21/09/2023
كل سنة وانتم طيبين بمناسبة المولد النبوي الشريف🥰🥰🥰
ما فيش حد, كبير أو صغير, مش بيحب حلاوة المولد بأنواعها المختلفة 😋😋😋(ماعدا القرص الابيض الناشف ده اللي موجود في العلبة علشان يعمل وزن و خلاص🤪🤪)
وكلنا لينا ذكريات جميلة من ايام العروسة و الحصان اللي كان وجودهم تقليد في كل البيوت المصرية (قبل ما يبقى سعرهم في متناول تاجر المخدرات أو البصل🤭🤭🤭)
حلاوة المولد مليانة مكسرات يعني فيها دهون صحية وفيتامينات.. وده شيء جميل ومفيد 💝💝
لكن الحلو ما يكملش🤦🤦🤷♀️🤷♀️... زي ما فيها فوايد، ليها كمان أضرارلو أكلنا منها زيادة عن المعقول.. بالضبط زي الحكمة المعروفة: "كل شيء يزيد عن حده ينقلب لضده" 👌👌
كمان ربنا سبحانه وتعالى علمنا: (كلوا واشربوا ولا تسرفوا)🤏🤏🤏🤏
الاعتدال في كل شيء حلو وكمان المعرفة حلوة😇😇... لازم اكون عارف فوائد وأضرار أي شيء باكله أو باشربه علشان أقدر أقرر هاخد منه و لا لأ و هاخد كمية أد ايه ...
علشان كده لازم نعرف أضرار حلاوة المولد وناخد بالنا واحنا بناكلها من كذا حاجة🙈🙈🙈:
١. كمية السعرات الحرارية اللي فيها لأنها سهل أوي تزود الوزن وسهل جداً تبوظ تعب أيام وليالي للناس اللي بتخسس وزنها 🤢🤢🤢
٢. حلاوة المولد بيدخل في تصنيعها سكر الفركتوز وده بيعلي سكر الجلوكوز (سكر الدم) عندنا... وبالتالي بيزيد معدل إفراز الإنسولين في الدم ويفضل عالي فتتكون الدهون ويقل الحرق وبالتالي بنحس بالجوع أكتر فناكل أكتر وأكتر من الحلاوة.. يعني ندخل في حلقة مفرغةوعلى ما نخرج نكون خسرنا كتير! 😵💫😵💫😵💫
٣. كمان سكر الفركتوز ده بيكون سبب رئيسي لارتفاع الدهون الثلاثية.. اللي لو زادت عن 500ملليجرام ممكن تؤدي إلى مضاعفات زي التهاب حاد في البنكرياس وده شيء قاتل ، حرفيا ممكن يموت . 🥺🥺🥺
٤. كمان الفركتوز بيزود مقاومة الكبد للإنسولين وبالتالي بيزود جداً ما يطلق عليه (مقاومة الإنسولين) وندخل في قصة دهون على الكبد ودي قصة رخمة جداً. 🙄🙄🙄
٥. كمان سكر الفركتوز بيتحول في الجسم ل "يوريك أسيد" وممكن جدا يدخل الواحد مننا في نوبات نقرس لا قدر الله. 🤕🤕🤕
٦. وطبعاً طبعاً طبعا عزيزي مريض السكرسواء كنت شخص بالغ أو طفل فحضرتك ليك كلام تاني بيختلف عن كل التوصيات العادية حسب نوع السكر اللي عندك وحالتك... لذلك ماتتردش إنك تسأل دكتورك, صدقني هيفرح بيك أوي إنك بتسأله قبل المولد مش بعد ما علبة الحلاوة تخلص. 😉😉😉😉
٧. طبعاً تسوس الأسنان وارد وده بيبقى موسم حلو لأصدقاءنا دكاترة الأسنان 😁😁😁😁
٨. ولازم كمان أكتب تحذير خاص بأطفالنا الحلوين المصابين بأشكال مختلفة من "فرط الحركة" لأنهم ممنوعيين من السكريات الكتير. 🥰🥰🥰
لذلك خطورة حلويات المولد مش بس في تأثيرها على السعرات الحرارية ولكن ليها تأثيرات صحية ممكن تبقى خطيرة وتوصلنا إننا نمنعها تماماً في بعض الحالات المرضية..
علشان كده 🔔🔔🔔🔔🔔
حضرتك لو عندك أي مشاكل صحية زي السكر/ الضغط / مشاكل في الكبد أو الكلى أو ارتفاع دهون الدم أو مشاكل في القلب أرجووووووك استشير طبيبك ينفع تاكل منها ولا لأ ولو ينفع: إيه الكميات المناسبة ليك, صدقني صحتك أغلى من حتة حلاوة هيروح طعمها بعد 5 دقايق بس لا قدر الله تعبها هيقعد شوية كتير. ❤️🩹❤️🩹❤️🩹❤️🩹
دمتم بألف صحة وعافية و كل عام و انتم بخير 🌹🌹🌹🌹
#صحةومعلومة #المولدالنبوي #سكر #تغذية #رياضة #حلاوة
