Hend kids clinic

05/06/2025

أسرة Hend Kids Clinic تهنئكم بعيد الأضحى المبارك 🐑

نتمنى لكم ولأطفالكم عيدًا سعيدًا، وصحة دائمة، وعافية لا تنقطع 🌼

كل عام وأنتم بخير، وأحبابكم بخير ♥️

Hend Kids Clinic… طفلك في أيد أمينة

📞 للحجز والاستفسار: 01096399997
📍 العنوان: مدينة السادات – المجمع الطبي – خلف مول دار مصر


#السادات

يا

03/06/2025

لو أنتِ أم جديدة… وجدول التطعيمات مسببلك حيرة؟ 👶📅

متقلقيش، إحنا في Hend Kids Clinic جهزنا لك جدول التطعيمات بكل التفاصيل اللي تهمك،
عشان تتابعي مواعيد تطعيمات طفلك بسهولة واطمئنان ❤

Hend Kids Clinic
طفلك في أيد أمينة

📩 لو عندك أي استفسار، ابعتي رسالة أو سيبي كومنت، وهنتواصل معاكي.

📞 للحجز والاستفسار: 01096399997
📍 العنوان: مدينة السادات – المجمع الطبي – خلف مول دار مصر

28/05/2025

الجو متقلب جدًا الفترة دي وصحة الأطفال بتتأثر بسرعة🌬️

فرص الإصابة بأدوار البرد والأنفلونزا بتزيد عند الأطفال، وخصوصًا الصغيرين اللي مناعتهم لسه بتتكون.

طيب هل في مؤشرات ممكن تخليكي تقلقي على صحة ابنك؟ 👶🏻
خلي بالك لو لاحظتي
🔹 كحة مستمرة أو بتزيد بالليل
🔹زكام، انسداد أو سيلان في الأنف
🔹ارتفاع في الحرارة
🔹ضعف أو خمول غير معتاد
🔹صعوبة في التنفس

⚠️ ما تستهونيش بأي عرض بسيط، لأن التعامل المبكر بيفرق جدًا في العلاج.

طب ونعمل إيه عشان نحمي أولادنا؟

✅ البسي ابنك لبس مناسب
✅ قللي خروجه في أوقات الرياح أو الجو المترب
✅ حافظي على تغذية متوازنة غنية بالخضار والفواكه
✅ قدميله سوائل دافية باستمرار
✅ اغسلي إيديه كويس بعد اللعب أو الخروج
✅ ابعديه عن الأطفال المصابين بنزلات برد
✅ واعملي متابعة دورية مع طبيب الأطفال لو ظهرت أي أعراض

في Hend Kids Clinic، بنفهم قلق كل أم، وعشان كده بنقدملك رعاية طبية دقيقة… واهتمام حقيقي بصحة طفلك
كل زيارة عندنا بتساوي طمأنينة ليكي… وراحة لطفلك♥️

Hend Kids Clinic
طفلك في أيد أمينة

📩 لو عندك أي استفسار، ابعتي رسالة أو سيبي كومنت، وهنتواصل معاكي.

📞 للحجز والاستفسار: 01096399997
📍 العنوان: مدينة السادات – المجمع الطبي – خلف مول دار مصر

25/05/2025

ليه تختاري Hend Kids Clinic 👶🏻
لأن راحة طفلك… بتبدأ من عندنا

🔹في Hend Kids Clinic إحنا مش بس بنقدم كشف طبي
إحنا بنبني علاقة ثقة بين الطفل والدكتور، وبينك وبين الفريق اللي هيطمنك على كل خطوة.

🔹عيادتنا مصممة خصيصًا علشان تكون مكان آمن، مريح، وهادي لطفلك… من أول لحظة يدخل فيها، لحد ما يخرج.

ليه تختارينا؟ لأننا بنهتم بـ:
▫️التشخيص الدقيق مش السريع
▫️متابعة مستمرة لحالة طفلك مش بس كشف وخلاص
▫️دكاترة متخصصين وعندهم خبرة كبيرة في طب الأطفال
▫️مكان نظيف، مجهز، ومتوافق مع كل معايير الأمان والنظافة
▫️مواعيد منظمة… واحترام كامل لوقتك

كل زيارة لعيادتنا، هي خطوة راحة ليكي… وطمأنينة لطفلك👌

احجزي دلوقتي وخلي أولويتك صحة ابنك، وإحنا هنا نكون دايمًا جنبك♥️

Hend Kids Clinic
طفلك في أيد أمينة

📩 لأي استفسار سيبلنا كومنت أو رسالة وهيتم الرد عليك.

