https://www.facebook.com/109648178827155/

Athar centre - مركز أثر, شارع بديع متفرع من شارع طوسون ( شبرا مصر ) محطة روض الفرج, RHd el Farag (2025)

06/06/2025

بعد معاناة مع اللدغة 9 سنين و بعد ايد ربنا
أخصائية التخاطب عدلتها في جلستين🤗🧠🙏🏻

يبان الموضوع بسيط و لكن يحتاج لتدخل اخصائي🗣️

رجاءا عدم الأهمال في علاج اللدغات لأن لها اثار سلبية مثل " التنمر " و ما يترتب عليه من مشاكل نفسية منها:
( خوف من التحدث أمام الآخرين و بالتالي يتحول الطفل لشخصيه انطوائية , أو يكون عصبي و متوتر ... )👌🏻🧏🏻‍♀️

28/03/2025

⛔بعض الاعراض السلبية لأضطراب التلعثم :🗣️
- ضعف شخصيه.
- ضعف نفس.
- انعدام الثقه بالنفس.
- العزله.
- متلزمات جسدية.
- سرعة الاستثارة.
- اضطرابات سيكوسوماتيه ( نفس جسميه ) مثل قرحة في المعده , مشكله في معدل نبض القلب , صداع ، القئ ،و غيرها.
- اضطرابات نطق و كلام ( تشوهه الكلمه أو حذف , ابدال صوت من اصوات الكلمه ).
- التبول اللارادي.
- مشكلة نفسية ممكن تتحول لاضطراب شخصيه او اضطراب نفسي مثل الاكتئاب.
- الشعور بالعجز و بالنقص.
- يخلق شخصية حساسه بزيادة.
- لغة تعبيرية عنيفه خاصةً داخل البيت.

'"بالتالي كل ده طبيعي هيؤثر علي التحصيل الأكاديمي ،
الحياة الاجتماعية ، الشخصيه ، الأسرية ، النفسية و السلوكية للطفل"

متستهونوش بمشاكل أولادكم , الوقت مش بيعالج الأمراض التخاطبية بل بالعكس إذا تم التغافل عنها
تؤدي الي اضطرابات نفسيه و سلوكية ، في الأغلب تكون خارج السيطرة❤️🫸🏻

العلاج المبكر ضروري لاستجابة أكبر من الطفل و علاج أسرع 👌🏻🧠🫡
ممنوع البدء في جلسات التنفس ( تنظيم أو اطاله ) الا بعد الاطمئنان علي الصحة العضوية للطفل ؛ يرجوا عمل أشعة علي الرئه اولا ⛔❌

17/01/2025

فيديو عن تعديل بعض مخارج الأصوات🗣️👩🏻‍⚕️😍

تعديل اللدغات أمر ضروري جدا و يرجي عدم الاستهوان به لأنه يعرض اطفالنا إلي التنمر و غير قابل للمزح👌🏻❤️

17/10/2023

البوست اللي كتير سأل عليه👇🏻🌝
" الغضب "
- انا أبني بيضربني يا دكتور ، و بيضرب صحابه و الناس الغربية !
- أبني طريقة هزاره الضرب !
- أبني مش بيحضني ولا بيقولي كلمة حلوة بيجي يمد ايده عليا !
و تصروفات تانية كتيييير الطفل بيعملها و بيستخدم فيها الضرب .

تعالوا * نفهم اولادنا * هل هو طفل عدواني ولا ده الطبيعي بتاعه ؟ 🤔

🚸أول حاجة هشوف طفلي عارف النقط دي ولا لا :
١- لغة المشاعر .
٢- سبب ضربه .
٣- لغة التعبير .
٤- نوع الكرتون اللي بيتفرج عليه ( هل هر معنف).
٥- أحدد هل المبالغة في رد فعله عند ضربه ليها سبب زي 👈🏻: أنه وارد يكون متعمد يبالغ في عنفه لمجرد انه بيحب يلفت الانتباه👀.
٦- هل يعرف استخدام الأيد ؟.
٧- ما مدته اتصاله بالموبيل ؟.
٨- هل في تميز بين الاولاد ؟.
٩- هل يوجد طفل جديد في الأسره ؟.
١٠- هل يشعر بالغيره من اخواته ؟.
١١- هل الطفل بيتكلم ؟.
١٢- هل الطفل بيتوجه ليه عنف ؟
١٣- هل الطفل بيشوف حد بيعنف حد ؟
١٤- هل الطفل يتعرض للضرب و العنف ؟
١٥- هل الطفل بيتعرض لأي شكل من أشكال الضغط النفسي ؟
—-
و هنا في حالتين :
١- لو طفلي يعرف ال ١١ نقط السابقه ( مثل انه يعرف ان الأيد بناكل بيها و ليس نضرب بيها ، لغة التعبير اني لما احب شخص اقوله كلمه حلوه او احضنه و ليس الضرب ….إلى آخره).
هنا يكون فاهم و لكن متعمد انه يضرب ( و يكون الطفل عنده نسبة عنف و عدوانية ) .
٢- في حين ان طفلي لا يعرف معاني كل هذة النقط اذاً طفلي طبيعي و لكن لا يفهم طريقة التعامل و و في الحالتين يأتي دور الام اولاً في التوعية لمعرفة النقط جميعها للطفل و لو لا يوجد نتيجة من الام ؛ تتوجه لاخصائي حتي لا يزيد الموضوع و يصبح تعود أو متلازمة للطفل .

