https://www.facebook.com/100760111339273/

معمل د/علاء العشماوى للتحاليل الطبية, Qallin (2025)

13/11/2020

✅ نصيحة هامة جدا جدا لأى صديق سكر وأى حد يعرف صديق سكر.
✅ إذا لاحظت تغير فى وعى صديق السكر أو إغماء أو عدم قدرة على الكلام أو لخبطة فى التنفس..
🚩🚩 فورًا فورًا اعدله فى وضع الجلوس أو النوم على جنب واديه سكر أو عصير مسكر فى جانب الفم واتصل بالإسعاف.
✅ اديه سكر وماتعملش نفسك ابن البيطار وتفكر وتقول دى غيبوبة نقص أو زيادة سكر ..
✅ اديه سكر وماتعملش ابن سينا وتدور على جهاز قياس سكر الأول.. اديه سكر.
✅ لو اديته سكر وهو أصلا عالى مش هايضره أكتر ما هو مضرور وبينزل بسهولة.. لكن لو اديته سكر وهو سكره منخفض هاتنقذ حياته.
انشروها لإنقاذ حياة الناس ولتعليمهم.

❤

قلين المحطة- الشارع الرئيسي-أعلى فواكه عبد الشافي
01004934819

05/11/2020

✅ من أخطر المصائب على صحة الإنسان الأكلات السريعة.
- كل سندوتشات البرجر والشاورما بلا استثناء.
- كل الحلويات اللى بتتباع فى المحلات.
- المشروبات الغازية.
- الأكلات سريعة التحضير بلا استثناء.
- الإسراف فى السَمنة.
✅ كل دى أسباب بتزود نسبة الدهون السيئة LDL والدهون الثلاثية والكولسترول.
✅ زيادة نسبة الدهون LDL والثلاثية والكولسترول هى سبب رئيسى من أسباب أمراض الشرايين والجلطات وسبب رئيسى فى ارتفاع الضغط والسكر النوع الثانى.
✅ نحافظ على نفسنا ازاى؟
نعيش عيشة أهلنا زمان 😁
📌 العيش والجبنة والفول وزيت الزيتون والسلطات والخضروات ونقلل من المشروبات الغازية.
📌 نخلى مشروباتنا طبيعية ونبطل أكلات سريعة.
📌 نعيش عيشة أهلنا زمان ونتحرك ونتمشى.
📌 كل سنة نعمل تحليل دهون فى الدم ونقيس الضغط والسكر.

يومكم سعيد 😁😁

❤

قلين المحطة- الشارع الرئيسي-أعلى فواكه عبد الشافي
01004934819

29/10/2020

السلام عليكم .. كل سنة وانتم طيبين 😍😍
هنتكلم النهاردة عن جرثومة المعدة 🦠
📌نعمل جرثومة المعده 🦠 ف الدم ولا فى البراز ؟! 🤔
= جرثومة المعده ليها تحليلين ⁦✌️⁩
⁦1️⃣⁩ تحليل أجسام مضاده ودى بنكشف عنها فى الدم 💉 ،
لو نتيجته سلبي ( وده نادر ) يبقي كده معندكش جرثومة المعده دلوقتي ، ولا جسمك أتعرض ليها قبل كده إطلاقا ، مبروك أنت من العظماء 🤩 👏⁦✌️⁩

⭕لكن لو طلع إيجابي ، يبقي جسمك أتعرض للجرثومه واتعرف عليها وبدأ يقاوم ، وعمل الأجسام المضاده دى .
= حلو ( بصوت اللمبي 😁 )

يبقي ناخد علاج بقي علشان نعالجها ؟
= لأ ،
يادى النيله الزوده ( بصوت اللمبي برضو 😂 )

⭕ احنا كده عرفنا إن جسمك أتعرض للجرثومه وحاول يقاوم ،
لكن هل يا تري جسمك نجح في المقاومه دى 💪 ولا لأ 😮

⭕وده يخلينا ندور علي التحليل التاني اللى يقولنا هى لسه موجوده ولا الجسم اتخلص منها ؟

وهو ده التحليل التانى
⁦2️⃣⁩ تحليل العدوي ( الجرثومه شخصيا 😁 ) وده بنكشف عنه فى عينة براز 💩

⭕لو النتيجه طلعت إيجابي ، يبقي كده الجرثومه لسه موجوده 😏 وجسمك فشل أنه يخلص عليها ومحتاجين علاج 😥

⭕لو النتيجه سلبي يبقي ألف مبروك 🤩 جسمك مناعته قويه 💪 وقدر يخلص عليها ⁦✌️⁩ ومش محتاجين علاج 😍 .
-----------------

📌ملحوظه صغيره :-
الأجسام المضادة هتفضل فى جسمك طول العمر ، ما دام حصل اصابه خلاص ، حتى بعد ما تاخد العلاج ،

⭕يعنى لو حبيت فى أى وقت بعد كده نشوف الجرثومه رجعت تاني ( اصابه جديده من اكل ملوث مثلا ) ولا لأ هتعمل الجرثومه فى البراز علي طول ..