📞للحجز والاستفسار : 01096399997

📍العنوان: مدينة السادات - المجمع الطبي - خلف مول دار مصر.

21/05/2025

قواعد حديثي الولادة الأربعين:🚼🚼

١_رضعي طبيعي 👍👍 مادام قادر ومافيش مشاكل
٢_بلاش أعشاب🚫🚫 .. بمجرد انه يرضع ممنوع أي شيء
٣_بلاش بيبي درينك❎
٤_بلاش جلوكوز🚫
٥_ڤيتامين "د" آمن من أول يوم ٤ نقط ڤي دروب✔✔
٦_تطعيم ڤيروس بي أول ٢٤ ساعة حتى في أيام الجمع و العطلات الرسمية ..في الوحدات الصحية و أقسام النساء في المستشفيات الحكومية💡💡💡
٧_ما تربطيش حاجة على السرة❎
٨_ممنوع الحفاضة تغطي السرة❎
٩_نظفي السره بالكحول من ٤_٧ مرات يومياً ..👍👍
١٠_رضعي طبيعي ..بس.💯
⭕⭕⭕⭕
١١_أنواع اعشاب اتمنعت زي بيبي درينك..اتمنع من وزارة الصحة🚩🚩
١٢_تحليل الكعب من اليوم الثالث للسابع يومي السبت و الثلاثاء في كل الوحدات الصحية..💡💡💡
١٣_حديث الولادة إنسان و بيحتاج النظافة ..و بيستحمى عادي🏄🚿🏄
١٤_ممنوع بوس الطفل من الفم❌
١٥_بلاش بوس أحسن ..بينقل أمراض
١٦_تطعيم الدرن "حقنة الكتف" ..في أول شهر ما تتأخريش💡💡
١٧_مفيش في السبوع غربلة ..الغربلة=نزيف في المخ 🚩🚩 ولا هشتكة وتهشيك
١٨_تكحيل الطفل بالبصل ممنوع..عينه هتضيع🚩🚩
١٩_نقط مطهرة للعين روتين في أول أسبوع👍👍
٢٠_ورق مهم و هتحتاجيه شهور : كراسة التطعيمات..منحنيات النمو تشمل الوزن و الطول و محيط الرأس☑
⭕⭕⭕⭕
٢١_ركزي مع وزن طفلك ساعة الولادة ..احفظيه، الطبيعي من ٢.٥_٣.٥ كجم يزيد في المتوسط ٧٥٠ جم أول شهر👍👍
٢٢_٦٠٪ من المواليد بيصفروا ..صفرا طبيعية حميدة ما تقلقيش🆒
٢٣_الصفرا عايزة رضاعة و متابعة أو حضانة و علاج ضوئي مش عايزة نيون و لا ڤيتامين ... بلاش لمبات البيت ضارة وغير مفيدة إطلاقا
٢٤_المولود إنسان ..إحساسه بالجو زينا..بلاش بطاطين في أغسطس ..هيفطس🆒 لأنه بيتحرر بسرعة .. وبيبرد في الشتاء بسرعة .. في الشتا تحسبي انتي لابسة كام قطعة ملابس ويلبس مثلك وبزيادة قطعة واحدة
٢٥_الزغطة و الخنفرة و الحزقة ظواهر طبيعية هتقل مع الوقت
٢٦_ظواهر تقلقك : الطفل رافض الرضاعة أو مش قادر يرضع ، لونه بيزرق، نفسه فيه نهجان ، مدروخ و مش بيصحى🚩🚩
٢٧_اهتمي بنفسك و صحتك عشان تقدري تهتمي بمولودك..كلي أكل صحي و متوازن ، بلاش أدوية من غير داعي، اشربي لبن ..كتير، و بلاش اكل حراق أو بيعمل انتفاخات ..😎 هيسبب انتفاخات لابنك
٢٨_حديث الولادة بينام كتير بس متقطع بيوصل ل 22 ساعة يوميا..نومك هيتلخبط ..بترضعي و تغيري و تدلعي و تنيمي😭😭
٢٩_حديث. الولادة بيسمع من و هو جنين ف اخر شهور الحمل..لو مفيش فزع أو خضة من الصوت العالي تقلقي 🔊🔊 يعني لو اتخض من الصوت يبقا كويس
٣٠_لازم طفلك يعمل براز في أول ٢٤ ساعة ..لو معملش استشيري الطبيب
⭕⭕⭕⭕
٣١_أنماط الإخراج مختلفة عند حديثي الولادة..فيه طفل بعد كل رضعة يعمل براز و طفل يعمل مرة في اليوم ..
٣٢_النوم على البطن ممنوع ..إلا بعد الرضاعة للتجشؤ و انتي صاحية 🚩🚩
٣٣_غيري الحفاض من ٣_٤ مرات يوميا و نشفي كويس. و ادهني زيت زيتون..هتحميه من التسلخات👍👍
٣٤_لو بنت اتأكدي من وجود فتحة المهبل..لو ولد حسي الخصيتين و شوفي فتحة القضيب في مكانها و لا لأ..💡💡💡💡💡
٣٥_الأب:فينك ؟! ..واحشنا و الله 😄😄 مش بشوفك غير في الليل لما تضايق من بكا الطفل
٣٦_أول ما فترة النفاس تخلص شوفي وسيلة منع حمل مناسبة ما تنسيش ..طفلك محتاج رعايتك قبل ما تعمليها تاني و صحتك هتروح🚫
٣٧_طفلك بيعيط كتير ..عليكي تخمني السبب و مع الوقت هتفهميه..
جعان _رضعيه ،، شبعان و منفوخ _كرعيه،، عنده مغص دلكيه ،، عايز حد يشيله شيليه ..ما تسيبيش طفلك يعيط عشان ما يتعودش على الشيل..هو إنسان و عايز اهتمام و الاهتمام ما بيطلبش 😄
٣٨_السخونية و الكحة في حديثي الولادة مش طبيعية و مش حميدة ..لازم دكتور و تحاليل🚩🚩 ..
٣٩_حبي طفلك ..ولد أو بنت..أسمر أو ابيض ..سليم أو مريض ..ده قطعة من روحك ما تخليش حد أبدا يصنفه❤
٤٠_مع نهاية الشهر الأول الطفل بيبدأ يبتسم لو لاعبتيه ..لو بيعيط و اتكلمتي معاه هيهدأ ..
اتعاملي معاه على إنه إنسان محتاج غذاء و حب و عناية ❤💙💚💛

