https://www.facebook.com/112725958524453/

معلومة على الماشي

Home
Egypt
Qena
معلومة على الماشي

Contact information, map and directions, contact form, opening hours, services, ratings, photos, videos and announcements from معلومة على الماشي, Medical and health, Qena.

01/03/2025

رمضان كريم وكل سنة وانتم طيبين 🤍

مفيش مرة منكم حد عمل كوباية عصير لجده أو جدته أو حتى كوباية شاى وقاله/تله ايه الشاى الماسخ دا 🤨

تقريبا موقف حصل مع كل الناس،
وبينى وبينكم هو فعلا بالنسبالهم ماسخ ع الرغم انك حاطط ٣ ملاعق زى ما هما عاوزين

بصو بقا الناس الكبيرة خصوصا فوق عمر ٦٠ سنة، مستقبلات حاسه التذوق بتضعف عندهم مع تقدم العمر فـ يعنى اللى كان بيتكيف بكوبايه العصير ٢ ملعقة سكر دلوقتى عاوز ٤ ملاعق عشان يحس بنفس الطعم! فهمتونى

النهارده بقا أنت هتعمل ايه؟
هتعمل العصير عادى خالص وتاخد علبه السكر وهتحط قدامه عشان يصدق أنك حليت العصير

وحتى لو بعدين حس انه ناقص سكر هيكذب احساسه بس عمره ما هيكذب اللى شافه بعينه وانك حطيت السكر قدامه

وبس كده
عوده خفيفه ع القلب
رمضان كريم 🌙⌛

26/08/2024

من كام يوم أعلنت منطمة الصحة العالميه إنذار الطواريء حول مرض جدري القردة
وحدة وحدة وهنفهم كل حاجة مع بعض
المرض ده أولًا بينتقل من القردة للإنسان وبيكمل باقى اللفة بقا من إنسان للتاني سواء عن طريق اللمس المباشر أو غير المباشر سواء عن طريق الهدوم أو الأسطح وكمان عن طريق الرزاز من مسافة قريبة من المصاب
طيب أهم أعراضه أى؟
حمى طبعا يعني صداع ودرجة حراراة مرتفة ودوخة وألم في العضلات وزود حاجة مهمة وهي تضخم الغدد الليمفاوية اللي في الجسم وبما إنه جدري فحفظنا يعني طفح جلدي بس بيبقا مختلف شوية عن شكل الطفح اللى بيظهر مع جدري الماء
طيب أى الحل يمنار ؟؟؟؟
بص هقولك كل واحد والميكنزم بتاعه أنت وجهازك المناعي
متتأسس كويس والدنيا عندك زي الفل اخره معاك اسبوعين
غير كده بقا فربنا يسترها عليك
طيب يمنار مفيش لقاح ؟؟؟
لا لإنه السبب فيه فيرس مش بكتريا وهنا بنركز أننا فقط ندعم جهازك المناعي عن طريق علاج الأعراض الظاهرة سواء حرارة أو طفح جلدي
بس أحب أطمنك إنه لم يتم تسجيل أى حالة ف الدول العربية
ع عكس انتشاره ف دول غرب ووسط إفريقيا وتسجيل ما يقارب إلى ١٥ ألف حالة
طيب أحنا المفروض دلوقتي نعمل أي؟

03/07/2024

ساعات بتبقي كده

04/02/2024

نظراً للغلاء الفاحش اللى بقينا فيه .فأول ما العيل يتعب سواء دور برد أو سخونيه وما إلى ذلك فالناس بشكل تلقائى تروح تجيب نفس المضاد الحيوى اللى الدكتور كتبهولها لما كشفت عنده من ايام الزمن الجميل والعيل جه عليه ..

طيب ف جمله دايما بتتكر إن المضادات الحيويه بتضعف المناعه؟!
هل الكلام ده صح ولا غلط ؟!

بص يعم الناس المضاد الحيوى ده له دور عظيم لا أنا ولا غيرى يقدر ينكره
بس بسبب استخدام حضرتك الغير صحيح للمضادات الحيويه خلت نسبه فعاليته تقل .متتعصبش هفهمك والله ..