❤

قلين المحطة- الشارع الرئيسي-أعلى فواكه عبد الشافي
01004934819

23/10/2020

السلام عليكم ..عاملين ايه .. يارب تكونوا بخير وافضل حال دائماً 😍😍😍
👈هنتكلم النهاردة عن الكبد الدهني
🚩 العلاج الأمثل للكبد الدهنى (تشمّع الكبد):
✅ فقدان الوزن.
✅ تقليل أكل المقليّات والدهون والسكريّات والمياه الغازية عشان نقلل الوزن.
✅ المشى والرياضة عشان نقلل الوزن برده.
---------
🚩 أكثر الناس عُرضة للكبد الدهنى هو أغلبنا وكلنا معرضين لا أستثنى أحداً ولكن خاصة:
✅ أصحاب الوزن الزائد (احسب وزنك المثالى طولك -100 يديك الوزن المثالى).
✅ أصحاب الكرش (زيادة الدهون فى منطقة البطن).
✅ أصدقاء السكر النوع الثانى. وحالات أخرى.
--------
🚩 الكبد الدهنى والتشمّع ممكن يرجع كويس زى الأول لو فقدنا وزن والتزمنا العادات الصحية اللى مكتوبة.
-------
الكبد الدهنى ممكن مايكونش له أعراض وبيكتشف بالصدفة أثناء السونار على البطن.
اللى يحب يطمئن على نفسه يروح أى معمل ويعمل تحاليل دهون فى الدم عشان تبين لك أنت فين والحب فين 😁
✅ فى النتيجة مش عايز الكوليسترول يبقى أكثر من 200
✅ فى النتيجة مش عايز الدهون الثلاثية تكون أكثر من 150
✅ مش عايز البروتين الدهنى منخفض الكثافة LDL تكون أكتر من 130

-------
✅ مفيش دواء يقلل الدهون؟ كلها أدوية مساعدة فقط وغير فعالة بدون الحمية الغذائية والخطوات اللى مكتوبة فوق.
مفيش أعشاب ولا خلطة سحرية بتقلل الكبد الدهنى يمكن الاعتماد عليها فى هذه المهمة إطلاقاً

❤

قلين المحطة- الشارع الرئيسي-أعلى فواكه عبد الشافي
01004934819

13/10/2020

هنتكلم النهاردة عن وظائف الكلى 👇

👈الكلى مسئولة عن تصفية جسمك من المخلفات الضارة ، ولو ماشتغلتش كويس ، فالمخلفات دي هتتراكم في جسمك وتزيد نسبتها 😳
وده بينتج عنه فشلها في القيام بوظيفتها !
وده اللي بنسميه [ الفشل الكلوي ]

• أسبابه :
- عدم انضباط مستوى السكر
- ارتفاع ضغط الدم
- حصوى بالكلى
- سرطان الكلى

• أعراضه :
تتطور ببطء شديد لتشمل ..
قلة كمية البول - غثيان وقيء - ارهاق وضعف .. وغيرها

• كيفية الوقاية منه :
بالمحافظة على الرياضة ، عدم ارتفاع ضغط الدم والسكر ، الاطمئنان كل فترة خصوصًا مع تقدم السن

• تشخيصه :
هناك ٣ تحاليل دم أساسية لتقيمه ..
- S.Creatinine " الكرياتينين "
- Blood Urea " اليوريا"
- Uric Acid "حمض اليوريك "

مع تحليل بول كامل Urine analysis لتقييم وجود الزلال في البول (Albumin) من عدمه ..

