Ibnsina Pharmacies - صيدليات ابن سينا

26/04/2026

في عيادات المسالك البولية (Urology)، بتظهر مشكلة بتهدد جودة الحياة لكبار السن: المثانة النشطة (Overactive Bladder OAB). تخيل مريض بيصحى من النوم 10 مرات عشان يدخل الحمام.
لسنين طويلة، الدكاترة كانوا بيعتمدوا على أدوية (Anticholinergics) زي Vesicare وDetrusitol… أدوية بتهدي المثانة، لكن:
بتنشف الريق جدًا
بتعمل إمساك مزمن
وممكن تدخل كبار السن في نوبات توهان (Confusion)

لحد ما ظهر بديل مختلف: Mirabegron.

الحاجة "فاطمة" (65 سنة)، مريضة ضغط ومثانة نشطة. دكتور المسالك كتبلها Vesicare، بس وقفته لأن ريقها نشف جدًا وعندها إمساك شديد. الدكتور غيرلها الروشتة لـ: Betmiga 50 mg (قرص واحد يوميًا).
الحاجة فاطمة ارتاحت جدًا، ومفيش جفاف في الفم. بس بعد أسبوعين، دخلت الصيدلية بتشتكي من صداع خلفي وزغللة. الصيدلي قاس ضغطها لقاه 180/110!

إيه اللي حصل؟
ـــــــــــــــــــــــــــــــــــــــــــــــ
الأدوية القديمة كانت بتشتغل إنها "تشل" إشارات الانقباض، فبتأثر على الجسم كله. لكن الـ Mirabegron بيشتغل بذكاء شديد كـ (Beta-3 Adrenergic Receptor Agonist).
جزيئات الدواء بتدخل تمسك في مستقبلات "بيتا-3" الموجودة على جدار المثانة. بمجرد ما تمسك فيها، العضلة بتهدى، وتسترخي، وتتمدد بهدوء عشان تستوعب كمية بول أكبر بدون إحساس مفاجئ بالحاجة لدخول الحمام.

طيب فين المشكلة؟
المشكلة إن الدواء، رغم إنه موجّه للمثانة، ممكن يعمل:
ارتفاع بسيط في معدل ضربات القلب
ارتفاع في ضغط الدم

وده مش لأنه بيضيّق الشرايين مباشرة، لكن بسبب تأثير Systemic على الجهاز sympathetic وزيادة الـ cardiac output.

وبالتالي في مريض ضغط غير متظبط؟
الزيادة دي ممكن تبقى خطيرة.
ـــــــــــــــــــــــــــــــــــــــــــــــ

قواعد للتعامل مع الـ Mirabegron:

١- ممنوع (Severe Hypertension):
الدواء ده Contraindicated في حالات:
ضغط ≥ 180/110 mmHg
طيب لو أقل من كدا؟
تبقا القاعدة:
"لا يُصرف البيتميجا لمريض ضغط إلا بعد التأكد إنه Controlled"
المتابعة:
قياس ضغط baseline قبل البداية
متابعة خلال أول 2–4 أسابيع

٢- التكسير (Prolonged-release ):
الأقراص معمولة بتكنولوجيا (Prolonged-release)
لو اتكسرت أو اتـمضغت:
الجرعة كلها تتحرر مرة واحدة (Dose dumping) وبالتالي زيادة في ضربات القلب وزيادة في الضغط.
٣- الكلى والكبد:
الجرعة تقل لـ 25mg
لو في قصور كلوي شديد أو قصور كبدي متوسط

٤- تداخلات الـ CYP2D6:
الدواء بيعمل تثبيط لإنزيم CYP2D6، وده ممكن يزود تركيز أدوية زي:

Flecainide
Metoprolol
Amitriptyline

ـــــــــــــــــــــــــــــــــــــــــــــــ
تنبيه هام: أي استخدام للأدوية المذكورة يجب أن يكون تحت الإشراف والمتابعة المباشرة من الطبيب المختص.

#صيدليات ابن سينا

26/04/2026

1. ديبروساليك (الأخضر) - Diprosalic 🟢
المكونات: بيتاميثازون (Betamethasone 0.05%) + حمض الساليسيليك (Salicylic Acid 3%).
آلية العمل: البيتاميثازون "كورتيزون قوي" بيقضي على الالتهاب، والساليسيليك "مقشر" (Keratolytic) بيدوب طبقة الكيراتين الميتة.
الاستخدام: مثالي للحالات "المزمنة والقشرية" زي الصدفية أو الإكزيما الشديدة اللي معاها قشرة سميكة، لأن الساليسيليك بيفتح الطريق للكورتيزون عشان يوصل لعمق الجلد.
2. جاراميسين (الأزرق) - Garamycin 🔵
المكونات: جينتاميسين (Gentamicin 0.1%).
آلية العمل: مضاد حيوي واسع المجال من عائلة الـ (Aminoglycosides)، بيشتغل على قتل البكتيريا عن طريق تثبيط تصنيع البروتين داخل الخلية البكتيرية.
الاستخدام: بيستخدم للعدوى البكتيرية "فقط" (Bacterial Infections) زي الدمامل، الجروح الملوثة، أو التهاب بصيلات الشعر.. مفهوش كورتيزون يعني مش بتاع حكة وحساسية!
3. كوادرديرم(الأحمر) - Quadriderm 🔴
المكونات: بيتاميثازون + جينتاميسين + كليوكينول + تولنافتيت.
آلية العمل: ده "الجوكر" أو الخليط الرباعي؛ فيه مضاد للالتهاب، مضاد حيوي للبكتيريا، ومضادات للفطريات.
الاستخدام: بيستخدم في الحالات "المختلطة" اللي الصيدلي أو الدكتور بيشك إن فيها التهاب مع عدوى بكتيرية وفطرية في نفس الوقت (Mixed Skin Infections).. بس خلي بالك كتر استخدامه غلط لأنه "كوكتيل" تقيل على الجلد.
دمتم سالمين 🤍
صيدليات ابن سينا
خدمة التوصيل 01000214848

