صيدلية د/ رامى أحمد

18/04/2026

18/04/2026

صور حفل توزيع الدهب في شادر عزام ♥️💪
صيدليه د/رامي هتفرحكم دايما ♥️🫶

16/04/2026

ذكرى سنوية سعيدة للمتابعين الرائعين لديّ. شكرًا على كل الدعم الذي قدمتموه! Om Doaa

15/04/2026

🚩خلاصه علاج الامراض المزمنه كلها .. هقولك اللي محدش هيقولك عليه خالص .. كوبايه شاي وركززز معايا

🔶 الاول لازم تعرف أن جسمك ربنا خلقه يعرف يعالج نفسه كويس اوي بس متعملش الحاجات اللي بتضايق جسمك
واتعلم انك تشييل ايدك من عليه ومتديلوش شويه علاج
لانك مش بتعالج اي حاجه .. انت بتعالج عرض بس
وسايب أصل المشكله..و الاثبات علي كلامي
أن مريض الضغط لسه مريض ضغط وجاله سكر والعكس
دور علي السبب وعالجه .. كل ده يتظبط ب امر الله

🚩 تعالا نحكي قصتك علي لساني .. يلاا بينا

انت شخص غير ملتزم ب أكلك خالص وبتاكل ولا علي بالك..
بدأت تزيد في الوزن .. ودي مش قصتي مش القصه دلوقتي

اول م سيادتك بدأت تلاحظ زياده في محيط البطن
دي كانت بدايه المشاكل وانت مهتمتش خالص وماشي عادي

فاكر انك عاوز تخس بس .. لا انت مشكلتك اكبر
لان دلوقتي غالبا انت عندك مقاومه انسولين
العلامات بتاعتها ان انت بتبدأ تجوع زيادة عن اللزوم
ليل ونهار وكمان ان محيط البطن عندك يبدأ يزيد بشكل أسرع كمان ان الهرمونات بتبدأ تتلغبط وخصوصا مع البنات
تغير مواعيد الظرف الشهري وتكيسات مبايض
و يظهر غمقان خلف الرقبة و تحت الابط و سليوليت (ترهلات) وسترتش ماركت (علامات تمدد الجلد)
والاتهابات وأن مفاصلك كلها بتوجعك

🚩 كل دي إشارات من الجسم بيقولك فيه حاجه غلط انت بتعملها.. وفووووق بقي لاني بدأت اتعب
معنى كده ان في دهون تراكمت حوالين الكبد سببت ليكي
كبد دهني ... ولما هتروحي تحللي سكر تراكمي هتلاقيه عالي انت طبعا هتطنشي الامر ده لحد ما تلاقي
انك فيكي حاجه مش مظبوطه هتروحي تحللي تلاقي
ان الدهون الثلاثيه والكوليسترول عالي والنقرص عالي

وكلمه حابب اقولها تاااااني دي مش امراض دي اعراض تحذيريه من الجسم هو اللي رافع كده علشان يقلل من الضرر اللي انت مسببه في جسمك بسبب اكلك
لان ده كله مسبب إلتهابات عاليه في جسمك
ف جسمك رافع كل ده لان الكوليسترول واليوريك اسيد (النقرس) لان دول مضادات الالتهابات اللي ربنا خالقهالك

🔸كل ده نتيجه زيادة محيط البطن أسفل السره اللي أصلها مقاومه الأنسولين.. كانت بدايه كل المشاكل وانت تجاهلتها

🚩 بعد كده بيبدأ يحصل ارتفاع لضغط الدم ..لان دهون الكبد لما تبقي كتير ونسبتها عاليه ده يبدأ يقلل من وظائف الغده الكظرية وخصوصا هرمون اسمه الالدوستيرون اللي هو المسؤول عن تنظيم مستويات ضغط الدم
وتاخد علاج للضغط .. اللي هو مش بيعالج حاجه . لان انت سبب المشكله عندك لسه !!!

🚩وبعدين تلاقي السكر يعلي تروح تحلل تلاقي التراكمي فوق ال 6.5 وبكده هتروح للدكتور يقولك انك مريض سكر من النوع التاني وتاخد علاج ليه .. اللي هو مش بيعالج حاجه... لان انت سبب المشكله عندك لسه !!!