التحاليل لا يشترط فيها الصيام وإن كان الأفضل ، وعينة البول صباحية

❤

قلين المحطة- الشارع الرئيسي-أعلى فواكه عبد الشافي
01004934819

04/10/2020

السلام عليكم ورحمة اللة وبركاته ❤❤❤❤

جايلكم النهارده بتحليل بينطلب مننا كتير
هنتكلم النهارده عن تحليل
ANA(Antinuclear Antibody)
في حاجه صغيره لازم نعرفها قبل ما ندخل في الموضوع عشان نفهم الحكايه ايه بالظبط احنا عارفين أي بلد لازم يكون ليها حدود ولازم يكون ليها جيش عشان يحميها من أي عدو أو أي حد عايز يأذيها هنا بردوا جسمها هو الهدف وجهازنا المناعي بيقوم بعملية الدفاع عن الجسم وذلك عن طريق خطوط الدفاع التي تقوم بتشكيلها امام العدو المقصود المرض لكن خطوط الدفاع دي مبتشتغلش كده وخلاص لا دي ليها اليه دفاعيه معينه تختلف من حيث الأسلوب والقوه الدفاعيه 🙄🙄🙄🙄 ولكن كلنا عارفين ان أي حرب بيبقي ليها خسائر 😑😑😑😑 الخسائر دي بتكمن في حدوث بعض الاضطرابات في جهاز المناعه من ناحية تحديد الأجسام المهاجمه وتحديد العدو للجسم وهنا الكارثه فنجد جهاز المناعه بدلا من أن يهاجم العدو نجده يهاجم بعض خلايا الجسم معتقدا بانها اجسام معاديه وهنا تظهر كارثه أمراض المناعه الذاتيه Auto immune disease 😎 وهنا موضوع محاضرتنا الدكتور اول مايشك في وجود أحد الامراض المناعه الذاتيه علي طول بيطلب تحليل ANA
تعالوا بقه نتعرف علي تحليل ANA بشكل او اوضح
مبدئيا هو يعرف بتحليل الأجسام المضاده للنواه
وهو عباره عن فحص يعمل علي تقيم بعض اضطرابات المناعه الذاتيه حيث يتم فيه توضيح ومعرفة كمية الأجسام المضاده التي ينتجها الجهاز المناعي في جسم الإنسان ضد نوي الجسم
اذن هي دراسه لتحديد مدي شده الضربات الدفاعيه عشان احدد مدي الضرر الذي قد يصيب الإنسان
لحد كده تمام 😃😃😃😃 حلو جو الحرب العايشين فيه ده 😂😂😂😂 نتنقل لنقطه جديده 🤔🤔🤔🤔

قبل إجراء تحليل ANA المفروض نعمل ايه 🤔🤔🤔🤔
مش هنحتاج نعمل حاجه قبل التحليل غير اننا بنتوقف عن الطعام لعدة ساعات
ومن اللازم اخبار الطبيب عن اخذ أي علاج حيث أن بعض الادويه لها تأثير علي نتائج اختبار ANA

نتنقل لنقطه جديده 😇😇😇تحليل نتائج فحص ANA
لاذم نخلي بالنا من نقطه أنه قد يوجد بعض الأشخاص نتيجة الفحص بتكون ايجابيه ومع ذلك لا يوجد عندها أي أمراض مناعيه وهؤلاء الناس قد تصل نسبتهم الي 5%

لان هذا التحليل لايعني نسبة تركيزه ضرورة وجود مرض معين بحد ذاته بل تشير إلي احتماليه وجود المرض مما يدفع الطبيب للبحث عنه بالشكل الصحيح وذلك بحسب النسب الاتيه 👇
نسبة الحساسية في إيجابية الفحص تصل إلي 30%
وهذه تشير إلي وجود التهابات المفاصل الروماتيزميه أو أمراض السل أو الذئبه الحمراء أو الإيدز

نسبة حساسيه تصل إلى 65% تشير إلي وجود أمراض الكبد أو مرض يسمي تصلب الجلد

نسبة حساسيه تصل إلي 94% تشير إلي وجود أمراض الذئبه الحماميه او الدوائيه الناتجه عن تناول بعض الأمراض

وبكده نكون خلصنا تحليل النهارده اتمني اكون قدرت اديكم عنه فكره كويسه وشرحته بطريقه بسيطه وسهله😍😍😍😍

❤

قلين المحطة- الشارع الرئيسي-أعلى فواكه عبد الشافي
01004934819

21/09/2020

السلام عليكم يا شباب😊 ازيكم عاملين ايه يا رب تكونوا بخير🥰
هنتكلم معاكم النهاردة ف معلومةعلي السريع😍
👉CRP و ESR👈
التحليلين دول بيعتبروا من المستشعرات الالتهابية( بتزيد نسبتهم بوجود التهابات في الجسم).

طب ايه الفرق بينهم كمؤشر؟🤔
بروتين CRP يفرزه الكبد ويرتفع استجابة لأي التهاب حديث في الجسم.
اما ESR فهو قياس سرعة ترسب الكريات الحمراء في البلازما ضمن شروط معينة وترتفع هذه السرعة بارتفاع تركيز الفيبرينوجين في الدم والذي يحدث كرد فعل على اي التهاب حديث.

يعتبر CRP والفبرينوجين من بروتينات الطور الحاد التي ترتفع نسبتهم استجابة لأي التهاب يحدث في الجسم بسبب بكتيريا او اي تخريب يحدث للأنسجة كالعمليات الجراحية او احتشاء العضلة القلبية وغيرها.

