What are the opening hours?

Monday 1pm - 3pm 8pm - 10pm Tuesday 1pm - 3pm 8pm - 10pm Wednesday 1pm - 3pm 8pm - 10pm Thursday 1pm - 3pm Saturday 1pm - 3pm 8pm - 10pm Sunday 1pm - 3pm 8pm - 10pm

https://www.facebook.com/102102348417160/

د/ رباب رفعت فهمى

Home
Egypt
Qina
د/ رباب رفعت فهمى

Contact information, map and directions, contact form, opening hours, services, ratings, photos, videos and announcements from د/ رباب رفعت فهمى, Paediatrician, عيادات الحسن والحسين/اول طريق نادي البحر, Qina.

أخصائي طب الأطفال وحديثي الولادة
استشاري دولي معتمد في الرضاعة الطبيعية
متخصصة في التغذية العلاجية ومتابعة نمو الأطفال
استشارات دقيقة ودعم شامل للأمهات

06/08/2025

كنا معاكي فـ سلسلة كاملة عن الرضاعة الطبيعية ✅
جاهزة تبدأي بداية مختلفة؟ 🩷
عرفتي معانا إن أول نقطة لبن = أول تطعيم
وإنك مش لوحدك
والتعب في الأول طبيعي

لو محتاجة بداية صح أكيد هتكون مع د. رباب 🩺
📩 ابعتي رسالة وهنتواصل معاكي.

تابعينا علشان لسه في حاجات كتير هتفيدك في رحلتك 🙏🏻

05/08/2025

فـ الصيف العطش مضاعف والميه مش رفاهية ❌☀️

في الحر جسمك مش بس بيحاول يبرد نفسه ده كمان بيشتغل بكل طاقته علشان يصنع لبن فيه غذاء لطفلك 🩷

🔹 اللبن الطبيعي بيتكوّن بنسبة 87% من الميّه — يعني كل نقطة بيوصلها لطفلك محتاجة من جسمك تروية كفاية 💡
علشان كده:
✅ اشربي مياه علي اد ما تروى عطشك ما توصليش لمرحلة العطش (مية، عصاير طبيعية، شوربة، فواكه فيها ميّه)
✅ اشربي كل مرة ترضّعي فيها
✅ راقبي لون البول (لو غامق → محتاجة تشربي أكتر)

وخدي بالك 🚨
شرب كميات زيادة عن اللزوم مش دايمًا مفيد .

جسمك في الصيف بيطلب اهتمام أكتر علشان يقدر يكمّل مهمته الصعبة 🙏 واحنا معاكي في أي وقت لأي استفسار ^^

04/08/2025

يا دكتورة ابني بيرضع طول الوقت.. هو كده مش شبعان ⁉️

السؤال ده بنسمعه من أغلب الأمهات في أول شهور الرضاعة
بس الحقيقة إن في أسباب كتير ممكن تخلّي الطفل يرضع لفترات طويلة:

🔹 وضعية الرضاعة
لو وضع الطفل مش مظبوط (مش مواجه للصدر أو مش مسنود كويس)، ممكن يواجه صعوبة في البلع وبالتالي يرضع ببطء أو يسيب ويرجع تاني.

🔹 الالتقام السطحى او الغير العميق
الالتقام العميق بيساعد الطفل يرضع كمية أكبر من اللبن في وقت أقل وده بيساعده يشبع أسرع ويستقر لفترة أطول.

🔹 طفرة نمو
بيحتاج فيها يرضع أكتر من العادي وبتبقى تقريبًا لمدة أسبوع مش أكتر

🔹 الرضاعة مش بس أكل
الطفل بيلاقي في حضنك أمان ودفء وهدوء .. مش بس لبن
وده جزء أساسي من احتياجاته في الشهور الأولى 🫂

لو الرضاعة مش ماشية زي ما كنتي متوقعة .. احنا هنا علشان نسمعك 🩷
ومع د. رباب رفعت – أخصائي الأطفال واستشاري الرضاعة الطبيعية – هتلاقي المعلومة الصح والدعم اللي يطمنك من أول الطريق ^^

03/08/2025

لكل أم بتواجه صعوبة في الرضاعة الطبيعية 💔

لو الرضاعة بتسببلك ألم أو مش فاهمة ليه مش ماشية بسلاسة 🤷 يبقى البوست ده علشانك

الرضاعة مش المفروض تكون مؤلمة ❌
ولو في وجع مستمر يبقى في سبب لازم يتعالج زي:
🔸 وضعية أو التقام مش سليم
🔸 التهابات أو فطريات
🔸 لسان مربوط
🔸 أو حتى احتقان شديد في الثدي

لو بتسألي .. معانا هتعرفي ✅
إدي لنفسك وقت وخليكي فاهمة إنك مش مطالبة تستحملي الألم .. انتي مهم تفهمي جسمك وتلاقي المساعدة الفعلية

شاركينا مشاعرك حتى لو مش ناوية تحجزي.
صفحتنا دايمًا مفتوحة ليكي 🩷

02/08/2025

هل في ام لبنها خفيف وام لبنها تقيل ؟
تعالي نكشف الحقيقة 👀

اللبن بيختلف في الرضعة الواحدة

🍶 أولها: لبن خفيف فيه مايه وسكر بيروي عطش الطفل
🥛 آخرها: لبن غني بالدهون والبروتينات اللي بتساعده ينمو ويكبر

المشكلة مش في اللبن… المشكلة في طريقة الرضاعة
لو الطفل بيرضع دقايق قليلة من كل ناحية، هيفضل ياخد السوائل بس، ومش يوصل للجزء المغذي.

