El-Nasr Hospital Clinical Nutrition Department

27/07/2025

13/08/2024

ختام تدريب صيادلة التغذية العلاجية من مستشفيات المنظومة ببورسعيد واسماعلية
القائم بالتدريب فريق التغذية العلاجية بمستشفى النصر التخصصي

نورتونا يا دكاترة 😊

16/05/2023

.. مرضي السكري سواء نوع اول او ثاني في ايام الحر الشديدة اللي داخلين عليها.. لازم نتناول كميات كبيرة من المياه موزعة علي مدار اليوم. . ونتجنب السير في الاماكن الحارة.. معروف ان ارتفاع السكري بيفقد مياه كثير من الجسم بما يسمي بال osmotic diuresis.. وكمان ارتفاع درجة الحرارة بيفقد مياه من الجسم وكمان لو ماشربناش كويس دا كله هيخلي كمية السوايل في جسمنا قليلة.. طيب وايه المشكلة يعني.. يووه دي اكبر مشكلة.. دا بيرفع من درجة تجلط الدم ويخلي سريانه بطئ ودا ممكن يعرض المريض لتجلطات متعددة اهمها في الاوعية المغذية للشبكية ينتج عنها لا قدر الله فقدان مفاجئ بالبصر لو ما اتلحقش واتعالج ممكن يبقي دايم.. والمكان الثاني هو اوردة الكلي اللي لو حصل فيها تجلط علي الناحيتين ممكن لا قدر الله يحصل فشل كلوي حاد يتطلب غسيل كلوي سريع.. الاخطر في كبار السن وقليلي الحركة مع تجلطات اوردة الساق ممكن تنفصل بعض من الجلطات دي وتسبب سدة رئوية خطيرة بدون سابق انزار.. موضوغ شرب المياه والسوائل بدون سكر بكثرة في ايام ارتفاع الحر مش رفاهية مطلقا لاي شخص وخصوصا مريض السكري.

08/02/2023

Happening Now
Enteral Nutrition Application Lecture
جزء من تدريب التغذية العلاجية لمستشفيات منظومة التأمين الصحي الشامل بمحافظة بورسعيد

20/12/2021

صباح الفل💚
بوست واقعي لازم نفهمه ونستوعبه كويس اوي 👌
انت بنى ادم.. مش انسان الي.. فحط توقعات طبيعية ومنطقية
يوم هتقدر تعمل 100٪ من اللى كنت ناوي تعمله.. ويوم هتقدر تعمل 50٪ ويوم مش هتقدر تعمل حاجة خالص
قيس علي كده كل حاجة في حياتك
امور شخصية.. حفاظ علي دايت.. رياضة.. شغل..
متجلدش نفسك.. البنى آدم طاقة.. وكل وقت ومرحلة ليها طاقة مختلفة.. المهم تعمل اقصى طاقتك.. حتى لو الاقصى ده 0٪ في يوم معين.. آمن بنفسك ان هييجي يوم تاني طاقتك هتبقى 120٪.. هي الدنيا كده

كلنا بيحصل معانا ال ups & downs دي
احكولى مواقف حصلت معاكم تخص الموضوع ده 💚
#صحى #هيلثى #دايت #تخسيس

14/06/2021

معاك خطوة بخطوة لتقوية الجهاز المناعي لمرضى الكورونا يجب التركيز على بعض الأطعمة المحتوية على الفيتامينات المطلوبة مثل:

•ڤيتامين أ : الأسماك الدهنية مثل التونة - صفار البيض - الكبدة - الجزر - البطاطا

• ڤيتامين ب : الحبوب الكاملة مثل الدقيق الأسمر والشوفان – البقوليات – الخضار الورقى الداكن مثل الجرجير والسبانخ – المكسرات – اللحوم

• ڤيتامين سي : الفواكه الحمضية مثل البرتقال واليوسفى والليمون والفراولة – الطماطم – الفلفل الألوان والبروكلى

• ڤيتامين د : مصدره الأساسي أشعة الشمس ( مدة تتراوح من ربع إلى نصف ساعة من الساعه 10ص - 3عصراً ) كما يوجد بنسبة فى البيض والأسماك

• الزنك : البحريات القشرية مثل الجمبري والكابوريا – المكسرات

• مضادات الأكسدة : موجودة بكثرة فى الثوم- الشاى الأخضر- البروكلى والقرنبيط - الحمضيات مثل البرتقال والليمون

• مضادات الالتهابات مثل العسل والزنجبيل وحبة البركة والكركم

• فى حالة ضعف الشهية أو قلة المتناول من هذه الأطعمه يجب أخذ مكملات غذائية تحتوى عليها

• عدم الإفراط فى تناول السكريات والنشويات لتأثيرها السلبي على الجهاز التنفسي

• الإكثار من شرب السوائل بأنواعها وخاصة الدافئة مثل الينسون والتيليو والنعناع – وشرب ما لا يقل عن 8-12 كوب ماء فى اليوم
لأن صحتك أساس حياتك، حافظ عليها

ّمن_معانا

13/06/2021

معاك خطوة بخطوة لمعرفة التغذية السليمة بعد قسطرة القلب والأوعية..

