Ahmed Hafez للتأهيل النفسي

26/06/2025

بآذن الله ميعادنا غدا الجمعه الساعه السادسه مساءا محاضره اون لاين علي تليجرام عن معوقات الصحه النفسيه خلال مرحلة المراهقه وفريق حياتنا للصحه النفسيه
في انتظاركم تشاركونا

14/05/2025

اضطراب الشخصية الحدية
Borderline disorder personality
هو نمط عام من عدم الاستقرار في العلاقات بين الأشخاص وفي الصوره الذاتيه والمزاج والتحكم بالاندفاع ويتصف السلوك المضطرب بالخصائص الاتيه :
١-تغيرات قويه في المزاج والأفكار والخطط بشكل متكرر
٢- عدم الاستقرار في العلاقات الاجتماعيه حيث البدأ في علاقات جديده ولكن فقدها بسرعه وبسهوله
٣- يظهر لديها سلوك اندفاعي غير متوقع مثل الاندفاع في صرف الأموال بصوره مفرطه والمعاشره الجنسيه الخطره وغير المشروعه وتعاطي المخدرات والكحول السرقه الإفراط في الأكل واللحاق الاذى بالنفس
٤- الشعور المتكرر بالفراغ والوحدانيه والكآبه
والانزعاج والقلق
٥-صعوبة السيطره على اندفاعاته وانفعالاته
٦- الخوف من الوحده على الرغم من التعمد في أبعاد الآخرين
٧- شعور مستمر بالحرمان
٨- ارتباك في فهم ذاته وتشخيص أهدافه وقيمه واختيار الأصدقاء والمهنه
٩- محاولات متكرره في إيذاء النفس مثل جرح الجسم او محاولات انتحار
١٠- الدخول في علاقات شبابيه متعدده في نفس الوقت
١١- البحث دوما عن مشاعر الحب والأمان لافتقادها بصوره شديده

أخصائي صحه نفسيه
أحمد حافظ

28/04/2025

https://www.facebook.com/share/v/1YeeJCHyHE/

26/02/2025

أتـعـس الـرجـال حـظـاً
مـن ابتُلي بزوجه لا تعرف معنى الاحترام والتقدير، دائمًا ترى نفسها على صواب ولا تضع نفسها مكانه. لا تفهم احتياجاته ولا تشعر بما يشعر به، ولا تقدر أي تضحية يقدمها.

لا يوجد زوج قاسي إلا إذا كانت الزوجة غير متفهمة لمشاعره.

لا يوجد زوج غاضب دائمًا إلا إذا كانت الزوجة تفتقر إلى الصبر والحنان.

لا يوجد زوج مهمل إلا إذا كانت الزوجة غير مهتمة بتفاصيل حياته.

لا يوجد زوج خائن إلا إذا كانت الزوجة تبتعد عن مشاعره وتنسى حقوقه.

♦️ وأتعس النساء حظًا
امرأة ابتُليت بزوج لا يعرف كيف يقدرها ولا يراعي مشاعرها، محدود الرؤية لا يرى في حياتها سوى واجباته.
من أكبر مصاعب الحياة الزوجية أن يكون أحد الطرفين شخصًا يصعب التفاهم معه، لا يعرف كيف يُعبّر عن مشاعره، ولا يرضى بالاعتراف بأخطائه، ولا يسعى للتغيير.
لا يوجد حب بدون تفاهم واحترام، وإذا غاب هذا التوازن، فإن العلاقة تصبح صعبة للغاية.

"كوني له أمانًا، يكن لكِ حبًا وتقديرًا، وحاولي أن تشعريه أنكِ شريكته في الحياة وليس خصمته."
والعكس صحيح، فالتفاهم والاحترام المتبادل هو أساس نجاح أي علاقة.

