د /حسين جمال البلكي أخصائي الأطفال وحديثي الولادة _ El-Balky kids clinic

18/01/2026

دور الانفلونزا الموسميه اللي ماشي اليومين دول معاه سخونيه شديده ووجع في الجسم وكحه
و الطفل بيكون مش قادر يقف على رجله من وجع جسمه.. همدان وفقدان شهيه طبعا
ممكن يجي معاه ترجيع وممكن اسهال..
الدور رخم وبيطول شويه ومعدي جدا... اللي يجيله الدور ده ميخرجش ولا يختلط بأطفال
اوعي تهمليه عشان بيتطور بسرعه وممكن يحصل مضاعفات ،
العلاج حسب الحاله بس أساسي معانا الخوافض والراحة والسوائل الدافيه ..

الدور ده عدي عليكي ؟

09/01/2026

معاكم النهارده إن شاء الله من 5 م ل 9 م بعيادة قنا

النهارده الجمعه
و طفلك تعبان ومش عارف توصل ل الدكتور و مابتعرفيش تروحى بيه فين🤒😟
علشان صحة طفلك تهمنا دكتور/ حسين جمال البلكى متواجد النهارده الجمعه إن شاء الله فى عيادة قنا من ٥ م ل ٩ مساءا. .
العنوان/قنا-امام المستشفى العام-برج اللواء بجوار صيدلية القرآن
للتواصل
01080196138

02/01/2026

النهارده الجمعه
و طفلك تعبان ومش عارف توصل ل الدكتور و مابتعرفيش تروحى بيه فين🤒😟
علشان صحة طفلك تهمنا دكتور/ حسين جمال البلكى متواجد النهارده الجمعه إن شاء الله فى عيادة قنا من ٥ م ل ٩ مساءا. .
العنوان/قنا-امام المستشفى العام-برج اللواء بجوار صيدلية القرآن
للتواصل
01080196138

29/12/2025

❌ أكبر غلطة ممكن تتعمل مع طفل حديث الولادة
هي إننا نعصر صدره ❌❌
وللأسف بعض الناس بتنصح نفسها بيه !!!.
لازم نعرف إن الشكل اللي حضراتكم شايفينه ده
(تثدّي حديثي الولادة)
حاجة طبيعية جدًا ومؤقتة وبتحصل في أول أيام أو أسابيع بعد الولادة.
🔹 #السبب؟
انتقال بعض هرمونات الأم للطفل أثناء الحمل عن طريق المشيمة وده بيخلّي الغدة اللبنية تكبر شوية… وبترجع لطبيعتها تاني لوحدها...............
🔹 #العلاج؟
✔ نطمن… لأنه أمر طبيعي
✔ نتابع مع طبيب الأطفال يفحص الطفل ويتابع التطور
❌ ممنوع تمامًا عصر الصدر أو الضغط عليه
👌👌👌
🔹 طب إيه اللي ممكن يحصل لو عصرناه؟🤔
– ألم شديد جدًا للطفل لا يحتمل ..
– التهابات و خُراج وانتشار عدوي موضعية
– وفي حالات كتير شوفتها بنفسي…
وممكن لاقدر الله مضاعفات كبيرة جدا
وحجز حضانة لأيام و أطفال دخلت عمليات جراحية فقط
بسبب غلطة بسيطة زي دي .
📌 وعلشان كده البوست ده للتوعية..

11/12/2025

تاني وتالت ورابع بنحذر الفتره دي في حالات التهاب رئوي والتهاب شعب هوائيه كتير جدا في كل مكان وعلي كل المستويات

في شويه حاجات مهمه جدا لازم ناخد بالنا منها

أي طفل أقل من سنه عنده برد او بيكح اكشفي عليه مجرد ظهور البرد ما تجربيش علاج من الصيدليه

لو الطفل أقل من 6 شهور الاستشاره لازم تكون قريبه
يعني بعد يومين تلاته بالكتير لأن تطور الحالات غريب يعني ممكن الطفل يكون في بدايه الدور النهارده وبعد يومين يدهور ويدخل في صعوبة تنفس ويحتاج اكسجين وحجز في مستشفي

الالتزام بالعلاج بحزافيره بدون تقصير

لو ماشين علي العلاج والجلسات مظبوط والطفل ما بيرضعش كويس وبينهج جامد ومش عارف ينام اتحركي بيه فورا علي أقرب دكتور او مستشفي

