عيادة د/رحاب صلاح وهب لطب الأطفال وحديثي الولادة

06/09/2025

الدعاء ده بيتملكني قبل الكشف على كل حالة:

"اللهم إن يدك سابقة ولاحقة ومحيطة بيدي فاجعل الشفاء يجري عليها
اللهم لا تؤاخذه بذنبي ولا تؤاخذني بذنب أحدٍ من ذويه
اللهم أصلح ما بين أيدينا"

الله ودود جميل

03/09/2025

23/08/2025

كنا اتكلمنا قبل كدة عن قصر القامة 📈
وإنه أد إيه منتشر 🙁
واتكلمنا في التشخيص ✅
بس ملاحظة مهمة لازم ننوه عنها في بوست منفصل

هرمووووون النمو 👍🏻👍🏻👍🏻👍🏻

المسؤول عن نمو وطول الطفل
ليه شرطين عشان يشتغل:
١-الطفل يكون نايم😴
٢-بيتفرز بالليل 🛏️

عشان كدة عندنا قاعدة ⬅️
أغلب الأطفال اللي بتسهر بتقصر😅

عاوزة ابنك أو بنتك يبقي طويل ومحدش يضايقه ويتنمر عليه في المدرسة 🙄
نيميهم بدرررررري يا فوزية 😅
مش بعد تسعة مساءاً 🕘

وربنا يحفظ أطفالكم جميعاً 🌷

23/08/2025

جماعه لو حد مات و مش بيصلي، ازاي اعوضله الصلاه دي؟

سؤال مرعب زي مانتوا شايفين كدة

وللأسف الاجابة هتكون قاسية جدا
وان مينفعش حد يقضي صلاه ل حد متوفي

و ان الصلاه هي الميثاق بينك وبين ربنا ف لو روحت من غيرها ف مصيرك صعب

يا جماعه الله يرضي عليكوا
الصلاه مش رفاهية او حاجة تعملها لما تبقي قادر او ان شاء الله هبقي اتوب بعدين واصلي

تعبان حزين مبسوط عندك شغل عندك بلا ازرق
فيه خمس فروض انت مجبر و مطالب بيهم يوميا
و لازم الاولوية تكون ليهم فوق شغلك وفوق اهلك وفوق اي حاجة

بتعمل ذنوب معينة وحاسس انك هتبقي منافق
لا ياسيدي مش هتبقي منافق ولا حاجة

و ادعي ربنا يتوب عليك من ذنوبك وانت بتصلي

انما الصلاه مفهاش هزار ولا تهاون والله
مصيرنا صعب لو روحنا ف اي وقت لربنا واحنا مش بنصلي او بنقطع ف الصلاه

اي حد يعز عليك امره مش بيصلي حاول تنصحه قبل فوات الأوان

الحق نفسك قبل ماتقول ياليتني 😞

19/08/2025

النـــــوم سلطان 🥰😍

بمناسبة الإجازة والعيال السهراااانة 🧐🧐

ليه النوم مهم للأطفال 🤔❕
🔴 لأن لما طفلنا بينام بالليل هرمون النمو بيتفرز وقت النوم🙇🏻‍♂️
🟠النوم مهم جداً للعقل وللذاكرة والتذكر وبيعمل حاجة إسمها توطيد للذاكرة(Memory consolidation).😎
🟡النوم بيحسن مناعة الأطفال ووقت النوم بيفرز الجسم أجسام مناعية 😷
🟢النوم بيخلي الطفل سعيد _حرفياً_😊 النوم الكويس بيحسن من مود الطفل كتير.
🟣النوم مهم لنمو الجسم وبيساعد علي تجديد الخلايا ✨

علي العكس بقي حرمان الطفل من النوم والسهر للأطفال ليه أخطار كتيرة :
_والفرجة علي الموبايل والتابلت بالليل (ساامعااني يا أم بودو😂 )_
🟤مناعة أضعف
⚫توتر وإكتئاب الطفل😢
⚪عدوانية وعنف
⚫نقص تركيز👀
⚪زيادة في الوزن
🟤بيكون عرضة لإرتفاع الضغط والسكري أكتر من غيرهم😥

يبقي إزاي نساعد أطفالنا لنوم مبكر وبيئة نوم أحسن 🖊🖊🖊
🔸مهم الطفل يلعب رياضة بالنهار✔
🔹نطفي الأنوار في البيت كله ونهدي الإضاءة
🔸نمنع موبايل وتليفزيون ساعة قبل النوم📱
🔹يا سلام لو ناخد دش دافي قبل النوم🚿🛁
🔸ونغسل أسناننا طبعاً 😄😄
🔹الطفل يتعود يصحي بدري عشان يعرف ينام بدري😍