⚠️ومع إصابتك بالسكر واستمرارك في العلاج
تلاقي مشاكل الأعصاب وفيتامين ب ١٢ يقع
وبعد كده نسيان شديد وذاكره سيئه جدا جدا
وطبعااااااا تبدأ مشاكل الجهاز الهضمي واضطرابات في القولون والمعدة ... خد بالك دي متلازمة كلها على بعضها كده باكدج للاسف هتاخدها اسمها متلازمة ايض ( metabolic syndrome ) ... وكل ده سببه سلوكك الغذائي الغلط

🚩 شوفت اصل المشكله اي ؟؟؟
وبرضه اطمنك دي مش امراض هي ردود أفعال من الجسم على سلوك غلط أنت بعمله
⚠️حلك الوحيد
تنزل محيط بطنك ده .. وميهمنيش تخس كام كيلو في مده قد اي .. ادي جسمك وقته يتعافي من المشاكل كلها
من اللي وصلته ليه بنفسك.. من مشاكل صحيه

🚩طيب اعمل ايه يا دكتور ... عاوز أبدأ افوق بقي ؟؟؟

هقولك حسب المشكله اللي معاك دلوقتي الدايت بيتحدد مش ورقه تتطبعلك وامشي عليها والسلام .. لااااا ده تهريج

١. لكن الدايت الامثل هو انك تمشي صيام متقطع لا يقل على 14 ساعه ولا يزيد عن 18 ساعه ... لازم جسمك يجوع عشان ياخد من الدهون المتخزنه ويحولها لطاقه يشغل بيها نفسه
ويدور علي الاعطال اللي جواه ويصلحها

٢. ندخل بقي في أكتر حاجه بتكون صعبه عليكم وهي النشويات هقولكم تتصرفوا ازاي .. اي خدمه ركزززوا بقي

1️⃣لو انت حاليا لو سليم ومفيش عندك اى مشاكل مرضية خالص لا مقاومة إنسولين ولا دهون على الكبد ..
▪️الجسم بتاعك معندهوش اى مشكلة مع النشويات تماما ف عادى تدخلها فى الوجبتين بتوعك في الفطار و الغداء لكن بكميات محدودة لان ببساطة لو افرطت فيها هتخنك كتير
لانك مش شخص رياضى و مش هتحرقها .

2️⃣ لو انت شخص بقى بيعانى من التهابات شديدة + مقاومة إنسولين او دهون ع الكبد .. للأسف انت هنا هتضطر تقللها بشكل كبير اوي اوي.. تقللها لدرجه قريبه من المنع

▪️لان الجسم بتاعك مش عارف يتعامل معاها دلوقتى ومش هيستخدمها كمصدر طاقة لوجود مقاومة داخل جسمك ف هيخزنها دهون وبالتالى احتمالية اصابتك بالمشاكل الصحيه وأولها السكر والضغط .. كبيره جداا

🔸طيب هتعمل ايه برضه ؟

1. هتاخدها في وجبة واحده بس فى اليوم مش اكتر من كده علشان نحافظ على عدم حدوث هدم عضلى
وحاول انك تاخدها عن طريق مصدر نشويات معقده
( نشويات معقده يعنى... مش بترفع سكر الدم بسرعه)
اللى هى زى ايه " فول ؛ بطاطس مهروسة ؛ بطاطا ؛ فريك ؛ الشوفان ؛ الشعير ؛ البسلة ؛ الفاكهة ؛ الفاصوليا الخضراء ؛ القرنبيط " دى كلها نشويات بالمناسبة
لكن معقده ..طيب يعني اي نشويات معقده ؟؟؟
يعني مش بتأثر على سكر الدم كتيير
ف مش هتعملك مشكلة كبيرة...

2. ابعد تماما عن النشويات البسيطة اللى هتسببلك مشاكل اكتر فى الوقت الحالى زى ( " العيش ؛ الأرز ؛ المكرونة ؛ المعجنات ؛ المخبوزات ؛ الحلويات ؛ إلخ ... )
لحد ما جسمك يرجع طبيعى ويتعافى تماما و وقتها ترجع لـ كل شئ بحدود لما جسمك يرجع يقبله من جديد و يتعامل معاه بـ شكل طبيعى ...لان فى الوقت الحالى جسمك مخزنلك جوا كتير جدا لازم يستخدم منه ..
ومش هيستخدم منه غير لما تقطع الجديد اللى داخل .

⚠️ف النشويات اللى فى حياتك مش العيش و الرز و المكرونة بس.. في انواع تانية كتير حاول تنوع مصادرها .
لكن لو منعت الكل بـ معنى كله معقد و بسيط .. اللى هيحصل فقدان عضلات .. مناعه ضعيفة .. تساقط شعر .. تجاعيد و كل اللى هتخسه بترجع تزيده تانى ..

