عيادة الجهاز الهضمى والكبد والباطنة l د.محمد ابوعيسى

11/03/2024

رمضان كريم 🌙

21/09/2023

🩺عيادة الجهاز الهضمى والكبد والباطنة العامة
💡دكتور محمد اسماعيل ابوعيسى💡

🔖عنوان العيادة: مزلقان قليوب البلد فوق كشرى ابوسمرة بجوار كبابجى الروبى.

🔖مواعيد عمل العيادة : يوميا من الساعة ال ٥ م
الاجازة: الجمعة.

🔖الحجز تليفونيا او من خلال الواتس اب على الارقام
🟢 01008411423
🟢 01159532022

🔖الخدمات المقدمة:
🟢كشف جهاز هضمى وكبد وباطنى عام.
🟣موجات صوتية (سونار بطن).
🟡متابعة الضغط والسكر

🔖يرجى التنسيق تليفونيا قبل الحضور لمنع التزاحم وتقليل وقت الانتظار
تشرفونا.

🌎لينك صفحة العيادة.
لزيادة الوعى الطبى وتقديم النصائح الطبية

https://www.facebook.com/vclinicaboeissa?mibextid=ZbWKwL

https://www.facebook.com/aboesmail.mohamed.5?mibextid=ZbWKwL

عنوان العيادة:
مزلقان قليوب البلد فوق كشرى ابوسمرة 01008411423 ☎️
01159532022 ☎️

15/09/2023

✅معلومة بره السياق

لما بيجى زائر للعيادة بيشتكى من اعراض غير مترابطة
وبالكشف والتحاليل والاشعة نلاقى كله طبيعى ماشاء الله 100%
📌 المريض : بس انا لسه تعبان وحاسس بتقل فى صدرى ومش قادر اخد نفسى وهكذا...
📌الدكتور: بما ان كل حاجة عند حضرتك طبيا (باطنيا) تمام ممكن حضرتك تستشير دكتور امراض نفسية وعصبية.
📌المريض: بس انا مش مجنون انا بصلى فى المسجد وبصوم النوافل وقريب اوى من ربنا مستحيل نفسيتى تتعب انا اكيد عندى حاجة بس محدش عارف يوصلها .

✅ومن المرحلة دى المريض بيكون فعلا عنده استعداد نفسى رهيب لتصديق اى حد يقوله انت عندك أى حاجة
وده اللى للاسف الواحد بيشوفه من الكم المهول لتحاليل فيتامين D المطلوبة وتحاليل جرثومة المعدة والمناظير اللى بتتعمل بدون داعى طبى واضح بشكل يكاد يجرم طبيا تحت بند استغلال المرضى ❎
كل ده عشان المريض مستكبر يستشير دكتور امراض نفسية وعصبية واللى الموضوع ساعتها بيكون ابسط من البساطة فى علاجه لكن هو الكبر والعناد

✅لازم نكون عارفين ان الحالة النفسية مش مقياس خالص لقوة ايمانك ويقينك وعلاقتك بربنا سبحانه وتعالى
والدليل من القرآن :

💌فَلَعَلَّكَ بَاخِعٌ نَّفْسَكَ عَلَىٰ آثَارِهِمْ إِن لَّمْ يُؤْمِنُوا بِهَٰذَا الْحَدِيثِ أَسَفًا (6)
باخع معناها مهلك نفسك من الغم على الذين لم يؤمنوا بك.

💌 وَيَضِيقُ صَدْرِي وَلَا يَنطَلِقُ لِسَانِي فَأَرْسِلْ إِلَىٰ هَارُونَ (13)

💌۞ قَالُوا إِن يَسْرِقْ فَقَدْ سَرَقَ أَخٌ لَّهُ مِن قَبْلُ ۚ فَأَسَرَّهَا يُوسُفُ فِي نَفْسِهِ وَلَمْ يُبْدِهَا لَهُمْ ۚ قَالَ أَنتُمْ شَرٌّ مَّكَانًا ۖ وَاللَّهُ أَعْلَمُ بِمَا تَصِفُونَ (77)

💌قَالَ لَوْ أَنَّ لِي بِكُمْ قُوَّةً أَوْ آوِي إِلَىٰ رُكْنٍ شَدِيدٍ (80)

💌لَقَدْ خَلَقْنَا الْإِنْسَانَ فِي كَبَدٍ {البلد:4}.