بص الطبيعى إن جسمنا فيه بكتريا نافعه ومهمه ليك موجوده ف الجلد والجهاز الهضمى وغيره
لما تحصل حاجه غير معتاده بقا إنه يجيلك دور برد مثلا فمعنى كده إنك أخدت بكتيريا ضاره
وطبعا هنكمل القصه اللى فوق بإنك أخدت مضاد حيوى
وكل مره الجرعه بتختلف ( ما احنا ماشين بالبركه بقا )
يقوم حضرتك المضاد الحيوى يموت كل البكتريا بما فيها البكتريا النافعه.. كده انت بقيت عرضه لأى عدوى
وطبعا انت حسيت إنك اتحسنت تقوم مش مكمل بقيه العلاج فالبكتريا الضاره دى القوية متموتش
وزى ما بيقولوا الضربه اللى متموتش تقوى الميكروب
ويبقا عنده مناعه ضد المضادات الحيويه
وهنا بيظهر مصطلح المقاومة للمضادات الحيويه
كده أنت تقدر تجاوب ع السؤال اللى كان فوق بنفسك

التعليمات المتبعة مع المضادات الحيوية ف أول كومنت

26/01/2024

دايما بنشوف تقريبا كل الناس بتستخدم الكحول عشان تجفف الحبل السرى وتساعد على انفصاله فيقع المشبك
وانا هنا بتكلم ع المشبك السرى مش مشبك غسيل بيتكم ....

بس بيقولك ان الكلام ده غلط جدا
لان الكحول بيقتل البكتريا اللى بتعمل ع جفاف الحبل السرى اصلا
وبيقولك بردو بدل ما تستخدم الكحول حاول تخلى المكان ده جاف وعادى نضفه بماء دافى وقطنه او اسفنجه بس اهم حاجه تحافظ ع السره جافه وتعرضها للهواء ومتغطهاش بطرف diaper
اسفه لاستخدامى بعض الكلمات الانجليزيه
بس امى لسه بتتندم ع ١٠٠ جنيه اللى كنت بدفعها ف الدرس فلازم احسسها بقيمه بنتها🚶‍♀️...

خد الكبيره بقا نفس اللى كان بيقولنا من شويه ،بيقولنا اى تانى بردو اننا لو رشينا لبن الام ع سره البيبى من الحاجات الكويسه جدا لانه بيحتوى ع مواد غذائيه ومضادات حيويه .
وبس كده

25/01/2024

ف ظل أجواء الشتاء اللعينة
لقينا ان اختنا سوكا متلكلكه ف البطانيه وبردو بتعانى من برودة فـ أطرافها أقصد ( الأدين والقدمين ) عزيزى
ع الرغم من انها مخطوبه ؟!!!
يعنى كده دبلته مبتدفيش ؟
وده بيرجع إلى إنه الجو البرد اللى أحنا فيه بيخلى الأوعيه اللى فـ الأطراف تتقلص فطبيعى كميه الدم اللى فيها بتقل ، عشان يحافظ ع الاعضاء الأكثر أهميه
وده اللى بيحصل بشكل طبيعى
لكن فـ طبعا اسباب تانى ممكن تكون غير طبيعية من الانيما وغيره .......

طيب بعد ما أختنا سوكا فهمت
بردو هتحل المشكله دي ازاى ؟؟
أولاً هترميله دبلته
ثانيا تحسن الدوره الدمويه ف الأطراف عن طريق الحركه
ثالثا البسي شراب يا سوكا

25/12/2023

قالولنا ان الجزر بيقوي النظر قولنا ماشي ،وحكولنا عن امنا الغوله وقولنا بردو ماشي
بس الحقيقه ف وسط الدوشه الحياتيه اللى انا فيها
ادركت ان معايا امتحان اوسكى ( وده امتحان عملى صديقى ،مش هيفيدنا ف الموضوع والله )
وهنا كان لازم اقص ضوافرى
بس كان بالليل كده وبالفعل بقص ضوافرى
قامت صحبتى (اللى بثق ف تفكيرها ) قالتلي ازاى تقصى ضوافرك بالليل ؟؟؟؟؟!
وهنا انا اتصدمت بكلامها وبدات افكر هل الموضوع طيب لى علاقه بالدين ولا بالعلم ولا اى الدنيا!!!!
وبدات ابحث فعليا عن السبب ورا كلامها ولقيت ان الموضوع ولا ليه اى مبرر من حيث الدين بيوجب علينا اننا منقصش الاظافر بالليل
ولا حتى بالعلم لان الاظافر عباره عن ماده بروتينية (كيراتين) ،والكالسيوم بس بيساعد على نموها
اتعلمنا من بوست النهارده اننا نقص ضوافرنا عادى بالليل ❌
اتعلمنا اننا منثقش ف كلام حد 😂✔

30/09/2023

الالات الولادة القيصرية

Address

Qena

Website

facebook.com

Alerts

Be the first to know and let us send you an email when معلومة على الماشي posts news and promotions. Your email address will not be used for any other purpose, and you can unsubscribe at any time.