26/07/2025
المانجة للحامل؟
دي مش فاكهة، دي مكمل غذائي طبيعي بطعم الجنة!
خدي عندك شوية معلومات حلوة زي المانجة بس مفيدة:
⸻
🍋 1. مصدر فيتامينات ولا كأنها صيدلية متنقلة:
المانجة فيها فيتامين A و C و E… يعني لو الحامل كلت مانجة، الجنين هيطلع بصره 6/6، ومناعته زي الحديد، وشعره ناعم أكتر من إعلانات الشامبو.
⸻
🧠 2. بتظبط المزاج وتخلي الحامل عاقلة شويه (نظريًا 🤪):
الحمل بيقلب المود؟ مانجة واحدة كفيلة تخلي الحامل منفعلة بـ”حب مش توتر”، ومن “سيبوني لوحدي” لـ”تعالوا نحضن بعض”.
⸻
🚽 3. ملينة بس شيك:
يعني مش زي البرقوق، المانجة بتساعد على الهضم ومن غير ما تفضحك. تاكليها وتكملي اليوم بشياكة، ومحدش هياخد باله إنها “مصلحة داخلية”.
⸻
🧃 4. بتمنع الأنيميا بشكل لذيذ:
حديد في المانجة؟ آه موجود، يعني الجنين مش هيطلع ضعيف ولا الحامل هتبقى دايخة. يعني نكسب طعم وفايدة في نفس الوقت… صفقة رابحة!
⸻
📸 5. المانجة بتحلي البشرة:
تأثير المانجة على الحوامل: بشرة منوّرة ووش مشرق
⸻
⚠️ لكن خلي بالك!
مش هناكل قفص مانجة كل يوم
يعني كفاية واحدة او اتنين 😃
ومتنسيش تعرفينا في الكومنتات ايه اكتر نوع مانجة بتحبيه 🤣