مافيش حاجة اسمها لبن خفيف
فيه أم محتاجة تتعلم الالتقام العميق وتتاكد ان الطفل بيفرغ الثدى وياخد اخر اللبن المليان بالمغذيات
تابعينا علشان تعرفي إزاي تضمني إن ابنك بياخد وجبته كاملة

01/08/2025

لبن السرسوب دا مش مجرد لبن… دا ذهب سائل 👶✨

"اللبأ" أو "Colostrum" هو أول حاجة بينتجها جسمك بعد الولادة
رغم إنه بيكون كمية قليلة جدًا (5-7 مل في الرضعة) لكنه مليان بالأجسام المضادة والمغذيات اللي بتحمي طفلك من:

✔️ العدوى
✔️ الالتهابات
✔️ مشاكل الهضم
✔️ ضعف المناعة

وده غير إنه بيشجّع أول عملية إخراج للبيبي، وبيهيّأ معدته الصغيرة للرضاعة الكاملة.

ما تستهونيش بأول نقطة… لأنها ممكن تحمي طفلك مدى الحياة 🛡️
لو عندك أي سؤال عن الرضاعة في أول يوم، اكتبيه في كومنت أو ابعتيه في رسالة

31/07/2025

الرضاعة الطبيعية رحلة ممتعة بين الام وابنها
وفي اسبوع الرضاعة الطبيعي من اول اغسطس هيبدا معانا اسبوع كامل من التوعية والدعم لكل ام حامل او مرضع وبتواجه صعوبات فالرضاعة ولسه حاسة الطريق صعب

📆 استعدي لـ
✅ معلومة يومية بلغة بسيطة
✅ تصحيح أكبر المفاهيم الخاطئة
✅ دعم نفسي وعلمي من د. رباب
✅ ونصائح هتغيّر علاقتك بالرضاعة من أول لحظة

اعملي "متابعة" للصفحة علشان توصلك كل حاجة أول بأول
وافتحي إشعاراتك من دلوقتي… علشان أسبوع "رضاعة صح.. بداية صح" مش هيتكرر 💌

07/07/2025

قصر القامة فالاطفال
احمى ابنك من التنمر
مهم جدا لو عندك طفل حاسة انه قصير عن اللي في سنه اكشفي واطمنى
بلاش النصيحة بتاعت استنى لما يكبر ويطول لوحده
لانه لو عدى سن البلوغ للاسف بتبقي فرصته ضعيفة جدا او منعدمه انه يتعالج 😔
ايه هى اسباب قصر القامة🤔:
🔹 سوء التغذية ونقص العناصر الغذائية مثل نقص فيتامين د والزنك والحديد
🔹اسباب وراثية لقصر القامة في العيلة
🔹اسباب نفسية : الطفل اللي بيعانى من مشاكل نفسية وعدم استقرار للاسف بياثر علي طوله
🔹اسباب هرمونية : نقص هرمون النمو او مشاكل فالغدة الدرقية
كل ما تبداى بدرى في اكتشاف سبب قصر القامة لطفلك كل ما كانت فرصته افضل في العلاج
دكتورة رباب رفعت فهمى
اخصائي طب الاطفال والمبتسرين
والتغذية العلاجية للاطفال
استشارى رضاعة طبيعي
عيادات الحسن والحسين
طريق نادى البحر اعلي صيدلية الحسن والحسين فرع حوض عشرة
للحجز 015015019310

04/07/2025

فوائد الرضاعة الطبيعية للام 🤱🏻
كتير من الامهات المرضعات بتبقي مهتمة بالرضاعة الطبيعية عشان فوائدها للطفل 👶🏻
وبتنسي ان الرضاعة مفيدة ليها هى كمان 🤗🤗

❣️في فوايد لحظيه للام❣️ :

🔹 بتقلل النزيف وتساعد الرحم. يرجع لوضعه الطبيعي
🔹 الإشباع العاطفي للام وتقليل فرص حدوث اكتئاب ما بعد الولادة 👩🏻‍🦰
🔹 تقوية الرابطة العاطفية bonding بين الام وابنها🤱🏻
🔹استعادة وزن ما قبل الولادة

❣️فوائدبعيدة المدى للام ❣️:

