Zayed Clinic - د. محمد زايـــد

02/12/2025

تشرفت بتواجدي في البرنامج الرائع حكايات السادات

في الحكاية دي…هتعرف إزاي الحلم ساعات بيتغير…لكن النجاح عمره ما بيضيع.وإزاي اللي كان نفسه يبقى “مبرمج”…بقى “طبيب” بيصلّح في الدنيا بطريقة تانية…أعمق… وأهم… وأ...

02/12/2025

يا ترى مين 😂🙈

في الحكاية دي…
هتعرف إزاي الحلم ساعات بيتغير…
لكن النجاح عمره ما بيضيع.
وإزاي اللي كان نفسه يبقى “مبرمج”…
بقى “طبيب” بيصلّح في الدنيا بطريقة تانية…
أعمق… وأهم… وأجمل

كل أم وأب في السادات غالباً عدوا عليه في يوم من الأيام 👀
تتوقعوا مين هيكون ضيفنا المرة دي؟🤔

28/10/2025

سعدتُ بالأمس بتواجدي في اكاديمية ايليت بمدينة السادات، لإجراء الفحص الطبي للأطفال، بهدف استبعاد الأمراض المزمنة وتقييم الحالة الصحية والبنية الجسدية لكل طفل. وقد سرّني ما لمسته من اهتمام إدارة الحضانة بتقديم رعاية صحية متميزة وخدمة متكاملة تُعنى بسلامة الأطفال ونموّهم السليم ليكونوا قادرين على التفوق والابداع بلا حدود.

16/10/2025

تطعيم الانفلونزا الموسمية متوفر بالوحدة الصحية بالمنطقة السكنية الرابعة بجوار التأمين الصحي

15/08/2025

مطلوب شاب حديث التخرج او طالب للعمل معنا يشترط الإقامة في مدينة السادات ومن لديه الاستعداد ويرغب في معرفة التفاصيل التواصل مع رسائل الصفحة او تسجيل بياناته على الرابط التالي وسنقوم بالتواصل معه

الانضمام لفريق العمل في زايد كلينيك

13/08/2025

ليه ماينفعش أكتب علاج للمغص من غير ما أكشف على الطفل؟ كتير من الأمهات بيفتكروا ان ده بخل بالمعلومة أو تأخير مني في الرد، أو إني مش مقدر إن الطفل تعبان وعايز علاج فوري. الحقيقة إن الموضوع مش مسكن أو حقنة وخلاص… حتى لو مرة جربتي علاج من صديقة وابنك ارتاح، ده ممكن يكون مجرد صدفة وربنا سترها.

🛑 أول وأهم خطوة: استبعاد الأسباب الجراحية العاجلة
ده مش تخصصي بس ده واجبي اني الاحظ اي حاجه خطر على الطفل واوجهه لاستبعادها الاول وبعد كده باقي الحاجات عامل الوقت فيها هين شويه بعكس الاسباب الجراحيه اللي الوقت فيها بيعمل فرق ضخم في النتيجة:

انسداد الأمعاء (Intussusception): أحيانًا بيحصل بعد نزلة معوية بسبب زيادة حركة الأمعاء ودخول جزء فيها في جزء تاني. لو اكتشفناه بدري ممكن يتعالج بدون جراحة، لكن لو اتأخر التشخيص ممكن يؤدي لفقدان جزء من الأمعاء.

التهاب الزائدة الدودية: لو ما اتشخصتش بدري ممكن تنفجر وتعمل التهاب بريتوني خطير.

الفتق المختنق: بيمنع الدم عن جزء من الأمعاء وبيحتاج تدخل جراحي فوري.

واسباب جراحية اخري لكن دى اشهرها

الأسباب دي بنستبعدها من التاريخ المرضي، الفحص الإكلينيكي، وأحيانًا الأشعة والتحاليل. حتى شكل الطفل . وهو داخل العيادة ممكن يوجهنا.واحيانا عرض الطفل على طبيب جراحه مختص واخذ رأيه

📋 أسباب غير جراحيه شائعة أخرى للمغص

نزلة معوية فيروسية أو بكتيرية.

التهاب المعدة.

التهاب الحلق أو اللوز.

