاقدر امنع الكلمة تخرج
واحيانا بطلع اسرار البيت وممكن اوقع الدنيا في بعضيها مش قادره مبتتبلش في بقي فوله
✓انا متمردة متأمرنيش مفيش اوامر انا محدش يتأمر عليا
من صغري مبحبش الاوامر نهائي اطلاقا بتاتا😅
الطلب ليه طريقتين عندي
اكتبي الواجب يلا😡
تيجي انا وانتي نشوف اخدتي ايه في المدرسة😃
الاولى مكانتش بتاكل معايا ولا بتشرب يعني مش هاكتب حاجة🤣حتى لو انضربت
التانية تخليني اجري اجيب شنطتي وانا منشكحة جدا😍
وللاسف مكمل معايا الموضوع دا لحد الان وكل اللي بتعامل معاهم بشكل قريب بفهمهم النقطة دي 🤣 ومش شايفاها عيب على الاطلاق فيا
✓الوظيفة المكتبية نووووو
انا ياجماعة مقدرش اكون موظفة خاليييص مالص
كدة بحكم على نفسي بالموت البطيء
مهما كانت الوظيفة عالية وفرصة اي حد يحلم بيها، لكني لا أناسبها وليست هي التي لاتناسبني 😅حبة لغة عربية انما لوز🤣🤣🤣😂
✓تأجيل المهام
في مرحلة ما بلاقي نفسي حطيت تاسك كدة مهم في جدولي _وانا أصلا معنديش جدول_ بعد يوم اقول لنفسي هاعملها أنتي لها يا x وادلع نفسي خلصيها يالولو بقى😅
وافضل كدة لحد قبل معادها بساعة اقوم اخلصها في اقل من ربع ساعة وقد كان
✓بشتغل تحت ضغط بمزاجي🤣
اه والله يعني ممكن اخلص حاجة في ساعة غيري يخلصها في يوم لو انا مضغوطة
بس ساعات تانية بلغيها لاني مش قادرة اضغط نفسي
✓مبقبلش الاهانات اطلاقا
يعني امي تضربني علقة بس متقوليش ياغبية😭
هي ماكانتش بتضربني بس بدي مثال
مرة كنت في الاعدادي في الطابور والبنت اللي ورايا اتكلمت بصوت عالي لقيت المدير في الميكروفون بيشاور عليا وبيقول المتخلفة الغبية تقريبا اللي بتتكلم تجيني😡
قولتله انا قالي اه
رحت له لقيت المدرسين بيدافعو عني وزمايلي وبيقولو اني مفتحتش بوقي🤐بس انا خلاص اتهانت😭
يسكتوني بقي مسكتش انهيار عصبي حصلي
اخدوني على مكتب المدير عشان يهديني قالي كل دا عشان شتمتك امال لو كنت ضربتك بقى
قولتله كان اهون عليا تضربني بدل ما تشتمني قدام الجميع 😔
الراجل قام من مكانه واتخض وكان معاه موجه بص له وقاله ازيك بقى🤣🤣🤣🤣 واعتذرلي🤣

