دكتور أحمد الشافعى لأمراض القلب و قسطرة الشرايين التاجية

  • Home
  • Egypt
  • Port Said
  • دكتور أحمد الشافعى لأمراض القلب و قسطرة الشرايين التاجية

دكتور أحمد الشافعى لأمراض القلب و قسطرة الشرايين التاجية Contact information, map and directions, contact form, opening hours, services, ratings, photos, videos and announcements from دكتور أحمد الشافعى لأمراض القلب و قسطرة الشرايين التاجية, Medical and health, Port Said.

د. أحمد الشافعي - استشارى امراض القلب و القسطرة القلبية -زمالة امراض القلب و الاوعية الدموية - زمالة علاج القلب التداخلى و قسطرة الشرايين التاجية - عضو الجمعية المصرية امراض القلب
مستشفى النصر التخصصى - بورسعيد

🤔مرضى كتير من اللى بنشوفهم يقولى انا بتعالج من القلب او عندى قصور فى القلب و ماشى على علاج قصور الشرايين التاجية لسنين ط...
25/11/2025

🤔مرضى كتير من اللى بنشوفهم يقولى انا بتعالج من القلب او عندى قصور فى القلب و ماشى على علاج قصور الشرايين التاجية لسنين طويلة

🤔تسأل المريض انت عملت فحوصات على القلب زى الايكو او القسطرة ؟؟

الاجابة بتبقى غالبا ....لا ماعملتش

او عملت مره من زمان رسم قلب و دكتور قالى انت عند قصور فى عضلة القلب و كتب ليا العلاج

🚨🚨هل كل الم فى الصدر بيحس بيه المريض يعنى قصور فى القلب ؟؟؟

👆الحقيقة ... لا

طيب ايه معنى قصور القلب يا دكتور ؟؟؟

خلينا نفهم مع بعض قلبنا بيشتغل ازاى 🫀

✴️عضلة القلب 🫀زى اى عضو فى الجسم بتحتاج لغذاء و اكسجين علشان تشتغل بكفاءة

✴️الغذاء و الاكسجين بيوصلوا لعضلة القلب عن طريق شبكة من الشرايين حول القلب اسمها الشرايين التاجية اللى بتوصل الدم لكل جزئ فى عضلة القلب

✴️ضيق الشرايين التاجية يؤدى الى عدم وصول الدم و الاكسجين لعضلة القلب بكميه كافيه خصوصا مع زيادة احتياج القلب وقت المجهود مثلا

✴️يبدأ وقتها المريض بالشعور بألم الصدر او صعوبة التنفس كأنذار من القلب لوجود مشكلة

✴️علشان كده قصور القلب ( قصور الشرايين التاجية ) معناه ضيق فى الشرايين التاجية اللى بتوصل الدم لعضلة القلب

📢📢ازاى بنشخص ضيق الشرايين التاجية ؟؟؟

✴️عن طريق القسطرة التشخيصية

✴️او الاشعة المقطعية على الشرايين التاجية

✴️او وجود جزء من عضلة القلب به ضعف فى الحركة اثناء عمل موجات القلب ( الايكو)

🚨🚨🚨 لو عندك الم بالصدر خصوصا مع المجهود لازم نعمل الفحوصات اللازمة علشان نشخص و ناخد علاج مظبوط

#صحتكـغاليةـحافظـعليها

#دكتورـأحمدـالشافعى
استشارى امراض القلب و القسطرة

فى اليوم العالمى لمرض السكر ❤️صحة قلبك بتبدأ بالسيطرة على سكر الدم ❤️ ❤️حافظ على مستوي سكر تراكمى اقل من ٧ و لازم متابع...
15/11/2025

فى اليوم العالمى لمرض السكر ❤️

صحة قلبك بتبدأ بالسيطرة على سكر الدم ❤️

❤️حافظ على مستوي سكر تراكمى اقل من ٧ و لازم متابعة كل شهرين ل ثلاثة شهور

❤️نزول الوزن و الانتظام على نظام غذائى و ممارسة الرياضة بيحافظ على مستوى السكر و بيحافظ على صحة القلب

❤️لو انت مريض سكر لازم تتابع القلب و عمل موجات القلب بشكل دورى

❤️متابعة ضغط الدم باستمرار و خلى ضغط الدم دايما اقل من ١٣٠/٩٠

❤️متابعة مستوى الكولستيرول و الدهون الثلاثية بانتظام و الانتظام على العلاج

❤️فى ادوية لعلاج السكر من النوع التانى ثبت علميا فاعليتها فى علاج ضعف عضلة القلب و قصور الشرايين التاجية