✅مهم اميز بين تصروفاته الروتينية و بين تصروفاته اثناء غضبه.
—-
و يأتي سؤال هنا و هو كيف تتعامل الأم في توعية طفلها ؟

السؤال ده لي اجوبه كتير و الاجابات هتختلف من اخصائي لأخر :
١- لازم كأم توعيه و تتكلمي معاه عن ال ١١ نقطة ( و بصبر و هدوء ).
٢- اثناء ضرب الأم ضروري تاخد موقف : علي الأم بعد ضربها انها تنسحب و تزعل من الطفل و تجلس في غرفة اخري و تعرفه انها مضايقة بسبب انه ضربها.
—-
طب نتصرف ازاي لو الطفل ضرب ؟
- تمسك ايده بشده و تحطها بجانبه و تنزل في مستوي نظره و تقوله ايدك متضربش بيها حد ( لا ماما ولا بابا ولا اخواتي ولا اصحابي ..) .
و تقوليله انت ضربت ليه ، هل في سبب للضرب ؟
و تسأليه انت ضربت عشان سبب حصل لو في سبب قوليله تيجي و تقولي و ماما هتقعد مع الطرفين و نشوف اللي غلطان و يتعاقب.
( ده في السن الصغير لكن في السن الكبير هيبقي في لغة حوار بين الام و الطفل حتي وقت الغضب ).
—-
تدخل من الوالدين مش الام بس
نفهمه ان ايدينا لينا احنا نطبطب و ناكل و نلعب بيها
و مش دي الوسيله الصح اللي بعبر بيها عن زعلي او حزني او غضبي
نتكلم بالراحه اول مره من غير عنف موجهه للطفل بعد كده لو الموضوع زاد بنعاقب بحرمانه من حاجه بيحبها لمده وقت معين
لو زاد بنحتاج تدخل أخصائي تعديل سلوك افضل🚫.

👣
🤍

14/08/2023

مساء الخير❤️
فيديو جديد بعلاج التلعثم🗣️🤍

- لأن احنا دائما حابين نشاركم كل إنجاز جديد بنحققه
؛ إلا أن ده عمره ما نسانا خصوصيه الطفل و استأذان ولى الأمر قبل نشر اى خطوة جديده للطفل❤️🔐

👣
👌🏻

21/07/2023

🗣️😍استنوا بوست خلال يومين عن : (عدوانية الاطفال و هل ابني لما بيضرب كده عدواني ولا كا سنه ده الطبيعي )؟🤔❤️

🚸 البيدچ بتفيد جميع الفئات : لو انت لسة طالب ⬅️ هينزل عليها فترات تدريب و هتكتسب منها خبره في التعامل مع الاطفال من منشورات كتير ؛ و لو انت ولي أمر ⬅️ هيفيدك في التربية و التعامل مع اطفالك و طريقه تلبية احتياجاتهم بشكل سليم و هتعرف أمتي ابنك محتاج تدخل اخصائي معالج و امتي مش محتاج و تقدر انت تتعامل مع ابنك .‼️💛

⚧️ البيدچ شاملة كل الاطفال بشكل عام واساليب التربية 🤍
—

ضروي انك متهملش مشكلة أبنك عشان ما يتعرضش للتنمر إلى هيسببله مشاكل نفسية كتير 😮‍💨❌

📌انك تعرف المشكلة و التدخل المبكر هيفرق جدا ؛ عشان نمنع ان المشكله تزيد أو أن الحاله تتدهور مننا .وبعدها هيبقى الوقت عدى و برضو هنحتاج تدخل اخصائي معالج ف نلحق اولادنا من بدايه المشوار 🩵👥

ده غير ان محاولة علاج مشكلة ابنك من البداية مش هتخليك توصل لاحتياج تدخل اخصائي معالج فيما بَعد❤️⚠️

—
📍البيدچ موثوقة لأن كل المعلومات بتنزل من اخصائيين رسميين وعندهم خبرة علي مدار سنين❤️✅

👣

16/07/2023

بفضل الله🙏🏻❤️
نتيجة تدريبات النفس بعد 3 جلسات❤️👩‍⚕️

👣

08/07/2023

العواقب و ليس العقاب ♥️
يعني اية🧐🤔!!