طب ازاي بردو ازاي افرق بينهم كمؤشر اني اعرف الألتهابات بتزيد ولأ بتقل؟🤔

الفرق بينهما هو أن CRP يرتفع بسرعة وينخفض بسرعة بردو ويستخدم لمراقبة تطور الحالات الحادة اصابة بمرض أو عملية جراحية للمريض أما ESR فترتفع قيمتها ببطء وتتراجع ببطء بردو وتستعمل لمناظرة الحالات المزمنة كمرض السل وممكن تبقى قيمة ESR مرتفعة لمدة طويلة حتى بعد زوال سبب ارتفاعها 🤗🤗🤗🤗

❤

قلين المحطة- الشارع الرئيسي-أعلى فواكه عبد الشافي
01004934819

17/09/2020

السلام عليكم ورحمة اللة وبركاته 😍😍😍
هنتكلم النهارده عن تحليل
يقوم تحليل الصفراء بفحص مستوي البليروبين او الصفراء في الدم والبيليروبين هي ماده برتقاليه او صفراء اللون بيتم تخليقها أثناء التكسير الطبيعي لكرات الدم الحمراء وهذه الماده يتم افرازها من الكبد لاخراجها من الجسم وقد تنشاء المشكله عند حدوث قصور في وظائف الكبد

يتم عمل تحليل الصفراء ضمن مجموعه من الاختبارات
لفحص صحة الكبد ويتم عمل هذا الاختبار للاغراض الاتيه
فارتفاع مستوي البليروبين في الدم يؤدي إلي تلون الجلد باللون الأصفر Yellow skin والمنطقه البيضاء من العين yellow eyes ومع الارتفاع الشديد يسبب أنها تترسب في خلايا المخ وقد يسبب تخلف عقلي مدي الحياه

ياترا ايه أنواع الصفرا في الاطفال 👩👨👧👦

الصفراء الفسيولوجيه 💎💎💎💎
بتيجي لأكثر من ٩٠% من الحالات الاطفال بتبدء من اليوم الثالث من الولاده وبيخف الطفل في خلال اسبوعين ومن غير علاج وبيكون سببها عدم اكتمال نمو الكبد والانزيمات اللي بتخلصنا من الصفراء

الصفراء المرضيه 😧😧😧😧😧
ونجد الطفل دائما في حالة خمول ونوم وعدم قابليه للرضاعه وشحوب بالوجه وبتظهر من اليوم الاول وبتحتاج علاج ودخول الحضانه
سببها : 😲زيادة تكسير في كرات الدم الحمراء بسبب عدم توافق في Rh بين الأم و الطفل 😕 او مشاكل وراثيه في كرات الدم الحمراء مثل انيميا الفول او🤒 مشاكل في الغده الدرقيه 😔 او مشاكل في الكبد و القنوات المراريه

صفراء اللبن 🤑🤑🤑🤑🤑
ودي بنشخصها بعد استبعاد الاسباب السابقه

الوقاية :
١-المتابعه مع طبيب الاطفال
٢- الرضاعه الطبيعيه
٣-العلاج الضوئي ( الحضانات )
٤- مع الارتفاع الشديد نغير دم الطفل للتخلص من النسبه العاليه من الصفراء

كدا خدنا معلومات عامه عن الصفراء
يارب تكونوا استفادتوا 😍😍😍😍

❤

قلين المحطة- الشارع الرئيسي-أعلى فواكه عبد الشافي
01004934819

05/09/2020

جيتلكم النهارده علشان نشوف ازاي نعرف نقرأ تحليل الغده الدرقيه وما مدلول كل نتيجه 🤗🤗
نسمي الله ونقول بسم الله الرحمن الرحيم
اول حاجه لازم نعرفها الغده الدرقيه موجوده في الرقبه وبتفرز هرمون T4 و T3 والهرمونين دول مهمين لوظائف الجسم
طيب تعالوا نعرف ياترااااا لو افراز الغده الدرقيه زاد المريض هيحس ب ايه hyperthyroidism
١-زيادة ضربات القلب. ٣-رعشه في الايد
٢-القلق الشديد. ٤- احمرار في العين و قد يحدث بروز. ٥- نقص في الوزن
٦- مشاكل في النوم ٧- عدم تحمل الحر

اما لو قل افراز الغده الدرقيه hypothyroidism
١-الكسل والخمول الشديد. ٢- ذيادة الوزن
٣- ميقدرش يستحمل البرد ٤-مشاكل في البيريوت بالنسبه للسيدات. ٥- إمساك
تعالوا بقه نقول حاجه عشان نقرب بيها الكلام احنا عارفين ان كل مدير في العمل بيرأسه اداره هنا من المدير المباشر البيتعامل مع الموظفين المدير الغده الدرقيه ومين الموظفين اللى بيتحكم فيهم T4وT3
طيب الغده الدرقيه مين اللي بيرأسها من فوق الغده النخاميه
PITUITARY GLAND دي الاداره العليا
بتتحكم فيها عن طريق هرمون TSH يقوم مدي الأوامر للغده الدرقيه قومي صنعي الهرمونات T4وT3

