عيادة الاطفال دكتور محمود صبحي أبوالخير

04/05/2026

️

أهل أشليم الكرام وكل من شرفني في عيادتها من أجوارها
شكرا لكم من القلب❤️❤️
➖➖➖➖➖➖➖➖➖➖➖➖➖➖

بعد 14 سنة من العمل وسطكم، ما بين أطفال كبروا قدامي، وأسر أصبحت جزء من حياتي…

حابب أقول لكم من قلبي: شكرًا 🙏

الفترة دي كانت من أجمل فترات عمري، تعلمت فيها كتير، وكسبت حبكم وثقتكم اللي أعتز بيها جدًا، وكانت دايمًا هي الدافع إني أقدم أفضل ما عندي.

قرار إني أبدأ مرحلة جديدة ماكانش سهل أبدًا… وإني أعتذر عن الإستمرار في عيادة أشليم كان من أصعب القرارات عندي
لكن دي سنة الحياة، والتطور الطبيعي لأي إنسان بيحاول يكبر ويقدم خدمة أفضل.

وأحب أطمنكم ❤️
أنا الحمد لله مستمر معاكم، وقريب منكم دايمًا،
وموجود في عيادة قويسنا جانبكم مكان أوسع وأفضل طول فترة الظهيرة حتى قبيل المغرب علشان أقدر أقدم لكم خدمة أحسن إن شاء الله وكمان مع عيادة شبين في الفترة المسائية باذن الله

هتفضلوا دايمًا أهلي وناسي ❤️ اللي عمرهم مازعلوني ولا زعلت منهم🩷

وكل الشكر والتقدير لكل حد وثق فيّ، ودعمني، وكان سبب بعد ربنا في أي نجاح وصلت له.

🌹 دمتم بخير… وأراكم دائمًا على خير حال

01/05/2026

على بركة الله
غدا باذن الله مساء افتتاح عيادة شبين الكوم
يوميا من صلاة العشاء حتى انتهاء الحالات

25/04/2026

على بركة الله
نسأل الله التوفيق والسداد
قريبا باذن الله فرع جديد للعيادة

24/04/2026

21/04/2026

� أعزائي الأفاضل مستخدمي #الواتساب معي
➖➖➖➖➖➖➖➖➖➖➖➖➖➖
⏳ لحظة من فضلكم

👨‍⚕️ بفضل الله أحرص على الرد على كل الرسائل، وما بسيب أي رسالة من غير رد وربنا يشهد حتى في ساعات الليل المتأخرة والمنصفون منكم يشهدوا

لكن أحيانًا يتأخر الرد بسبب ضغط العمل داخل العيادة وأنا إنسان أكيد واود أكون بصلي بآكل أو نايم بريح علشان أكمل معاكم

📌 برجاء إرسال الروشته أولا أو (الاسم + سن الطفل + الشكوى) بشكل واضح.

📌 الواتساب ليس بديلاً للكشف، خاصة الحالات التي تحتاج فحص وماتعاقبني إنه مجاني في غيري والله مابيرد خالص أو بيرد بمقابل مادي

🚫 لا أستخدم المكالمات علشان أعرف أشتغل ولتجنب أي خطأ في كتابة الأدوية أو صرف أي دوا بالغلط لم أحدده علشان كدا خليت 📲 التواصل واتساب فقط، ويتم الرد تباعًا حتى بالليل.

🔕 برجاء عدم الرن أو تكرار الرسائل وعلامات الاستفهام ؟؟،
لأن ذلك يسبب إزعاجًا أثناء العمل ولاني ببساطة هرد بس لما طروفي تسمح .

