15/07/2025
💥💥تطعيم الإلتهاب السحائي💥💥
واللي ما يعرفش الالتهاب السحائي ، فده مرض رخم وصعب بيعمل التهاب في المخ والأغشية المحيطه بالمخ والحبل الشوكيّ
اعراض المرض بتبقي سخونيه شديده وصداع واضطراب في الوعي وتشنجات وغيبوبه
الأصابه ببكتريا الالتهاب السحائي بتبقي صعبه وفي معظم الحالات بتسيب اثر شديد مع الطفل ، لانها بتاثر علي السمع والنظر وممكن تسبب تشنجات مستمره وكهربا عالمخ او لاقدر الله ضمور دائم
حضرتك تقدر تحمي طفلى من مرض خطير زي ده عن طريق تطعيم السحائي ودول اشهر نوعين ممكن يكونو متوفرين 👇👇👇
💥لقاح سحائي نيمنركس Nimenrix💥
لقاح بيحمي من الحمي الشوكية
يبدأ من عمر 6 اسابيع
جرعات لقاح نيمنركس كالتالي :
من عمر ٦اسابيع حتي ٦شهور
بياخد جرعه وواحده تانيه بعدها بشهرين وياخد جرعه منشطه عند عمر ال١٢شهر
ولو طفلك من عمر ٦شهور حتي ١٢ شهر
بياخد جرعه واحده والتانيه منشطه عند عمر السنه بحيث الفرق مابين الجرعين لا يقل عن شهرين
- من عمر سنة والأطفال والبالغين والكبار : جرعة واحدة فقط .
💥تطعيم تاني لالتهاب السحائي اللي اسمه Menactra💥
حقنه عضل نص سم
بياخد جرعه اولي عند عمر ٩ شهور
وجرعه تانيه عند عمر سنه
يعني فرق ٣ شهور بين الجرعتين
لو الطفل اكبر من سنتين يبقي هياخد جرعه واحده فقط
التطعيمات دي إضافيه مش بتاخد في الصحه
Bexsero
ده نوع نزل ضد السلاله Serotype B.
وده بيتاخد معاهم
وله جرعات معينه
وجدول لوحده حسب عمر الطفل