بنقول الكلام ده ليه عشان لما نيجي نقره تحليل الغده الدرقيه نعرف هل المشكله في الغده الدرقيه ولا في الجهات العليا الرياسه من فوق الغده النخاميه PITUITARY GLAND في المخ
لحد كده الكلام يارب يكون الكلام خفيف علي قلبكم ❤❤❤❤
تعالوا بينا نفسر النتائج 🤗🤗🤗🤗🤗🤗🤗🤗🤗
هنلاقي لما مستوي T4وT3 يوصل المستوي المطلوب يحصل حاجه اسمها Negative feed back هبوط للغده النخاميه PITUITARY GLAND
فمستوي TSH يبدء يقل وده من رحمه ربنا عشان الغده الدرقيه متطلعش هرمونات تاني بزياده فيحصل عملية توازن

لما نكون عاوزين هرمونات الغده الدرقيه شغاله كويس ولا لاء بنطلب تحليل Free T3 وFree T4 و TsH
دول ادق من Total T3وTotal T4

لو عندي مشكله في الغده الدرقيه نفسها بنسميها primary
اما لما تبقي المشكله جيه من فوق من الغده النخاميه PITUITARY GLAND بنسمي
Secondary

١-فمثلا لو في مشكله في الغده الدرقيه وعماله تطلع في هرمونات T4وT3
High FreeT3 و T4
Low TSH
الحاله دي اسمها primary hyper thyrodism
اي زيادة نشاط الغده الدرقيه الأولي
التفسير هنا ايه :المشكله هنا في الغده الدرقيه عماله تطلع هرمونات زياده ولذلك اسمها اولي

٢-اما لو كانت الغده الدرقيه بتطلع هرمونات كتيره لسبب ثانوي لسبب من المخ تسمي
Secondary hyper thyrodism
High T3 وT4
High TSH
التفسير : الأوامر هنا جايه من المخ فبالتالي بيشتغل المصنع الغده الدرقيه ف بيطلع هرمونات

وبكده نكون قرينا التحليل وفسرنا النتايج 🤗🤗🤗🤗
يارب اكون قدرت افيدكم

❤

قلين المحطة- الشارع الرئيسي-أعلى فواكه عبد الشافي
01004934819

26/08/2020

السلام عليكم ورحمة اللة وبركاته 😍😍😍

هنكمل كلامنا النهارده عن التحاليل اللي بتنطلب مننا كتير الفتره دي رفع الله عنا الوباء والبلاء هنتكلم عن تحليل
نبدء الحكايه من البدايه 🤗🤗🤗🤗
ايه الغرض من تحليل D.dimer 😉😉😉
عشان احدد اذا كان والعياذ بالله في احتمال تكوين جلطه ولا لاء يعني بيشخص الاصابه بحالات مرتبطه بتخثر ( تجلط ) الدم

طيب امتي بينطلب إجراء هذا التحليل 🤔🤔🤔🤔
١- عندما تكون الحاله تعاني من اعراض الاصابه بجلطه دمويه مثل لا قدر الله جلطة اوردة الساق العميقه
( deep vein thrombosis- DVT)
أو انسداد الرئوي( pulmonary embolism -PE )
أو تجلط الدم داخل الاوعيه الدمويه( disseminated)
😎أو لمراقبة وتطور علاج حالات تجلط الدم داخل الاوعيه الدمويه

طيب احنا عرفنا التحليل ده بيطلب امتي وليه
بس كل ده مش كفايه عايزين نعرف ايه علاقته بموضوع تكوين الجلطه وبيركزو عليه ليه في تحاليل الكورونا
ندخل في الكلام المفيد 🤗🤗🤗🤗🤗🤗
اولا يعتبر دي دايمر D.dimer جزء من بروتين الفيبرين وهو بروتين له دور في عملية التجلط لحد كده تمام 😁😁
عند تعرض وعاء أو نسيج دموي لاصابه يتسبب بالنزيف يبدء الجسم بتكون جلطه دمويه مكان الاصابه للحد من النزيف وايقافه وتكون خيوط من البروتين يدعي الفيبرين والتي تشارك مع بعضها لتكوين شبكة الفيبرين بالاضافه الى الصفائح الدمويه لتكون في النهايه جلطه دمويه وتوقف النزيف
نيجي بقه للنقطه المهمه ليه بيطلب كتير في تحاليل الكورونا 🙄🙄🙄🙄🙄🙄
لان فيرس كورونا بيعمل تجلطات داخل الدم وبالتالي بيعلي نسبه D.dimer
لكن بردوا لازم نخلي بالنا من حاجه مش فيرس كورونا بس البيعلي نسبه D.dimer
١- الناس الكبيره في السن العندها روماتيزم لقوا ان مستوي D. dimer بيزيد
٢- في حالات الكانسر D.dimer بيزيد
٣- في حالات heart attack الازمات القلبيه D.dimer بيزيد
٤- لو في مشكله في الكبد نفسه D.dimer بيزيد
٥- الحامل في فترة الحمل D.dimer بيزيد
٦- لو حاله خارجه من عمليه جراحيه ولسه الجرح بيلم بيبقي D.dimer عالي

