السكري - Diabetes

السكري - Diabetes داء السكري من الخوف الي التعايش 💙
(1)

12/04/2026

السكر عالي من غير سبب ❎

ف حاجات كتير بتأثر على السكرى لازم نكون عارفينها
عشان نتجنبها زى ايه..؟! 🤔


🔹️ الحمى ونزلات البرد🤒
🔹️ الالتهابات البكتيريه والفيروسيه
🔹️ العصبية والحزن والقلق😤
🔹️ قلة النوم😴
🔹️ النوم نهارا بدل الليل
🔹️ قلة الحركه
🔹️ادوية الكورتيزون
🔹️ادوية ادرار البول
🔹️الارهاق الجسدي والنفسي
🔹️ الاستحمام بماء حار
🔹️ التعرض للشمس الحارة😰
🔹️ الصيام
🔹️ التدخين 🚭
🔹️الدورة الشهرية

📌 ليه السكر بيعلى الفجر؟ وإزاي تتحكم فيه؟💙 ️ظاهرة الفجر بتحصل بسبب إفراز هرمونات (الكورتيزول – هرمون النمو – الجلوكاجون)...
04/04/2026

📌 ليه السكر بيعلى الفجر؟ وإزاي تتحكم فيه؟

💙 ️ظاهرة الفجر بتحصل بسبب إفراز هرمونات (الكورتيزول – هرمون النمو – الجلوكاجون) اللي بترفع السكر طبيعيًا مع قرب الصبح بدون اكل وتقلل الحساسيه للانسولين. لو العشاء فيه كربوهيدرات كتير بيتخزن جلوكوز أكتر، ومع الهرمونات دي بيزيد الارتفاع. تقليل الكارب في العشاء يقلل الطاقه المتاحه، وبالتالي يخفف ارتفاع السكر الصبح.

📌 يفضل اننا :-
1️⃣ نقلل الكربوهيدرات في وجبة العشاء 🍽️
2️⃣ المشي 10 دقايق بعد العشاء 🚶‍♀️
3️⃣ النوم بدري ومنقلش عن 7 ساعات 😴

💙 لو بتحس بسكر عالي الصبح ومتأكد إن جرعاتك مظبوطة، جرب تغير عادات العشاء وشوف الفرق 👌

💙 ازاى نميز بين ظاهرة الفجر عن Somogyi effect؟

🔹️لو السكر طبيعي عند النوم
🔹️مافيش هبوط في نص الليل
🔹️وبيرتفع عند الفجر

أما لو حصل هبوط شديد بالليل
الجسم يعوض بارتفاع كبير الصبح.
وده اسمه Somogyi effect وحله مختلف تمامًا .

🔹️ العلاج لازم :-

1️⃣ تعديل جرعة الإنسولين القاعدي
زيادة بسيطة في جرعة الليل تحت إشراف الطبيب.

أو تغيير توقيت الجرعة (مثلاً تأخيرها إلى قبل النوم مباشرة).

2️⃣ استخدام إنسولين قاعدي أطول وأثبت مثل ترسيبا وتوجيو
دي بتدي ثبات أطول ومفعول اقوي وتقلل ارتفاع الفجر.

3️⃣ تقليل الكربوهيدرات قبل النوم

الوجبات النشوية المتأخرة تزيد التذبذب الليلي وترفع سكر الصبح او اللى بتحتوى على دهون .

4️⃣ أدوية تساعد على منع سكر الفجر

في النوع الثاني، الأطباء يلجأون لأدوية تقلل إفراز السكر من الكبد ودى بتختلف من حاله للتانيه طبعا .

5️⃣ قياس السكر الساعة 3 فجراً

ده أهم خطوة لتحديد السبب:

🔹️لو السكر عالي تبقي ظاهرة الفجر.
🔹️لو واطي Somogyi effect، وحله تقليل جرعة الليل وليس زيادتها.