ده دليل ان الانبياء والرسل تتغير احوالهم النفسية بتغير المحيط ده الطبيعى
فليه بستكبر الموضوع وشايفه صعب
الطب النفسى فرع اصيل من فروع الطب
ومركز الطب النفسى بالدمرداش (ا.د احمد عكاشة) من افضل الاماكن فى الطب النفسى ومجانا وممكن الاتصال بيهم تليفونيا وتشرحلهم مشكلتك وانت فى بيتك
للاسف بنشوف حالات انفصام فى الشخصية واكتئاب ثنائى القطب وسواس قهرى وهوس ونوبات هلع وقلق عام وتوتر وكمان نسبة كبيرة بتكون من الاناث من سن ١٨ وحتى ٦٠ عام
وخايف يروح يستشير الدكتور النفسى عشان نظرة المجتمع او قناعاته هو الشخصية

لذلك كان دعاء سيدنا النبى صلى الله عليه واله وسلم ❤️

اللهم إني أعوذ بك من الهم والحزن والعجز والكسل والبخل والجبن وضلع الدين وغلبة الرجال"

13/09/2023

31/08/2023

💥حالات اخر اليوم
30 اغسطس لعام 2023

شاب ثلاثينى بدون اى تاريخ مرضى قديم طبيا او جراحيا
بيشتكى من نزيف وردى اللون من فتحة الشرج غير مختلط بالبراز وبكمية قليلة ولمرتين تقريبا

طبعا المريض قلقان وفتح النت وقرأ ووصل مع نفسه فى التشخيص لامراض كبيرة وبدأت الوساوس تشتغل😵‍💫

قبل متكلم عن نزيف الجهاز الهضمى فيه كام نقطة لازم يكونوا واضحين عشان نقفل الباب ده خالص واى مريض بيشتكى من شكوى مشابهة يبقى عارف هيمشى ازاى وبرضه زمايلنا من التخصصات الاخرى لو مريض جاله بعرض مشابه يعرف يفكر معاه ازاى قبل مايحوله للجهاز الهضمى

بسم الله والصلاة والسلام على سيدنا رسول الله:

✅اولا :
القناة الهضمية دى انبوبة طوليه بتبدأ من الفم ثم البلعوم ثم المرئ ثم فتحة الفؤاد (الحجاب الحاجز) ثم المعدة ثم فتحة البواب ثم الاثنى عشىر واللفائفى (الامعاء الدقيقة) ثم صمام يربط بينها وبين الامعاء الغليظة ثم القولون صاعد ومستعرض ونازل ثم المستقيم ثم فتحة الشرج ثم الشارع
✅ثانيا :
اى التهاب او تقرحات او مشكلة وعائية دموية فى اى جزء من هذه القناة ممكن يحصل معاه نزيف بلا استثناء وعلى حسب حدة المشكلة بتكون درجة النزيف.
✅ثالثا:
النزيف ده ممكن يكون من الفم او من فتحة الشرج لان دى المخارج الطبيعية لهذه الانبوبة الطويلة جدا ملهاش مكان تانى
😵‍💫الكلام حتى الان منطقى وبدون اى تعقيدات علمية

🤓هنتكلم كلام علمى قليلا:
كتب الطب اجمالا عملت تقسيمة قديمة لانواع النزيف ومازلنا ماشيين عليها حتى الان
وهما نوعين
📌نزيف هضمى علوى
(Upper Gastrointestinal Bleeding)
📌نزيف هضمى سفلى
(Lowe Gastrointestinal Bleeding)
التفرقة مابينهم تشريحيا
من خلال حاجة اسمها
Ligament of Treitz 🤝
وده عبارة عن قطعة من الغشاء البريتونى تغطى نهاية الاثنى عشر وبداية اللفائفى
اذن نفهم من كده ان كل ماهو فوقه اسمه نزيف علوى
وكل ماهو تحته نزيف سفلى
الكلام سهل نوعا ما
برضه الكتب عملت تقسيمة لشكل النزيف اللى بيحصل سواء العلوى او السفلى وبترتيب لا يختل ابدا الا فى الحالات الصعبة جدا 💥
*****************
نبدأ بسم الله :
اول درجة للنزيف وتسمى
📌 الدم الخفى فى البراز
(F***l occult blood):🥸
وده اقل درجات النزيف حدة
يتم تشخيصه من خلال تحليل
✅ يتعمل امتى ؟
مع اى حالة انيميا غير معلومة السبب وفى أى سن
✅الخطورة : ان يكون ايجابيا فى السن الكبير او التاريخ المرضى او العائلى لامراض القولون .