طيب طفلي المفروض ينام كام ساعة ؟؟
هقولك علي حسب سنه 👍
الجدول ده بيوضح عدد ساعات النوم حسب عمر الطفل من الأكاديمية الأمريكية لطب الأطفال 🤩

حفظ الله أطفالك جميعاً 💕🌹

د. رحاب صلاح وهب
أخصائي الأطفال وحديثي الولادة وعناية مركزة أطفال

17/08/2025

14/08/2025

‏نشرت الأم هذه الصورة وكتبت عليها:"يبدو أن الأخت تعلقت بأخيها مبكرا" ❤

12/08/2025

لو عندك بيبي رضيع ولقيتي لون بينك -اورانج -احمر فاتح في البامبرز في الجو الحر ده .. متقلقيش ☺️

مع الجو الحر العرق بيزيد والبول بيصبح مركز.. وتظهر فيه أملاح حمض اليوريك "urate crystals"
👍🏻👍🏻

لونها بيكون قريب من اللون البمبي عشان كدا سموها (متلازمة الحفاض البمبي😅)
pink diaper syndrome..

المهم تكوني عارفة انها حاجة مفيش منها قلق خالص..
نرضع البيبي كويس وناخد بالنا من تهوية المكان اللي قاعدين فيه 🤒
ونخففله عدد القطع لو كنا مكلفتينه 🫢

د رحاب صلاح وهب
أخصائي طب الأطفال وحديثي الولادة

12/08/2025

احمِ نفسك من الشمس وانخفاض الضغط: دليلك للوقاية خلال الصيف🚨🚨🚨🫡🫡

مع ارتفاع درجات الحرارة والتعرض لأشعة الشمس، تزداد فرص الإصابة بانخفاض ضغط الدم والجفاف، خاصةً لدى النساء. إليك أهم النصائح للوقاية:

1. تجنّب الشمس في أوقات الذروة:
من الساعة 10 صباحًا إلى 4 مساءً، تكون الأشعة فوق البنفسجية في ذروتها. ابقِ في الظل أو الأماكن المكيفة قدر الإمكان.

2. ارتدِ الملابس المناسبة:
اختَر ملابس قطنية، فضفاضة، وفاتحة اللون. القبعات الواسعة والنظارات الشمسية تقيك من الأشعة الضارة.

3. اشرب سوائل كفاية:
اشرب من 2.5 إلى 3 لترات من الماء يوميًا، ويمكن زيادة الكمية مع التعرق. أضيفي رشة ملح خفيفة (في حال عدم وجود مشاكل ضغط مرتفع) لتعويض الأملاح المفقودة.

4. التغذية السليمة مهمة:
احرص على تناول وجبات خفيفة غنية بالبوتاسيوم (مثل الموز) والمغنيسيوم (كالسبانخ) للمساعدة في ضبط ضغط الدم.

5. الحذر من انخفاض الضغط لدى الإناث:
النساء أكثر عرضة لانخفاض الضغط بسبب التغيرات الهرمونية وفقدان السوائل. الدوخة، الإعياء، أو الإغماء علامات يجب عدم تجاهلها.
الحل؟ راحة فورية، رفع القدمين، وتناول سوائل غنية بالأملاح الطبيعية.

6. التثقيف الصحي للجميع:

الأطفال: شجّعوهم على اللعب في الظل وشرب الماء بانتظام.

كبار السن: تأكّد من ترطيبهم المستمر، فهم أقل شعورًا بالعطش.

المرضى: خصوصًا مرضى الضغط أو القلب، راجع طبيبك لضبط الجرعات خلال الصيف.

تذكّر:
الوقاية خير من العلاج. تعرّضك المستمر للشمس دون وقاية قد يؤدي لمشاكل صحية مزمنة، أبرزها ضربة الشمس أو هبوط حاد في الضغط.