6️⃣ تحسين النوم وتقليل التوتر
ارتفاع الكورتيزول بسبب الأرق أو التوتر يزيد من ظاهره الفجر

اتمنى تكون الامور وضحت بخصوص المشكله دى وعرفنا نتعامل ازاى 👌💙

متنساش تعمل شير علشان غيرك يستفيد💙
السكري - Diabetes

🟦أهم التحاليل والمتابعات لمرضي السكر ؟!أهم التحاليل كل ٣ شهور:✅ تحليل سكر تراكمي (HbA1c): أهم تحليل للمتابعة، يوضح متوس...
04/04/2026

🟦أهم التحاليل والمتابعات لمرضي السكر ؟!

أهم التحاليل كل ٣ شهور:
✅ تحليل سكر تراكمي (HbA1c): أهم تحليل للمتابعة، يوضح متوسط مستوى السكر في آخر ٣ شهور.
✅ سكر صائم وفاطر/عشوائي بشكل يومي

🟦تحاليل إضافية ممكن تبقى كل ٦ شهور أو سنة لكن لازم تتعمل بانتظام :-

⬅️ وظائف كُلى (كرياتينين + يوريا + GFR).
⬅️ تحليل بول للزلال : يكشف تأثر الكلى .
⬅️ دهون الدم (كوليسترول + دهون ثلاثية + LDL + HDL).
⬅️ وظائف كبد (لو بياخد أدوية بتأثر على الكبد أو عنده عوامل خطورة).

🟦فحوصات مهمه :-

👁️ كشف قاع عين (مرة كل سنة أو حسب الحالة).
🦶 فحص القدمين والأعصاب (كل زيارة للطبيب أو مرة كل ٦ شهور).
🩺 ضغط الدم ووزن الجسم باستمرار.

السكري - Diabetes

04/04/2026

صباح الخير ياسكريين


📝 انا رجلي وجعاني وبحس بحرقان وبروده والم انا باخد كمية فيتامين ومش جايبه نتيجة؟!

✅️السكري: الأساس في منع وعلاج اي مضاعفات هي سكر مظبوط ده الاساس اللي هنمشي عليه للوقاية من اي مضاعفات

📝 طيب قولي علي احسن نظام اكل امشي عليه وانا هتبعه ؟!

✅️السكري: هو مفيش حاجه اسمها نظام اكل للناس كلها تمشي عليه ده كلام مش مظبوط كل واحد اكله بيختلف حسب وزنه وطوله وحالته وعمله وهو بيفضل ايه وممكن تتايع مع دكتور تغذيه هيفيدك .

📝طيب في اي تحاليل مهمه اعملها ؟!

✅️السكري: اه طبعا كل ٣ شهور سكر تراكمي وكل سنه تحاليل شامله وظايف كبد وكلي ودهون وزلال بول وهنزود غده درقيه لو كان نوع اول.

📝 انا تايه مش عارف أبدا منين ؟!

✅️السكري : تبدأ تعملي التحليل الدوري لو مكنش اتعمل وتمشي على نظام غذائي يناسب جسمك ويبقي في حركة يوميا وتاخدي العلاج بانتظام وبعدها نشوف تاثير العلاج ومحتاج يتغير ولا لا .

دمتم بصحه جيدة مع السكري 💙

03/04/2026

اصحاب السكري
احكولي كيف اول مرة اكتشفتوا

اعتلال الأعصاب بسبب السكر بيحصل غالبًا لما السكر يفضل عالي لفترة، فالعلاج مش مجرد قرص وخلاص… ده نظام كامل لازم تمشي علي...
03/04/2026

اعتلال الأعصاب بسبب السكر بيحصل غالبًا لما السكر يفضل عالي لفترة، فالعلاج مش مجرد قرص وخلاص… ده نظام كامل لازم تمشي عليه عشان تلاقي نتيجه 👇

✅ أهم خطوة (أساس العلاج)
ضبط السكر هو العلاج رقم واحد
لازم تخلي السكر قريب من الطبيعي
متابعة التراكمي (HbA1c)
التزام بالأكل + الدواء+ المتابعة

📌 لأن أي علاج للأعصاب من غير ضبط السكر هيبقى تأثيره مؤقت بس
💊 أدوية بتخفف ألم الأعصاب
(دي بتتاخد تحت إشراف دكتور اعصاب هو اللي بيكتبهالك)

الأدوية دي بتقلل:
الحرقان
التنميل
الوخز

💉 فيتامينات مهمة للأعصاب
فيتامين ب المركب (خصوصًا B1, B6, B12)
بتساعد في تغذية الأعصاب وتحسينها