25/08/2024

هل لديك الأعراض الآتيه :-
١- المعاناه من مشاعر غير مستقره تتغير بسرعه وغالبا ما تكون مؤلمه
٢- المعاناه من شعور متكرر بعدم القيمه والفراغ
٣-غالبا ما تكون علاقاتك كثيره وغير مستقره وتتقلب بين مدح الآخرين اولا ثم انتقادهم فيما بعد
٤- تصرف بطريقه انفعاليه لتجنب الهجر من الغير
٥- التصرف بشكل متهور ومدمر للذات مثل الانخراط في ممارسة الجنس غير الأمن او الإفراط في انفاق المال او الكحوليات
٦- الانخراط بانتظام في سلوكيات تتعلق بالانتحار مثل التهديد ومحاولة ذلك او سلوك ايذاء الذات كأن تجرح نفسك
٧- شعور غير مستقر بشأن هويتك اي لست متأكد من حقيقة نفسك من تكون
٨- خلال فترة الضغوط لديك أفكار قويه تدور حول ان شخص يحاول ايذاوك او شعور بالغرابه واتصال عن أفكارك او جسمك
اذا كانت لديك تلك الأعراض فأنت مصاب بأضطراب....

02/07/2024

يعلن فريق حياتي للصحه النفسيه وعلاج الإدمان ببورسعيد عن قبول أعضاء جدد من طلاب وخريجي الكليات والتخصصات المختلفه..
مميزات الانضمام للفريق
حضور محاضرات خاصه بمجال الصحه النفسيه وعلاج الإدمان
هتعرف شرح الأمراض النفسيه المنتشره
هتعرف يعني ايه اضطرابات نفسيه
هتعرف يعني ايه مرض الادمان
هتتعلم معانا اذاي تكون معالج نفسي
واكيد كل دا بدون تكلفه ماديه ودا لأنك عضو معانا في الفريق... مسموح انضمام الطلبه والطالبات.. السن من 20 سنه حتي 35 سنه
تفاصيل التقديم وميعاد الانترڨيو خاص واتس
01208611354

12/06/2024

الاكتئاب مش ضعف في الإيمان خالص وعلاجه مش بس بالصلاه والقرآن ذي ما ناس كتير عن جهل بتقول... الاكتئاب مرض نفسي ذي طبيعة اي مرض جسدي وبيتفرض علينا يعني مفيش حد بيكتئب بمزاجه وللا علشان شخصيته ضعيفه ومش بيقاوم وللا علشان مش بيصلي.. ياريت قبل ما نرغي بجهل نحاول نعرف الأول صح... الاكتئاب له اسباب وأعراض وطرق علاج مختلفه منها جانب دوائي او نفسي او اجتماعي والدعم في وقت الاكتئاب مهم جدا ولو ماتعرفش طرق الدعم بلاش تتدخل وتتفلسف في علاج لان دي أرواح ناس وهتتحاسب عليهم... مش أي حزن معناه اكتئاب لانه له اعراض محدده وكذلك بتستمر لوقت محدد وفيه فرق بين الاكتئاب كمرض او عرض

بوست للأفاده

10/05/2024

🌸 نصائح ذهبية لتحسين الصحة النفسية 🌸

- بلاش جلد ذات، اللي حصل حصل، حقك تغلط 👌
- مارس الرياضة يا جيم يا في البيت يا شوية مشي
- كل أكل صحي و قلل الرمرمة 😁
- تخلص من العلاقات المستفزة اللي تحرق الدم
- مارس الامتنان و اشكر ربنا على دوام نعمته
- استمتع باللي في ايدك، و سيبك من نصيب غيرك
- نام كويس ولو ٧ ساعات
- العب مع حيوانات أليفة
- خصص وقت للتأمل و تدبر في جمال خلق الله
- قبول الذات والتفكير الإيجابي و الثقة بالنفس
- خذ اجازة من الإلكترونيات ولو يوم أسبوعيا

10/05/2024

هل رأيت يوما شيئا يحترق؟

وقتها بيكون الشئ محافظ على شكله لحد ما تلمسه، وينهار مرة واحدة،

والناس لما بتتحمل فوق طاقتها بتمر بحالة مشابهة لده، رغم أنه بيبان عليهم من بره أنهم لسه محافظين على شكلهم الطبيعي و غلافِهم الخارجي سليم أمام الكل،الا انهم داخليا بيكونوا علي حافة الانهيار...

وده اسمه "الاحتراق النفسي" وهو حالة من الإجهاد العاطفي والعقلي والجسدي بتخلي الشخص مش قادر يقوم بوظايفه بشكل طبيعي.