يعني لما طفلك يعمل حاجة غلط اي أم طبيعية بتخرج عن شعورها فا تزعق او تضرب و ده المندرج .. 🗣️
و بالتالي الولد بيكرر مرة تاني الغلط اللي عمله و كُتر الضرب و مع اي عقاب بيخلق عند الطفل " العناد ".👎🏻

- طب كده عرفنا يعني اية عقاب و النتائج المترتبة عليه و مش هيجيب اي نتيجة🫠🤷🏻‍♀️

🔴تعالوا بقي نجرب معاملتين جداد ، علي حسب شخصيات اطفالنا و نعرف يعني ايه "عواقب " 👇🏻
- لو طفل لما بيغلط بيسمع الكلام بسرعة : هنستخدم معاه الاسلوب ده :
👈🏻أول حاجة فهمي الطفل غلطه وقتها انه عمل حاجة غلط و بعدها تقوليله انت عملت ده فا مش هيبقي فيه كذا…..( و احرميه من حاجة بيحبها ) " عواقب علي الغلط " . ، و مهم هنا انك تثبتي علي اتخاذ قرارك ده مينفعش بعد شوية ترجعي تديله اللي حرمتيه منه عشان هيرجع يكرر الغلط عشان ماما بقت عادي مش بتنفذ كلامها 🫡

طب لو ابني عَند معايا وقتها و مفرقش معاه " العواقب " نتيجة الغلط اللي عمله ؟
🔴هنستخدم طريقة تانية و من الأفضل انها تبقي المندرجه : 👌🏻
👈🏻تمسكي عصبيتك وقتها و هتفهميه غلطه و تقوليله اختار يا تصلح الغلط ده يا هنمنع حاجة هو فيها دلوقتي .

يعني اية الكلام ده يا دكتورة مش فاهمة ؟؟🌝

يعني افرضي انكوا في زيارة لجدته في البيت و هو رمي حاجات علي الارض بطريقة هماجيه أو عصبية وقتها هتقوليله ان ده غلط و هتقوليله يا تلم الحاجات دي يا هنمشي و نروح علي البيت . .✔️

طب ده معناه ايه و بوصل لأبني اية وقتها ! 💌

⬅️ الاطفال مش بتفهم الجُمل الطويلة فا لازم نقولهم الاوامر في جُمل قصيرة ( قوم شيل اللي وقعته ) مينفعش اقوله ( بص اللي واقع علي الارض ده انت اللي وقعته قوم شيله و رجعه مكانه و تعالي اعتذر و بطل بقي عصبيه و تعبتني و كلام كتير ورا بعضه من عصبيتك) .

🔺طب اية فايدة المعاملة دي مع الأطفال ؟🤔

⬅️ هنا الطفل اخد أمر مركب ( معقد بالنسباله ) و جمل طويلة ( و ده هيشتته ) فا بالتالي ممكن ميفهمش و مينفذش خصوصاً لو طفل عنده مشكلة تخاطب .

⬅️ الاطفال مينفعش نعاقبهم من غير ما نفهمهم الغلط اللي عملوه و لازم نخيره( يا تصلح اللي عملته يا هنمشي ).
⬅️ نبرة صوت حازمة و كلمات قليلة و نظره ثابته
و تحطيه في موضع اختيار.
⬅️ مفيش نتيجة بدون صبر و تحكم اعصاب وقت غلط الطفل .
⬅️التربية في السن المبكر بتفرق و بتسيب أثر في الطفل.
⬅️ لو فضل الطفل في العَناد و استخدمتي معاه اكثر من طريقه و سنه كبير وقتها بيحتاج تدخل اخصائي تعديل سلوك.

👣

28/06/2023

كل عام و انتم بألف خير 😍🤍
أعاده الله علينا و عليكم بالخير و البركات ..❤️🐏

👣

25/06/2023

إزاي وأمتي ينفع نخلى ابننا يشوف دبح الأضحية .🧐🧐

-بنشوف أمهات كتير مبسوطة إن إبنها لسه صغير ٣ أو ٥ سنين رجع مع باباه من الصلى و حضر الدبيح و اتصور😁🔪 و ما بتركزش ابدا على الأثر النفسى على الطفل🥹 ،إلى منغير ما تحس قدمته مقابل الصوره دى . 😔
هو فى مقابل للصورة دى ؟!😳 دى هتبقى ذكرى حلوة قدام و هنفرح كل لما نشوفها🤷🏻‍♀️ .... مش الكل هيبقى فرحان يا مامى🚶🏻‍♂️

