17/05/2026
كنت مع النواب بأحكيلهم يتصرفوا ازاي في حالات النزيف وأن ممكن تلاقي نفسك في مكان مفيهوش مستلزمات او آلات و قدامك مريض بينزف ومضطر تتعامل معاه بالمتاح علشان تلحقه .
وضربتلهم مثل عن حالة عملت لها ربط دواللي مرئ بمجرد توافر حلقات الربط ،واستغربوا ازاي اتصرفت واشتغلت من غير جهاز الربط والادوات الباقية اللي بنستخدمها في الاجراء ده .
شرحتلعم ان الوضع أرغمني علي التصرف واستخدام اجزاء من السرنجات العادية مكان الادوات الأساسية ،وده لأن المريض كان شاب سنه صغير ،وجاي بنزيف حاد لأول مرة ولو مكنتش اتصرفت كدا مكنش كمل للأسف ،لكن ده بيبقي فضل من الله ونعمة أنه بيسخرنا ويهدينا للتصرف علشان نقدر ننقذ الأرواح بفضله وقدرته 😊
طبعا توافر الأدوات أمر ضروري في شغلنا ،لكن يبقي عقلية الطبيب ومهارته -بعد فضل الله طبعا- هي الركن الاساسي للتداخلات المختلفة وده اللي يمكن حبيت أوصله للشباب 😊
#تابعونا