وعشان نتجنب ان ده يحصلنا محتاجين ناخد بالنا من طاقتنا النفسية،
مش لازم نوصل للإنهيار والاحتراق عشان نحس اننا محتاجين راحة ودعم

28/04/2024

24/04/2024

الأوڤرثينكينج هو ظاهرة بتحصل لما تفكر في شئ بشكل زائد عن الحد و غير منتج أو مفيد و هو في العموم بياخد شكلين أساسيين إما rumination (التفكير في شئ حصل بالفعل) أو worry (القلق من شئ يتوقع حدوثه)

طبعا الأوفر ثينكينج شئ مؤذي جدا لأنه ممكن يؤدي للإصابة بالأمراض النفسية وممكن يكون هو نفسه مجرد عرض من أعراضها ، دا غير انه بيؤثر علي النوم و علي قدرتنا علي حل المشكلات ، أحيانا كمان البعض بيلجأ للأكل أو حتي المخدرات علشان يتخلصوا من معاناة الأوڤرثينكينج اللطيف بتاعهم

ايه علاج الأوڤرثينكينج ؟ لو كان الأوڤرثينكينج مصاحب بأعراض أخري زي قلة النوم أو القلق المبالغ فيه أو شعور بالذنب أو كان متسبب في تدهور عملي واجتماعي شديد فإنت محتاج تزور طبيب متخصص علشان تخضع لعلاج معرفي سلوكي أو حتي لبعض الأدوية اذا اقتضي الأمر ، انما لو كان الأوڤرثينكينج بتاعك بسيط ففي بعض النصائح الأولية اللي ممكن تساعد في التغلب عليه

أولا انك تحاول تلاحظ طريقة تفكيرك بإستمرار علشان تبتدي تتعرف علي اللحظة اللي بدأ فيها تفكيرك يبقي مضر و غير منتج ، في اللحظة دي هتبتدي تحول طريقة تفكيرك علشان تتجه ناحية حل المشكلة ، بدل ما بفكر في الموقف اللي زعلت فيه صاحبي مثلا هفكر ازاي اصالحه و ازاي اتعلم من الموقف دا علشان مايتكررش تاني

ثانيا مهم ندرك ان الفكرة بتاعتنا مش هي بالضرورة الحقيقة ، كتير جدا بتكون فاكر انك لبخت في الكلام بشدة مع صاحبك وتبتدي تتخيله بقي بيعيط في الضلمة من أثر كلامك و كده ولما تروح تفكره بالموقف علشان تعتذرله تتفاجئ انه مش فاكر الموقف دا اصلا أو ماخدش باله من الكلام أساسا من المفيد جدا ادراك ان الفكرة هي مجرد فكرة ومش بالضرورة أبدا تكون حقيقة

ثالثا ممكن نحدد وقت معين في اليوم وليكن نص ساعه مثلا علشان نفكر في كل الحاجات اللي حصلت في اليوم ونأوڤرثينك براحتنا فيه و بالتالي كل ما يحصل أوڤرثينكينج هنقول لنفسنا اننا هنأجله للوقت اللي محددينه لنفسنا ده

رابعا من المفيد اننا نشتت نفسنا عن الأوڤرثينكينج ، لو حسيت انك بدأت تأوڤرثينك ممكن تقوم تعمل شوية تمارين رياضية او تتكلم مع حد أو تقرأ كتاب ، أي نشاط يقطع دايرة الأوڤرثينكينج المغلقة

خامسا والأهم هو ممارسة ال mindfulness و هو نوع من العلاج النفسي بيعتمد علي استحضار اللحظة ، انك تكون حاضر في كل لحظة من لحظات حياتك بغص النظر عن الماضي أو المستقبل ، لما تكون بتلعب يكون كل تركيزك في اللعب ، لما تكون بتذاكر يكون كل تركيزك في المذاكرة ، لما تكون بتتكلم مع حد تكون كل مشاعرك معاه ، دا طبعا شئ مش سهل وبيحتاج تدريب مستمر وممكن تلاقوا تقنيات كويسه جدا ليه علي النت

ديستوفيسكي كان له جملة جميلة في إحدي رواياته بيقول فيها to think too much is a disease ، ديستوفيسكي ربما كان محق تماما