❤️استشر دايما طبيبك لافضل علاج مناسب لحالتك

#صحتكـغاليةـحافظـعليها

#دكتورـأحمدـالشافعى
استشارى القلب و القسطرة

مستشفى عطاء التخصصى - بورسعيدالسبتعيادة موجات القلب الساعة ٢ معيادة القلب الساعة ٣ م مستشفى آفامينا - بورفؤاد السبت عياد...
10/11/2025

مستشفى عطاء التخصصى - بورسعيد

السبت
عيادة موجات القلب الساعة ٢ م
عيادة القلب الساعة ٣ م

مستشفى آفامينا - بورفؤاد

السبت
عيادة موجات القلب - عيادة القلب الساعة ٩ م
الثلاثاء
عيادة موجات القلب - عيادة القلب الساعة ٩ م

10/11/2025

لأمراض القلب
والأوعية الدموية وقسطرة القلب🫀
✅ د. احمد حسني الشافعي (السبت) 3م
✅ د.محمود الكتاتني (الاثنين-الخميس) 7:30م
✅ ا. د. محمد إمام ( الأربعاء ) 2م

🕰 مركز الطوارئ والعناية والتحاليل والأشعة بخدمتكم على مدار ال24 ساعة
📋 مواعيد وجداول أطباء العيادات الخارجية منشورة باول بوست بالصفحة
🚶 للحجز مسبقا بالعيادات يلزم الحضور لاستقبال العيادات ( 10ص : 10م )
»066/3260430«
✅ واتساب قسم التعاقدات :
»0122 928 5127«
✅ واتساب معمل التحاليل :
»01278547136«
⁦☎️⁩ للإستفسار عن الخدمات الطبية المقدمة والأسعار يرجى الاتصال تليفونيا📞(066) 3260000- 3260800- 3260900

🤔 مريض القلب و السكر لو انت مريض سكر و مريض قلب ( ضعف عضلة القلب - قصور الشرايين التاجية و دعامات القلب او جراحة قلب مفت...
08/11/2025

🤔 مريض القلب و السكر

لو انت مريض سكر و مريض قلب ( ضعف عضلة القلب - قصور الشرايين التاجية و دعامات القلب او جراحة قلب مفتوح )

لازم تبقى عارف الارقام دى و نحاول نوصل لها بالعلاج و بتغيير طريقة حياتنا و عاداتنا فى الاكل و الرياضة و التدخين

❤️ حافظ على مستوى سكر تراكمى اقل من ٧

❤️ حافظ على مستوى دهون الدم منخفضة الكثافة LDL
اقل من ٥٥ مج

❤️ حافظ على ضغط دم اقل من ١٣٠/٩٠

❤️ حافظ على وزنك و خلى مؤشر كتلة الجسم (Body mass index )
اقل من ٢٥

الارقام دى تقدر تحافظ على صحتك و تبعد عنك المضاعفات لا قدر الله

لازم متابعة طبية مستمرة للعلاج علشان نقدر نوصل جسمك للارقام دى

#صحتكـغاليةـحافظـعليها

#دكتورـأحمدـالشافعى
استشارى امراض القلب و القسطرة

📢📢 نوفمبر من كل عام هو شهر التوعية عن مرض السكر 🚨امراض القلب و الشرايين على علاقة وثيقة بمرض السكر 🚨الحماية من الاصابة ب...
05/11/2025

📢📢 نوفمبر من كل عام هو شهر التوعية عن مرض السكر

🚨امراض القلب و الشرايين على علاقة وثيقة بمرض السكر

🚨الحماية من الاصابة بمرض السكر يعنى الحماية من الاصابة بأمراض القلب والشرايين

🤔 لازم تخلى بالك من عوامل الخطورة للاصابة بمرض السكر

🚨سنك اكتر من ٣٥ سنة وزنك زياده و عندك تجمع للدهون فى منطقة البطن ( الكرش)

🚨ضغط الدم عالى

🚨ظهور ارتفاع السكر اثناء الحمل

🚨وجود تاريخ عائلى للاصابة بمرض السكر

🚨 مرحلة ما قبل السكر زى ان تحليل السكر التراكمى اعلى من ٥.٧ او سكر صائم اعلى من ١٠٠

📢📢 ازاى نحمى نفسنا من الاصابة بمرض السكر ؟؟

❤️اهم عامل من عوامل الحماية هو تقليل وزن الجسم و التخلص من الدهون خصوصا دهون البطن

🏋️ممارسة الرياضة زى المشى السريع لمدة ١٥٠ دقيقة اسبوعيا (يحمى من الاصابة بالسكر بنسبة ٤٤٪)

🧑‍🍳 اكل صحى غنى بالالياف و تقليل السكر و النشويات 🧁🍦🍫🍮

😴 النوم المنتظم و عدد ساعات كافية ( ٧ ساعات)