•منع الدهون المهدرجة (السمن والزبدة النباتي - الزيوت المخلطة - الجبن المطبوخة - اللحوم المصنعة مثل اللانشون والسوسيس) ومنع الأطعمة المقلية والمعلبات

• منع المشروبات الغازية والعصائر الصناعية

• تقليل النشويات والسكريات (الارز- الخبز االبيض- المكرونة- الدقيق- السكر والحلويات)

• زيادة الألياف فى الوجبات ( الخضروات بأنواعها - الشوفان- الفول والعدس- الفاكهة)

• تقليل الخضروات الورقية الغامقة مثل الجرجير – السبانخ- الملوخية- البقدونس لتأثيرها على أدوية منع تجلط الدم

• تناول أطعمة تحتوي على فيتامين سي مثل الجوافة والبرتقال والليمون

• منع الموالح (مخللات- الأسماك المملحة)

• تناول الفاكهة باعتدال ( ثمرتين يوميا ) – وتقليل الفاكهة عالية السكريات لمرة واحدة اسبوعياً (عنب- بلح- تين- مانجا)

• استخدام الدهون الصحية بكمية معتدلة (زيت الزيتون- المكسرات- الأسماك والبحريات)

• تقليل تناول اللحوم الحمراء لمرة اسبوعياً

• تناول كمية معتدلة من البروتينات بأنواعها ( الطيور- البحريات- البيض- اللبن- الجبن القريش )

• شرب كمية معتدلة من الماء 6 - 8 أكواب يومياً

لأن صحتك أساس حياتك، حافظ عليها

ّمن_معانا

22/05/2021

كلمتين علي الماشي 😁❤️
امتي بنبدأ نفكر نحط للطفل في الحضانة تغذية وريدية؟؟
Absolute indications يعني لازم 👌فى اى حالة من الحالات دي:
1- مولود اقل من 30 اسبوع
2- مولود اقل من 1250 جرام
3- فى خلال اول 5 ايام مقدرش ياخد تغذية بالفم او بالرايل لاى سبب ما
4- مش tolerating للتغذية بالفم او بالرايل (بيحصل severe distension مثلا او vomitting كتير)

Relative indications يعني فيها كلام وبتختلف من حالة للتانية :
اى طفل مولود اكتر من 30 اسبوع بس مش قادر ياخد تغذية كافية بالفم او بالرايل لسبب ما

ملحوظة هامة : مش معني ان دي indications للتغذية الوريدية اننا مش هنفضل نحاول فى التغذية بالفم او بالرايل.. بالعكس المحاولات لازم تفضل مستمرة طالما الحالة تسمح ومفيش سبب يمنع تماما التغذية بالفم او بالرايل (contraindications يعني) والاسباب دي هنعرفها البوست الجاى ان شاء الله 👌

لو استفدت

20/05/2021

موضوعنا انهارده نشرناه قبل كده باللغة الإنجليزية وهو تفاعلات الادوية مع الطعام... هتلاقوه ف اللينك ده:
https://www.facebook.com/1909433252608979/posts/2445081322377500/

تفضلت شاكرةً د. سماح احمد اخصائية تغذية بالقصر العيني بترجمته للغة العربية لنشر الفائدة للمرضى جزاها الله خيرا ❤️

البوست عندكم
وشير لاى مريض تعرفوه بياخد ادوية مزمنة لعل وعسى البوست يفيده ❤️

18/05/2021

موضوع انهارده بسيط ومفيد باذن الله
Growth charts
ودي وسيلة بسيطة وفعالة جدا في growth assessment للأطفال

فى اكتر من نوع من growth charts اشهرهم CDC, WHO
ومتقسمة لانواع كتير منها:
Birth - 36 months :
Age to weight (boys & girls)
Age to length (boys & girls)
Age to head circumference (boys & girls)
Weight to length (boys & girls)

