عيادة د/رحاب صلاح وهب لطب الأطفال وحديثي الولادة

22/06/2025

💎💎💎

مكملين معاكم تحت هاشتاج pediatric pearls لمعلومات أكاديمية أكتر ومفيدة لكل الأطباء في عياداتهم مش أطباء الأطفال بس 🤗

الحمى القرمزية❗️❗️ كلنا بنشوفها في عياداتنا وعارفينها بس لازم نفكركم بيها لأن مضاعفاتها خطيرة ☢️⚠️

💡 سببها هو نوع بكتيريا اسمه Group A beta hemolytic
streptococcus
🧫🧫
💡 لو ما اتعالجتش صح البكتيريا دي ممكن تسبب التهابات في الكلي اللي ممكن تكون خطيرة فيما بعد
💥💥
💡ممكن من مضاعفاتها يحصل التهابات في الأذن الوسطى وفي الجيوب الأنفية
👂🏻
💡الطفح الجلدي بتاعها مميز بيكون عبارة عن نقط صغيرة خالص “sandpaper rash” مع احمرار مميز للخدين وشحوب منطقة ماحول الفم circumoral pallor.
💡كمان بيميزه وجود pastia’s lines في ال cubital fossa 💪🏻في بعض الحالات ..
وفي الآخر ممكن يحصل تقشير في الجلد skin peeling 👈🏻
🧴
💡 طبعاً العلاج بتاعنا مضاد حيوي قوي مع خافض للحرارة بس خلي دايماً في دماغك ال differential diagnosis حاجة خطيرة اسمها
“Kawaski disease”🚫🚫🚫
وده حرارته مش بتستجيب بسهولة مع خافض الحرارة والمضاد الحيوي 💊
وطبعًا ده medical emergency 😢محتاج حجز في المستشفي وIVIG
ونبقي نعمله بوست مفصل لوحده🔍

💡مهم طبعاً عزل الطفل عشان العدوى والتحسن التام بيكون في خلال سبع لعشر أيام 👍🏻


د رحاب صلاح وهب
أخصائي طب الاطفال وحديثي الولادة وعناية مركزة اطفال

10/06/2025

⚠️⚠️⚠️
ممنوع منعا باتا عمل جلسات الاستنشاق بأي نوع من أنواع المية بما فيها المياة المقطرة المعدة لتفكيك بودر الحقن أو الأدوية ...
❌❌❌
السبب باختصار إن الميه في الجلسات بتزود ضيق الشعب الهوائية🧨

الجلسات تتعمل بمحلول الملح أي كانت نسبة تركيزه✅
يعني الشائع استعمال محلول الملح تركيز 0.9% ... و لو محلول الملح مش متوفر - لأي سبب- ممكن نستخدم نقط محلول الملح واللي فيه منها بنفس تركيز ال 0.9% زي نقط سالينكس salinex
او نقط محلول ماء البحر زي نقط يونيمير unimer و physiomer👍🏻

31/05/2025

أبنى على طول دافىء وأقيس ألاقى الحرارة طبيعية!!!

“ليه راس الطفل بتحس إنها دافية أكتر من باقي جسمه؟”

ده بيحصل لأن الأطفال مختلفين عننا شوية ودى الأسباب:

1. زيادة تدفّق الدم في الرأس

رأس الطفل بيكون فيه تدفّق دموي عالي لأن المخ بيستهلك كمية كبيرة من الأكسجين والطاقة فى مرحلة النمو، فبالتالي بيحتاج دم أكتر، وده بيخلي حرارة الرأس أعلى شوية من باقي الجسم.

2. نسبة حجم الرأس للجسم

رأس الطفل الرضيع كبيرة نسبياً مقارنة بجسمه (ممكن توصل لـ25% من الطول)، فده بيخليها مصدر أساسي لفقد أو اكتساب الحرارة.

3. قلة الشعر وضعف العزل

رأس الطفل غالبًا بيكون فيها شعر خفيف، فده بيخلي الإحساس بسخونة الجلد واضح أكتر لما تلمسيها.