التهاب الجهاز التنفسي أو الالتهاب الرئوي تحديدا .

التهاب مجرى البول.

عرفتوا ليه ما نكتبش علاج على طول؟

في الحالات الجراحية، العلاج الخاطئ بيأخر التشخيص، وشفنا أطفال دخلوا في غرغرينا في الأمعاء بسبب التأخير.

النزلة المعوية والتهاب المعدة مع رفض الأكل والحر الشديد ممكن تدخل الطفل في جفاف شديد بسرعة.
حتى من غير اسهال رفض الطفل للأكل والشرب ممكن تدخل في جفاف

عشان كده، إني أقول للأم "خدي مسكن وتعالي العيادة النهارده" ده مش من الأمانة الطبية، لأني مش هرضى أدي علاج يضيع وقت التشخيص أو يغطي على مشكلة خطيرة.
ومش حقبل ان الطفل ينتظرني افحصه وفي دكاتره تانيين كانوا ممكن يقوموا بالدور ده والطفل يتلحق بدري بدل ما ينتظر ويتاخر عليه العلاج

🔍 خطوات التشخيص الصح:

1. التاريخ المرضي: طريقة السرد نفسها ممكن توجهنا لسبب معين.

2. الفحص الإكلينيكي: حتى مشية الطفل أو تعبير وشه بيدونا مؤشرات.

3. الفحوصات والأشعة: لو الفحص شككنا في حاجة أو عايزين نتأكد.

4. العلاج والمتابعة: المتابعة أحيانًا بتكشف تغيرات تساعدنا في التشخيص النهائي.

مثال حقيقي: جالي طفل بيشتكي من رفض للأكل فقط لمدة اسبوع..... بدون كحه بدون سخونيه بدون اي اعراض تانيه، وبالفحص الطبي فقط اكتشفنا إنه عنده التهاب رئوي واكدنا التشخيص بالفحوصات والحمد لله اتحسن على العلاج !
ده كان حيتشخص ازاي عن بعد؟!

فالمغص مش عرض واحد وله دواء واحد. هو علامة بتحذرنا من حاجات بسيطة أحيانًا وخطيرة جدًا أحيان تانية. التشخيص الصح يبدأ بالكشف والفحص واستبعاد الحالات العاجلة قبل أي علاج. سلامة ابنك تستحق إننا ناخد الوقت ونمشي في الخطوات الصح. وضميري كطبيب أطفال بيحتم عليا ده
وده مش دعوى للقلق لكن ده الى بيدور في دماغى مع اي رساله أم بتشتكى من
تعب ابنها وده اللي بيمنعنى اكتب علاج وخلاص......

المغص هنا مجرد مثال الاعراض المرضيه
وكل عرض وله تشخيصات كتير محتمله بيقلل عددها الفحص الطبي لحد مانوصل لتشخيص محدد ونبدأ العلاج ومن الله الشفاء.......

ربنا يحفظ اولادكم جميعاً من فواجع الطوارئ

13/08/2025

الواتس مش للطوارئ يا جماعه ولا للتشخيص ولا لمتابعة الأعراض المرضيه...... التواصل عن بعد فايدته ضئيله جدا وتقتصر على ارسال التحاليل الخاصه بالحاله اللي اتفحصت فعلا وفاضل فقط الاطلاع على التحاليل او الاستفسار بخصوص بديل لعلاج غير متوفر....... الطفل لو فيه حاجه طارئه يبقى الواتس مضيعه للوقت على الفاضي وبياخر حصول الطفل على الرعايه اللازمة....... مقدر ان الاهل بيبقوا متوترين ومش قادرين ياخدوا قرار بس نبرمج نفسنا ان الطوارئ معناها اي دكتور متاح في استقبال المستشفى حيكون افضل من التواصل عن بعد وتخمين الحاله فيها ايه........ الطفل لو لسه كاشف وحصل له طوارئ في نفس اليوم او تاني يوم حتى بيبقى محتاج يتبص عليه تاني لانه ممكن يبقى فيه جديد معاه طالما الاعراض اتغيرت........