طيب لو ما فيش سخونيه والطفل بينام كويس وبيرضع كويس ما تقلقيش من الكحه وخروشة الصدر هتطول شويه ممكن توصل لاسبوعين تابعي بس مع الدكتور لحد ما نعدي الفتره الصعبه دي

أهم حاجه في العلاج تنضيف الانف لأنها اساس المشكله وعن تجربه احسن حل هو محلول الملح

الأطفال اللي عندهم حساسيه أنف بخاخات الانف ذي الفليكسوناز والتيكناز مهمه جدا جدا

الأطفال اللي عندهم حساسيه صدر بخاخات الصدر والالتزام بها حمايه لهم وإنقاذ لحياتهم بمعني الكلمه

دور برد عند حد كبير لو اتنقل لطفل يعمله التهاب شعب هوائيه وصعوبة في النفس جامده فأي حد عنده برد ما يقربش من الأطفال

28/11/2025

🦠 الدور اللي ماشي اليومين دول ..

الأيام دي منتشر بشدة فيروسات الجهاز التنفسي الموسمية زي الانفلونزا والمخلوي التنفسي ومتحورات كورونا، وأغلب الأطفال بيظهر عليهم :

سخونية عالية ٣–٥ أيام.
بعدها: كحة – رشح – خنفرة.
ممكن يظهر وجع جسم، همدان، فقدان شهية، ترجيع أو إسهال، صداع.
الكحة بتستمر فترة وده طبيعي في الموجة الحالية.

⚠️ إمتى نرجع للطبيب؟

سخونية مستمرة أكتر من ٣ أيام.
كحة بتزيد أو صعوبة في التنفس.
رفض واضح للأكل والشرب.

🏠 إيه المطلوب في البيت؟

راحة تامة + سوائل دافية.
تنظيف الأنف بانتظام.
عزل الطفل لأن الدور معدي جدًا.
استخدام خوافض حرارة فقط، وكل حالة ليها تقييمها.

💉 الوقاية:
تطعيم الإنفلونزا.
غسل الايدين والابتعاد عن السوايل الباردة.

الموجة شديدة لكن بتخف، المهم المتابعة والراحة 👌

وأخيرا شير للبوست عشان الكل يستفيد 🙏❤️

28/11/2025

خدوا بالكم وعرفوا غيركم..

اليومين دول لو أبنك راجع من المدرسة همدان ونشاطه قليل عن الطبيعي بتاعه أو ابتدى يشكي من صداع😇

كده للطفل في مرحلة الغزو فيروسي وجهازه المناعي بيحاول يقاوم 💪🏼

طيب نعمل إيه..!!

- نريحه يوم من المدرسة ويشرب شوربة فراخ فيه بصل، عصير ليمون، يانسون، ورق جوافة ونغسيل أنف وندي مسكن خفيف..

اليوم اللي هيريحه هيساعده يقاوم ويتعافى وهيوفر عليكِ أسبوع غياب وكشف ودكتور وأدوية..

❄️ حاجة واحدة بس تعمليها أول ما تلاقي ابنك بدأ يكح أو مناخيره تجري أو حرارته بتعلى…
الخطوة دي هي اللي هتفرق جدًا ما بين دور برد عادي يعدي على خير 👏 وما بين دور يتطور ويطول ويحتاج أدوية ومضادات حيوية.

✨ الحل: راقبي الترطيب المستمر للأنف + راقبي التنفس من أول دقيقة

يعني إيه؟

أي دور برد بيبدأ بجفاف الأغشية المخاطية (اللي هي بطانة المناخير والحلق).
الجفاف ده بيخلي الفيروسات والبكتيريا تلاقي فرصة إنها تتكاثر أسرع.

أول ما تلحقي الموضوع بالترطيب
(مياه كفاية + محاليل ملح للأنف + سوائل دافية)

بتحافظي على الأغشية رطبة وتمنعي العدوى من إنها تغوص أكتر.

عن طريق محلول الملح للأنف اضعف الايمان
وبخاخات ماء البحر المرطبه زي
Rota drip SPRAY ,

والحاجات العاليه منها زي

PHYSIOMER Spray

تاني حاجة: 😪😪😪

متابعة النفس.
لو لقيتي نفسه بيزيد سرعته أو صدره بيعمل صوت غريب أو بينهج → هنا لازم تتحركي بدري وتعرضيه على دكتور، قبل ما الحالة تتفاقم.