🔶 مش انت في رمضان بتبقى تبقى صايم صيام اسلامي وبتجوع جسمك ب 16 ساعه وبترتاح جدا مع الصيام
فنفهم من ده ان انت جسمك بيحب الصيام
وكبدك بيتعافى بالصيام صدقني هو ده حلك الوحيد

⚠️ما تصدقش اي حد يقولك هديلك نظام كل ٣ أو ٤ ساعات تاكل بس حاجات بسيطه .. وان ده نظام بيعلي الحرق
انت فهمت اهو مع أي حاجه تدخلها جسمك..بترفع الانسولين

🔷 وكمان اهم حاجه لازم تنظم نومك .. اجباري
الساعه ١١ تكون نايم وبتحلم.. محيط بطنك مش هينزل
طول ما أنت سهران .. مهما عملت مفيش زي النوم
وانت نايم جسمك بيتعافي وبيدور علي المشاكل اللي جواه وبيصلح ... والاهم يكون نوم ليلي منتظم

🚩نصيحه بجد .. ابعد ايدك عن جسمك مش كل حاجه علاجها دوا ابداااا .. ربنا خالق جسمك يعرف يصلح نفسه والله طيب جدي وجدك ولا خدوا برشامه .. لأنهم مدخلوش حاجه لجسمهم ابدا .. ادي جسمك فرصه للتعافي ..

🚩ف متاخدش دوا من غير ما تعالج السبب .. مين أخد دوا واتعالج يرد عليا في التعليقات.. استحاله بالعكس اللي كان معاه ضغط بقي ضغط وسكر والعكس ..وهكذا
من كل المشاكل الصحيه

🔷ابدأ دايت فوررررااا مع حد فاهم بجد ... ومتتوقعش نتيجه عاليه وياريت متشغلش بالك بالميزان ابدا ابدا
لانك بتتعالج وعاوز كبدك يشتغل بكفاءه تاني

🚩 نجاحك في الدايت .. هو أن محيط بطنك يقل وينزل
وان صحتك تتحسن ..وتسترجع عافيتك من تاني

🔹والدكتور الشاطر بقي .. مع الدايت ينظملك فيتاميناتك والمعادن بتاعتك ..عشان جسمك يفوق بقي

🔸طيب هتعب في الدايت يادكتور ؟ اه هتتعب في الاول مش هكذب عليك .. لكن تعب آخره صحتك وشفاءك بأمر الله

🚩 وزي ما بقول دايما كل مشاكل العصر الصحيه راجعه لسلوك الاكل الخطا.. ف مش عشان كل الناس بتاكل الاكل ده
أن هم يبقوا صح بالعكس كله بيعاني....كلهم هنا بيعيطوا😂

⚠️خلي عندك اراده وقرار ..ان كفايه كده استهتار بصحتي
وانك تغيري حياتك وتنقذي نفسك من مشاكل وادويه
في عز شبابك .. انتي في غني عنها

للطلبات والتوصيل المجاني
01552099299
فرع د.عبدالله جابر مبني الرحايمه
01149461186
فرع مبني الشيخ احمد المحمودي بجوار المخرطه
للتواصل والاستشارات والواتساب
01559009889
للشكاوي والمقترحات
01099980897

15/04/2026

على فكرة اسعار الأدوية
هتنزل تانى دا مش توقع
ولا قياس اقتصادى ولا اى حاجه
هيا جدعنه منى كدا 😉🤣🤣

15/04/2026

بعد قليل توزيع جوائز الدهب 👌💪👏

14/04/2026

تحية خاصة لأحدث المتابعين لي! يسرني انضمامكم
وفي انتظار تشريفكم اليوم في الحفله ! معاطى البلتاجى, Ahmed Gamal, حسين احمد, عبدالهادى ابوسما, ابو كامل ملش, Raed Eleraky, أبسط خلق الله, Amal Ezzat, ابو نورهان ابو على, Ali Fatah, Eman Abd EL Hassieb, ابو فرح, ابو عادل الحلفاوى, Hema ELnagar, الريس هاني ابو الغالي, Hany Zaki Ghattas, محمد السيد, جنة الرحمن, محمد عادل الصعيدي, شيماء زكريا حمزه, سعد رمضان, عمرو ابراهيم, ابو محمود النجدى, اسلام دبوس, ابو احمد, ابو سنوده سند, ابراهيم ابو عزت, المعلم ابو خليل خليل, محمود نصر, ابو فهيد الاخرسي, Mohamed Mostafa, السيد محمد السيد, ﺍﻟﺪﺑﻴﺴﻲ ﻋﻠﻲ ﺣﻖ, ام عدنان, Muhammad Soliman, اسماعيل علي العدل, Abd Elsalam, عبده ابوادم, محمد عصام, Selim Mahmoud Mousa, Ĥøŝąm Ĕŷð, محمد ابونمر, هشام تويج, Om Hmada Hmada, Amina E Farag, يوسف غربه, سليمان ابو جبريل, السيد بدوي, Mahmoud Muhamma Khairedin, Aml Aml