وبكده نكون عرضنا بسرعه معلومات عن تحليل D.dimer اللي بينطلب مننا كتير اليومين دول يارب أكون قدرت افدكم 😍😍

❤

قلين المحطة- الشارع الرئيسي-أعلى فواكه عبد الشافي
01004934819

16/08/2020

يارب تكونو في اتم صحه واحسن حال
هنتكلم النهارده عن تحليل بنسمع عنه كتير وبيطلب بصوره مستمره الفتره دي اللهم ارفع عنا البلاء
تحليل 👹👹👹👹👹
اول حاجه نصلي علي النبي وندخل في الموضوع

انزيم LDH اين يوجد 🤔🤔🤔
يوجد في انسجة القلب والرئتين والعضلات والكلي وخلايا الدم
وعشان خاطر كده ارتفاع نتائج تحليل LDH تدل علي وجود اصابه في هذه الأعضاء
ولذلك ارتفاع نسبته بتعطي مؤشر لوجود فيرس كورونا لانه هذا الفيرس بيهاجم الرئه

والمفروض نخلي بالنا من نقطه مهمه واساسيه😎😎😎😉ليه بقه 🤔
لان هناك بعض المضادات الحيوية و الأسبرين بترفع نسبة LDH
وعشان خاطر كده لازم في التحليل نلفت نظر الطبيب المعالج لنقطه دي

طيب تحليل LDH بيفيدني في ايه
تحليل LDH بيساعد في تشخيص ومتابعة الكثير من الحالات المرضيه مثل
١- النوبات القلبيه لذلك فتحليل انزيم LDH يندرج تحته تحليل انزيمات القلب
٢- نقص تدفق الدم
٣- تشخيص الاصابه بسرطان الدم أو سرطان الغدد الليمفاويه
٤- تشخيص الاصابه بأمراض الكبد
٥- تشخيص اصابة العضلات

ويبقي السؤال لماذا هذا الأنزيم يوجد في مختلف انسجة الجسم وخلاياه
لان هذا الانزيم يدخل في انتاج الطاقه فهو المسؤل عن تحويل اللاكتات الي بيروفات لذلك فهو يتواجد في مختلف انسجة الجسم وخلاياه

وبكده نكون خدنا فكره عن تحليل LDH اتمني اكون عرضت المعلومه بطريقه بسيطه وسهله وتكونوا استفدتوااااااا🤗🤗

❤

قلين المحطة- الشارع الرئيسي-أعلى فواكه عبد الشافي
01004934819

10/08/2020

هنتكلم النهارده عن تحليل
التحليل ده دايما بيطلب عمله لمرضي القلب ❤ الذين يعانون من احتشاء عضلة القلب او الجلطه القلبيه myocardial infarction
يتم عمل هذا التحليل عند :-👇👇
١- الشعور با الم مبرح في الصدر
٢- ضعف التنفس. ٣- القئ والغثيان
٤-الدوار والدوخه. ٥- الم في أجزاء مختلفه من الجسم كالفك والذراع و الرقبه و الظهر
٦- التعب الشديد

التروبونين يذداد تركيزه بعد 3-6 ساعات من بداية الجلطه القلبيه ويستمر مرتفعا من اسبوع لأسبوعين

التروبونين يتم افرازه في الدوره الدمويه بكميات كبيرة من نسيج عضلة القلب عند تعرضها للجلطه القلبيه او احتشاء عضلة القلب

التروبونين: بروتين يقوم بتنظيم عمليه الانقباض للعضلات ويوجد في العضلات القلبيه والهيكليه ولا يوجد في العضلات الملساء
ويوجد منه ثلاث أنواع هي
التروبونين c و تروبونين I و تروبونين T

واخيرا ندعوا الله لكل مريض قلب بالشفاء وان يخفف الله عنهم

❤

قلين المحطة- الشارع الرئيسي-أعلى فواكه عبد الشافي
01004934819

08/08/2020

جايلكم النهارده بتحليل بيطلب مننا كتير الفتره دي فترة كورونا ربنا يرفع عنا جميعا الوباء والبلاء
تحليل
تعالوا نعرف يطلع ايه الفيرتين ده 🤔🤔🤔🤔
الفيرتين ferritin طلع احد اهم أنواع البروتينات الموجوده داخل الجسم 🤗🤗🤗🤗 مش كده وبس ده طلع كمان البروتين ده المسؤل عن تخزين عنصر الحديد داخل الجسم و إخراجه
الكلام ده كبير 😉😉😉😉يعني معناة كده
كلما توافر نسبة بروتين الفيرتين داخل الجسم بشكل جيد يعني هيتواجد الحديد بشكل جيد في الجسم 😎😎😎
يعني من الاخر كده 🤓🤓🤓🤓
هو البروتين المسؤل عن زيادة نسبة الحديد في الجسم