💡 ببساطة: المية والملح أقوى من أي دوا في البداية.

✅ يشرب كباية مية كل شوية.
✅ نقط أو بخاخ محلول ملح للأنف ٣-٤ مرات في اليوم.
✅ مشروبات دافية زي الينسون والنعناع (من غير سكر زيادة).

🙌 النتيجة؟

الدور بيخف أسرع.

الكحة ما بتطولش.

المناعة تشتغل بكفاءة من غير ما نستعجل على المضاد الحيوي.

👩‍⚕️ وأفتكري دايمًا: "الوقاية أول ما الدور يبتدي = نص العلاج" 💙

25/11/2025

#توعيه

Roseola infantum
أو الحمى الوردية ..

🌷مؤخرا في العيادة شفنا حالات كتير لالتهاب ڤيروسي شهير بيسبب ارتفاع شديد في درجة الحرارة وهمدان في الجسم وفقدان للشهية ..

🌷 الفيروس ده نوع من انواع الهربس وبيسبب مرض معروف بالحمى الوردية roseola infantum ومن اسمه نفهم انه بيسبب ارتفاع شديد في درجة الحرارة بتوصل في بعض الاحيان اكتر من ٤٠ درجة مئوية🤒🤒 والجزء التاني من اسم المرض بيعبر عن الطفح الجلدي اللي بييجي بعد ما الحرارة تنزل..
المرض له اسم تاني شائع وهو المرض السادس نسبة الى الفيروس المسبب له وهو فيروس الهربس البشري النوع السادس human herpes virus 🦠 type 6 ...

🌷الحقيقة انه من اكتر الأعراض المسببة للقلق عند الآباء والأمهات هو ارتفاع درجة الحرارة لما الطفل بييجلنا العيادة بنفحصه ومابيكونش في تفسير واضح لارتفاع درجة الحرارة بنلاقي الفحص الاكلينيكي كله سليم وتشخيص الحالة بيعتمد على الاستبعاد لأن تأكيد التشخيص بيكون بعد اختفاء الحرارة وظهور الطفح الجلدي..

🌷من المهم نعرف ان الحرارة العالية بتفضل مستمرة لمدة من ٣ ل ٥ ايام وبتستجيب بصعوبة لخوافض الحرارة زي الباراسيتامول والبروفين وبيكون ملاحظ ان نشاط الطفل في غير اوقات ارتفاع الحرارة بيكون طبيعي وبيبقى مهمد وموده بيتغير مع ارتفاع الحرارة فقط..

🌷في الغالب بنشوف المرض ده ف الاطفال من عمر ٦ اشهر لحد ٥ سنوات تقريبا مع وجود استثناءات..

🌷في بعض الحالات القليلة ممكن ارتفاع الحرارة الشديد يسبب تشنجات حرارية ...

🌷بعد ما الحرارة تنزل بيبدأ يظهر طفح جلدي لونه وردي على جسم الطفل وبيروح لوحده بعد ٣ ايام تقريبا دون أثر يذكر.
🌷في الآخر عايزين نقول حاجتين الاولى انه المرض معدي عن طريق الرذاذ فبنفضل نعزل الطفل عن اخواته او زملاؤه لحين اختفاء الاعراض..

وانه المرض عدوى فيروسية مالوش علاج هو بياخد وقته وبيروح والمضاد الحيوي مالوش اي دور في العلاج..

تمنياتنا بدوام السلامة والعافية 🌹

01/11/2025

نخلي بالنا من الصفراء عند حديثي الولادة‼️👶💛

يا جماعة بلاش نهون من الصفراء ونقول "دي صفراء طبيعية وهتروح لوحدها"❌

الصفراء لو زادت وما تلحقتش ممكن تسبب شلل دماغي دائم 🧠❌
يعني الطفل ممكن يفضل طول عمره عنده مشاكل في الحركة والكلام والتعلم 💔

⬅️في أعراض بتظهر علي الطفل بتوضح أنه مصاب بالصفراء منها :
- جلد الطفل يكون أصفر .
- تلون بياض عيني الطفل باللون الأصفر .
- ظهور أعراض التعب والمرض على الطفل .

