06/03/2023
إبنك الرضيع بيرجع وعنده انتفاخ على طول .. هل دا طبيعى ولا لازم نقلق ؟😲
استكمالا لسلسلة حديثى الولادة من الرأس للقدمين 👇
#البطن
📍الانتفاخ ودا اشهرهم:
الام عليها عاملان ....☝️اكلها: تبعد عن المسبك والموالح والكافيين والشيكولا والمياة الغازية
☝واسلوبها في الرضاعه : وضعها ٩٠ درجة ووضع الطفل ٤٥ درجه وبلاش رضاعه عمال علي بطال ...اقلها ساعه واقصاها كل ٣ ساعات
مش كل طفل بيبكي يبقي جعان 😢
الطفل: مساج للبطن ..وسايمثيكون واخواته
📍السره
- الكحول ٧٠٪ رش مع التهويه والطفل ياخد شور 🚿عادي والله ...ونخلي بالنا ان البامبرز يكون تحت الحبل السري علشان الطفل لو عمل حمام ميوصلش ليه....ومفيش اي مشكله لو اخدت وقت موقعتش ,, معاك ل ٨ اسابيع,,,,ونزول نقط دم من السره مع بعض الاطفال شيء طبيعي جدا في اول شهر اضطراب هرموني وبيروح لحاله👉.
- الفتق السري: ضعف في جزء عضلي في البطن ومفيش منه قلق وبيتحسن تلقائى بدوان حزام سُري ولا لزقه ولا كلام فاضي بل بالعكس استخدام الحاجات دي بتزود المغص عند الطفل وبتساعد في حدوث قيء ومغص..
التحسن بيكون من ٦ شهور لسنه....والتدخل الجراحي بعد سنة لو كانت لسه موجوده اساسا 👍
-ورم السرة الحُبيبي:وده جزء لحمي بيفضل بعد ماالحبل يقع وممكن يكون معاها افرازات صفرا ودي بتحتاج لمضاد حيوي موضعي مع الكحول ولازم متابعة مع دكتور
📍زيادة عدد مرات استول في اول فتره عادي جدا طالما بيرضع وبيزيد في الوزن ...مش اسهال وربنا 😁
📍الترجيع: لو بيرجع وبيزيد في الوزن ..يبقي ارتجاع فسيولوجي او رضاعه زايده..نظمي الرضاعه وكرعي الطفل كويس وتابعي الوزن لو بيزيد يبقي تمام وغيري هدومه كل شويه 😕....
📍الامساك : في اول حياة الطفل مفيش قلق ودا بنسميه (امساك وظيفي) ليه علاقه وطيده بأكل الام لو بترضع طبيعي فظبطي اكلك زي ماقولنا فوق في الانتفاخ ...ولو صناعي ممكن نغير نوع اللبن ونجيب الاخف في السكر... وعليكي وعلي تمارين الامساك مع تظبيط اكلك ...وبلاش جليسرين لبوس غير بعد ٤ ايام ع الاقل بدون حمام مع المساج للبطن...استمر الامساك !! لازم استشارة دكتور
منطقه الحفاض
🙏التهاب الحفاض : لازم تغير الحفاض باستمرار ووضع كريم خاص بالالتهاب تحت اشراف الطبيب
✔️الطهاره : من اول يوم وحتي الاربعين ودا افضل وقت ليها
✔️الميه علي الخصيه؛ لازم متابعة طبيب