طيب الفيرتين ده بيتخزن فين 🙄🙄🙄🙄🙄
بيتم اختزانه بتركيز عالي في الكبد
وبينتج جسم الإنسان نسبه كبيره من الفيرتين بشكل طبيعي
ويمكن الحصول عليه أيضا من خلال المكملات الغذائيه وهو غالبا يتواجد في مكملات الحديد الغذائيه

طيب ياترا🤔🤔🤔🤔 ايه أسباب نقص الفيرتين في الجسم 🙈🙈🙈🙈
١- ان حدوث نزيف لا قدر الله يعد أكبر مشكله تؤدي إلي نقص شديد في نسبة الفيرتين في الدم وبالتالي بينعكس علي مخزون الحديد في الجسم أيضا ويؤدي إلي نقصه
٢- يعاني بغض الاشخاص من بعض المشكلات الصحيه في المعده و الأمعاء فلا يتمكن الجسم من امتصاص كميه كبيره من الفيرتين و الحديد في الوقت نفسه
٣- يحدث نقص الفيرتين نتيجة فقر الدم حيث يسبب فقر الدم الي نقص شديد في عدد كرات الدم الحمراء والتي تسبب نقص الحديد وبالتالي نقص الفيرتين
٤- نقص الحديد في الجسم هو اكثر أسباب نقص الفيرتين شيوعا و انتشارا فيحدث نقص الحديد من خلال عدم الاهتمام بتناول الاطعمه التي تحتوي علي الحديد بمختلف انواعها فيحدث مع الوقت نقص الفيرتين

نجي بقه للمهم ايه هي اعراض نقص الفيرتين
١- يشعر المريض بضيق في التنفس
٢- يحدث ضعف عام في وظائف الجسم المختلفه
٣- يشكو البعض بالشعور بوش أو رنين في الازن
٤- الم مزمن في القدمين
٥- يصاب المريض بحاله مستمره من الاعياء والدوخه

وبكده نكون عرفنا شويه معلومات عامه عن ايه هو تحليل الفيرتين يارب تكون استفدتم

❤

قلين المحطة- الشارع الرئيسي-أعلى فواكه عبد الشافي
01004934819

30/07/2020

كل عام وانتم بخير جميعا
بمناسبة عيد الأضحى المبارك
اعاده الله علينا وعليكم بالخير
واليمن والبركات
عيدكم مبارك ⁦❤️⁩

29/07/2020

بمناسبة يوم التهاب الكبد العالمى نسرد لكم بسرعة أعراض وأسباب وطرق الوقاية:
🚩 أعراض التهاب الكبد الوبائى سواء A, B, C بتكون غالباً:
✅ آلام فى البطن.
✅ فقدان الشهية.
✅ تعب عام.
✅ آلام فى المفاصل.
✅ لون البول بيكون غامق.
✅ اصفرار الجلد والعين.
الأعراض ممكن تكون مجتمعة كلها أو بعضها.
------
🚩 فيروس A:
✅ ينتقل عن طريق الأكل والشرب وافتكر A يعنى Akl أكل لذلك كل من أماكن نضيفة واشرب مياه نضيفة ولو عرفت تاخد تطعيم ضد فيروس A يبقى جميل.
🚩 فيروس B:
✅ ينتقل عن طريق الدم والحقن والشك بسرنجات المرضى وعن طريق العلاقات الزوجية مع المصاب ويصيب الأطفال أثناء ولادتهم لأمهات مصابة بالفيروس..
✅ لذلك عدم استخدام الأدوات الشخصية لأى شخص، وعدم استخدام السرنجات أكثر من مرة وعند الشكة بأى سرنجة مجهولة المصدر التوجه فورا لأقرب لمستشفى حميات وعلى أى سيدة حامل مريضة بالفيروس المتابعة مع الطبيب.
✅ على الكادر الطبى فقط إجبارى أخذ تطعيم فيروس B على ٣ جرعات وليس إجبارى على أى شخص آخر.
🚩 فيروس C:
✅ ينتقل عن طريق الدم والحقن زى فيروس B
وعن طريق الولادة والعلاقة الزوجية (بشكل نادر).
✅ فيروس C مالوش تطعيم للأسف.
----
كل الفيروسات فى البداية بتؤدى إلى نفس الأعراض فى البداية لذلك يجب التوجه للطبيب عشان نكشف ونحافظ على صحتنا من البداية.
ربنا يحفظكم جميعا ويبعد عنكم كل مكروه.