تانى درجة:
Café ground hematemesis📌
🤮(القئ الدموى البنى اللون)
✅ بيكون غالبا من المرئ (دوالى المرئ ) او من المعدة او من الاثنى عشر
✅ تشخيصه عن طريق معامل الدم ومنظار المعدة بعد التأكد من استقرار الحالة اكلينيكيا

تالت درجة:
Melena📌
البراز الاسود💩
(براز سايل اسود قاتم منفر الرائحة )
وده برضه فى اغلب الحالات بيكون سببه نزيف علوى (مرئ ومعدة واثنى عشر)
❎النوع ده بالذات بيتم تشخيصه بالخطأ على انه نزيف لذلك لازم يكون بالصورة اللى قولتها قبل كده (براز سايل اسود قاتم منفر الرائحة).👍
✅ تشخيصه برضه من خلال معامل الدم ومنظار المعدة.

رابع درجة:
Frank hematemesis📌
👺النزيف الاحمر الصريح من الفم
وده من اعنف الدرجات للاسف ولكن ممكن يتغلط فى التشخيص مع حاجة تانية بسيطة جدا الا وهى التهاب الجيوب الانفية👃
يعنى مريض بيشتكى انه قام من النوم مرجع دم احمر صافى عبارة عن كتل ومعندوش تاريخ مرضى لاى حاجة سابقة غير التهاب الجيوب الانفية
بشرط معامل الدم تكون سليمة
بنسبة كبيرة هيكون من الجيوب الانفية👃👅

لان ببساطة الترتيب مهم فى نزيف الجهاز الهضمى
يعنى لو النزيف من الجهاز الهضمى... يستحيل يحصل فجأة فى الدرجة الرابعة بدون المرور بالمراحل السابقة بالترتيب الا فى الحالات القصوى (نادرة جدا)
التشخيص برضه بيكون بمعامل الدم ومنظار المعدة بعد استقرار الحالة اكلينيكيا.

الدرجة الخامسة:
Hematochezia📌👹
النزيف الشرجى الاحمر الصريح
ودى للاسف اعنف درجة حرفيا وبتؤثر بشكل كبير على العلامات الحيوية وبشكل سريع
ولكن برضه الترتيب مهم
يعنى عيان مشتكاش قبل كده من اى حاجة وفجأة لقيته بالمنظر ده
✅لازم الاول نستبعد الاسباب الجراحية زى الشرخ الشرجى والبواسير وجيوب القولون
وتشخيصها بمعامل الدم ومنظار القولون بعد استقرار الحالة اكلينيكيا واستثناء الاسباب الجراحية واحيانا يتم اللجوء لعمل رنين او مقطعية للتاكد من عدم وجود جيوب القولون
Diverticulae
قبل عمل المنظار لتلافى ثقب القولون اثناء المنظار.

دى انواع النزيف باحتمالاتها
ولذلك الموضوع بيحتاج للعقل وحسن ادارة الموقف
المريض اللى بيشتكى من اى صورة من الصور السابقة اطلع علطول على استقبال اقرب مستشفى لعمل معامل الدم اولا
فيه بعض الحالات اللى بيكون معاه دم مختلط بالبراز بدرجات بسيطة ولاتؤثر سريعا على العلامات الحيوية
زى التهاباب القولون الطفيلى .
التهابات القولون المناعية (التقرحى ومتلازمة كرونز).
نتكلم عنها فى بوست تانى ان شاء الله
ياريت يكون الكلام بسيط ومفهوم حاولت ابسط فيه باقصى درجة ممكنة ليتم استيعابه فى اوسع نطاق
📢شير البوست وفيد غيرك
اللهم صل على سيدنا محمد وعلى آل سيدنا محمد ❤️
دمتم بصحة وعافية
عيادة الجهاز الهضمى والكبد والباطنة
د: محمد اسماعيل أبوعيسى.
✅العنوان : مزلقان قليوب البلد فوق كشرى ابوسمرة بجوار كبابجى الروبى
✅للتواصل:
01008411423
01159532022
✅واتس اب
01008411423