4. الحرارة الطبيعية للجسم بتتوزع

الحرارة مش متوزعة بالتساوي في الجسم. الأطراف (زي اليدين والرجلين) بيكونوا أبرد لأن الدورة الدموية فيهم أضعف نسبيًا، خاصة في الجو البارد.

03/05/2025

بوست خاص بحديثي الولادة
اللي كانوا محجوزين في الحضَانة لأي سبب..👶👶
بنخرج من الحضَانة معانا كارت فيه التشخيص والتحاليل والعلاج
اللي تم أخذه في وحدة الحضانات في المستشفي ..🛋🚪🧪🗒
والكارت ده مهم جداً يبقي معانا في أي زيارة متابعة
عند أي طبيب أطفال بعد كدة ..
بننبه علي كذا حاجة ..🔎🔎

أولا لازم نفحص الطفل فحص دوري بعد ثلاثة أيام بعد الخروج
وعند عمر أسبوعين وعند عمر شهر.👩‍🔬

تاني نقطة بالذات للطفل المبتسر 👍
أو الطفل اللي حصله نزيف داخل المخ (Intravenericular hemorrage) والطفل اللي حصله مشاكل تنفسية أو أنيميا مفاجأة 😟
أو تسمم دموي أو حصله تشنجات لازم نعمله
سونار على الرأس (Transcranial Ultrasound)👨‍⚕️🧠
ولو فيه مشكلة بنحتاج نتابعه وممكن نعيده أكثر من مرة.🧐

تالت نقطة فحص قاع العين أو (Fundus Examination) 👀
من الفحوصات المهمة جداًاًاً عشان نشخص حاجة خطيرة اسمها اعتلال الشبكية في المبتسرين (Retinopathy of prematurity) 😢
لاستبعاد مضاعفات الأكسجين الزايد خصوصا للمبسترين المولودين قبل التامن وبنعمله عند عمر أربع لست أسابيع من عمر الطفل.👶
ولو في مشكلة بنتوجه لطبيب رمد أطفال ونتابع ممكن إسبوعيا أو حسب شدة المشكلة.🤯

رابعاً فحص السمع 👍
بيتعمل الحمد لله دلوقتي في خلال 28 يوم لكل الأطفال تبع وزارة الصحة
وهو طبعاً مهم جداً لأي طفل دخل الحضانة لاستبعاد مضاعفات العلاج.👂

نقطة أخيرة 👩‍⚕️
تطعيم ڤيروس الكبدي ب (Hepatitis B vaccine)💉
كل المواليد بتاخده أول يوم .. لكن المولود اللي اتحجز في الحضانة
لو وزنه 2 كيلوجرام أو أكثر وحالته غير مستقرة يؤجل حتى استقرار حالته..
إنما لو وزنه أصغر من 2 كيلوجرام بنطعمه عند الخروج من المحضن أو عند عمر شهر.

دي بعض المعلومات اللي بننبه الأهل عليها عند الخروج من الحضانة 🩺

حفظ الله أطفالكم جميعاً🥰🌷

01/05/2025

😅

"ابني عنده إمساك "
شكوي متكررة جداً بنسمعها كل يوم في العيادة👩🏼‍⚕️
من فضل الله إن ٩٠٪؜ من أسباب الإمساك وظيفية
و١٠٪؜ فقط هي اللي بتبقي فيها مشكلة عضوية في الأمعاء👍🏻

علامات خطورة الإمساك🚨🚨🚨

1️⃣إمساك في حديثي الولادة خصوصاً لو الطفل قعد أكتر من يومين بعد الولادة ميعديش البراز الأخضر اللي في الأول
2️⃣ترجيع مستمر أو ترجيع أخضر اللون 😓
3️⃣وجود دم في البراز 🩸
4️⃣ failure to grow ضعف في النمو
5️⃣ضعف في الرضاعة
6️⃣ ضعف عام في العضلات hypotonia
7️⃣ أي مشكلة في الفحص العصبي للطفل
8️⃣ عيب خلقي في الحبل الشوكي أو الفقرات 😓