.. لايك و شير و فيدي غيرك ❤..

21/05/2025

21/05/2025

بقينا نشوفها كتير الفتره دي والناس بتتخض منها وتفتكرها جديري.. 💥متلازمه الفم واليد والقدم💥
حبيت نشرح باختصار ايه المرض ده

---

ما هي متلازمة اليد والقدم والفم؟

هي مرض فيروسي بسيط وشائع جدًا بين الأطفال، خاصة من عمر 6 شهور إلى 5 سنوات. يسببها فيروس من عائلة الفيروسات المعوية، وغالبًا لا تكون خطيرة.

---

ما أعراضها؟

حرارة خفيفة أو متوسطة.

تقرحات في الفم، قد تجعل الطفل يرفض الأكل أو الشرب.

طفح جلدي أو بثور صغيرة على اليدين والقدمين، وأحيانًا على الأرداف.

تعب عام أو فقدان شهية.

---

هل هي معدية؟ نعم، وتنتقل عن طريق:

الرذاذ من الفم أو الأنف.

ملامسة البراز أو السوائل من البثور.

الأسطح الملوثة.

---

كيف أعتني بطفلي في المنزل؟

أعطيه خافض حرارة مثل الباراسيتامول.

شجعيه على شرب سوائل باردة ولطيفة مثل الماء، العصير المخفف، الزبادي.

قدمي له أطعمة لينة وسهلة البلع (مثل المهلبية أو البطاطس المهروسة).

حافظي على راحته ونظافته، واغسلي يديه جيدًا.

---

متى أذهب للطبيب؟

إذا ارتفعت الحرارة لأكثر من يومين .

إذا رفض الأكل والشرب تمامًا.

إذا ظهرت علامات الجفاف (جفاف الفم، قلة البول، خمول).

---

متى يمكنه العودة للمدرسة أو الحضانة؟ بعد زوال الحرارة وتوقف ظهور البثور، وغالبًا بعد حوالي 5 إلى 7 أيام. ويجب أن يكون الطفل نشيطًا ويأكل ويشرب جيدًا.

---

هل يوجد علاج أو تطعيم؟ لا يوجد علاج خاص ولا تطعيم للفيروس. الجسم يتخلص منه تدريجيًا مع الراحة والعناية.
دمتم سالمين انتم وأطفالكم ♥️♥️♥️

21/05/2025