Dr Mohamed Eldesouky

01/09/2024

قد تبدو لكم صورة عادية ولكن وراءها قصة مبهجة..
دي خامس مرة لنفس الأم دي داخل نفس غرفة العمليات..

اول مرة : كانت منظار بطن ورحمي وكان فيه التصاقات تم التعامل معاها..

ثاني مرة : من حوالي ٩ شهور حقن مجهري ، سحب بويضات

ثالث مرة : ارجاع اجنة..

رابع مرة : اختزال اجنة لانها اصبحت حامل في ثلاثة..

خامس مرة : الولادة الاسبوع اللي فات..

احساسي بيبقى مختلف في ولادة حالة عاملة معانا حقن مجهري وبدأت معانا الرحلة من الاول خالص ، وليه فرحة خاصة ، حبيت اشارك معاكم بعض تفاصيلها..

ايه علاقة الصورة دي بقى؟

دايما الفضل بيكون في حالات الحقن امام الناس بعد ربنا للطبيب المعالج..

الناس متعرفش انه علشان يخرج الشغل بالجودة المطلوبة ففيه فريق عمل كامل ليهم دور يمكن اكبر من دور الطبيب المعالج كمان..

خلينا هنا نتكلم اكتر عن "مركز النور الطبي - وحدة الحقن المجهري وتأخر الانجاب"

الناس اصلا مبتبقاش مصدقة ولا مستوعبة "ازاي عيادة حضرتك في مصر الجديدة ، وبتروح كل مستشفياتك في مصر الجديدة ، ليه كاتب مركز النور اللي في شبرا دا من ضمن المستشفيات؟"

دا لانه مكان ما شاء الله جمع ما بين الجودة سواء مستهلكات او تعقيم او حاجات تقنية بشكل عام ، وفي نفس الوقت السعر البسيط المعقول..

دي حاجة اشكر فيها استاذنا دكتور طاهر البربري (استاذ النسا والتوليد - جامعة الازهر) اللي بيوفر في المركز النظام وتواجد كل التقنيات المتاحة علشان تحسن جودة الشغل..

وطبعا اداريا لتوفير كل المطلوب ا.د. حمدي البربري واستاذ خالد..

انا مش عايز انسى حد ولكن الناس دي لازم تتشكر ، الناس دي بتبذل مجهود غير طبيعي علشان الامور تسير باحسن شكل ويقدموا احسن خدمة بالاسعار دي..

وحبيت استغل الفرصة دي علشان اوضح للناس انه شغلنا بيكون معتمد على عدد كبير جدا وتفاصيل كتير جدا..

*****

في الحقن فيه ناس كتير ممكن ميكونش واضح دورها في الحالات زي دكتور طاهر اللي بيوفر كل حاجة في الوحدة دي (واهمهم النظام) علشان يزود نسب نجاح الحقن المجهري ..

-دكتور احمد سعيد ، اللي مسئول عن معمل الحقن اللي بيحصل فيه احداث كتير اوي ميكروسكوبية 😁

انا مسميه "الجندي المجهول" ..

واللي بيهتم بكل التفاصيل لحد ادقها حرفيا وبنبقى كل شوية في تواصل ومكالمات علشان نطمن على تفاصيل كل حالة..

-م/ مديحة اللي هى حرفيا حلقة الوصل بينا وبين المريضة وزوجها وبين دكتور احمد سعيد وبين المركز..
تنسيق المواعيد والتاكيد على العلاج والمتابعة في التعليمات والادوية ..

بتفرق كتير اوي انه نتاكد انه كل حاجة ماشية بشكل منظم ..

وطبعا باقي فريق المركز دكتور حسام سمير ودكتور ابو بكر ودكتور محمد عادل ودكتور معاذ ، وناس كتير مش موجودين في الصورة دي ..

ولا انسى صديقي واخويا وشريك العيادة دكتور محمد الدسوقي اللي مش هيخلص الكلام عنه لو بدأناه..

******

واهم من دول كلهم ، زوج الحالة والحالة اللي هما زي اخواتنا ، واللي تعبوا وخدوا رحلة طويلة جدا ومتعبة لحد ما ربنا رزقهم واقر اعينهم ..

اللهم كما رزقتهم فانعم على كل مشتاق وزين حياتهم بزينة الحياة..

12/02/2023

مبروك لاستاذ احمد واستاذة آية ..
يتربى في عزكم ان شاء الله 🌷

01/02/2023

من ضمن الحاجات اللي بستغربها جدا انه الناس بتعتبر اننا لما نقعد مع الحالة طول الولادة الطبيعي من الاول للاخر ، انه دا حاجة غريبة وتستوجب الشكر..

دا واجبنا ودورنا ..

خصوصا انه الست بتبقى قلقانة من هاجس انها هتولد قبل ما الدكتور يوصل..

واحنا قولنا دورنا نطمنكم وانه القلق والخوف مش حلو في الولادة..

ربنا يفرح كل ام ويرزقكم بولادة طبيعية سهلة وآمنة وبيبي سليم ومعافى ..

24/01/2023

‎أ.د. يسري جبر‎ shared a post on Instagram: "‎ازاي تبقى واثق ان ربنا مش هيضيعك؟💙‎". Follow their account to see 103 posts.

16/12/2022

الحمد لله الذي بفضله تتم الصالحات.... ربنا يجعلنا دائما سبب في إسعاد الناس

13/12/2022

مبروك بيبي زين..
تاني واحد اسمه زين السنة دي ..
اللهم انبته نباتا حسنا ❤️

10/12/2022

الحمد لله على توفيقه لنا وربنا يجعلنا سبب في إسعاد الناس وتقديم خدمة طبية راقيه للجميع

30/10/2022

الرسائل دي بتسعدني جدا وبتدي الواحد طاقة وقت ما يكون تعبان..

الحمد لله ..

اللهم اجعلنا سبب وسبيل لرحمتك وشفائك وعفوك ..

12/08/2022

02/05/2022

كل عام وانتم بخير وعيد فطر مبارك علينا جميعاً
وإن شاء الله ستكون مواعيد العيادة بعد العيد كالتالي
عيادة القاهره مع صديقي العزيز Dr. Mohammed Ismail أيام السبت والثلاثاء والاربعاء من ٧ الي ١٠ مساءاً
وعيادة طحانوب أيام السبت والأحد والثلاثاء والاربعاء من ٢ الي ٥ ظهراً
والطوارئ ٢٤ ساعة
إن شاء الله

04/01/2022

الأنيميا مع الحمل خطر يمكن تجنبة ....

12/10/2021

نظرة السعادة بعد تحديد الولادة

28/05/2021

البوست ده لاحلي لقطة من داخل غرفة العمليات....الصراحة بالرغم من تكرار الولادات الكتير الا ان كل مرة بتكون ليها سعادتها عندما يكتب الله النور لطفل جميل علي ايدينا ....احنا ما بنقدرش نعيش معاكم اللحظة دي مراعاة للخصوصيه ولكن الطفل ده يخصني جدا فحبيتكم تعيشوا السعادة دي معايا والشكر موصول لكل الطاقم الطبي المساعد

08/04/2021

كل عام وانتم بخير ويارب الامة الاسلامية كلها بخير بمناسبة شهر رمضان الكريم.... وبالمناسبة دي مواعيد العيادة في رمضان هتكون السبت والاثنين والاربعاء من الساعة ٢ الي ٥ ظهرا.....وان شاء الله سيكون الكشف مجانا يوم الاثنين من كل أسبوع في رمضان ويرجي الحجز مسبقا علي ت/ 01142436075
وكل عام وانتم بخير