بعد استبعاد الأسباب العضوية وعلامات الخطورة دي 🚨🚨
بنتجه لتشخيص سبب الإمساك الوظيفي 🔎🔎🔎:

🟡 متلازمة القولون العصبي Irritable bowel syndrome وتأتي في نوبات من الإمساك و/أو الإسهال وألم البطن 🚶🏻

🔵 نظام التغذية السيء النشويات الكتير 🥖🍞🍟 وقلة الخضروات والفاكهة في وجبات الطفل 🍐🍎🥒🥬

🟠 عدم تناول كمية كافية من الماء والسوائل 💧💧

🔴الطفل اللي مش بيروح الحمّام لفترات طويلة وبيمسك نفسه خصوصاً في المدرسة أوالحضانة ومع بداية تمرين البوتي 🚽

🟣 الطفل اللي مش بيمارس رياضة يومية وحركته قليلة 🩼😅

عشان كدة بنقعد مع الأهل ناخد تاريخ مفصل من يوم ما اتولد عمل براز امتي وأكله إيه وحركته إيه 🔎🔎🔎
وكمان لازم نعمل فحص كامل وفحص عصبي نتطمن إن مفيش سبب عضوي 🧐
ولو شكينا في وجود حاجة عضوية بنوجهلها الفحص أو التحليل🧪🔬

طيب لو الدنيا تمام والموضوع وظيفي فقط 🧐
يبقي نحسن الوظيفة بتاعة الأمعاء 👍🏻

ازاي بقي 🤔

العلاج بيبقي علي خمس محاور 1️⃣2️⃣3️⃣4️⃣5️⃣

🟪تغيير نمط الحياة:
يعني الطفل لازم يمارس رياضة وياكل أكل فيها ألياف ويشرب سوايل ومية بصورة كافية يومياً👍🏻

🟩وضعية التواليت (سوري يعني)😅 :
بنشرح للأهل والطفل الوضعية الصح اللي بتخلي زاوية القولون مظبوطة squatting position

🟥مواعيد التواليت ⏰:
دخول الحمام ضروري بعد كل وجبة وناخد وقت عشان نمرن القولون بمساعدة ال gastrocolic reflex ✅

🟧الأدوية المستعملة :
بنفهم الأهل إن العلاج عايزة طولة بال وصبر😮‍💨
وإن قولون الطفل محتاج مش أقل من تلات شهور علي ميتعود علي العادات الجديدة 🥸
وبنوضح إن في الأول بندي ملينات بجرعة أعلي او بطريقة مزدوجة لبوس وشراب مثلاً 👍🏻
لتنظيف القولون وإخراج البراز المتراكم وبعدين ندي جرعة أقل لفترات طويلة ومع المتابعة نسحبها بالتدريج 👍🏻

🟦آخر خطوة هي علاج الأسباب المصاحبة وهي خطوة ضرورية كتير أطباء بينسوها 🙃:
لازم ندي علاج مسكن موضعي لو في شرخ شرجي
وعلاج للقولون العصبي لو موجود
ونحسن نفسية الطفل ونشجعه لو تمارين البوتي هي اللي مخوفاه مثلاً وهكذا 🥺...

لو طفلك عنده أي مشكلة من دول متلفيش كتير حلها مع د رحاب وهب إن شاء الله ✅

حفظ الله اطفالنا جميعاً 🌺🌺🌺

د رحاب صلاح وهب
أخصائي الأطفال وحديثي الولادة وعناية مركزة أطفال
برج ميجا لاب بجوار البنك الاهلي القديم

