د/شيماء مصطفى اخصائى الطب الوقائى

26/01/2026

فيروس نيباه

05/05/2023

الحمد لله 🙏🙏

07/12/2022

28/11/2022

انتظروا و ترقبوا

20/04/2022

أعلنت منظمة الصحة العالمية
إن فى يوم ٥ ابريل ٢٠٢٢
تم اكتشاف ١٠ حالات من التهاب الكبدى لاطفال أقل من ١٠ سنين فى اسكوتلندا و تم إجراء التحاليل اللازمة لاكتشاف نوع الفيروس المسبب للالتهاب الكبدى بس برده موصلوش للسبب
و بعدها ٣ ايام حصل نفس الموقف بس بعدد أكبر وصل ٧٤ حالة فى بريطانيا
بعدها ظهرت حالات قليلة فى ايرلندا و اسبانيا
الحالات بتعانى من صفرا و ارتفاع فى انزيمات الكبد و اعراض جهاز هضمى
لسة الموضوع محل الدراسة لمعرفة سبب الإصابات
https://www.who.int/emergencies/disease-outbreak-news/item/acute-hepatitis-of-unknown-aetiology---the-united-kingdom-of-great-britain-and-northern-ireland

22/01/2022

اظن الوقت لزم نأكد على المؤكد
مينفعش يبقى حد عنده اعراض و يختلط بالناس
ده قتل عمد و ربنا هيحاسب عليه

18/12/2021

فيه ناس بتسأل طالما شلل الأطفال انتهى من مصر من 15 سنة، ليه لسة بنعمل حملات تطعيم شلل الأطفال كل فترة غير التطعيم الروتيني؟
تكرار التطعيم عن طريق الحملات المختلفة بيضمن حماية كل الأطفال اللي عايشين في مصر (سواء مصريين أو غير مصريين) من أي فيروس شلل أطفال جاي من برة البلد (لأن فيه دول لسة فيها حالات لحد النهاردة)، وكمان بيضمن إن كل الأطفال تحت سن 5 سنين يوصل لهم التطعيم حتى لو فاتتهم أي جرعة من التطعيم الروتيني.
بنفكركم إن الحملة هتبدأ يوم الأحد 19 ديسمبر وهتستمر لمدة 4 أيام
الأطفال اللي هياخدوا التطعيم من عمر يوم لحد 5 سنوات بس، فلو تعرف أي حد عنده أولاد في السن ده اعمل لهم منشن في التعليقات علشان يروحوا يطعموا أولادهم في كل الوحدات الصحية بالمجان أو يستقبلوا فرق التطعيم اللي هتوصل لغاية باب بيتهم!
#ايه موانع التطعيم ؟؟؟
أن الطفل يكون مصاب بمرض مناعة أو بياخد أدوية مثبطة للمناعة زى الكيماوى لأولادنا المصابين بالسرطان ربنا يشفيهم أو بياخد كورتيزون بجرعة كبيرة عن طريق الفم أو أن الطفل يكون مريض بأعراض قوية فنأجل التطعيم لغاية الأعراض تتحسن
#لازم يبقى فيه فاصل زمنى بينه و بين التطعيمات التانية ؟؟
لا مش لازم و مفيش تعارض بين التطعيم الروتيني فى مكاتب الصحة و تطعيم الحملة
ربنا يتم نعمة الصحة و العافية على اولادنا

12/11/2021

Respiratory syncytial virus
أو فيروس الجهاز التنفسي الشائع بالعربية
ده فيروس قديم و بيسبب اعراض شبيهة بالبرد و فى الغالب بتبقى اعراض بسيطة
اغلب الناس لما بتصاب بالفيروس بتتعافى خلال أسبوع أو أسبوعين بالكتير
الأعراض فى الغالب بتبقى التهاب فى الشعب الهوائية مع سيلان فى الانف و فقدان الشهية
لكن الفئات العمرية من الأطفال الصغيرين تحت سن ٥ سنوات أو كبار السن فوق ٦٠ سنة بيبقو أكثر عرضة المضاعفات
الاحصائيات بتقول أن كل سنة بيدخل المستشفى ما يقارب من ٥٨ الف طفل أقل من ٥ سنوات المستشفيات فى أمريكا 🇺🇲 نتيجة مضاعفات الفيروس
هل فيه اى فروق واضحة الناس العادية تقدر تفرق بيها بين فيروس التنفسى الشائع RSV و الكورونا؟
لا مفيش
يبقى التصرف السليم هو أن عند إصابة اى طفل باعراض تنفسية نتوجه بيه للطبيب و نقيم حالته الصحية و يكتبله العلاج اللازم
مفيش داعى الفزع
ربنا يحمى اولادنا
و كفانا شر الامراض و الأوبئة

03/11/2021

مهم جدااا
هيئة الرعاية الصحية بتوجه نصيحة مهمة لكل اب و ام
ابنك تعبك يلزم البيت
بس ده برد عادى
انفلونزا
اخد دوش و اتعرض لهوا
برده يلزم البيت
مفيش حاجة تقدر تفرق بين الكورونا و نزلة البرد و الانفلونزا
كلهم مشتركين فى الأعراض
اولادنا أمانة عشان ميبقوش مصدر عدوى للآخرين

24/08/2021

خلاص احنا ركبنا الموجة الجديدة
لو عندك اى أعراض
نزلة برد
دور انفلونزا
بردت من المروحة
أو اتاثرت بالتكييف
فحضرتك اشتباه كورونا
لو الأعراض بسيطة و مكنتش بتعانى من امراض مزمنة أو عندك عوامل خطورة
-العلاج هيقتصر على علاج الأعراض.
- العزل المنزلى
-متعملش أشعة مقطعية ( هنعانى من كمية إشعاع رهيبة اتعرضلها الناس و على فكرة ده مسببة للسرطان)
_ متلفش على المعامل عشان تعمل تحاليل ( عشان لو التحاليل طبيعية لا ينفى عدم الإصابة بالكورونا)
_ لو سجلت على سيستم التطعيمات الالكترونى و عايز تأجل التطعيم اتصل بالخط الساخن ١٥٣٣٥
_ التطعيم تاخده بمجرد التعافى يعنى بعد مرور ١٠ ايام من بداية ظهور الأعراض بشرط اخر ٣ ايام بلا اعراض لو كانت الأعراض بسيطة
اتم الله عليكم نعمة الصحة و العافية
و وقاكم الله شر الامراض




#اللقاحات
#الكورونا