07/08/2025

ياريت نخلي بالنا من اولادنا ونعرفهم الحلال والحرام من وهما صغيرين لأن اللي بيسرق نت النهارده وهو صغير بكره يكبر ويسرق حاجه اكبر..... امبارح اتفاجئت ان نت العيادة خلص واحنا اصلا مش بنستخدمه في حاجه غير في سيستم الحجوزات اللي اصلاً استهلاكه للبيانات قليل جدا وجدت الباقه امبارح النهارده في أقل من ٢٤ ساعه نستهلك ٢١ جيجا وافاجأ باحد الأصدقاء باعت لي صورة شباب صغير جداً قدروا يخترقوا الشبكه عندنا ويستعملوا الانترنت بتاعنا...... ياريتهم يوجهوا موهبتهم دي في حاجه مفيده وياريت الاهل تستغل قدرات اطفالها صح

17/07/2025

بيان رسمي من وزارة الصحة والسكان بشأن واقعة وفاة 5 أطفال بمحافظة المنيا

تؤكد وزارة الصحة والسكان، أنها قامت بمتابعة دقيقة لواقعة وفاة خمسة أطفال أشقاء من قرية دلجا بمركز دير مواس بمحافظة المنيا، وذلك يوم السبت الموافق 12 يوليو 2025، حيث تلقى قطاع الطب الوقائي والصحة العامة بلاغاً من مديرية الشؤون الصحية بالمحافظة، وتم التعامل مع الحادث بكل شفافية وسرعة.

وبعد إجراء تحقيقات ميدانية ومعملية دقيقة، شملت زيارة مستشفيات ووحدات صحية، مراجعة سجلات المرضى، تحليل بيانات الإبلاغ عن الأمراض المعدية، وزيارة منزل الأطفال والمنازل المجاورة، أكدت الوزارة عدم وجود أي زيادة في معدلات الأمراض المعدية بمحافظة المنيا أو بقرية دلجا، كما لم تُسجل أي إصابات بأمراض معدية بين الأب أو الأم أو الزوجة الثانية أو بنتها أو أيا من الأقارب أو الأسر المحيطة.

كما أكدت الوزارة أن نتائج التحاليل المعملية لعينات الدم والبول والسائل النخاعي، التي أُجريت بالمعامل المركزية للصحة العامة، أثبتت خلو الحالات من أي أمراض معدية، بما في ذلك التهاب السحايا الفيروسي أو البكتيري، كما أظهرت تحاليل عينات المياه من منزل الحالات مطابقتها للمواصفات، وتتولى جهات التحقيق حاليا التحقيق في الأسباب غير المرضية للوفاة، وتؤكد الوزارة أن الوضع الصحي العام في المنطقة مستقر ولا يوجد أي تهديد بأمراض وبائية أو معدية.

تطمئن وزارة الصحة والسكان، الرأي العام بأن جميع الإجراءات تمت وفق أعلى معايير الشفافية والدقة، مع احترام اختصاص الجهات القضائية في استكمال التحقيقات، وتجدد الوزارة التزامها بحماية صحة المواطنين ومتابعة أي تطورات بدقة وسرعة.

30/06/2025

ابنك اتخبط خبطة جامدة ..
وقع..
شرب او بلع دواء ..
اتحرق من حاجة ..
اتقرص من حاجة ..
جاله اغماء ..
نفسه مش مظبوط ..
حاسة انه عنده جفاف ..

حضرتك تتوجهي إلى الطوارئ..
مش تبعتي رسالة واتس او انستجرام !!

امانه مسؤوليتك انتي 👉🏼
تأخيرك للكشف على طفلك في الاحوال دي ،في اي دولة بالعالم، يعرضك للمساءلة القانونية، و ممكن ياخدوه منك عادي جدا في حركة زي دي

مش هتلاقي عندي رد على اي رسالة من دول الا كلمة واحدة :
" طوارئ 🚨 "

لانه لا يصح الا الصحيح!

زيارة للمستشفى و يطلع في الاخر مكانش في داعي للزيارة ، احسن مليون مرة من انه حضرتك تكسلي في صحة ابنك و تحصل له مشاكل احنا جميعا في غنى عنها 🙏🏼

منقول عن الزميل العزيز
د. وائل ابو الخير جزاه الله خيرا

28/03/2025

اللي قلعت ابنها حاجه تلبسها له تاني ❄️