25/04/2026

25/04/2026

عم "سيد" (60 سنة)، مريض تليف كبدي متقدم (Advanced Liver Cirrhosis). ابنه أخد روشتة من دكتور الكبد مكتوب فيها: Duphalac Syrup (30 ml كل 8 ساعات).
الابن اشترى الدواء وقرأ المكتوب على العلبة: "ملين لعلاج الإمساك". بدأ يدي والده الجرعة، وتاني يوم عم سيد جاله إسهال شديد. الابن بص لوالده اللي صحته ضعيفة وصعب عليه، وقال في نفسه: أبويا معدته مش مستحملة ملينات وهو أصلاً مابياكلش، أنا هوقف الدواء ده عشان الإسهال ينشف شوية.
بعد 48 ساعة بالظبط.. عم سيد بدأ يخرف في الكلام، إيديه بترتعش برعشة مميزة جداً (Flapping Tremors)، وبعدها بساعات دخل في غيبوبة كبدية تامة (Hepatic Encephalopathy) واتنقل العناية المركزة!
إيه اللي حصل؟
ـــــــــــــــــــــــــــــــــــــــــــــــ

البروتين اللي بناكله بيتكسر في الأمعاء وبيطلع منه غاز سام جداً اسمه (Ammonia). في الطبيعي، الكبد بياخد الأمونيا دي يحولها ليوريا (Uria) بتنزل في البول. بس في حالة عم سيد، الكبد متليف ومش شغال، فالأمونيا السامة دي بتعدي وتوصل للدم، وتخترق حاجز المخ (Blood-Brain Barrier) وتعمل تسمم في خلايا المخ وتدخله في غيبوبة.
هنا بييجي دور الـ Lactulose:
لما المريض بيشربه، الدواء مابيمتصش في الدم، بيفضل ماشي لحد ما يوصل للقولون. هناك، البكتيريا النافعة بتتغذى عليه وتطلع أحماض (Lactic & Acetic acid)، وده بيخلي وسط القولون "حامضي جداً".
الوسط الحامضي ده بيعمل تفاعل كيميائي اسمه (Ion Trapping)! بيحول الأمونيا السامة (NH3) اللي بتخترق الأنسجة، لأيونات أمونيوم (NH4+) مشحونة وتقيلة، ماتقدرش ترجع للدم تاني وتفضل "محبوسة" جوه القولون.
الخطوة الأخيرة؟ اللاكتولوز بيشتغل كـ (Osmotic Laxative)، بيسحب مياه للقولون ويعمل إسهال، عشان "يكنس ويطرد" كل الأمونيا المحبوسة دي بره الجسم تماماً، ويفوق المخ من الغيبوبة!
ـــــــــــــــــــــــــــــــــــــــــــــــ
قواعد للتعامل مع Duphalac:

الهدف:
أول جملة تقولها لأهل المريض: يا جماعة، الدواء ده مش مكتوب عشان الإمساك، ده غسيل مخ من السموم!. التارجت بتاعنا (Therapeutic Goal) إن المريض يعمل من 2 إلى 3 مرات حمام براز لين (Soft Bowel Movements) في اليوم. لو أقل من كده، الجرعة قليلة والسموم بتتركز.

الإيقاف العشوائي:
حذر الأهل تحذير شديد اللهجة: أوعى توقف الدواء من نفسك لو جاله إسهال!. لو الإسهال زاد

10/11/2025

Capixy متاح

10/10/2025

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

26/09/2025

قال الله تعالى : {إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا}

12/06/2025

طبعا كلنا عارفين اي مضاد حيوي بيكون في صورة Suspension ودا لما تحط عليه مايه مش هيدوب على طول لانه عباره عن particles لازم يحصله vigorous shaking عشان يدوب كويس داخل المايه بتاعته.

الكلام دا منطبق على كل المضادات الحيويه الموجوده ما عدا مادة Clarithromycin الموجود في دواء زي الكلاسيد" هتلاقي مكتوب عليه حاجتين مهمين جدا "يرج بلطف ولا يحفظ في الثلاجه".

ودا لان ال powder بيكون معمولها coat بطعم حلو عشان يكون مستساغ للاطفال وياخدوه بسهوله.
عشان كد لازم نرجه بلطف ومينفعش نعمله vigorous shaking زي الباقي لانه هيكسر الطبقه ال coat المحافظه على طعمه وهيخلي طعمه وحش وهيكون عامل cake راسب .

وكمان حفظه برا التلاجه بيحافظ على stabilty بتاعته اكتر وبيخليه more effective .
لازم ناخد بالنا كويس من الحاجات دي ونبهه الناس بيها قبل اعطاء او استخدام الدواء.

دمتم سالمين❤️