04/04/2026
دمتم بصحة وعافية ❤️
د. هشام مكي - مدرس (م) الأنف والأذن والحنجرة
أول رد فعل بنعمله لما يحصل نزيف في الأنف (الرعاف) هو إننا نرجع راسنا لورا
لكن الحقيقة التصرف دا "أكبر غلطة وقت نزيف الأنف❌
لما بترجع راسك لورا انت كدا بتبلع الدم مش بتوقفه ودا ممكن يخلي الدم ينزل في المجرى التنفسي أو المعدة ويسبب مشاكل تانية أخطر !
طيب إزاي نتعامل صح؟ 🤔
1️⃣ اجلس بوضع مستقيم: وميّل رأسك "للأمام" قليلاً وليس للخلف.
2️⃣ اضغط على الجزء اللين: استخدم إبهامك وسبابتك للضغط على الأنف لمدة 10 دقائق متواصلة.
3️⃣ اتنفس من فمك: وحاول تحافظ على هدوئك.
4️⃣ كمادات باردة: وضعها على عظمة الأنف قد يساعد في تضييق الأوعية الدموية.
لو النزيف استمر أكتر من 20 دقيقة، لازم تتوجه لأقرب مستشفى أو تستشير طبيب متخصص.
دمتم بصحة وعافية ❤️
د. هشام مكي - مدرس (م) الأنف والأذن والحنجرة
