04/08/2025
🌟 بتاخد فيتامينات من زمان ومفيش فرق؟
ممكن تكون بتاخد الحديد أو الكالسيوم أو الزنك أو المغنيسيوم بقالك فترة…
ومع كده:
😩 لسه تعبان
😴 طاقتك قليلة
🩸 التحاليل مش بتتحسن
❗️والسبب ببساطة ممكن يكون “توقيت غلط”!
فيتامينات كتير بتتعارض مع بعض، وده بيأثر على الامتصاص بشكل كبير!
تعال نعرف المواعيد الصح 👇
🔹 الحديد
بياخده الجسم أحسن على معدة فاضية، أو قبل الأكل بساعة، أو بعده بساعتين.
❌ ابعدي عن اللبن والشاي والقهوة قبل وبعده بساعتين.
✅ ممكن تاخديه مع عصير برتقان أو فاكهة فيها فيتامين C عشان يساعد على امتصاصه.
🔹 الكالسيوم
يفضل مع الأكل، خصوصًا لو نوع الكالسيوم “كربونات”، الجسم يمتصه أحسن كده.
⚠️ لو بتاخدي حديد، لازم تفصلي بينه وبين الكالسيوم على الأقل ساعتين.
🔹 الماغنسيوم
ممكن يتاخد مع الأكل أو بعده، وغالبًا مابيعملش مشاكل.
في ناس بتحب تاخده بالليل لأنه بيساعد على الاسترخاء والنوم.
🔹 الزنك
ده بقى محتاج شوية تركيز:
❌ مايتاخدش مع الحديد ولا الكالسيوم ولا الماغنسيوم لأنهم بيتنافسوا في الامتصاص.
✅ الأحسن تاخديه على معدة فاضية أو بعد حاجة خفيفة زي جزرة .
💡 الخلاصة: لو بتاخدي أكتر من نوع في اليوم، قسّميهم بذكاء عشان جسمك يستفيد بكل حاجة.
أخصائية التغذية العلاجية وعلاج السمنة والنحافة
تغذية الأطفال- جامعة عين شمس
البورد الأمريكي في التغذية العلاجية
#دايت
#تغذية
#الأنيميا
للإستعلام عن طريق الواتساب:
☎️01207088281.
☎️ +966 58 069 8759