✓ التردد
عاوزة هدوم انا هاروح اشتري فستان جديد الموضوع سهل خالييص
دا عند الناس العادية انا نوووووو😅
لا دا لونه فاتح اوي هايخليني كرنبة وانا مش ناقصة
لالالا دا مش هاينفع ليا خالص انما ينفع البت ياسمين انا هاشتريه ليها حلو كدة والوانه هادية
وينتهي بيا المطاف بعد عشر ساعات لف باحتمالين يا هرجع من غير حاجه يا هاروح اجيب اول حاجة شوفتها ومش هاكون مقتنعة اوي😂
✓اجتماعية ومش اجتماعية
للوهلة الاولى لما تشوفني هاتتخيل اني شخصية نكدية او متكبرة خصوصا في التجمعات 😔بس انا ببقى مكشرة لاني عمالة في مخي اقول ياتري شكلي عامل ازاي في عيونهم ياترى متقبلين ان وزني كبير ، ياترى الهدوم شكلها حلو ولا وحش
ياااارب مياخدو بالهم من الدبوس البينك اللي في الطرحة😂😂😂😂
انما اول ما اتعرف واقرب شوية تلاقيني بقى طنط بمبة اللتاتة وممكن احكيلهم مشاكلي في الطفولة كمان😂😂😂زيمبقولك كدة
ودا يرجعنا للحساسية الزيادة في البوست الاول للاعراض
✓قرارات متهورة
تبقى قاعد لابيك ولا عليك تلاقيني بقولك ماتيجي نشترك في كورس كيف تصنع دولابك، يابنتي محنا عندنا دولاب جوه، ما جايز يبوظ ونحتاج واحد جديد😒نشتري بقى ولا نعمله بايدينا
انا اكتر واحدة اشتركت في كورسات محضرتهاش
ودا يرجعنا لنقطة فقدان الشغف في البوستات الاولى
✓التفكير المصائبي
😂ايوة عرض من اعراضي اسميه براحتي
كنت ومازلت عندي مشاكل مع الفرضيات التشاؤمية يعني مثلا تبقى في ميكروباص قاعد في امان الله تلاقيني بقول في سري حاسب حااااسب حاااااسب هانتخبط ونمووووت كلنا
وقيسو عليها اي حاجه تانية بقى
✓المزاج المتقلب
انما اليوم دا جميل جدا والواحد حاسس بمنتهى السعادة..... كمان ساعتين..... انا مش عاوزة اشوف حد محتاجة ابقى لوحدي شويه. مالك يابنتي مفيش مخنوقة شوية مبتتخنقوش يعني من غير سبب🥺
اهوه كدة وانا فهمت المقربين لقيتوني كدة بلاش تسألو ساعة وهارجع كما كنت وخزان الاحزان اللي كان بيتكلم من شوية هايقلب الدنيا ربيع والجو بديع
✓تجربة كل ما هو جديد
اه انا تقريبا اشتغلت كل حاجه اعرف اشتغلها والحمد لله عندي مهارات كتشيير جداا 😂 ودا يرجعنا لنقطة فقدان الشغف. فبمجرد ما بتعلم حاجة جديدة واتقنها بدور على غيرها بقى اتعلمه😅زهقت ياجماعة هاشوف حاجه جديدة اتعلمها عشان كدة بقى عندي حصيلة معلومات لابأس بها الحمدلله.
✓النسيان
هاعدل البوست كل شوية بقى لما افتكر حاجات جديدة 😂😂😂😂😂
ماهو انا بنسى زي ماقولت ودي لازم لازم تعذرو فيها ال وللاسف ممكن اخسر ناس بسبب اني بنسى اسأل عنها واطمن عليهم على الرغم انهم بيكونو واحشني جدا، وكتير كتير بمسك التليفون عشان اكلم حد عزيز عليا وألاقيني بفتح الفيس وانسى ودا يرجعنا للكلام عن التركيز لان دا صلب التشتت والله 😂

✓انا والاندفاعية
حقيقي كلموني كتير انتي متكلمتيش عن الاندفاعية ليه🥺
عشان الاندفاعية عاوزة بوستات لوحدها
مبدأيا كدة انا كنت طفلة هادية نوعا ما، وطبعا دا لان في فرق كبير بين فرط الحركة عند الاولاد وبين البنات بس خد عندك بقى شوية من سلوكيات طفولتي المشردة😂😂😂
_موقف 1
تقريبا كنت 3 او 4 سنين كانت خطوبة خالتي والدنيا هايصة وانا كأي طفلة عاوزة عصير رحت اخد ازازة جوز خالتي الكبيرة زعقلي اسكت ودي تيجي🤣
بيت جدتي بعيد عننا كتير والكل في الفرح رحت ساحبة نفسي انا ومروحة😂
والفرح اتقلب ويدورو مفيش فايدة لحد ماأمي قالت يمكن روحت قالولها هي هبلة يعني مانتي هنا هاتروح لمين
بس على مين🤣
أمي روحت لقتني بخبط على الباب وبقولها افتحي ياماما 🤣الذكاوة دي مش وراثة على فكرة😂
_موقف 2
افتكر كنت في ابتدائي واخويا الاكبر مني اتخانق معايا وضربني قلم🤛
اسكت؟ ودي تيجي. عارفين أفلام الاكشن مخي كان رد فعله اسرع من الصاروخ حقيقي هو ملحقش ينزل ايده لقى صوابعي معلمة على وشه اشمعنى هو يعني 😅 بس وعندك مش هاقولكو الباقي انتو عارفينه🤐
_موقف 3
كبرت بقى شوية وعقلت بقيت بنت كيوت في الاعدادي كنت بكره الدراسات مبحبهاش بس بذاكرها عادي. اللجنة اللي هاتراقب علينا قرايب جيرانا، تقوم ماما تقول لحد فيهم ما تروح تطمن على x كدة في الامتحان🥸
قبلها بثواني كنت واقفة في اللجنة ومزعقة عشان دا مش اسلوب دا البنات دي بتغش 😒
ألاقي جارنا داخل عليا اللجنة بيقولي ناقصك حاجة في المادة🙃
طبعا دا راجل كبير وانا عيلة مفعوصة لقيتني بقوله بكل أرف إنت إيه اللي جابك 🤣
الراجل اتحرج وطلع يجري
_موقف 4
كبرت وعقلت بقى امال بقيت في جامعة ما شاء الله عليا والكل بيقول العاقلة راحت العاقلة جت
كان عندي امتحان الترم التاني وانا مكنتش ذاكرت لظروف خاصة وقولت اروح وربنا يسهل😅
ركبت العربية لان جامعتي كانت في طنطا وانا في القاهرة. وكالعادة مبعرفش استنى في الموقف فبركب كذا عربية عشان اتجنب الانتظار
المهم انا كنت نازلة على الدائري والعربية وقفت عشان انزل يقوم مخي اللي مفيش منه اتنين يقولي ايه هو انتي هاتروحي تغشي يعني ماتيجي نطلع على الكورنيش نتفسح 🙃وانا معرفش الكورنيش دا فين اساسا 🤣
كملت في العربية ونزلت معرفش فين .ومحضرتش الامتحان
محدش يقول لمامتي بقى
منقووووول