✋️ نصايح مهمة جدًا ناس كتير بتغفل عنها خلي بالك
امشي يوميًا لو حالتك تسمح)🚶‍♂️
بلاش تمشي حافي ❌
افحص رجلك كل يوم 👀
اشرب مية كويس 💧
ابعد عن التدخين 🚭

⚠️ إمتى تقلق؟
لو في:
فقدان إحساس خالص
جروح مش بتلم
ألم شديد جدًا
لازم تراجع دكتور فورًا

✋️مفيش علاج سحري سريع يعالج الاعصاب لازم
ضبط السكر + أدوية + فيتامينات = تحسن حقيقي مع الوقت بإذن الله ✅️

💙اسأل سؤال والسكري هيجاوبك ...؟!
03/04/2026

💙اسأل سؤال والسكري هيجاوبك ...؟!



⚠️ خلي بالكمش كل رياضة مفيدة لمريض السكر…ناس كتير فاكرة إن الحل بسيط:🏃‍♂️ اجري أو امشي شوية وخلاص وسكرك هينزللكن الحقيقة...
30/03/2026

⚠️ خلي بالك
مش كل رياضة مفيدة لمريض السكر…
ناس كتير فاكرة إن الحل بسيط:
🏃‍♂️ اجري أو امشي شوية وخلاص وسكرك هينزل
لكن الحقيقة أعمق من كده 👇

🔴 التمارين العنيفة جدًا (زي الجري السريع أو تمارين HIIT القوية)
ممكن ترفع هرمونات التوتر زي الأدرينالين والكورتيزول
وده أحيانًا يخلي السكر يعلى بدل ما ينزل!

🟢 الأفضل غالبًا لمرضى السكر:
✅ المشي السريع
✅ ركوب العجلة
✅ السباحة
✅ تمارين المقاومة الخفيفة

✨ وخلّي بالك:
كل حالة مختلفة عن التانية…
اللي يناسبك ممكن مايناسبش غيرك 👌

⏱️ 30 دقيقة يوميًا ممكن تعمل فرق كبير:
✔️ تقلل مقاومة الإنسولين
✔️ تحسن السكر التراكمي
✔️ تحافظ على صحة القلب

🚨 مهم جدًا قبل التمرين:
📊 لازم تقيس السكر
✔️ أفضل معدل للتمرين: من 130 لـ 200
❗ لو السكر أقل من 90 → كُل حاجة بسيطة الأول
❗ لو أعلى من 250 → أجّل التمرين

⚠️ لمرضى النوع الأول:
لو السكر عالي ومعاه كيتونات → ممنوع التمرين تمامًا

💡 نصايح مهمة:
🔹 اشرب مياه كويس
🔹 ابدأ تدريجي مش مرة واحدة
🔹 خلي معاك حاجة سكر لو حصل هبوط
🔹 تابع سكرِك بعد التمرين كمان مش قبله بس

#ركز 💙
الرياضة علاج مهم… بس لما تتعمل صح 👍

السكري_diabetes

30/03/2026

🟦 خد بالك يا سكري ... العلاج مش واحد لكل الناس! 💊

✅ كل حالة سكر مختلفة عن التانية، وده معناه إن العلاج اللي بيظبط سكر شخص، ممكن ماينفعش لغيره تمامًا.

🚫 مينفعش نغير أو نبدل العلاج من نفسنا أو بناء على تجربة حد تاني — لازم دايمًا تحت إشراف الطبيب المتابع للحالة هو عارف حالتك كويس وهيكتبلك العلاج المناسب اللى ميأثرش عليك او ميعملش اى مضاعفات لان ف ناس عندها ضغط مع السكر ، وغيرهم اللى عنده مشكله ف الكبد او الكلي او غيره ف لازم ناخد بالنا .

👨‍⚕️ ولو انت متابع مع دكتور، وحالتك مش بتتحسن رغم الالتزام، من حقك تطلب تعديل العلاج.
ولو الطبيب مش بيتعاون أو مش بيستجيب لحالتك، يبقى لازم تتابع مع طبيب متخصص في السكر والغدد يقدر يشخصك صح ويظبط علاجك.