😥البعد عن القلق و التوتر الدائم

🧪🥼متابعة سكر الدم بإنتظام فى مرحلة ما قبل السكر و فى حالة وجود عوامل الخطورة

#صحتكـغاليةـحافظـعليها

#دكتورـأحمدـالشافعى
استشارى القلب و القسطرة

فشل عضلة القلب 🤔 ⁉️لو بتاعنى من: 🚨ضعف عام و اجهاد مستمر 🚨صعوبة بالتنفس و نهجان مع اقل مجهود او اثناء النوم 🚨زيادة في ضرب...
02/11/2025

فشل عضلة القلب 🤔 ⁉️

لو بتاعنى من:

🚨ضعف عام و اجهاد مستمر

🚨صعوبة بالتنفس و نهجان مع اقل مجهود او اثناء النوم

🚨زيادة في ضربات القلب مع اقل مجهود

🚨تورم القدمين.

خلى بالك ممكن دي تكون اعراض لفشل عضلة القلب ⏰⏰

ليه ممكن يحصل فشل عضلة القلب؟ 🤔

🚨قصور الشرايين التاجية و جلطات القلب من اهم الاسباب

🚨ارتفاع ضغط الدم و عدم انتظامه المستمر

🚨مرضى السكر و قصور وظائف الكلى

🚨السمنة و زيادة الوزن

🚨امراض صمامات القلب

و اسباب تانية كتير نادرة شوية زي العيوب الخلقية و الامراض الوراثية و علاج الاورام و الامراض المناعية

🧑‍⚕️فشل عضلة القلب نوعان:

🚨النوع الاول و ده نتيجة لضعف كفاءة القلب ( كفاءة القلب اقل من 50%)

🚨النوع التانى و ده كفاءة القلب تقريبا طبيعية ( 50% او اكثر )

🧑‍⚕️ ( موجات القلب و انزيمات القلب BNP ) اهم وسيلة للتشخيص

🫀موجات القلب تقدر تشخص و تفرق بين النوع الاول و التانى و تحدد سبب فشل عضلة القلب

⭐ لازم في كل الاحوال نستبعد الاسباب التانية للأعراض زي الانيميا و اضطراب وظائف الغدة الدرقية و الامراض الصدرية كالحساسية و السدة الرئوية و تليف الرئتين

لو عندك اعراض فشل عضلة القلب لا تتردد فى استشارة طبيب القلب 🧑‍⚕️

#صحتكـغاليةـحافظـعليها

#دكتورـأحمدـالشافعى
استشاري امراض القلب و القسطرة

بمناسبة شهر التوعية بمرض سرطان الثدي (اكتوبر من كل عام ) تحية لكل مرضى الاورام اللي يواجهوا مرض خبيث عشان صحتهم و حياتهم...
26/10/2025

بمناسبة شهر التوعية بمرض سرطان الثدي (اكتوبر من كل عام )

تحية لكل مرضى الاورام اللي يواجهوا مرض خبيث عشان صحتهم و حياتهم و الناس الغالين عليهم .💪

تحية لكل اسرة تساعد و تساند كل مريض 👏

🧑‍⚕️طبيب القلب شريك اساسي في رحلة العلاج.

🚨دور طبيب القلب تقييم حالة القلب قبل العلاج الكيماوي عن طريق رسم القلب و موجات القلب و انزيمات القلب.

🚨استقرار حالة القلب و انتظام الضغط و السكر و الكوليسترول شرط أساسي لنجاح العلاج و تجنب مضاعفاته على القلب.

🚨متابعة دورية اثناء فترة العلاج الكيماوي بعمل موجات صوتية على القلب و انزيمات القلب بشكل دوري لتجنب المضاعفات المحتملة للعلاج والمتابعة بعد نجاح العلاج و التعافي.

🚨 التعامل مع أي تغير يطرأ على حالة المريض زي تغيير في كفاءة القلب او ارتفاع انزيمات القلب و كتابة العلاج اللازم .

🚨تقديم المشورة الطبية لطبيب الاورام بشان توقف او استكمال العلاج.

🚨الوقاية دايما خير من العلاج ( الامتناع عن التدخين -اكل صحى- ممارسة الرياضة - متابعة دورية لمن لديه تاريخ عائلي للأورام ).

#صحتكـغاليةـحافظـعليها

#دكتورـأحمدـالشافعى
استشارى امراض القلب و القسطرة

ضغط الدم عالي ؟!!🚨لو ضغط الدم اعلى من 130-80 كده انت مريض ضغط طبقا لأخر توصيات الجمعية الامريكية لإمراض القلب 🚨لو انت مر...
25/10/2025

ضغط الدم عالي ؟!!