02/04/2025

منتظرين البقية يا دكتورة 🧐

21/02/2025

✍️العلاقات والأمان العاطفي: فك شفرة الخوف والتقارب

تُبنى العلاقات العاطفية على أساسٍ من الأمان النفسي، حيث يكون الارتباط صحيًا ومستقرًا. ولكن عندما تتسلل مشاعر الوحدة، الألم، الحزن، والخوف إلى جذور العلاقة، تهتز دعائمها وتصبح عرضة للانهيار. فبدلًا من أن تكون العلاقة مساحةً للتواصل والاحتواء، تتحوّل إلى ساحةٍ للصراعات الداخلية والخارجية، مما يجعلها أكثر هشاشةً وأقل استقرارًا.

👈الخوف: المنظومة الخفية التي تحكم العلاقات

الخوف ليس مجرد شعورٍ عابر، بل هو نظام إنذار داخلي متجذّر فينا منذ لحظة وجودنا. وفقًا لعالم الأعصاب جوزيف ليدو بجامعة نيويورك، فإن الدماغ يحتوي على مركز خاص بإدارة الخوف يُعرف بـ اللوزة المخية. هذه المنطقة تعمل على إطلاق استجابات دفاعية تلقائية عند الإحساس بالخطر، مما يؤدي إلى تراجع التفكير العقلاني وهيمنة الانفعالات على السلوك.

يمكن تشبيه هذا الأمر بجهاز إنذار في المنزل، مصمم لحمايته من اللصوص، ولكنه أحيانًا يطلق إنذارًا مزيفًا بسبب تحرك قطة أو مرور الريح. كذلك الخوف في العلاقات، قد يكون استجابة طبيعية لتهديد حقيقي، لكنه أحيانًا يُثار بسبب جروح قديمة، حتى لو لم يكن هناك خطر حقيقي.

👈عندما يصبح الخوف حاضرًا في العلاقة، يترجم إلى أنماط سلوكية غير واعية، مثل:

■ محاولات استعادة العلاقة بشكل قهري، حتى وإن كان الثمن هو الاستنزاف العاطفي. كمن يطارد شخصًا يبتعد عنه باستمرار، متجاهلًا أن العلاقة تحتاج إلى رغبة متبادلة لا إلى مطاردة.

■ الانعزال الداخلي كآلية لحماية الذات، لكن مع تصاعد "حديث الخوف" في الداخل:
"لن أسمح لأحد بإهانتي مجددًا، لن أتعرض للألم مرة أخرى."
يشبه ذلك الشخص الذي يبتعد عن البحر تمامًا بعد أن كاد يغرق مرة، غير مدرك أن المشكلة لم تكن في البحر، بل في عدم معرفته بالسباحة.

■ تكرار النزاعات بشكل قهري، حيث تتحوّل المشاعر العنيفة إلى استجابة دفاعية تلقائية، حتى في مواقف لا تستدعيها. تمامًا كمن يستخدم المظلة في يوم مشمس لمجرد أنه اعتاد على المطر، متجاهلًا أن الظروف قد تغيرت.

