أميرة فاروق أكاديمي لتأهيل وتنمية قدرات الطفل

30/04/2026

خطوة مهمة جدا 🇪🇬❤️

لأبنائنا من ذوي الإعاقة

📢 مصر للطيران تفتتح أول غرفة لدعم الأشخاص ذوي الإعاقة بمطار القاهرة الدولي

أعلنت EgyptAir عن افتتاح أول غرفة مخصصة لاستقبال الركاب من ذوي الإعاقات غير الظاهرة ومرافقيهم، بمطار القاهرة الدولي، وذلك لدعم أهداف التنمية المستدامة وفقًا لـ رؤية مصر 2030.

✈️ أبرز ملامح المبادرة:

* تستهدف الأشخاص من ذوي اضطراب طيف التوحد، وصعوبات التعلم، والحالات النفسية المختلفة، بالإضافة إلى من يعانون من حساسية مفرطة تجاه الصوت أو الضوء
* توفير بيئة هادئة وآمنة للحد من التحفيز الحسي الزائد (Overstimulation)
* تقليل التوتر والقلق قبل السفر وتحسين تجربة الركاب

📍 الموقع:
تم افتتاح الغرفة بصالة السفر في مبنى الركاب رقم (3) بمطار القاهرة الدولي، أمام مدخل (4).

🤝 آلية تقديم الخدمة:

* استقبال الركاب من مدخل المطار بواسطة فريق العلاقات العامة
* تقديم الدعم الكامل حتى إنهاء إجراءات السفر
* مرافقة الركاب حتى باب الطائرة

📩 للاستفادة من الخدمة:
يرجى إرسال بيانات الرحلة (التذكرة + رقم الهاتف + موعد الوصول للمطار) عبر البريد الإلكتروني:
sensorysupport@egyptair.com
وذلك قبل موعد الرحلة بـ 48 ساعة على الأقل.

🌟 خطوة جديدة تعكس توجهًا نحو سفر أكثر شمولًا وإنسانية، يراعي احتياجات جميع الفئات دون استثناء.

27/04/2026

🟣 بوست (4): إمتى أروح لمتخصص؟ وإيه أعمل قبلها؟

الإيكولاليا مش دايمًا مشكلة… لكن أحيانًا بتحتاج تدخل متخصص 👇

🚨 إمتى لازم أستشير متخصص؟
▪️ لو الطفل بيعتمد على التكرار فقط بدون ما يكوّن جمل من نفسه
▪️ لو الإيكولاليا مستمرة بدون تحسن مع الوقت
▪️ لو الطفل عنده صعوبة في الفهم أو تنفيذ الأوامر
▪️ لو مفيش تواصل بصري أو تفاعل اجتماعي كفاية
▪️ لو في شك بوجود Autism Spectrum Disorder أو تأخر لغوي
▪️ لو عمر الطفل أكبر من المتوقع ولسه بيعتمد بشكل أساسي على التكرار

🟡 قبل ما تروح لمتخصص… اعمل إيه؟
✔️ راقب وفهم مش تحفظ وخلاص
اسأل نفسك: الطفل بيكرر الكلام ليه؟ (طلب – رفض – تنظيم نفسه)
✔️ وسع اللغة بدل ما توقفها
بدل ما تقول “ما تكررش”
قول نموذج بسيط:
👉 الطفل: “عايز عصير؟”
👉 أنت: “أنا عايز عصير”
✔️ استخدم جمل قصيرة وواضحة
⬅️ ده بيساعد الطفل يفهم ويقلل التكرار غير المفيد
✔️ اديله وقت يرد
متستعجلش… أحيانًا التكرار بيكون لأنه محتاج وقت يفكر
✔️ قلل الأسئلة الكتير
❌ “عايز تاكل؟ عايز تشرب؟ عايز إيه؟”
✔️ “قول: أنا عايز…”
🎯 أهم رسالة للأهل:
الإيكولاليا مش حاجة “نوقفها”
هي حاجة “نفهمها ونطوّرها”

#تخاطب

23/04/2026

((بوست 3))
ليه الطفل بيصاب بالإيكولاليا؟
الإيكولاليا ليها أسباب ووظائف، مش عشوائية 👇
وظائف شائعة للإيكولاليا:
🔹 طلب حاجة (مثلاً يكرر جملة إعلان عشان يعبر عن رغبة)
🔹 محاولة فهم الكلام
🔹 تنظيم نفسه (Self-regulation)
🔹 المشاركة في التفاعل حتى لو مش قادر يرد بشكل مباشر
أمثلة: ▪️ تقول له: “عايز عصير؟”
⬅️ يرد: “عايز عصير؟” = ممكن يقصد “أيوه”
أهم نقطة 👇
الإيكولاليا = “خطوة على طريق اللغة”
مش نهاية الطريق
***
#تخاطب

02/04/2026

🟣(2) هل الإيكولاليا مشكلة
الإجابة المختصرة: ❌ مش دايمًا

الإيكولاليا ممكن تكون: مرحلة طبيعية في تطور اللغة عند الأطفال الصغيرين
وسيلة للتعلم (تقليد الأصوات والكلام)