2-20 years:
Age to weight (boys & girls)
Age to stature (boys & girls)
Age to BMI (boys & girls)

ازاي بنستخدمه؟؟
1- اخد القياسات الصحيحة (وزن، طول ،محيط الرأس)
2- حساب BMI = الوزن/مربع الطول بالمتر
3- اختيار Chart المظبوط من الانواع الموجودة
4- تحديد الموقع علي ال chart
5- نبدأ interpretation :
هديكم مثال.. هتلاقوه في اخر صورتين في الصور المرفقة بالبوست
طفل 10 سنين (2-20 years boys chart)
هنقيم BMI بتاعته (في الصورة كذا مثال لاكتر من BMI)
حددنا مواقعهم في chart
وعرفنا كل واحد منهم واقع في انهي خط ورقم الخط ده ايه (95th, 85th, 5th)
اخر صورة الجدول اللي بيقولى معني كل خط ايه
يعني مثلا اللي فوق 95th كده، يكون الطفل obese
تحت 5th كده underweight

بالشكل ده كل chart له interpretation وهتلاقوا التفاصيل بتاعة كل واحد مشروحة معاه في مواقع CDC, WHO

لو استفدتم

13/05/2021

موضوعنا انهارده مهم جدا
علاقة الادوية بالحالة التغذوية

الموضوع منقسم ل 4مواضيع مختلفة:

1- تفاعلات الادوية اللي المريض بياخدها مع الاكل اللي بياكله.. زي ايه؟؟
زي مثلا Marevan المفروض المريض يتجنب معاه اكل الخضروات الورقية الغامقة زي السبانخ والجرجير والبقدونس وغيرهم.. او يثبت نفس الكمية اللي هياكلها منهم يوميا وتتظبط جرعة ماريفان علي الاساس ده
ده موضوع مفصل عن تفاعل الادوية مع الاكل:
https://www.facebook.com/1909433252608979/posts/2445081322377500/

2- تفاعل الادوية مع nutrient معين في الجسم.. زي مثلا lasix بيعمل للمريض hypokalemia فلازم ن monitor البوتاسيوم في الدم
ده موضوع مفصل عن النوع ده من التفاعلات :
https://www.facebook.com/1909433252608979/posts/2446089105610055/

3- عدم توافق الادوية مع المحاليل الوريدية.. زي مثلا دوبامين غير متوافق مع المحاليل الوريديه اللي فيها lipid (3in1)
وده موضوع مفصل عن النوع ده:
https://www.facebook.com/1909433252608979/posts/2447569625462003/

4- رابع نوع وهو الاعراض الجانبية اللي الادوية ممكن تعملها وتؤثر علي الحالة التغذوية للمريض.. زي ايه؟
مثلا amoxiclav بيعمل اسهال وممكن يعرض المريض للجفاف
او زي digoxin انه بيعمل anorexia شديدة
او metronidazole بيعمل metallic taste وبيخلى المريض يرفض الاكل بسبب الموضوع ده
وغيرها كتير.. ان شاء الله نعمل بيه موضوع منفصل

لو استفدتم من الموضوع

26/04/2021

موضوع انهارده عن الدهون الوريدية
الدهون هي مصدر اساسي من مصادر الطاقة للجسم
1 جرام بيدي 9 كيلو كالوري
ضروري الجسم ياخد الكمية اللي محتاجها منها (حسب حالته وعمره) لسلامة وظائف الاعضاء و مد الجسم بالاحماض الدهنية الاساسية (اللي مش هيعرف يصنعها لوحده) واللي نقصها بيدخل في مضاعفات كتير
فى neonates وحتي سن سنتين ضروري جدا ياخد الكمية المناسبة من الاحماض الدهنية الاساسية لنمو سليم للمخ

الدهون الوريدية المتاحة في السوق المصرى:
Smoflipid 20%
ووجد ان التركيز 20٪ اكثر ثباتا و compatibility من التركيزات الاقل
غير ان تركيبة المنتج ده متوازنة جدا من حيث الاحماض الدهنية ويكاد يكون اعراضه الجانبية غير موجودة( في حالة اعطاء الجرعة السليمة بالمعدل السليم)
1جرام موجود في 5 مل فقط

Lipofundin 10%
تركيبته اقدم من النوع السابق وتركيزه اقل
1 جرام موجود في 10 مل منه

Intralipid 10%
تركيبته مكانتش متوازنة وسبب اعراض جانبية كتير فمعادش بيستخدم تقريبا
1 جرام موجود في 10 مل منه