👈لماذا تتكرر المشكلات رغم وجود نية الإصلاح؟

في كثير من العلاقات غير الآمنة، يكون تركيز كل طرف منصبًا على الأذى الذي تعرض له، مما يجعل لغة الحوار تتشكل من الخوف، الغضب، الدفاعية، والعناد. وهنا تتحول العلاقة إلى خوارزمية نفسية غير واعية، حيث تتكرر الأسئلة ذاتها دون الوصول إلى إجابات:

▪︎ من المخطئ؟

▪︎من الجاني؟

▪︎من المسؤول عما حدث؟

لكن الحقيقة أن وراء هذه الأسئلة تكمن احتياجات عاطفية عميقة لم تُلبَّ، مثل الحاجة إلى:

▪︎الأمان النفسي

▪︎الاحتواء العاطفي

▪︎القرب والتواصل الصادق

يمكن تشبيه ذلك بشخصين في مركب صغير وسط العاصفة، كل منهما غاضب لأن الآخر لم يجدّف جيدًا، في حين أن الحل الحقيقي ليس في تبادل اللوم، بل في التكاتف لإنقاذ المركب من الغرق.

عندما ندرك أن الخلافات ليست مجرد مشكلات سطحية، بل هي انعكاسات لاحتياجات غير مشبعة، نبدأ في فك شفرة الانفصال العاطفي، وبدلًا من أن نبحث عن الجاني، نبحث عن الجرح وكيفية مداواته.

👈العلاقات لا تحتاج إلى الكمال، بل إلى التوازن

ليست هناك علاقة مثالية تخلو من التحديات والاختلافات. العلاقات أشبه بالسير على جسرٍ معلقٍ فوق هاوية، حيث يتطلب العبور وعيًا متزنًا بكل خطوة. وعندما تهب الرياح، قد لا يكون الحل في التراجع أو التمسك بالموقف، بل في التوقف سوياً، الإمساك بالأيدي، واستعادة التوازن معًا.

ففي النهاية، العلاقة التي تُبنى على الخوف تنهار بفعل التكرار القهري للألم، بينما العلاقة التي تُبنى على الأمان العاطفي، حتى لو تعرّضت لهزات، تظل قادرة على التماسك، لأن أساسها ليس الصراع، بل الاحتواء والوعي. تمامًا مثل شجرة تضربها الرياح، فالأشجار التي تمتلك جذورًا قوية قد تنحني قليلًا، لكنها لا تسقط.

نقلاً عن :
د. احمد عبد المنعم

07/02/2025

مبدئيًا الشخص إللي عنده Overthinking دماغه مش بتقف عن التفكير حتى وهو نايم وبيتعذب جدًا بسبب ده طول اليوم..بيفكر في أمور جادة جدًا وعادةً سلبية في كل وقت حتى
وهو بيتفرج على فيلم في السينما، حتى وهو بيستحمى وبياكل، حتى وهو بيصلي.

لو ربنا إدالك نعمة إنك تدخل الـNothing box شوية وتسرح في اللاشيء، فهو فعلا ما يعرفش يعني إيه نوثينج بوكس..عمره ما جرب إنه مخه ما يبقاش بيلف زي الخلاط..
ومن كتر تسارع الأفكار في مخه بيحس كأنه فيه حد ماسك شاكوش وبيدق مسامير في دماغه..

بيدخل بعدها في حالة تشبه حالات الهوس، بيبقى عنده رغبة شديدة في الكلام وغنه يطلع كل مشاعره وأفكاره دي فورًا بعد Over dose التفكير إللي هيجيب أجله،
علشان كدة هتلاقيه ساعات بيرغي بلا توقف وبيتكلم بسرعة جدًا وممكن يعيد نفس المواضيع إللي اتكلم فيها 100 مرة..