🔅خلينا الاول نتفق ان الأطفال نوعين :- ✌🏻

النوع الأول 😌
معندوش أي مشكلة أنه يشوف مشهد الدبح 😮‍💨، و مش هيتأثر بأي شكل من الأشكال هتلاقيه عاطف فنفسه كده 😂 دا بنقوله شكرا وفرت علينا كتير و بنسيبه مرتاح 😴

النوع التاني بقى 🙂
دا ال بيتأثر نفسيا وممكن تحصله نوبة بكاء شديدة جدا ، أو تبول لا إرادي ، أو فوبيا من الدم أو من السكاكين ، وفيه أطفال بتمنع تماما بعدها عن أكل اللحوم. 🤐🥹

( وفيه أطفال بيحصلها تهتهة ف الكلام ) .💔
و مشاكل تانيه كتير انتى اكيد فغنى عنها و مش هتحبي توجيها مع ابنك 🚫

طب و الحل
ورقه و قلم و اكتبى معايا يا ست الكل 🤓
🔅 الأول لازم احنا نبقى عارفين أن الأطفال تحت سن ٨ أو ١٠ سنين ممنوع يشوفوا الدبح مره واحده كده ، لازم قبلها نأهلهم نفسيا للموضوع دا. ☺️

🔅 طب إزاي نأهل بنتنا أو ابننا أنه يحضر الدبح ؟🐮🩶

📌ممكن نبدأ من سن ٦ أو ٧ سنين و ممكن لو الطفل استقباله كويس نبداء قبل كده كمان نحكيلة قصة سيدنا إبراهيم وسيدنا إسماعيل🗣️💙 ونوضح حكمة ربنا من الدبح والأضحية ، وأن الحيوانات مخلوقة للسبب دا .💐🌏

🔅 ونفهمه أن الأضحية دي عشان نوزع منها ع الفقراء 🥹، ودا خير و حاجه هتخلى الفقراء و الأغنية ياكلو نفس الاكل ف العيد وهتخليهم يفرحوا معانا و محدش يحس ابدا أنه محتاج . 😃😃🫂

🔅 وممكن السنة ال بعدها بالتدريج ناخده معانا و احنا بنوزع اللحمة🚶🏻‍♂️ ، والسنة ال بعدها نخليه يساعدنا فالتقطيع وتغليف اللحمة 🔪😉.
(وطبعا دا يتم تحت إشراف ماما أو بابا )
📌 بعدها بقى ممكن نخلى الطفل يشوف الدبح بعد ما نتأكد أنه ما بقاش عنده اى مشكله أو خوف من الفكره بتاع الدبح أو الدم .😌🤍🤍🤍
أنا عارفه أن دى مراحل كتير و هتاخد كذا سنه عشان بس تعرفى تاخدى صورة حلوة للذكره🥹❤‍🩹 بس حقيقى المراحل دى هتخليكى تتجنبى مشاكل كتير أوى ممكن ابننا يوجها 🩷
📍و مهم اننا ناخد بالنا كويس من أننا ..
🔅 نحاول علي قد م نقدر نجيب الأضحية قبل العيد بوقت قصير بلاش قبلها ب اسبوع و بلاش ٣ ايام خليها يوم الوقفه حلو لو بليل يكون احسن😴 ؛ عشان الطفل ميتعلقش بيها وممكن بعدها يرفض ياكل منها ويرفض اللحوم كلها لانه ببساطه هيعتبرها حيوان أليف و هتصعب عليه .💔👦🏻

🔅 بلاش نجبر الطفل أنه يحضر الدبح طلاما هو مش حابب او مش مؤهل أو لسه صغير ع الخطوة دى . 🙄
( وبلاش نسمع جمل زى احنا بنقوى قلبه عشان يبقى راجل ) 💪🏻❌

_الأعمار ال حددناها دي مش قاعدة ثابتة وكل طفل مختلف عن الثاني☺️ ،لان بطبيعه الحال فى فروق فرديه بين الأطفال يعني حتي لو وصل ل ١٥ سنة ومش حابب يشوف يبقي بلاش نضغط عليه . 🫡💛

( كل الأطفال ذوي الاحتياجات الخاصة ممنوع نهائي يشوفوا الدبح ، لأن قدراتهم العقلية مش هتساعدهم علي إستيعاب الفكرة والهدف منها ).

Athar centre - مركز أثر

06/06/2025

28/03/2025

17/01/2025

17/10/2023

14/08/2023

21/07/2023

16/07/2023

08/07/2023

28/06/2023

25/06/2023

Address

Telephone

Website

Alerts

Shortcuts

Share

Category