طريقة للتواصل لما الطفل مش قادر يعبر بكلام منظم
لكن تبقى مؤشر نحتاج نتابعه لو:
استمرت لفترة طويلة بدون تطور▪️

▪️الطفل بيعتمد عليها فقط بدون إنتاج لغة جديدة
▪️ مصاحبة لصعوبات تواصل أو تفاعل

نقطة مهمة جدًا 👇
❌ منع الإيكولاليا تمامًا = خطأ
✔️ الأصح: نفهم “وظيفتها” ونطورها لكلام مفهوم

#تخاطب #الطفل

28/03/2026

“ هو ليه ابني بيكرر كل اللي بقوله؟”🔸️
“ليه بيرد بالسؤال بدل ما يجاوب؟”🔸️
“هو كده متأخر في الكلام؟”🔸️
الأسئلة دي من أكتر الحاجات اللي بسمعها من الأمهات…
وغالبًا السبب بيكون حاجة اسمها الإيكولاليا (Echolalia) 👇
يعني إيه إيكولاليا؟🧠
هي تكرار الطفل لكلام سمعه من الآخرين
ممكن تكون فورية (يردد فورًا)🔹️
أو مؤجلة يردد كلام من كرتون🔹️
أو ️مواقف قديمة

إيه علاقتها بتأخر الكلام؟👶
شائعة عند الأطفال المصابين بـاضطراب طيف التوحد
Autism Spectrum Disorder
🔹 لكنها ممكن تظهر كمان في التطور الطبيعي في سن صغير
▪️ لأنها أحيانًا بتكون “أسهل” من تكوين جملة جديدة
▪️ الطفل بيستخدمها كبديل مؤقت لحد ما يقدر يعبر بنفسه
⚠️ أهم نقطة لازم تفهميها:
❌ الترديد مش دايمًا معناه إن الطفل مش فاهم
✔️ أحيانًا بيكون بيحاول يتكلم… بس بطريقته
🎯 مثال بسيط
ماما: “عايز عصير؟”
هو: “عايز عصير؟”
⬅️ ده ممكن يكون معناه: “أيوه عايز”
بس هو لسه مش قادر يقولها بشكل مباشر

💡 الخلاصة
الإيكولاليا مش مشكلة في حد ذاتها
لكنها مرحلة أو وسيلة بنبني عليها اللغة

استنونا البوست الجاي لمعلومات اكتر عن الإيكولاليا وعشان تعرفوا امتي بنحتاج متخصص


#تخاطب

23/03/2026

لاحظتي إيه على ابنك في لمة العيد؟ 🤔
​
وسط العيلة والولاد، هل لاحظتي إن ابنك لسه بيلاقي صعوبة في الكلام؟ أو تواصله مع أصحابه مش أحسن حاجة؟ أو حركته زايدة ومش بيركز؟
​متسيبيش القلق يكبر.. الإجازة خلصت وده أنسب وقت للبدء.
في أميرة فاروق أكاديمي، بنقدم لك تقييم شامل بأحدث الأدوات العلمية تحت إشراف متخصصين.
استفيدي الآن بخصومات حصرية على:
​✨ جلسات التخاطب وعلاج اللدغات

​✨ برامج تنمية المهارات والتركيز والانتباه.
​✨ جلسات وصعوبات التعلم والتأسيس.
🎁عرض العودة🎁
احصل علي خصم 50%عند حجز جلسة تقييم مبدئي
واحصل على أول جلستين بخصم 50% عند حجز تقييم كامل شامل الاختبارات

​لأن "بكرة" بيبدأ من "انهاردة". 🌟

العرض ساري لفترة محدودة جداً ولعدد معين من الحالات لضمان جودة الاهتمام بكل طفل.
​احجزي مكان طفلك الآن في رحلة التغيير.

🏠العنوان قليوب أرض الجمعية خلف مستشفي قليوب التخصصي أمام سوبر ماركت الحسين

19/03/2026

كل سنة وحضراتكم طيبين عيد سعيد🎉 عليكم🎉
نسأل الله أن يتقبل منا ومنكم صالح الأعمال، وأن يجعل عيدنا وعيدكم مليئاً بالبهجة والسرور والبركات.
​بهذه المناسبة السعيدة، نود أن نعبر لكم عن خالص شكرنا وتقديركم لثقتكم بنا، ونتمنى لكم جميعًا عيدًا مباركًا سعيدًا، مليئًا بالفرح والسعادة والمحبة.
❤️🎉🎉🎉