🛑 فـ لو لاحظتى الأعراض دى على الطفل هتنورينا في العيادة و هنقيس الصفراء بدون سحب عينة دم عن طريق الجهاز المخصص بدون ما تعرضي ابنك لأي مخاطر و هنتابع العلاج بـ التفاصيل وفي خلال أيام تختفي نهائيًا.إن شاء الله

◀️ بلاش نضيّع وقت في التجريب، حياة الطفل أهم من أي حاجة 💯....
العنوان/قنا-امام المستشفى العام-برج اللواء بجوار صيدلية القرآن
للتواصل
01080196138

27/10/2025

مهم جدا ناخد بالنا و خاصة الفترة دى مع تغير الجو لو الطفل بيعانى من
* كحة مستمرة وممكن تزيد بالليل
* نهجان أو صعوبة بسيطة في التنفس
* صوت صفير أو "خروشة" مع النفس
* ارتفاع بسيط في الحرارة
* فقدان الشهية أو ضعف الرضاعة عند الرُضع
⭕النزله الشعبية
👈 هي التهاب في الممرات الهوائية في الجهاز التنفسي المسؤول عن توصيل الهواء إلى الرئتين وتعد من أكثر الأمراض اللى بتصيب الرضع والأطفال من جميع الأعمار ⚠️ المهم تعرفي:
مفيش علاج سحري أو مضاد حيوي للنزلة الشعبية لأنها فيروسية ❌
العلاج بيكون داعم وبيتركز على راحة الطفل وتنظيم النفس 👇
✅ جلسات بخار (سالين فقط أو حسب وصف الطبيب)
✅ رضاعة كويسة وتجنب الجفاف
✅ رفع راس الطفل شوية أثناء النوم
✅ الحفاظ على جو الغرفة دافئ ورطب
🚨 شرفينا في العيادة فورًا لو:
• النفس بقى سريع جدًا أو في شدّ بالصدر أو الرقبة
• الطفل بيزرق أو وشه شاحب
• مش بيرضع خالص
• أو عمره أقل من 3 شهور وبيتنفس بصعوبة...
العنوان/قنا-امام المستشفى العام-برج اللواء بجوار صيدلية القرآن
للتواصل
01080196138

27/10/2025

ملاحظات مهمه
ما تولديش من غير دكتور اطفال
ماتديش أعشاب قبل ٤ شهور
ما تاكليش شطه وتوابل وإنتي بترضعي
ما تخافيش من الحمام اللي بعد كل رضعه
ما تخافيش من الترجيع اللي الوزن بيزيد معاه
ما تمنعيش الرضاعه وانت عيانه
ماتخافيش من العلاج وإنتي بترضعي ( خدي أدوية البرد والمضاد الحيوي ... العلاج مابينشفش اللبن)
ماتبوسيش الاطفال من الفم
ما تهشكيش البيبيهات
ماتشيلهومش لاطفال
ماتلفيهوش ٦٠ لفه في الحر
ما تنيمهوش علي مخده
ما تشيلهوش في حامل الاطفال قبل ٤ شهور
ما تقعديش الطفل قبل ٦ شهور
ماتروحيش الشغل اول ٤ شهور
ما تخرجيش في الحر والبرد
ما تحميش الطفل في البرد
ما تشربوش سجاير جنبه
ما ترشيش برفان للطفل
ماتعصريش صدر الطفل لو كبر شويه هايروح لوحده
ما تقوليش بيسنن ويكون الطفل سخن وبيسهل كده نزله معويه
مافيش بروفين قبل ٣ شهور
ما تديش دولفين قبل سنه
مافيش لبن بقري ولا جهينه قبل سنه
مافيش 123 قبل ٦سنين
مافيش اندومي خالص
مافيش حاجه اسمها شفط البلغم
مافيش فاتح شهيه احسن من الأكل الصحي ومواعيد اكل منتظمه والبعد عن الشيبسي والكارتيه والبنبوني والشكولاته والآيس كريم والاندومي واللبان

25/10/2025

كل زيارة متابعة خطوة مهمة لحماية مستقبله 👶 متابعة نمو طفلك مش رفاهية…
المتابعة المنتظمة هتساعدك تطمني على تطور نموه، تغذيته، وصحته العامة من أول يوم.
💡 عندينا في عيادة دكتور حسين جمال البلكى هنوفرلك:
• متابعة دقيقة لنمو وتطور الأطفال وحديثي الولادة
• رعاية شاملة تضمن لطفلك بداية صحية وآمنة...
العنوان/قنا-امام المستشفى العام-برج اللواء بجوار صيدلية القرآن
للتواصل
01080196138