❤

قلين المحطة- الشارع الرئيسي-أعلى فواكه عبد الشافي
01004934819

26/07/2020

🚩 فيه أسباب كثيرة جداً جداً للحمّى وآلام المفاصل فى الأطفال لكن النهاردة هانتكلم عن سبب منهم مهم جدا اسمه حمّى البحر المتوسط.
🚩 غالباً مفيش طفل ما جالش لأولاده حمّى وآلام فى المفاصل ولف على أطباء الأطفال ومنهم اللى قاله خد حقنة بنسلين طويل المفعول ومنهم اللى قاله خد دواء شراب لكن حمى البحر المتوسط دى مميزة جداً وما يشخصهاش غير دكتور شاطر.
----------------
🚩 إيه هيا بقى حمّى البحر المتوسط وليه اتسمت كده؟
✅ حمّى البحر المتوسط ده مرض سببه مشكلة فى جين معين فى الجسم.. والجين ده منتشر فى سكان البحر المتوسط خاصة الشرق الأوسط والعرب والأتراك وبشكل أقل فى إيطاليا واليونان.
-----------------
🚩 إيه اللى بيحصل مع الحُمّى دى؟
✅ بيحصل معاها أعراض مشهورة جداً منها آلام فى الصدر والبطن والمفاصل.. يعنى الطفل بيقول آه يابطنى أه يا صدرى أه يا مفاصلى.
-----------------
🚩 اشمعنا بتيجى فى الأماكن دى بالتحديد؟
✅ عشان أثناء حدوث المرض ده بيحصل التهاب فى الأغشية فى الجسم والأغشية دى داخل البطن وحول الرئتين وحول المفاصل وحول القلب.
-----------------
🚩 طيب هل الأعراض دى بتستمر علاطول؟
✅ طبعاً لا .. الأعراض دى بتظهر أول مرة قبل سن العشرين وبعدها تتكرر بمعدل مرة واحدة كل 6 أسابيع ..
كل مرة تستمر حوالى يومين يحصل حرارة شديدة وآلام فى البطن والمفاصل والصدر وأحياناً هرش فى القدمين.
وبعد انتهاء اليومين دول يرجع الشخص طبيعى تماماً.
الأرقام دى بتقل وتزيد عند بعض الناس
------------
🚩 ليه تشخيص المرض ده صعب؟
✅ لأن الشكوى بتاعته (حرارة /مفاصل / بطن/ قلب) تقريباً دى فى كل أمراض الأطفال الروماتيزمية لذلك ما يشخصسش المرض ده غير دكتور شاطر تخصصه أطفال أمراض روماتيزمية تحديداً.
------------
🚩 هل المرض ده له مضاعفات؟
✅ لو ما اتعالجش أو حدثت الوقاية بالطريق الصحيح ممكن طبعاً يحدث تراكم لنوع من الدهون اسمه أمايلويد وده ممكن يترسب فى الكبد وفى الكليتين ويعمل مشاكل.
------------
🚩 ما هى طرق تشخيص المرض ده.
✅ فحص إكلينيكى وأخذ تاريخ مرضى مفصّل.
✅ عمل اختبار جينات.
------------
🚩 لذلك مش أى طفل يشتكى من آلام مفاصل وحرارة يبقى حمّى روماتيزمية وياخد بنسلين ولا التهاب وياخد مسكن

❤

قلين المحطة- الشارع الرئيسي-أعلى فواكه عبد الشافي
01004934819

21/07/2020

الفيديو ده عظيم 😍👌

19/07/2020

مرض #الأنيميا من الأمراض اللي أصبحت منتشرة بين الأطفال السنوات الأخيرة 😔 ..
- والأنيميا ببساطة هو مرض "فقر الدم" وهو انخفاض كتلة خلايا الدم الحمراء (Red blood cells) أو نقص في تركيز بروتين الهيموجلوبين (Hemoglobin) في الدم، وهي المادة المسؤولة عن حمل الأكسجين وإيصاله إلى مختلف خلايا الجسم .

• ما هى النسبة الطبيعية للهيموجلوبين؟ 🤔

يتراوح الهيموجلوبين فى الطفل حسب سنه

- من يوم إلى عمر الشهر بين 14 إلى 21.5
- من عمر شهر إلى سنة بين 10 إلى 16
- فى الأطفال الأكبر من سنة بين 11 إلى 18

• كيف تكتشف إصابة الطفل بالانيميا؟
من أهم أعراض الأنيميا ظهور علامات الضعف ، وكذلك التعب من أقل مجهود
مع فقد للشهية وعدم تركيز وضربات قلب سريعة ..
كما أن وجود بقع بيضاء بالجسم قد تدل على الأنيميا ..

• ايه التحاليل المطلوبة ؟👇
يتم تحليل نسبة الهيموجلوبين في الدم ، ويفضل تحليل صورة دم كاملة .👌

❤

قلين المحطة- الشارع الرئيسي-أعلى فواكه عبد الشافي
01004934819

معمل د/علاء العشماوى للتحاليل الطبية