🫀🫡

المراجع:

Mayo Clinic (2024): Heat exhaustion and dehydration

WHO Guidelines on Sun Exposure (2023)

American Heart Association: Low Blood Pressure (2024)

11/08/2025

بتسأل كتير علي أعراض التسنين عند الأطفال 🦷وطرق تخفيف ألم التسنين 🥺

بنعرف إن الطفل بيسنن لما بنلاقي⬅️

🔻تورم في اللثة واحمرار
🔻زيادة في اللعاب وريالة
🔻الطفل بيعضعض في أي حاجة قدامه
🔻الطفل متضايق طول الوقت وبيعيط
🔻قلة نوم أو نوم متقطع عن الطبيعي
🔻هرش في الأذن
🔻حرارة بسيطة متعديش ٣٨ درجة

إزاي أقدر اخفف علي طفلي ألم التسنين ؟!👶

✅خلينا بس عارفين إن عملية التسنين ممكن تاخد وقت والوقت ده بيختلف من طفل للتاني ..فلازم نتعلم الصبر 😌

بداية التسنين عادة بيحصل عند عمر خمس شهور 5️⃣

نعمل إيه لما نلاقي الأعراض دي ونتأكد إنها أعراض تسنين🦷:

💡تدليك اللثة بلطف مكان الألم باليد أو بقطعة شاش مبلولة 😩

💡نستخدم عضاضة وأحسنهم عضاضة الفواكة وبننصح الأمهات كمان يحطوها في التلاجة قبل مانديها للطفل👶

💡نتجنب أي طعام صلب لو الطفل كبير ونخلي تركيزنا علي الرضاعة والطعام اللين🤱🍼

💡ممكن نحتاج في بعض الأطفال نضيف مسكنات للألم زي السيتال أو جيل موضعي ولازم نرجع للطبيب عشان مش كل الأنواع تنفع للأطفال 👍🏻

💡مهم جدا ً نتأكد من نظافة ايدينا أو العضاضة أو أي شيء بندخله جوة فم الطفل 👶

حفظ الله أطفالكم جميعاً 💐

د رحاب صلاح وهب
أخصائي الأطفال وحديثي الولادة وعناية مركزة أطفال

22/06/2025

💎💎💎

مكملين معاكم تحت هاشتاج pediatric pearls لمعلومات أكاديمية أكتر ومفيدة لكل الأطباء في عياداتهم مش أطباء الأطفال بس 🤗

الحمى القرمزية❗️❗️ كلنا بنشوفها في عياداتنا وعارفينها بس لازم نفكركم بيها لأن مضاعفاتها خطيرة ☢️⚠️

💡 سببها هو نوع بكتيريا اسمه Group A beta hemolytic
streptococcus
🧫🧫
💡 لو ما اتعالجتش صح البكتيريا دي ممكن تسبب التهابات في الكلي اللي ممكن تكون خطيرة فيما بعد
💥💥
💡ممكن من مضاعفاتها يحصل التهابات في الأذن الوسطى وفي الجيوب الأنفية
👂🏻
💡الطفح الجلدي بتاعها مميز بيكون عبارة عن نقط صغيرة خالص “sandpaper rash” مع احمرار مميز للخدين وشحوب منطقة ماحول الفم circumoral pallor.
💡كمان بيميزه وجود pastia’s lines في ال cubital fossa 💪🏻في بعض الحالات ..
وفي الآخر ممكن يحصل تقشير في الجلد skin peeling 👈🏻
🧴
💡 طبعاً العلاج بتاعنا مضاد حيوي قوي مع خافض للحرارة بس خلي دايماً في دماغك ال differential diagnosis حاجة خطيرة اسمها
“Kawaski disease”🚫🚫🚫
وده حرارته مش بتستجيب بسهولة مع خافض الحرارة والمضاد الحيوي 💊
وطبعًا ده medical emergency 😢محتاج حجز في المستشفي وIVIG
ونبقي نعمله بوست مفصل لوحده🔍

💡مهم طبعاً عزل الطفل عشان العدوى والتحسن التام بيكون في خلال سبع لعشر أيام 👍🏻


د رحاب صلاح وهب
أخصائي طب الاطفال وحديثي الولادة وعناية مركزة اطفال

10/06/2025

⚠️⚠️⚠️
ممنوع منعا باتا عمل جلسات الاستنشاق بأي نوع من أنواع المية بما فيها المياة المقطرة المعدة لتفكيك بودر الحقن أو الأدوية ...
❌❌❌
السبب باختصار إن الميه في الجلسات بتزود ضيق الشعب الهوائية🧨

الجلسات تتعمل بمحلول الملح أي كانت نسبة تركيزه✅
يعني الشائع استعمال محلول الملح تركيز 0.9% ... و لو محلول الملح مش متوفر - لأي سبب- ممكن نستخدم نقط محلول الملح واللي فيه منها بنفس تركيز ال 0.9% زي نقط سالينكس salinex
او نقط محلول ماء البحر زي نقط يونيمير unimer و physiomer👍🏻