وصفات نفسيه_Dr.Naglaa Khalil

13/06/2025

17/04/2025

30/12/2024

من فعاليات المؤتمر الثاني للعلاج الشعوري بالجامعه الامريكيه
والمحاضره كانت عن اصل التعلق
والفرق بين الحب والتعلق
وازاي اعرف اني في علاقاتي بحب ولا متعلق

19/12/2024

حياتك هي مسؤليتك الخاصه بيك
فلو انت في حياتك اشخاص سامه بتتسبب في افساد اوقاتك وسلب فرحتك
فأنت لازم تبدأ تحمي نفسك وحدودك من أذيتهم لان انت مش مضطر تتحمل اشخاص مؤذيين
ولو الاشخاص دول من الأرحام فبرده ليها حل غير انك تتأذي
ولو عايز تعرف اكتر عن ازاي تحمي حدودك فتواصل معايا
واتعلم ازاي تقوي علاقاتك
وازاي تعرف تخرج السامين من حياتك

08/12/2024

لو كل الطرق اتقفلت ومش لاقي ولا عارف الطريق الصح والافضل ليك ايه
لو محتاج حد يساعدك تعرف نفسك اكتر وتقدر تحدد وجهتك بنفسك
متخافش لان النور جواك بس انت محتاج حد يساعدك تشوفه
#كوتش-نجلاء-خليل

08/12/2024

فرحة أهل ىىىوريا جميلة أوي!

عارفين الآية اللي بتقول :
{ وَمَا أَمْرُنَا إِلَّا وَاحِدَةٌ كَلَمْحٍ بِالْبَصَرِ }
اللي حصل هناك ده أبسط مثال ليها..

سبحان مَن له المُلك والدوام، يؤتي المُلك مَن يشاء وينزع المُلك مِمَن يشاء .. بيده الخير كله!
ربنا قادر على كل شيء ممكن تتخيله وتغيير حالك للأفضل في طرفة عين!

في لحظة هتلاقي مكالمة لشغل، وإنت أصلًا قاعد مهموم عمال تحسبلها وتفكر ومش عارف تعمل ايه

في لحظة هتقوم من النوم تلاقي حاجه غيرت حياتك خالص، ومش هتبقى فاهم حصلت ازاي وامتى

في لحظة كنت هتبدأ تفقد الأمل وتيأس، وبعدين تيجي حاجة من السما تحسسك إن لسه فيه أيام حلوة جاية

في لحظة ربنا يرفع عنك البلاء، ويرزقك بأكتر من اللي بتتمناه، وينزّل عليك سعادة وجبر خاطر مالوش مثيل

فلا تستبعد فرجًا، ولا تستبطئ خيرًا
فما يأذن الله به لا يمنعه مانع ، ولا يرده راد. ♥️
منقول

04/12/2024

هتوصلوا كدا لمعني ان سلامك النفسي وتوفير طاقتك ومجهودك في جدال او مناقشه مع اشخاص انت عارف كويس انه بدون فايده ده قلة وعي منك
هتوصلوا لأساليب كنتوا بتشوفوا ان اللي بيعملها ده انسان بارد ومع التجارب هتعرفوا انه كان برنس وبيحمي نفسه وحدوده
بس وقتها اعترف عادي انك كنت غلطان واتعلم بقي وخليك شاطر وحافظ علي مزاجك متعكروش علشان تحافظ علي شوية الصحه المتبقين 😂😂😂😂🙈🫂
ياتري وصلتوا للمرحله دي ولا لسه 🙈🙈
#صباحكم رايق 🍒
#كوتش-نجلاء-خليل
#وصفات-نفسيه

10/11/2024

كنت بتفرج مع بنتي علي فيلم و إتأثرت جدااا ، اسمه #كليك ( click #) .

قصته بتدور حوالين أب "مهندس" مشغووووول دايما بيحب زوجته ، و أولاده الاتنين جدا -ولد وبنت ٧ و٦ سنوات - لكنه دايما ماعندوش وقت للخروج معاهم ، ولا للتجمعات العائليه لما زوجته تعزم والده و والدته بيبقي متكدر عشان عليه شغل كتييير يخلصه ومش فاضي للتجمعات دي.

راح يشتري "ريموت كنترول" للتليفزيون....قابل شخص -غريب - إداله الريموت هديه بس حذره إنه ريموت عجيب جدا 🔮وخطير⚠️ و لازم يفكر كويس قبل مايستحدمه وممنوع يرجعه⛔

الأب دة محبوب أوي من زوجته وأولاده بس هو مش حاسس بنعمة #العائلة !!

عاوز يعدي كل أوقات التجمعات و المهاترات والجدال و "وجع الدماغ" وحتي أوقات المرض !!🤭🤕

عاوز يهرب من دوشة العيال ، عاوز يبطل يسمع شكاوي مراته من أعباء البيت وتحمل مسؤولية الولاد و...و...إلخ ، و نفسه يترقي في الشغل !!

أخد الريموت بقي بيعرف يتحكم في الزمان والمكان والأشخاص ويعمل skip و يعدي أي فقرات فيها مجهود أو "وجع دماغ"‼️😂

في الأول الموضوع عجبه

وراح يشكر اللي أخد منه الريموت

بس رد عليه لما سأله إزاي دة بيحصل 🤔وقاله : " إنت بتبقي موجود معاهم بجسمك بس ، عقلك هو اللي في حته تانيه" ، ونصحه: " الأفضل لك "💌👨‍👩‍👧‍👦👨‍👩‍👧‍👦👨‍👩‍👧‍👦

بس المهندس المشغول رفض وقاله :"هيفوتني ايه يعني ؟؟شويه مشاكل علي المشاوير ولا تمارين الولاد...لا بناقص🤪!!"

المهم إن الريموت اتبرمج علي نمط حياة المهندس دة ، و بقي بيعدي كل حاجه بالسنين!!

و في النهاية وصل فعلا إنه بقي مالك أكبر شركه معمار في العالم...بس فاته معايشة أحداث كتيير أوي مع عيلته💔💔

لما كان بيفوق لوعيه -كل فترات كبيييرة- يلاقي أحداث كتيير فاتته تخرج ولاده ، و وفاة والده ، وان زوجته هجرته وإتجوزت واحد تاني ، وفاق لوعيه في مرة لقي نفسه في فرح ابنه ‼️‼️

وبنته كبرت بقت آنسه زي القمر ، وبتقول لواحد غيره يا بابا 💔💔

إتصدم وساعتها جاتله أزمة قلبيه و راح المستشفي.

لحظه وفاته جمع أولاده - و ابنه كان لغي شهر العسل عشان لازم يحضر صفقة مع شركة معينه-

قالهم كلمه واحدة ظل يرددها:

"Family, Family, family comes First"

" "

ياااه آاااالآن....ليه بعد قرب فوات العمر يفتكر الواحد إنه محتاج يعيش حياته صح!!؟؟

ليه لما يكبروا الولاد نحن لأيام لما كانوا أطفال؟!!

ليتنا ندرك قيمة الأشخاص قبل أن نفقدهم.

ليتنا ندرك أن 👌مش في الوصول!

استمتعوا بالعادي والموجود استمتعوا هنا ودلوقتي استمتعوا بكل وقت في طفولة ولادكم ، دة مافيش أسرع من الأيام💔

دمتم بدفء

#منقول

08/10/2024

الجزء الثاني من اثر انكار مشاعرك
وتظاهرك ان الامر عادي😂 والحقيقه انه مش عادي 🥺

07/10/2024