إنت فاكره ممل وما بيزهقش بس الحقيقة إنه مخه بيفضل يعيد ويزيد في نفس الفكرة بمحاور مختلفة كل يوم..
دايمًا مضطرب وقلقان في علاقاته وإفراط التفكير بيخليه يسأل نفسه طول الوقت.. هو أنا غلطان؟ هو أصحابي بيحبوني؟ هو حبيبي بيحبني؟ هو أنا المفروض أقول كدة؟ هو كان متعود يتصل بيا ليه بطل يتصل..أكيد أنا عملت حاجة غلط؟
لو شوفت رسالته وما ردتش عليه بيصبر شوية وبيستحمل، بس بعد شوية الأفكار بتتمكن منه: أكيد هو عيان أكيد فيه مشكلة ممكن يوصل بيه التفكير لو اتأخرت عليه كام يوم أو اتغيرت معاه في المعاملة كام يوم إنه يفكر إنك خلاص مش عايز تعرفه تاني!
تخيل مدى ألمه وهو بيترجم تصرفاتك إنك مش بتحبه ومش عايز تعرفه تاني؟!

إنت بتبقى فاكره بيزن أو بيتدلع أو مقموص لما بيقعد يقولك مالك رد عليا، أو يتصل بيك كتير، لكن هو الحقيقي بيبقى محتاج جملة واحدة بس تريحه علشان يعرف ينام..لإنك بتبقى قاعد في بيتك بتتفرج على فيلم أو نايم
(وده طبعًا مش ذنبك ومحدش يلومك وإنت مش مقصر في أي حاجة)

بس هو بيبقى حرفيًا عايش ساعات سودة مستنيك تظهر وتطمنه إنه كل أفكاره المجنونة دي مالهاش أساس من الصحة فبيبقى لا على حامي ولا على بارد علشان نفسه يستريح علشان يعرف يعيش يومه عادي زي الناس الطبيعية.
اوعى في لحظة تكون فاكر إنه يقدر يتحكم في ده بسهولة..الموضوع صعب جدًا.. هو مش بيقدر يمنع نفسه إنه يفكر أو يتصرف كدة وبيلوم نفسه طول الليل والنهار وعلطول حاسس بالذنب وحاسس إنه عبأ على أصحابه وحبايبه.
مفيش غير سيناريوهين مع الشخص ده: يا مش هتعرف تتعامل معاه ومش هتفهمه وهيفضل يحس طول الوقت إنه تقيل وزنان ورخم ومع الوقت الإحساس ده هيوجعه فهيبعد عنك وعلى قدر ألمه وتحمله وحبه ليك على قد ما هيصمد معاك،
يا إما هتعرف مفتاحه وهتكسبه خصوصًا وإن الشخص ده بيقدر جدًا الناس إللي بيفهموه وبيتعاملوا مع مشكلته لإنهم فعلا قليلين..

مفتاح الشخص ده هو كلمة واحدة "الأمان"..كل إللي الشخص ده محتاجه لو إنه يحس بالأمان كل ما تجيله فكره سلبية كبيرة
وإنت مع الوقت خلاص بتعرف السيناريوهات إللي بتدخله في مود التفكير ده ده. لما بيقولك هو أنا وحشتك؟،

لما بيزن كتير، لما بيقولك هو إنت زعلان، لما بيقولك فينك مختفي، لما بيقولك إنت متغير معايا، لما بيقولك فاكر زمان لما كنت بتعمل كذا..دي جمل معناها إنه متهدد وقلقان ومضطرب
ومش محتاج أي حاجة أكتر من جملتين تلاتة بس حلوين و إيجابيين وهو هيبقى تمام.
مش محتاج أكتر من مكالمة دقيقة، رسالة، أغنية لطيفة ساعات
بيبقى كل إللي محتاجه إنك حتى تعمله لايك اللايك الهبلة دي ممكن تشيل من دماغه فكرة سلبيه مجنناه ويقول لنفسه: " لا لا هو مش زعلان مني ولا حاجة ده حتى لسة عاملي لايك من شوية، أنا على باله اهو".

24/01/2025

الخذلان يُتجاوز .. لكن وجعه يبقى بالذاكرة
فهو من أكثر المشاعر المؤذية التي يمر بها الإنسان ، شعور مؤذي لأقصى درجة ومن الصعب على الإنسان أن يعود بعده كما كان ..
يبقى عقله وقلبه دائما يذكره أنك هنا قد خذلت .. لاتنسى.. !

دكتورة / وسام منصور زايد

عيادات نفوس مطمئنة "للطب النفسي وعلاج الادمان "

15/08/2025

22/07/2025

13/06/2025

08/06/2025

02/05/2025

15/04/2025

08/04/2025

02/04/2025

21/02/2025

07/02/2025

24/01/2025

Address

Opening Hours

Telephone

Website

Alerts

Shortcuts

Share

Category