🍽️ العلاج لوحده مش كفاية!
علشان تظبط سكرك لازم كمان:
🥗 تنظم أكلك وتقلل النشويات
🥦 تخلي طبقك متوازن فيه خضار، بروتين، وكمية نشويات بسيطة
🚶‍♀️ ومع ده كله رياضة خفيفة يوميا — والمشي السريع نص ساعة يوميا بيعمل فرق كبير جدا في ضبط السكر
وتحسين الدورة الدموية والمزاج.

💙 افتكر دايما انها معادله بسيطه :
التحكم في السكر = علاج مناسب + أكل متوازن + حركة يومية + متابعة منتظمة مع طبيبك ✅️

السكري - السكري - Diabetes

30/03/2026

✅️خرافات كتير عن السكري عند الأطفال… لازم نصححها 👇

👈 الخرافة 1:
السكر بييجي للطفل عشان أكل حلويات كتير؟!

✅ الحقيقة: النوع الأول من السكر عند الأطفال مرض مناعي، بيحصل لما جهاز المناعة يهاجم خلايا البنكرياس، ومالوش علاقة مباشرة بأكل الحلويات .

👈 الخرافة 2:
الطفل اللي عنده سكر مش هيقدر يعيش حياة طبيعية زى باقي الاطفال ؟!

✅ الحقيقة: مع العلاج بالأنسولين، والمتابعة، والأكل الصحي، الطفل يقدر يعيش حياة نشيطة ويلعب ويتعلم زي أي طفل ويكون افضل كمان.

👈 الخرافة 3:
الأنسولين مش أمان ؟!

✅ الحقيقة: الأنسولين هو العلاج الأساسي لمرضي السكر النوع الأول، لان ف الحاله دى بيكون البنكرياس متوقف تماما ف لازم نعوض الجسم باانسولين مينفعش حبوب او غيره ، ده هرمون الجسم محتاجه عشان يعيش ويعرف يكمل .

👈 الخرافة 4:
الطفل اللي عنده سكر لازم يوقف لعب الرياضة ؟!

✅ الحقيقة: الرياضة مهمة جدًا لصحته، مع متابعة مستوى السكر وتنظيم الوجبات واختيار الرياضه المناسبه ليه ول سنه .

👈 الخرافة 5:
السكر ممكن يخف مع الأعشاب او وصفات طبيه او غيره ؟!

✅ الحقيقة: مفيش أي أعشاب أو وصفات تشفي السكر النوع الأول، والعلاج الوحيد هو الأنسولين والمتابعة الطبية.

💙 نشر الوعي بيحمي صحتك وصحة اطفالك من المعلومات الخطأ… لو عندك طفل أو تعرف حد عنده سكر، شارك المعلومة.

السكري - Diabetesiabetes

29/03/2026

⁨ خلف كل قلم انسولين قصة صمود لا يعلمها إلا الله.
أحياناً تكون قمة القوة في الاعتراف بأن الأمر ليس لنا، بل لمدبّر الأمر. نأخذ بالأسباب ونترك الباقي على من لا يضيع عنده رجاء. 🤲⁩💙

❌️❌️❌️=السكري نوع اول او نوع تاني مينفعش نهائي ان الاعشاب تكون بديل عن العلاج الاساسي اللي بيوصفه الدكتور علي حسب حالتك ...
24/03/2026

❌️❌️❌️

=السكري نوع اول او نوع تاني مينفعش نهائي ان الاعشاب تكون بديل عن العلاج الاساسي اللي بيوصفه الدكتور علي حسب حالتك + بجانب تظبيط الاكل + الرياضة او المشي اليومي + والنفسيه والبعد عن القلق والتوتر

بعد مانطبق كل الخطوات دي بالترتيب كدا ممكن نشرب السوايل ومنها الاعشاب ك عوامل مساعده مش اكتر وعشان نتجنب الجفاف وان كل نوع اعشاب بيبقي ليه فوايد بشكل عام ولكن مش ك علاج رئيسي للسكر .

Address

قنا
Qena

Website

Alerts

Be the first to know and let us send you an email when السكري - Diabetes posts news and promotions. Your email address will not be used for any other purpose, and you can unsubscribe at any time.

Shortcuts

Share

Category