04/08/2025
إيه هي "الوذمة الوعائية" ويعني إيه تبقى نتيجة حساسية؟ ويعني إيه تبقى وراثية؟ 👀
📍 الوذمة الوعائية (Angioedema) هي حالة بيحصل فيها تورم مفاجئ في الطبقات العميقة من الجلد أو الأغشية المخاطية، زي:
👄 الشفايف – 👁️ الجفون – 🖐️ الأطراف – وأخطرهم: الحنجرة!
لكن اللي ناس كتير متعرفهوش… إن فيه نوعين منها:
🧴 1. الوذمة الوعائية التحسسية (Allergic Angioedema):
بتظهر نتيجة حساسية من أكل معين، دوا، لسعة حشرة، أو مادة كيميائية.
وغالبًا بتكون مصحوبة بـ:
🤧 هرش
🌡️ طفح جلدي
🫁 ممكن كمان يحصل معاها صعوبة تنفس
وبيتحسن بسرعة مع مضادات الهستامين أو الكورتيزون 💊
واحيانا بنضطر نسخدم ادرنالين 💉💉
🧬 2. الوذمة الوعائية الوراثية (Hereditary Angioedema):
دي نوع مختلف تمامًا، ومالوش علاقة بالحساسية!
👶 بتبدأ الأعراض غالبًا من الطفولة أو سن المراهقة
🔬 وسببها اضطراب جيني بيأثر على مثبط اسمه C1، وهو بروتين مهم من بروتينات الجهاز المناعي (النظام التكميلي).
🧠 لما المثبط ده يحصل فيه نقص أو خلل، الجسم بيبدأ يعمل تورمات فجائية من غير سبب واضح.
🚫 ومضادات الحساسية مش بتجيب معاها نتيجة!
💡 وعلشان كده بنشخصها بتحاليل معينة، ولازم المريض يكون متابع مع دكتور مناعة عشان يعرف يتصرف وقت الأزمة.
📣 مهم تفرق بين النوعين!
لأن العلاج والتصرف في الحالتين مختلف تمامًا.
ولو عندك حد في العيلة عنده الحالة، تابع مع دكتور مختص فورًا.
تقدروا تتواصلوا معانا من خلال أرقامنا أو زيارتنا في مراكزنا ❤️
📍 مركز بورسعيد :
⏰ المواعيد : السبت و الأربعاء من 8 الى 11 مساءاً
📌 العنوان : عمارة بدران - بجوار مطعم بونا فيستا - بورفؤاد - أمام كنيسة ماري جرجس - الدور الأول شقة 3
📱 أرقام التواصل :
01223300552 - موبايل : 01008278294
واتس آب : 010 07688457
📍 مركز القاهرة (التجمع) :
⏰ المواعيد : الإثنين من 6 الى 10 مساءاً
📌 العنوان : كايرو ميديكال سنتر cmc - التسعين الشمالي خلف المستشفى الجوي التخصصي - عيادة 425
📱 أرقام التواصل : 01115777197