🔸جزء كبير من الأسئلة بيكون عند تواجد الدكتور في العيادة واحنا حاطيين أرقام الحجز ع الروشته واللي بيساعدوني دا دورهم في الاسئلة دي وكلهم كويس ان شاء الله وهيردوا عليكم ويفيدكم وينسقوا الحضور لكم

🕒 أنا في العيادة متاح في العيادات من 12 ظهرًا حتى 11 مساءً أحيانا ودي مدة كافيه لو ابنك تعب تتوجه لب

🚑 في الحالات الطارئة أو لو لم يتم الرد مني (ظروفي ماسمحت )، يُرجى التوجه لأقرب طوارئ فورًا لحين ما تراجعني

💚 شكرًا لتفهمكم وتقديركم ويشهد ربنا إني لا أقصد من هذا سوى تنظيم وقتي وجهدي وان دا يكون عونا لي على الرد على رسايلكم اللي أحيانا تتجاوز حد التخيل منكم

بارك الله فيكم وفي أولادكم وحفظهم الله من كل مكروه وسوء ولأوجعكم أو آلمكم فيهم
ولا تحتاجوا دكتور خالص😅

20/04/2026

4 أيام أو 5 مدة كفيلة أحيانا كتير برسم السعادة والبسمة على وجه أطفالنا وأهاليهم…..

1️⃣الأكل يتحسن كتير(الطفل بقى يخلص الأكل)

2️⃣رائحة الفم الوحشه انتهت

3️⃣رائحة الاخراج أفضل كتير

4️⃣وجع البطن قل خالص خالص

5️⃣وجع الرجل انتهى

6️⃣النوم أحسن كتير

7️⃣الوزن زاد في أيام بسيطة

⬅️تسعدنا دايما تعليقاتكم للتجارب المتشابهة من اللي شرفنا في العيادة☺️☺️

19/04/2026

نلبس الأطفال إيه الأيام دي؟
🔸🔸🔸🔸🔸🔸🔸🔸🔸🔸🔸

� الجو في مصر الفترة دي متقلب (صباح دافي / بليل بيبرد)، وده بيخلي ناس كتير محتارة تلبّس الطفل إيه

خلينا نبسّطها لكم مع إني شايفها بسيطة واللبس عمره ماكان مشكله ولا سبب للتعب في الغالب

☀️ لو الحرارة من 25 لـ 30 درجة

• 👕 قطعة واحدة كفاية
• قطن خفيف (نص كم أو كت)
• بدون جاكيت
• لو طفل رضيع: ممكن طبقة خفيفة زيادة

➖➖➖➖➖➖➖➖➖➖➖➖➖

🌤️ لو الحرارة من 20 لـ 25 درجة

• 👕👕 قطعتين
• تيشيرت قطن + جاكيت خفيف أو شال
• نلبس طبقات علشان نقدر نقلع بسهولة
➖➖➖➖➖➖➖➖➖➖➖➖➖➖

🌙 لو الحرارة من 15 لـ 20 درجة (خصوصًا بالليل)

• 👕👕👕 2–3 قطع
• بادي + تيشيرت + جاكيت خفيف
• ممكن بنطلون أطول أو خامة أتقل شوية
➖➖➖➖➖➖➖➖➖➖➖➖➖➖➖

❄️ أقل من 15 درجة

• 👕👕👕👕 3–4 قطع
• طبقات واضحة + جاكيت تقيل
• كاب خفيف لو فيه هوا

➖➖➖➖➖➖➖➖➖➖➖➖➖➖➖

⚠️ نصايح دكتور محمود المهمة:

🔸 الطفل يلبس طبقة زيادة عن الكبير (مش 3 طبقات زيادة 😅)

🔸 راقب رقبة الطفل وظهره → لو سخن أو بيعرق = لبسه زيادة

🔸 إيدين ورجلين ساقعين مش مقياس لوحدهم

🔸 القطن هو الأفضل دايمًا من الألياف

🔸 بلاش تكتم الطفل زيادة علشان مايتعبش

💡 القاعدة بتاع دكتور محمود :

“البس ابنك زيك + طبقة واحدة لو عمره شهور في الأول”

18/04/2026

نخلي بالنا
زي #الهيربس
منتشره ورخمة جدا

15/04/2026

بفضل الله بالتشخيص الصحيح بينتهي وما نروح تكشف كتير
كيان إحدى الحالات اللي تعبنا معاها ووالدتها إلتزمت وتعبها انتهى
نسأل الله أن تكون راحة الأطفال اللي زي كيان من التعب المتكرر في موازين حسناتنا

13/04/2026

قاعدة دكتور محمود في الأطفال عشان تريحوا دماغكم:

الطفل يقدر يلبس زي الكبير أو زي (مامته) في عدد الطبقات
باستثناء في الشهور الأولى من العمر ممكن يلبس طبقة زيادة