دكتور عبدالرحمن صديق

08/08/2025

أصبحت عدسات الزرع ذات الجودة العالية ليست مجرد رفاهية بل ضرورة لرؤية جيدة بعد عمليات المياه البيضاء.

08/08/2025

نظارات الأطفال (٢):
* يجب مراجعة نظارة طفلك بعد استلامها من أخصائي البصريات مع الطبيب المعالج وعدم ارتداء النظارة وتجربتها نهائياً قبل المراجعة خاصة نظارات طول النظر والاستجماتيزم.
* يفضل ارتداء النظارة مع مشاهدة التليفزيون لتفادى الاعراض الاولية التى يشعر بها الطفل من دوار أو اعوجاج فى الصورة أو عدم تقدير الأبعاد بصورة صحيحة وهذه الاعراض تتلاشى خلال دقائق.
*ضعف الإبصار عند الاطفال يؤدى الى تأخر الطفل دراسياً واجتماعياً مع أقرانه بالاضافة لاحتمالية حدوث حول وصداع مزمن وبالتالى حرمانك لطفلك من النظارة الطبية (مش عايزه يتعود عليها أو شكله مش حلو) اعتبرها بمثابة جريمة فى حق طفلك.

02/08/2025

المكيف فى السيارة:
احذر توجيه هواء مكيف السيارة مباشرة الى وجهك حيث يؤدى ذلك لجفاف عينيك مما يزيد الشعور بالحرقان وتشويش بالرؤية.

01/08/2025

نظارات الأطفال (١) :
* طفلك لو تحت ٦ سنوات (دخول المدرسة) غالبا مش هايشتكى من ضعف الرؤية لسبب بسيط وهو انه مش عارف أصلا ايه هى الرؤية الجيدة عشان يشتكى.
* طفلك غالباً مش هايشتكى من ضعف الرؤية لو كان بيشوف كويس بعين واحدة من العينين.
* خد بالك من طفلك ولاحظ هل فيه إنحراف فى عينه ولا لا، بيقرب من التليفزيون ولا لا، بياخد وضع مختلف للرأس أثناء مشاهدة التلفزيون ولا لا، هل حجم عين أكبر من التانية ولا لا، هل فيه إرتخاء للجفون ولا لا، هل توجد سحابات بيضاء على عينه ولا لا.
* أى ملاحظة مما سبق لازم كشف عاجل للطفل بدون تأخير.
* طبيعى وضرورى جداً للكشف على عيون الاطفال يتم وضع قطرة لتوسيع حدقة العين وتختلف مدة استعمالها قبل الكشف حسب مايحدده الطبيب (فبلاش والنبى حدوتة مش عايز احطله قطرة التوسيع لان الطبيب لو بيحترم مهنته هايقولك اكشف على طفلك بمكان تانى).
للقصة بقية الجمعة الجاية.

11/07/2025

هام جداً
مش مبرر لحضرتك انك مستعجل يبقى تتخطى دورك بالكشف ولازم تعرف ان الكل سواسية عندنا والكل قلقان وتعبان ووقته مهم زيك بالضبط.
جربنا نظام الحجز بالتليفون وفشلنا نظراً للمشاكل المترتبة على جهل بعض الناس باحترام المواعيد وعملنا الكشف بأولوية الحضور.
فاذا كنت/ى حضرتك من النوع اللى مايحبش ينتظر او مابيقدرش يحترم النظام فمكانك أكيد مش عندنا بالعيادة.
دمتم بخير وصحة ونظام

11/07/2025

مواعيد العيادة:
من ١٢:٠٠ ظ إلى ٣:٠٠ عصراً
ومن ٧:٠٠ م إلى ١٠:٠٠ م
يومياً عدا أيام الجمع والاجازات المعلن عنها مسبقاً.
الحجز بالحضور ولا يوجد حجز تليفونى مسبق.
العنوان : بورسعيد- شارع الثلاثينى مجمع أبو اسماعيل الدور الاول.
للاستعلام : ٠١٠٢٢٠٦٧٨٤٦ والاتصال فى اوقات العمل فقط.

19/06/2025

إعلان هام:
العيادة أجازة اعتباراً من يوم السبت ٢١ يونيو إلى يوم الاحد ٢٩ يونيو .
للتواصل: ٠١٠٢٢٠٦٧٨٤٦

04/06/2025

بمناسبة عيد الأضحى المبارك العيادة أجازة اعتباراً من الخميس ٥ يونيو الى يوم الثلاثاء ١٠ يونيو وسنعاود العمل اعتباراً من الأربعاء ١١ يونيو باذن الله.
كل عام وأنتم بخير.
للتواصل: ٠١٠٢٢٠٦٧٨٤٦

31/05/2025

نظراً لظروف طارئة العيادة غداً الأحد فترة واحدة صباحية فقط من ١٢-٣ ظ ولاتوجد فترة مسائية غداً الأحد فقط.
ت: ٠١٠٢٢٠٦٧٨٤٦

17/05/2025

لما تكون دى النتيجة بعد عملية تصحيح الابصار فأكيد ده مش فراغ، ده وراه فضل من ربنا ووراه خبرة سنين طويلة وجهاز حديث دقيق وطاقم مساعدين على أعلى مستوى.

14/05/2025

اللهم اجعلنا سبباً فى سعادة من يعانون من ضعف الإبصار وعودتهم لحياتهم الطبيعية بدون نظارات ولا عدسات لاصقة.

25/04/2025