16/02/2023
💜
كتير مننا أو كلنا مر عليه لحظات محزنه بسبب فقده لشئ او وظيفه أو شخص أو موقف معين ف بيختار ينعزل ويبقا لوحده وبيقول علي نفسه انه مكتئب✖️✖️
بس احب اطمنك واقولك انك لسه ف السليم ي وحش دول شوية حزن طبيعين جدا هيعدوا مع الوقت مش اكتئاب ولا حاجة دي فترة وهتعدي 😣
دلوقتي بقا تعالا اكلمك عن الاكتئاب :
الاكتئاب بيتصنف من الاضطرابات الوجدانيه وبيكون ليه اعراض واضحه لمده معينه والمدة دي متقلش عن أسبوعين ومتزدش عن ٦ شهور ، يعني طول المده دي الاعراض شغاله مبتقفش و بتكون علي شكل نوبات(خفيفه _ متوسطة _ شديدة)
تعالو بقا نتكلم عن الاعراض :☑️☑️
مريض الاكتئاب دايما تلاقيه متشائم ميعرفش للأمل طريق ، عنده فقدان للشهية ما عدا احنا كمصريين عندنا فرط في الشهية، دا غير انه فاقد الاستمتاع فاقد الاهتمام لأي شيء يعني لو جبتله عربية ميني كوبر هديه كأنك قولتله ازيك عامل اي!!
وبالنسبه للنوم فبيكون مضطرب جدا يعني ينام اسبوع متواصل مثلا وشهر تلاقيه بينام فيه ساعات قليله ، اما انتباهه وتركيزه في ذمة الله💔
دايما سرحان وعايش فِ دنية تانيه.
بيعاني مريض الاكتئاب من آلام ف مختلف اجزاء الجسم من غير ميكون فيه اي سبب عضوى يعني تلاقيه بيشتكي من وجع في الضهر يروح للدكتور يقوله معندكش حاجة ، تلاقيه بيشتكي من وجع في معتده يروح للدكتور يقوله معندكش حاجة برضو، تلاقيه بيشتكي من الصداع لفترات طويلة جدا ويبدأ ياخد مسكنات ولا بيوصل لا حاجة ودايما محتقر نفسه بنفسه..
ومعظمهم ديماً (كسلان) 😊
ودلوقتي تعالو نتكلم عن الاسباب علشان نعرفها ونحاول منقعش فيها :
اول سبب الضغوط والتراكمات ..
بس خلينا متفقين ان الناس كلها بتمر بكذا مرحلة في حياتها بعدد كتير من المشاكل وفيه انواع من الناس بتفضل تخزن الضغوط اللي ناتجه عن المشاكل دي بس بيجي عليه وقت ولأتفه سبب تلاقيه انفجر ومن هنا بتبدأ اعراض الاكتئاب انها تظهر
تاني سبب وهوا عضوى وبيشمل اضطرابات في الهرومونات وخلينا متفقين ان الهرمونات بيكون ليها تأثير بشكل كبير علي الحاله الجسديه والحاله النفسية والمزاجية.
ثالث سبب وهوا الادمان
وده مش معناه ان الإدمان بيؤدي للاكتئاب
او الاكتئاب بيؤدي للأمان
لا خالص
رابع سبب وده اهم سبب فيهم
وهوا #الوراثه يعني الاطفال بتيجي بإكتأبها اللي وارثاها عن أهلها ومش شرط برضو يكون الأب او الام او حد من العيلة كان بيتعالج من الاكتئاب
ده ممكن يكون الأب او الام عندها استعداد للاضطراب ده بس لسه مجاش الوقت اللي تظهر فيها الاعراض يعني مازالت الام متاقلمه ومتكيفه مع الضغوط والجروح
ومش هنتكلم عن البيئة
لإن البيئة معرفه 😂
بصوا بقا خلينا نوصل لحاجه مهمة جداً خلينا متفقين ان بعض او كل الاضطربات النفسيه و اعرضها بتكون نتيجه التفكير الغلط ودي بنسميها (أنماط التفكير الخاطئ) فا احنا عشان نبعد عن الاعراض دي عاوزين نشتغل اننا نغير من طرق و انماط التفكير عندنا يعني مثلا
لما اجي وافكر اني مقدرش اشتغل الشغل ده من غير مجربه لا ليه مقولش انا هحاول و يمكن انجح و اقدر اشتغل مقولش ان الناس دي مش عَايزه تتكلم معايا من غير محاول اكلمهم او يبنلي انهم فعلا مش عاوزين ده
احاول اني اتحكم في مشعري يعني مفضلش طول الوقت افكر في اللي بيضيقني بس
واكتمه جوايا لوقت ولو في موقف يحتاج انه يزعل فيه غير كده نحاول نتفاعل مع اللي حولينا و نندمج معاهم بمعنا اصح
حاول تعيش حياتك حتي لو حاسس انك مش هتقدر ومتقولش مش هعرف او مش هقدر من غير ما تحاول
خلي عندك ثقه في نفسك وحاول تصلح من نفسك وتهتم بنفسك وبلاش الدعم السلبي اللي بيجي من اقرب الناس ليك وانتا مش بتقدر تواجههم
وفي الأول والآخر يارب اكون افادكم ولو بقدر بسيط جدا
ودعوة حلوه من قلبك الجميل ده 💚💚
💙
