12/08/2025
بمناسبه اليوم العالمي للشباب💪 اللي بنحتفل بيه يوم 12/8 من كل عام 🎉🎉هنسلط الضوء على اهميه الحفاظ على حياه صحيه سليمه لهذه الفئه العمريه الحيويه 📣لان الشباب في العصر الحديث بيواجه تحديات متعدده بتاثر على صحتهم الجسديه والنفسيه
اولا: التغذيه السليمه 🍗🥩🍔
للاسف التغذيه السليمه اصبحت كلام في الكتب والمقالات بس لكنها في الحقيقه هي حجر الزاويه في بناء جسم قوي وعقل سليم فيجب التركيز على الوجبات اللي فيها خضروات وبروتينات وفواكه لانها اهم من علاج المكملات الغذائيه والفيتامينات اللي كثير مننا بيلجا ليها.. ونبعد عن الدهون والوجبات السريعه والمصنعه والاندومي والمقليات والمواد الحافظه 🍟🍕🌭والمشروبات السكريه🍸 بشكل مستمر لانهم بيوصلوا في النهايه لامراض كثير زي السمنه والسكري وارتفاع الدهون والكوليسترول وكما قال الفنان سعيد صالح( اول مره اشوف شاب بكرش)😀😀😀
ثانيا: النشاط البدني🏃🏃
في علاقه كبيره جدا بين النشاط البدني والرياضه وبين الصحه النفسيه لان ممارسه الرياضه بانتظام زي الجيم او المشي او ركوب الدراجات🚵♂️ بيقلل من التوتر والقلق وتحسين المزاج بفضل افراز هرمونات السعاده وكمان بيقوي جهاز المناعه وبيحسن جوده النوم
ثالثا :الصحه النفسيه 😔
الشباب بتواجه ضغوط كبيره في عصرنا هذا في التعليم وضغوطات اجتماعيه وتفكك افراد الاسره بسبب الموبايلات والالعاب الالكترونيه فلابد من عوده التواصل الاسري والخروج معا كاسره في الاماكن المفتوحه وزياره الاقارب والالعاب الجسديه افضل من الالعاب الالكترونيه وممارسه الاسترخاء والبحث عن هوايات جديده في داخل كل شاب
رابعا: النوم الكافي😴😴
النوم جزء اساسي من عمليه التعافي الجسدي والنفسي فيحتاج الشاب الى عدد ساعات نوم من ٨_٩ ساعات لذهن صافي وجسد مثالي ونقص النوم يؤثر سلبا على التركيز والذاكره والمزاج والمشاكل الصحيه ومش هنتكلم عن الساعه البيولوجيه اللي اتقلبت⏳️ واصبح النوم بالنهار وصحيان طوال الليل 🤔 والخلاصه،،،👌👌
الاستثمار في صحه الشباب اليوم هو استثمار في مستقبل المجتمع غدا فلجعل حياه افضل لابد من تبني عادات صحيه في التغذيه والنشاط البدني والرياضه والنوم والاهتمام بالصحه النفسيه واهمهم واولهم الصحه الروحانيه والقرب من الله