🚨لو ضغط الدم اعلى من 130-80 كده انت مريض ضغط طبقا لأخر توصيات الجمعية الامريكية لإمراض القلب

🚨لو انت مريض ضغط جديد لازم نطمأن على القلب برسم القلب و موجات القلب ( الايكو) - وظائف الكلى - الكوليسترول ودهون الدم -وظائف الغدة الدرقية -املاح الدم - السكر و مقاومة الانسولين - حمض البوليك (النقرس)

🚨 تغيير نمط الحياة وسيلة الوقاية و العلاج الاولى من ارتفاع ضغط الدم


🚨الاكل الصحي و الرياضة و الامتناع عن التدخين لوحدهم ممكن يظبطوا الضغط من غير علاج لو لسه الضغط في المرحلة الاولى ( اقل من 140-90) لو ما فيش عوامل خطورة زي السكر و الكولسترول

🚨لو انت فى مرحلة الشباب و ضغط الدم عالي و خصوصا لو مش مستجيب للعلاج لازم نعمل فحوصات لاستبعاد اسباب ارتفاع الضغط ( خلل الغدة الكزرية- ضيق الشريان الكلوي- عيوب خلقية بالقلب و الشرايين )

🚨ظهور ارتفاع ضغط الدم اثناء الحمل يعنى زيادة فرصة الاصابة بارتفاع ضغط الدم خلال السنوات القادمة ( لازم متابعة لضغط الدم بعد الحمل و الولادة باستمرار )

🚨الانتظام على علاج الضغط و اتابع ضغط الدم باستمرار حتى لو ما فيش اعراض

🚨مش معنى ان ما فيش اعراض ان ضغطي كده مظبوط لان الضغط في معظم المرضى من غير اعراض ( القاتل الصامت )

🚨اكتر اعراض لضغط الدم العالي مش الصداع زي ما معظم الناس عارفه .... قلة المجهود - وصعوبة بالتنفس مع اقل مجهود اكتر و اخطر اعراض بنشوفها عند مريض الضغط

🚨مضاعفات ارتفاع الضغط خطيرة و تهدد الحياة او تسبب عجز في الحركة زي حدوث نزيف او جلطات المخ و جلطات الشرايين التاجية و ضعف عضلة القلب ( مش لازم نستني تحصل 😞)

#صحتكـغاليةـحافظـعليها

#دكتورـأحمدـالشافعى
استشاري امراض القلب و القسطرة

ضيق و قصور الشرايين التاجية الشرايين التاجية :شبكة من الشرايين حول عضلة القلب ( تشبه التاج ) لتوصيل الغذاء و الاكسجين لع...
22/10/2025

ضيق و قصور الشرايين التاجية

الشرايين التاجية :
شبكة من الشرايين حول عضلة القلب ( تشبه التاج ) لتوصيل الغذاء و الاكسجين لعضلة القلب

تبدأ بالشرايين الكبيرة ثم تفرعات اصغر حتى
شعيرات دموية دقيقة

ضيق الشرايين التاجية يؤدى الى تقليل الغذاء و الاكسجين الى عضلة القلب خاصة مع زيادة طلب عضلة القلب للاكسجين عند بذل مجهود و زيادة ضربات القلب

يؤدى ذلك الى الم بالصدر او صعوبة بالتنفس عند بذل المجهود كأشارة تحذير 🚨🚨من القلب بوجود مشكلة و يبدا فى الاختفاء عند الراحة

يحدث ضيق الشرايين التاجية لعدة عوامل اهمها :

ارتفاع مزمن بضغط الدم 🚨

ارتفاع مزمن بسكر الدم 🚨

ارتفاع بدهون و كولستيرول الدم 🚨

التدخين 🚨

السمنه و زيادة الوزن 🚨

عوامل وراثية 🚨

دور القسطرة تصوير الشرايين التاجية و معرفة اماكن ضيق الشرايين ( القسطرة التشخيصية )و توسيع الشرايين و تركيب دعامة بالشريان( القسطرة العلاجية) لاعادة وصول الدم بشكل طبيعى الى عضلة القلب

يتم علاج الشرايين الرئيسية كبيرة القطر بالقسطرة و الدعامات

الشرايين الصغيرة و الشعيرات الدموية الضيقة لا يمكن علاجها بالقسطرة

ينتظم المريض على علاج دوائى لتحسين سريان الدم بالشرايين الصغيرة و الشعيرات الدموية لعلاج الالم

علاج عوامل الخطورة ( الضغط - السكر - الكولستيرول - الامتناع عن التدخين -نزول الوزن و ممارسة الرياضة )

من اهم طرق الوقاية و علاج ضيق و قصور الشرايين التاجية

لو عايز تعرف اكتر اكتب لنا فى كومنت سؤالك 🚨🚨🚨

#صحتكـغاليةـحافظـعليها

#دكتورـأحمدـالشافعى
استشارى القلب و القسطرة

Address

Port Said

Website

Alerts

Be the first to know and let us send you an email when دكتور أحمد الشافعى لأمراض القلب و قسطرة الشرايين التاجية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category