01/05/2025

Highly recommended 👌

29/04/2025

خد بالك💥​

المضاد الحيوي مش خافض للحرارة​
❗️❗️❗️

مع دخول فصل الربيع ناس كتير بترتفع حرارتها لأسباب متعددة.​
وعشان كده بنعرفك إن المضاد الحيوي لا يستخدم كخافض للحرارة،
وإن من أكتر صور الاستخدام الخاطئ للمضادات الحيوية اعتبارها أدوية خافضة للحرارة،
وإن دا بيكون له تأثير سيء على الصحة بشكل عام،
وبيؤدي إلى تكون البكتيريا المقاومة للمضادات الحيوية. ​
🧨🧨🧨
💊إيه هي أشهر الاستخدامات الخاطئة للمضادات الحيوية؟​
-التوقف عن تناول المضاد الحيوي بعد تحسن الأعراض، وقبل المدة التي حددها الطبيب.​
-استخدام جرعة أقل أو أكثر مما يجب.​
-استخدام المضاد الحيوي لفترة أطول مما وصفها الطبيب.​
-استخدام المضاد الحيوي بدون الرجوع لمقدم الرعاية.​
-استخدام المضاد الذي وصف لشخص أخر، أو لحالة أخرى قد أصيبت بنفس الأعراض سابقا.​
-تخزين المضاد واستعماله مرة أخرى.​
-استخدام المضاد الحيوي لعلاج عدوى فيروسية​🚫

​وعشان كدة بننصحكم بتجنب الاستخدام الخاطئ للمضادات الحيوية؛ لأنه يؤدي إلى بكتيريا مقاومة للمضادات الحيوية؛ مما يجعل علاج البكتيريا أكثر صعوبة👍🏻👍🏻.

28/04/2025

28/04/2025

معلومة النهاردة
عن قصور الغدة الدرقية أو
congenital hypothyroidism ⚡️

💎معروف إن عينة الكعب بتتعمل اول اسبوع في الولادة لكتير من الامراض الخطيرة منها قصور او كسل الغدة الدرقية👍🏻

💡لو العينة نسبتها مرتفعة المركز الصحي هيتواصل مع الأهل لإبلاغهم بضرورة إعادة التحليل ✍🏻💉

💡وقتها لو عملناه في الدم
“Serum sample”
هنسحب ال TSH✔️
"الهرمون المحفز للغدة الدرقية"
وال free T4✔️
“هرمون الغدة الدرقية"👩🏻‍🔬
وعلي حسب نتايجهم بنقرر وجود الخلل من عدمه 🔬🔻

💡 لو ال tsh طلع فوق ال ٤٠ بنبدأ علاج فوراً

💡لو ال Ft4 طلع قليل عن الطبيعي بنبدأ علاج فوراً

💡 لازم نعمل للبيبي سونار علي الرقبة والغدة الدرقية بعد التشخيص بالتحليل ✍🏻💎

💡العلاج بيكون هرمون الغدة الدرقية وبنحسب الجرعة حسب وزن الطفل
من ١٠-١٥ ميكروجرام لكل كيلو 💎👶🏻

💡 علاج الغدة الدرقية يؤخذ صباحاً علي ريق النوم وممنوع أخذه مع حديد او فيتامينات متعددة او فيتامين دال او كالسيوم او ادوية المعدة ppi ولا يؤخذ مع ال simethicone

💡 متابعة الاستجابة بتكون كل اسبوعين اول تلات شهور
وبعدين كل شهر تاني تلات شهور
وبعدين كل تلات شهور لحد عمر تلات سنين

💡 متابعة الاستجابة بتكون بتحسن الحالة كلينيكياً وبتحليل tsh & Ft4
ولما نيجي نعمله بنأكد علي الأهل ان سحب العينة يكون بعد الجرعة بأربع ساعات أو قبلها

💡ال goal بتاعنا ان Ft4 يكون اعلي حاجة بسيطة من الطبيعي للعمر

💡عند تأكيد تشخيص الغدة الدرقية يجب التأكيد علي الأهل إن علاجها مستمر طوال العمر ويجب الالتزام بيه يوميا في نفس المعاد

قولولنا لو المعلومة كانت مفيدة ليكم 🔍 ولو حابين نتكلم عن موضوع تاني اكتبولنا في الكومنتات 🤗

د رحاب صلاح وهب
أخصائي طب الاطفال وحديثي الولادة وعناية مركزة اطفال

ربنا يحفظ أطفالنا جميعاً 🥰