26/04/2026
نظرا للاسئله الكتير والرسايل هقولك 👇🏻
👨🏻⚕️احـذري تمشي ورا .. الموضة في الأكل و المعلومات المغلوطه لانها ممكن تهدد صحة طفلك!
👈شفنا كتير الفترة الأخيرة نصايح على السوشيال ميديا بتدعو لمقاطعة الخضروات، الفراخ، والبيض، واعتبارها 'أكل حيوانات وبالمقابل الدعوه لنظام بيعتمد على السكريات والزيوت..........
👨🏻⚕️يا أمهات، خلونا نحكم عقلنا ونرد بعلم التغذية:
✅ الخضروات: تعتبر المصدر الأول والمهم للفيتامينات والألياف اللي بيحتاجها جسم الطفل عشان ينمو بشكل سليم وعشان جهازه الهضمي يشتغل صح.
✅ البروتين الحيواني (بيض/فراخ/لحم): هو حجر الأساس لبناء عضلات طفلك وتقوية مناعته ونمو مخه وجسمه.
إلغاء اي من المجموعات الغذائية دي من حياة أطفالنا خـطـر حقيقي ممكن يسبب أنيميا، ضعف في المناعة، ومشاكل في النمو
👨🏻⚕️أي نظام غذائي يطلب منك تحرمي طفلك من الأكل الطبيعي الصحي اللي ربنا خلقه ويستبدله بمصنعات وسكريات ومواد حافظة هو نظام غير علمي بالمرة ( #الطيبات)
💡 القاعدة بسيطة: جسم طفلك محتاج تنوع👌
يعني التوازن والاعتدال هو سر الصحة، مش الحرمان من المفيد
سؤالي ليكم:
مين فيكم لاحظت فرق في صحة أو نشاط ابنها لما اهتمت بالأكل الطبيعي (خضار وبروتين)؟
شاركونا رأيكم و تجاربكم في الكومنتات علشان نستفيد من بعض ونحمي أطفالنا من المعلومات المغلوطة. 👇
.
