22/09/2025
حالة ورم جديدة بالنخاع الشوكي الصدري ، سيدة في اواخر الستينيات من العمر ،، عندها سكر وضغط ووظائف القلب والكلي مش في احسن أحوالهم ،، ابتدت تشتكي من ثقل بحركة الساقين والتحكم في البول كان متاثر بصورة ملحوظة ،، للاسف طبعا لأن السكر كان مش مظبوط معظم الوقت ،، التشخيص المبدأي كان التهاب شديد في الأعصاب الطرفية ،، وفضلت تتعالج علي الأساس ده لفترة طويلة ، بس ماكانش فيه تحسن ملحوظ ،، الي ان ناظرها أحد الزملاء من تخصص امراض عصبية ،، وهو اللي شك في صحة التشخيص ،، وطلب منها تعمل أشعة بالرنين علي الفقرات الصدرية والقطنية ،، وهنا كان اكتشاف الورم ،،،، ورم بيكبر وبيضغط علي النخاع الشوكي الصدري بصورة ملحوظة ،،، هنا بقي الزميل الفاضل نصحها انها تشرفني في أسرع وقت ،، ومن فضله وكرمه ، قال لها كلام رائع في حقي ،، طبعا كان لازم تدخل جراحي عاجل ،،، والقاعدة هنا ، لو دخلت العمليات رجليك بتتحرك ، ان شاء الله الأمل يكون اكتر بكتير في التحسن الشديد ، بس طبعا كان فيه عوامل كتير من الضغط والسكر اللي لازم يكونوا مظبوطين ، ودكتور التخدير الرائع اللي بذل معاها اكبر جهد ،، الورم طلع حميد الحمد لله بس كان جزء منه متكلس وضاغط علي النخاع الشوكي ،، والحمد لله طلعت من العمليات بتتحرك واحساس التقل في رجلها احسن بكتير ،، والحمد لله اقدرت تروح الحمام ،وتتمشي بدون مساعدة ، وتحليل الورم ان شاء الله -حسب اللي شوفته في العملية - هيكون حميد باذن الله ،،، بس لسه ادامها شوية علاج طبيعي علشان اقدر اقول انها رجعت سليمة تماما ، الحمد لله ؟ ً
