30/04/2021
⚕️⚕️ مصل الكورونا ⚕️⚕️
حاولنا نجيبلكم معلومات مختصرة و مفيدة قدر الإمكان..
فى البداية هنقول نبذة مختصرة عن تطعيم كورونا وبعدها هنستعرض أهم الأسئلة اللي بتخطر على بال معظم الناس:
التطعيمات المتوفرة فى مصر نوعين:
1️⃣ ( Sinopharm vaccine ):
وده فكرته ببساطة إني باخد الفيروس الميت الغير نشط ( killed vaccine ) و أحقنه فى جسم الإنسان و بكده الجسم هيبدأ يكون أجسام مضادة هتكون قادرة فيما بعد للتصدي للفيروس الحقيقي النشط والمحصلة في الآخر إنك بقيت محمي من العدوى وده فكرة أغلب الأمصال اللي موجودة عندنا فى مصر
2️⃣ وده اللي صنعته جامعة Oxford في بريطانيا:
ودة فكرته متقدمه شوية انهم بياخدوا جزء من الحمض النووى (spike protein ) للفيروس الحي ويحقنوه بطريقة معينة في جسم الإنسان ( live attenuated vaccine ) وبعدها برضه الجسم يبدأ يكوّن أجسام مضادة تقدر تكون قادرة ومستعدة لمواجهة فيروس الكورونا فيما بعد.
⬅️⬅️ نيجي للأسئلة بقى:
1️⃣ مين أهم الفئات اللي المفروض تاخد المصل ؟
في ظل تزايد الأعداد حالياً كله المفروض ياخده إنما برضه الأولوية للطاقم الطبي و أصحاب الأمراض المزمنة من الضغط والسكر وخلافه وكبار السن
2️⃣ أنا اتصبت بكورونا، هل آخد المصل و إمتى ؟
آه حضرتك ممكن تاخد المصل بس بعد ٣ شهور من الإصابة.. لأنه ببساطة الإصابة كوّنت عندك أجسام مضادة المفروض تستمر ٣ شهور
3️⃣ أنا عندى دور برد هل آخد المصل؟
ممنوع تاخد المصل وأنت عندك دور برد إلا بعد ما تتأكد تماما إنه الدور ده مش كورونا وكمان الأعراض تنتهى عندك تماماً
4️⃣ المصل عبارة عن كام جرعة ؟
التطعيمات بتكون على جرعتين بينهم من ٣ ل ٤ اسابيع في المصل الصيني .. و ٣ شهور في المصل الإنجليزي
5️⃣ مصل AstraZeneca بيسبب تجلطات ؟!
🛑🛑 (هام جدا ) 🛑🛑
فى إنجلترا لقوا ان في كل مليون اتطعموا بمصل AstraZeneca فيهم حوالي ٤ أشخاص اتعرضوا لجلطات وطبعاً مش كلهم ماتوا و ده كان سببه وجود أجسام مضادة للصفائح الدموية ولذلك النوع ده من التجلطات لو أنا خدتله مضادات التجلطات ال هو من عائلة Heparin كما هو شائع هتكون الحالة قاتلة لانه كدا عدد الصفائح هتقل اكتر
🛑 يعنى ناخده ولا لأ ؟؟
ايوة ناخده لأننا بنتكلم عن ٤ حالات في كل مليون ومش كل ال ٤ حالات ماتوا و إنجلترا إلى الآن شغالة تطعيم ومبطلتش
6️⃣ هل ممكن اخد مضادات تجلط او أسبرين احتياطياً مع مصل AstraZeneca ؟
اختلفت الأقوال و الطرق في التعامل مع اللقاح ده الحقيقة..
منهم اللي قال ملوش لازمة..
دُوَل تانية بتدي أدوية السيولة يومين فقط ..
بعض الدكاترة قالوا اسبرين فقط للاحتياط .. فمفيش كتالوج معين و مفيش حد غلط
7️⃣ ايه الافضل الصينى ولا AstraZeneca؟
الاتنين كويسين بس في تفاوت بسيط فى تكوين الأجسام المضادة
الصيني حوالى ٨٤%
و AstraZeneca حوالى ٩٢% ✅
8️⃣ حضرتك أنا أخدت المصل وظهر عندي أعراض سخونية وتكسير وهمدان زي اعراض الكورونا بالظبط ايه تفسير ده و حلّه ؟
لا حضرتك دى اعراض عادية للمصل. (constitutional symptoms) ما تقلقش منها.. أهم حاجة الزم الراحة والسوائل الكتير وخد باراسيتامول قرصين / ٨ ساعات لحين اختفاء الأعراض
9️⃣ هل الحوامل تاخد المصل؟
لا
🔟 هل في تحليل معين ممكن اعمله قبل المصل ؟؟
والله حضرتك بعض الدول بتعمل وانت حضرتك لو عايز تعمل اعمل IgG .. وده اللي هيثبت انك عندك اجسام مضادة وبالتالى المصل مش هيكون له قيمة في الوقت الحالي
IgM
وده اللي هيثبت انه عندك عدوى حديثة لسة موجودة
(recent infection)
وبالتالى مينفعش ناخد المصل( flaring of infection )
بس من فضلك لو عايز تعمل دول اعملهم ELISA مش Rapid
⚕️⚕️ المصل هيديني مناعة لمدة اد ايه ؟
الأجسام المضادة بتفضل ف الجسم لشهور و معظم الابحاث بتقول من ٤ ل ٦ شهور انغما بقى بعد الفترة دي فى خلية محترمة بتفضل موجودة لفترة أطول بكتير يقال انها بتفضل لسنوات ودي برضه بتساعد ف المناعة والخلية دى اسمها Memory B cell
⬅️⬅️⬅️⬅️⬅️⬅️أخيـــرا:
الكورونا حاليا تضرب بضراوة ولا تستثني أحدا.. مرض قتل اكتر من ٣ مليون ف العالم كله ولسة شغال.. اعلم ان وسائل الإنقاذ حاليا ليك ولغيرك بتتمثل فى :
#المصل , #الكمامة , #التباعد الاجتماعى ..
(اعقلها وتوكل)
ربنا يشفي مرضانا و يرحم أمواتنا و يحفظنا من كل سوء