14/03/2026

🛑 طفلك "عنيد"؟ ولا بيحاول يستقل؟
​كتير من الأمهات والآباء بيشوفوا العناد كأنه "تحدي" أو "قلة أدب"، لكن الحقيقة العلمية بتقول إن العناد في أغلب المراحل العمرية هو مرحلة تطور صحية لإثبات الذات وبناء الشخصية.
​كيف تتعامل بذكاء؟ 🧠
​بدل "الأوامر" استخدم "الخيارات":
بدل ما تقول "البس قميصك دلوقتي"، قول له "تحب تلبس القميص الأزرق ولا الأخضر؟". الخيار بيعطيه شعور بالسيطرة فبيقل ميله للمقاومة.
​قاعدة الـ ٥ دقائق (التمهيد):
الدماغ عند الأطفال بيحتاج وقت للانتقال من نشاط لآخر. بدل "سيب اللعبة فوراً"، جرب "قدامنا ٥ دقايق واللعب يخلص".
​عزز السلوك الإيجابي (التجاهل الذكي):
ركز انتباهك ومدحك لما يسمع الكلام، وتجاهل الصراخ أو الرفض الناتج عن الرغبة في جذب الانتباه (بشرط عدم وجود خطر).
​الثبات على الموقف:
لو قلت "لا" على شيء معين، لازم تفضل "لا" مهما زاد العناد. التذبذب بيعلم الطفل إن "العناد بيجيب نتيجة".
​تذكر دائماً: طفلك مش بيعاندك أنت، هو بيحاول يكتشف قدرته على التأثير في العالم من حوله. كُن مرشده، لا خصمه. 🤝
​لو عجبك المحتوى، شاركينا في التعليقات: إيه أكتر موقف طفلك بيصمم فيه على رأيه؟ 👇

#تخاطب ​

06/03/2026

النهاردة كانت اولي حلقات مسلسل اللي بيناقش اضطراب طيف التوحد وظهر في اول حلقة حاجة مهمه جدا اتكلمنا عليها كتير هنا وهي الجدول المصور للروتين اليومي رغم ان الطفل هنا فاهم وبيتكلم حتي لو بسيط لكن الام بردو استخدمت الجداول المصورة وليها اهميه كبيره جدا:
​تقليل القلق والتوتر الجدول بيمنحهم شعوراً بالأمان لأنهم يعرفون "ايه اللي هايحصل بعد كده".
​تسهيل الانتقالات: يسهل الانتقال من نشاط لآخر بدون نوبات غضب.
​استقلالية أكبر: يعلمه الاعتماد على نفسه بدلاً من انتظار الأوامر.
​فهم أسرع: لأن "الرؤية" عند طفل التوحد أسهل من "السمع".
​تنظيم السلوك: يحول اليوم من عشوائية إلى نظام مريح للطفل وللأهل.
وممكن نستخدمه مع كل الأطفال لانه ليه نفس الفوائد عندهم بردو

#تخاطب #توحد

03/03/2026

بشري لأولياء الامور الاعفاء من الكشف الطبي عند تجديد كارت الخدمات المتكاملة
قرار جيد جدا لان في الغالب مابيكونش في تغيير في حالة صاحب الكارت وبيكون في مشقة في الإجراءات

01/03/2026

"الأنشطة دي مفعولها سحر في التركيز وتقوية عضلات الإيد.. استمتعنا جداً بالنشاط ده
🧠🦀🧡
أهم الأهداف التي يحققها هذا النشاط:
​1. التآزر البصري الحركي (Hand-Eye Coordination)

2. تنمية المهارات الإدراكية والمعرفية
(ادراك بصري- انتباه وتركيز- التفكير المنطقي)
3. تعزيز مهارات التمييز والمطابقة
4. المهارات الحركية الدقيقة (Fine Motor Skills)

#تخاطب
​
​
​

27/02/2026

📌 ما هو اضطراب فرط الحركة وتشتت الانتباه (ADHD)؟
بحسب الدليل التشخيصي الاحصائي (DSM-5)،
ADHD هو اضطراب نمائي عصبي يظهر في الطفولة، ويؤثر على الانتباه، وضبط الحركة، والتحكم في الاندفاع.
🔎 الأعراض الأساسية تنقسم إلى 3 أنواع:
1️⃣ نمط تشتت الانتباه
صعوبة في التركيز لفترة كافية
نسيان متكرر
فقدان الأدوات
صعوبة في إتمام المهام

2️⃣ نمط فرط الحركة والاندفاعية
حركة زائدة غير مناسبة للموقف
صعوبة في الجلوس بهدوء
مقاطعة الآخرين
التسرع في الإجابة قبل اكتمال السؤال

3️⃣ النمط المشترك
وهو الأكثر شيوعًا، ويجمع بين أعراض الانتباه وفرط الحركة.

⚠️ متى نقول إنه اضطراب وليس مجرد شقاوة؟
استمرار الأعراض لمدة 6 أشهر على الأقل
ظهورها قبل سن 12 سنة
وجود تأثير واضح على الأداء الدراسي أو الاجتماعي
ظهور الأعراض في أكثر من بيئة (البيت + المدرسة مثلًا)
💡 ADHD ليس سوء تربية، وليس شقاوة، بل اختلاف في طريقة عمل الدماغ يحتاج فهمًا وتدخلًا مناسبًا.

​💡 نصيحة: التشخيص الدقيق لا يتم إلا من خلال مختصين معتمدين. يعني ميس تلحضانة ماتنفعش تيتة وجدو وخالتو وعمتو ماتنفعش بردو 😄 لا تتردي في طلب الاستشارة


#تخاطب