🔹حماية من سرطان الثدى والمبيض :
كل ما زادت فترة الرضاعة كل ما اخدت حماية اكتر
كل ما رضعت عدد اكبر من الاطفال كل ما اخدت حماية اكتر

د / رباب رفعت فهمى
استشارى دولي رضاعة طبيعية
اخصائي طب الاطفال والمبتسرين والتغذية العلاجية للاطفال
عيادات الحسن والحسين بقنا
01501519310

23/06/2025

كامب صيفي مختلف… لطفلك مستقبل بيتبني من دلوقتي! ✨🌞 لو كنتي لسه بتفكري،

فدي ممكن تكون بداية مميزة لطفلك💪
بنشتغل على حاجات بتكبر معاهم
في مركز ايادي الصيف مش بس لعب ووقت بيتقتل…
الصيف فرصة نكتشف مهارات طفلك ونقويها، ونأسسه صح قبل السنة الجديدة! 💪🎯

📌 لو بتدوري على مكان:
✅ آمن
✅ تعليمي
✅ مليان أنشطة حقيقية تطور طفلك
يبقى الكامب الصيفي في ايادي هو اختيارك الصح 👌
الكامب من عمر 4:10 سنوات
يومين في الأسبوع كلهم متعة وتعليم

👧👦 إيه اللي مستني طفلك في الكامب؟

🧠مهارات عقلية حنشتغل على (الذاكرة -الانتباه والتركيز )

💎مهارات نفسية واجتماعية ( بناء شخصية قوية)

🏃‍♂️ ألعاب حركية وجماعية

🎭 مسرح تفاعلي وحكايات شيقة ( قصص سلوكية )

🪆تعديل السلوك عن طريق السيكودراما

🎁 عرض افتتاحي ناري 🔥:
يلا بسرعه علشان تلحقوا العدد محدود 🚴
اوعوا تنسوا تسألوا عن العروض والخصومات 💃

🌀الأماكن محدودة جدًا!

📍 العنوان: قنا -جسر الجميل - بجوار مركز اتصالات -اللواء الإسلامي الدور الثاني - بجوار صيدلية ام النور
📞 للتفاصيل أو الحجز: 01067747742 -01022778585

🔴في مركز ايااادي
بنربي أبطال… مش بس بنعدي الوقت!

10/04/2025

💡 مش أي فطار يدي طفلك الطاقة والصحة، لازم يكون متوازن ويحتوي على كل العناصر الغذائية الأساسية.

🥚 البروتينات: البيض، الفول، الجبن، الزبادي
🥦 الخضروات: الخيار، الجرجير، الجزر
🥖 النشويات الصحية: خبز أسمر، بطاطا مشوية
🥑 الدهون المفيدة: زيت زيتون، مكسرات، زبدة فول سوداني
🍎 الفواكه: تمر، موز، تفاح

✨ لو عندك أي استفسار عن تغذية طفلك، استشيري د. رباب رفعت فهمي – أخصائية طب الأطفال وحديثي الولادة والتغذية العلاجية.

📌 العنوان: عيادات الحسن والحسين - طريق نادي البحر
📞 رقم التليفون: 01501519310

08/04/2025

🥄 "ماما أنا مش جعان!" رغم إن الأكل قدامه، لكنه بيرفض! المشكلة مش دايمًا في الشهية، أحيانًا في طريقة التقديم.

🔹 غيري شكل الأكل
➡️ استخدمي قوالب تزيين، قدميه في أطباق صغيرة ملونة، أو اعملي وجبات على شكل شخصيات كرتونية.

🔹 خليه يشارك في التحضير
➡️ الأطفال بيحبوا يجربوا اللي بيعملوه بنفسهم، خليه يساعدك في المطبخ.

🔹 قدمي كميات صغيرة في الأول
➡️ الأطباق الكبيرة ممكن تحسس الطفل إنه لازم ياكل كتير، فابدئي بكميات قليلة.

🔹 قللي التشتت وقت الأكل
➡️ التليفزيون والموبايل بيخلوه مشغول، حاولي تخليه ياكل في جو هادي.

✨ لو عندك أي استفسار عن تغذية طفلك، استشيري د. رباب رفعت فهمي – أخصائية طب الأطفال وحديثي الولادة والتغذية العلاجية.

📌 العنوان: عيادات الحسن والحسين - طريق نادي البحر
📞 رقم التليفون: 01501519310

Address

عيادات الحسن والحسين/اول طريق نادي البحر
Qina

Opening Hours

Monday	1pm - 3pm
	8pm - 10pm
Tuesday	1pm - 3pm
	8pm - 10pm
Wednesday	1pm - 3pm
	8pm - 10pm
Thursday	1pm - 3pm
Saturday	1pm - 3pm
	8pm - 10pm
Sunday	1pm - 3pm
	8pm - 10pm

Telephone

+201501519310

Website

facebook.com

Alerts

Be the first to know and let us send you an email when د/ رباب رفعت فهمى posts news and promotions. Your email address will not be used for any other purpose, and you can unsubscribe at any time.